जळगाव : प्रतिनिधी घरी सोडण्याच्या बहाण्याने महिलेला रिक्षेत बसवून तिच्या गळ्यातील सोन्याची पोत जबरदस्तीने हिसकावून नेणाऱ्या तिघांच्या मुसक्या जळगाव स्थानिक गुन्हे शाखेने आवळल्या आहेत. सीसीटीव्ही फुटेज, तांत्रिक तपास आणि गोपनीय माहितीच्या आधारे एलसीबीने नशिराबाद परिसरातून तिघांना ताब्यात घेतले. त्यांच्याकडून सोन्याचे मंगळसूत्र आणि गुन्ह्यात वापरलेली रिक्षा असा एकूण १ लाख २५ हजार रुपयांचा मुद्देमाल जप्त करण्यात आला आहे. मिळालेल्या माहितीनुसार, २७ सप्टेंबर रोजी सायंकाळी चारच्या सुमारास संबंधित महिला भुसावळ शहरात बाजार करून पायी घरी जात होत्या. दगडी पुलाजवळील म्हसोबा मंदिर परिसरात त्यांच्याजवळ एक रिक्षा आली. रिक्षाचालकाने घरी सोडण्याचे सांगितल्याने महिला रिक्षेत मागील बाजूस बसल्या. याच संधीचा फायदा घेत रिक्षेतील दोन व्यक्तींनी त्यांच्या…
Author: editor desk
जळगाव : प्रतिनिधी शहराबाहेरील राष्ट्रीय महामार्गावरील पाळधी तरसोद बायपासवर भरधाव ट्रकने दुचाकीला जोरदार धडक दिल्याने दुचाकीस्वाराचा मृत्यू झाल्याची घटना दि.१ ऑक्टोबर रोजी रात्री सुमारे १० वाजता तरसोद फाट्याजवळ घडली. समाधान रमेश बाविस्कर (वय ३५, रा. कांचन नगर, जळगाव) असे मृत तरुणाचे नाव आहे. मिळालेल्या माहितीनुसार, समाधान बाविस्कर हे रात्रीच्या सुमारास आपल्या दुचाकीवरून तरसोद फाट्याकडून जात होते. यावेळी मागून आलेल्या भरधाव ट्रकने त्यांच्या दुचाकीला जोरदार धडक दिली. धडक एवढी तीव्र होती की, समाधान बाविस्कर यांना गंभीर दुखापत झाली. त्यात त्यांचा मृत्यू झाला. दरम्यान, अपघातानंतर संबंधित ट्रकचालकाने वाहन न थांबविता घटनास्थळावरून पलायन केले. घटनेची माहिती मिळताच पोलिसांनी घटनास्थळी धाव घेतली. परिसराची पाहणी…
जळगाव : प्रतिनिधी चाळीसगावच्या विकासाच्या दृष्टीने आणखी एक महत्त्वपूर्ण निर्णय झाला असून, महाराष्ट्र शासनाच्या गृह विभागाने चाळीसगाव येथे ३०० बंदी क्षमतेचे सर्व सोयी-सुविधायुक्त नवीन खुले जिल्हा कारागृह स्थापन करण्यास मान्यता दिली आहे. याबाबतचा शासन निर्णय १ ऑक्टोबर २०२६ रोजी जारी करण्यात आला आहे. हे खुले जिल्हा कारागृह चाळीसगाव शहराजवळील बिलाखेड शिवारात होणार असून राज्यातील मोजक्या खुल्या कारागृहांपैकी हे एक कारागृह असणार आहे. या मंजुरीसाठी आमदार मंगेशदादा चव्हाण यांनी सातत्याने शासनाकडे पाठपुरावा केला होता. आमदार मंगेश चव्हाण यांनी १५ जुलै २०२५ रोजी मुख्यमंत्री देवेंद्रजी फडणवीस यांना पत्र देऊन चाळीसगाव येथे कारागृह मंजूर करण्याची मागणी केली होती त्यानुसार माननीय मुख्यमंत्री महोदयांनी तात्काळ…
