Author: editor desk

जळगाव  : प्रतिनिधी  पंतप्रधान नरेंद्र मोदी यांच्या वाढदिवसानिमित्त १७ सप्टेंबर ते १७ ऑक्टोबर २०२६ या कालावधीत ‘सेवा संकल्प अभियान’ राबविण्यात येत आहे. या अभियानांतर्गत युवकांना त्यांच्या परिसरातच रोजगाराच्या संधी उपलब्ध करून देण्यासोबतच उद्योग व आस्थापनांना आवश्यक मनुष्यबळ उपलब्ध करून देण्याच्या उद्देशाने ‘रोजगार महाकुंभ-महाराष्ट्र’ अंतर्गत पंडित दीनदयाळ उपाध्याय रोजगार मेळावे आयोजित करण्यात येत आहेत. केवळ पदव्या आणि सर्टिफिकेट मिळवून आजच्या स्पर्धात्मक युगात यश मिळत नाही. प्रत्यक्ष उपयोगात येणारे कौशल्य आणि मिळविलेल्या ज्ञानाचा योग्य वापर यामुळेच युवकांना यशाच्या दिशेने वाटचाल करता येते. वेगाने बदलणाऱ्या तंत्रज्ञानाच्या आणि सामाजिक वातावरणाच्या काळात तरुणांनी स्वतःला सातत्याने अपडेट ठेवणे आवश्यक आहे, असे पोलीस अधीक्षक श्रीकांत धिवरे यांनी…

धरणगाव : प्रतिनिधी  शिवसेना प्रणित शिवशक्ती वाहतूक सेनेच्या धरणगाव तालुका कार्यकारिणीतील नवनियुक्त पदाधिकाऱ्यांना नियुक्तीपत्र प्रदान करण्यात आले. पालकमंत्री गुलाबरावजी पाटील यांच्या हस्ते पदाधिकाऱ्यांना नियुक्तीपत्र देण्यात आले. यावेळी शिवशक्ती वाहतूक सेनेचे राष्ट्रीय उपाध्यक्ष अशफाक शाह यांच्यासह संघटनेचे पदाधिकारी उपस्थित होते. धरणगाव तालुक्यात शिवशक्ती वाहतूक सेनेचे संघटन अधिक मजबूत करण्याच्या उद्देशाने विविध पदांवर कार्यकर्त्यांची नियुक्ती करण्यात आली. वाहतूक क्षेत्रातील कामगार, चालक, मालवाहतूकदार तसेच संबंधित घटकांच्या समस्या जाणून घेऊन त्या सोडविण्यासाठी संघटनेच्या माध्यमातून प्रभावीपणे काम करण्याचा निर्धार यावेळी व्यक्त करण्यात आला. यावेळी समाधान माळी यांची जिल्हा उपाध्यक्षपदी, सुनील राजेंद्र बिरले माळी यांची तालुका अध्यक्षपदी, दर्शन श्रीराम भोई यांची तालुका उपाध्यक्षपदी नियुक्ती करण्यात आली.…

नांदेड : वृत्तसंस्था  राज्यातील नांदेड  शहरातून एक हृदयद्रावक घटना उघडकीस आली आहे.  पती आणि दोन मुलांच्या मृत्यूनंतर मानसिक धक्क्यात असलेल्या शिक्षिकेचा उपचारादरम्यान मृत्यू झाल्याची हृदयद्रावक घटना नांदेड शहरातील सांगवी भागातील गोपाळनगर येथे घडली. धम्मशिला मोरे असे मृत शिक्षिकेचे नाव आहे. २६ सप्टेंबर रोजी त्यांच्या प्रकृतीची गंभीर अवस्था झाल्यानंतर रुग्णालयात उपचार सुरू होते. सोमवारी, २८ सप्टेंबर रोजी उपचारादरम्यान त्यांचा मृत्यू झाला. मिळालेल्या माहितीनुसार,  भोकर तालुक्यातील बेंबर येथील मूळ रहिवासी असलेले सुनील मोरे हे जिल्हा परिषद शाळेत शिक्षक होते. त्यांच्या पत्नी धम्मशिला मोरे यादेखील शिक्षिका होत्या. १७ जुलै रोजी सुनील मोरे यांनी त्यांच्या दोन मुलांसह कार गोदावरी नदीपात्रात नेल्याची घटना घडली होती. या घटनेत सुनील…

जळगाव : प्रतिनिधी  विमानतळ रोडवर विजेच्या खांबावर दुरुस्तीचे काम करत असताना अचानक वीजप्रवाह सुरू झाल्याने कंत्राटी कामगाराचा जागीच मृत्यू झाला. विजेचा जोरदार धक्का बसल्याने ३५ वर्षीय महेश देविदास अपार या कर्मचाऱ्याचा मृत्यू झाला. या धक्कादायक घटनेमुळे संपूर्ण जळगाव शहरात तीव्र संताप व्यक्त होत आहे. मिळालेल्या माहितीनुसार, महेश अपार हे नेहमीप्रमाणे विमानतळ रोड परिसरात विद्युत दुरुस्तीच्या कामासाठी खांबावर चढले होते. काम सुरू असतानाच अचानक तारांमध्ये हायव्होल्टेज प्रवाह सुरू झाला. विजेच्या तीव्र धक्क्याने महेश थेट खांबावरून रस्त्यावर कोसळले. त्यांना गंभीर अवस्थेत सहकारी आणि स्थानिक नागरिकांनी तत्काळ जळगाव जिल्हा शासकीय वैद्यकीय महाविद्यालय व रुग्णालयात दाखल केले; मात्र डॉक्टरांनी तपासणीअंती त्यांना मृत घोषित केले.…

मुक्ताईनगर : प्रतिनिधी  तालुक्यातील एका गावामध्ये सहा वर्षीय मुलीवर अत्याचार केल्याची घटना २७ सप्टेंबरला दुपारी साडेचार वाजता घडली. याप्रकरणी सतरा वर्षीय मुलावर मुक्ताईनगर पोलीस ठाण्यात पोस्को अंतर्गत गुन्हा दाखल करण्यात आलेला आहे. मिळालेल्या माहितीनुसार,   तालुक्यातील एका गावामध्ये घराचे बांधकाम सुरू असताना दोन्ही बहिणी लपंडाव खेळत होत्या. तर, दुसऱ्या माळ्यावर सहा वर्षीय मुलगी जाऊन लपली होती. याच ठिकाणी काम करत असलेल्या १७ वर्षीय मुलाने त्या मुलीवर अत्याचार केला. याप्रकरणी मुक्ताईनगर पोलीस ठाण्यामध्ये पोस्को कलमान्वये गुन्हा दाखल करण्यात आल्याची माहिती पोलीस निरीक्षक आशिष आडसूळ यांनी दिली

जळगाव : प्रतिनिधी  पैशांची मागणी करत पत्नीला मद्यपी पतीने मारहाण केली. पोलिसात तक्रार दिल्यास धावत्या रेल्वेतून तुला फेकुन देईल, बंदुकीने गोळी मारेल, असे धमकाविले. या जाचाला वैतागलेल्या पत्नीने पोलिसात जात पतीची कैफियत मांडली. या प्रकरणी पतीसह एका महिलेने  विरोधात शहर पोलीस ठाण्यात अदखलपात्र गुन्हा दाखल करण्यात आला. मिळालेल्या माहितीनुसार,  २७ वर्षीय विवाहिता मजुरी करुन कुटुंबाचा उदरनिर्वाह करते. तिचा पती मद्यपान करतो. मंगळवारी सकाळी नऊ वाजता मद्यप्राशन केलेला पती त्याच्या पत्नीला म्हणाला, घरात राहायचे असेल तर तु स्वतः कमाई करुन मला पैसे आणून दे. तरच मी तुला माझ्या घरात ठेवेल. आणि तु जर पैसे कमवुन आणुन देणार नाही, तर मी तुला घरात…

जळगाव : प्रतिनिधी  कुटुंबीय धार्मिक कार्यक्रमाला गेलेले असताना चोरट्यांनी घराच्या दरवाजाचे कुलूप, कडीकोयंडा तोडून रोख ३६ हजार ९०० रुपयांसह सोने-चांदीचे दागिने, मोबाईल, कपडे असा एकूण १ लाख ८० हजार रुपयांचा ऐवज चोरून नेला. हा प्रकार २७ सप्टेंबर रोजी गणपतीनगरात उघडकीस आला. या प्रकरणी रामांनद नगर पोलिस ठाण्यात अज्ञात चोरट्याविरुद्ध गुन्हा दाखल करण्यात आला आहे. मिळालेल्या माहितीनुसार, कॉस्मेटीक व्यावसायिक तुषार गोविदा गायकवाड (३६, रा. गणपती नगर) हे २६ सप्टेंबर रोजी रात्री अजिंठा रस्त्यावर एका ठिकाणी धार्मिक कार्यक्रमासाठी गेले होते. त्यावेळी चोरट्यांनी घराच्या दरवाजाचे कुलूप, कडीकोयंडा तोडून घरातून रोख ३६ हजार ९०० रुपयांसह सोने-चांदीचे दागिने, टी शर्ट, जीन्स, मोबाईल, बेन्टेक्सच्या अंगठ्‌या, कॉस्मेटीक…

जामनेर : प्रतिनिधी  तालुक्यातील पहूर येथून एक धक्कादायक बातमी समोर आली आहे. आई-वडील बाहेरगावी गेलेले असताना घरी कुणी नसल्याची संधी साधून महाविद्यालयीन विद्यार्थिनीने गळफास घेऊन आत्महत्या केल्याची घटना पहूर येथे २८ सप्टेंबरला दुपारी १२.३० वाजेच्या सुमारास घडली. मीनल सुनील पाटील (वय १८) असे मयत विद्यार्थिनीचे नाव आहे. मिळालेल्या माहितीनुसार, आई-वडील बाहेरगावी गेलेले असताना मीनल हिने घराची कडी आतून लावून घेतली होती. मीनलची आजी घरी आल्यावर दरवाजा उघडण्यास सांगितले. परंतु, बराच वेळ दरवाजा न उघडला नाही, तसेच आतून कोणताही प्रतिसाद मिळाला नाही. त्यामुळे त्यांनी शेजाऱ्यांना बोलावले. त्यानंतर, दरवाजा उघडला असता मीनल गळफास घेतलेल्या अवस्थेत आढळून आली. त्यानंतर तिला तातडीने पहूर ग्रामीण…

चाळीसगाव : प्रतिनिधी  तालुक्यातील करगाव गावाजवळ आश्रम शाळेच्या मागे गांव पांढरी शिवारातील तलावात गणपती विसर्जन करतेवेळी पाण्यात बुडून करगाव तांडा नंबर २ मधील ३० वर्षीय तरुणाचा पाण्यात बुडून मृत्यू झाल्याची घटना दि. २६ रोजी सायंकाळी ६ वाजेच्या सुमारास घडली आहे. चाळीसगाव ग्रामीण पोलीस स्टेशनला अकस्मात मृत्यूची नोंद करण्यात आली आहे. मिळालेल्या माहितीनुसार करगाव तांडा २ मधील ३० वर्षीय तरुण अनिल बुधा कुऱ्हाडे हा तरुण दि.२६ रोजी गांव पांढरी शिवारातील तलावात गणपती विसर्जनासाठी गेला होता. त्यावेळी तो पाण्यात बुडाल्याने चाळीसगाव ग्रामीण पोलीस स्टेशनचे सपोनि विजय माळी, एएसआय युवराज माळी, हवालदार प्रवीण सपकाळे, संदीप पाटील, पो.कॉ. बाविस्कर यांनी घटनास्थळी धाव घेवून ग्रामस्थांच्या…

यावल : प्रतिनिधी  तालुक्यातील वनोली-कोसगाव परिसरात गेल्या सहा महिन्यांपासून माकडांचा उपद्रव सुरू असून ग्रामस्थ त्रस्त आहेत. पंधरा दिवसांपूर्वी माकडाने अंगावर उड़ी मारल्याने खाली पडून गंभीर जखमी झालेल्या कौशल्याबाई साहेबराव पाटील यांचा दि. २७ सप्टेंबर रोजी औरंगाबाद येथे उपचारादरम्यान दुर्दैवी मृत्यू झाला. या घटनेने परिसरात शोककळा पसरली आहे. कौशल्याबाई यांच्या डोक्याला गंभीर दुखापत झाली होती. जळगाव येथे आठ-दहा दिवस उपचार केल्यानंतर त्यांना औरंगाबाद येथे हलविण्यात आले होते. मात्र उपचारादरम्यान त्यांचा मृत्यू झाला. मिळालेल्या माहितीनुसार,  वनोली-कोसगाव परिसरात माकडांचे कळप गावात शिरून घरांवर तसेच घरातही घुसत असल्याने नागरिकांमध्ये भीतीचे वातावरण आहे. वनविभागाचे कर्मचारी येऊन केवळ सूचना देतात; मात्र माकडांचा ठोस बंदोबस्त होत नसल्याची…