एरंडोल : प्रतिनिधी तालुक्यातील कासोदा येथील पाच तरुणांकडून नेहमी होणाऱ्या छेडखानीला कंटाळून आडगाव येथील १८ वर्षीय महाविद्यालयीन तरुणीने आत्महत्या केली होती. या संदर्भात कासोदा येथील ५ तरुणांना अटक करून जळगाव येथील विशेष कोर्टात हजर केले असता त्यांना पाच ऑक्टोबरपर्यंत पोलीस कोठडी सुनावण्यात आली आहे. मिळालेल्या माहितीनुसार, आडगाव येथील तरुणीने आत्महत्या केल्याची घटना २६ सप्टेंबरला घडली होती. याबाबत संशयित आरोपीविरुद्ध आत्महत्येस प्रवृत्त केल्याप्रकरणी महेश विठ्ठल मराठे (वय २१), अभिषेक सुनील उशिरे (वय २३), रोहित महेंद्र मोरे (वय २१), मनोज रामभाऊ गढरी (वय २१) आणि रुपेश आनंदा वारे (वय २१) यांच्यावर कासोदा पोलीस ठाण्यात गुन्हा दाखल करण्यात आला होता. या सर्व तरुणांना…
जळगाव : प्रतिनिधी पाळधी ते तरसोद बायपासलगत असलेल्या कचरा फॅक्टरी परिसरात एमडी ड्रग्जची विक्री करण्यासाठी आलेल्या ३५ गुन्हे दाखल असलेला सराईत गुन्हेगार अजय बिरजू गारुंगे (रा. तांबापुर, कंजरवाडा) याच्या स्थानिक गुन्हे शाखेच्या पथकाने जेरबंद केले. ही कारवाई दि. १ ऑक्टोंबर रोजी दुपारच्या सुमारास करण्यात आली असून त्याच्याकडून २ लाख १३ हजारांचे ६५ ग्रॅम एमडी ड्रग्ज हस्तगत करण्यात आले. नशामुक्त भारत अभियानातंर्गत पोलीस अधीक्षक श्रीकांत धिवरे यांनी जिल्ह्यात अवैध अंमली पदार्थांची विक्री, वाहतुक आणि सेवन वांचे समूळ उच्चाटन करण्यासाठी गोपनीय माहितीच्या आधारे संकलन करुन कारवाई करण्याच्या सूचना सर्व पोलीस अधिकाऱ्यांना दिल्या आहे. त्याच अनुषंगाने स्थानिक गुन्हे शाखेचे पोलीस निरीक्षक राहुल गायकवाड…
यावल : प्रतिनिधी किनगाव शिवारात विद्युत तार व केबल वायर चोरीप्रकरणी नाशिक कारागृहातील १० सशंवीतांना यावल पोलिसांनी पुन्हा दोन गुन्ह्यात अटक केली आहे. यासशयितांपैकी यावल न्यायालयात ६ तर भुसावळ न्यायालयात ४ जणांना हजर केले. दोन्ही न्यायालयांनी या सर्व १० जणांना दि. ३ ऑक्टोंबरपर्यंतची पोलिस कोठडी सुनावली. मिळालेल्या माहितीनुसार, किनगावपासून मालोद जाणारा रस्त्यावर शेत शिवारात विद्युत वितरण कंपनीचे तार चोरी प्रकरणात १० जणांना अटक केली होती. त्यांची पोलिस कोठडी संपल्यानंतर त्यांना नाशिक येथील मध्यवर्ती कारागृहात पाठवण्यात आले होते. दरम्यान बुधवारी रात्री यावल शेत शिवारातुन विद्युत तार चोरी प्रकरणी अनिल शिंदे यांनी यावल पोलिस ठाण्यात दाखल केलेल्या गुन्ह्यात नाशिक कारागृहातुन सुपडू हमजान…
जळगाव : प्रतिनिधी घराच्या परिसरात शतपावली करीत असतांना दुचाकीवरुन आलेल्या चोरट्यांनी लक्ष्मीबेन शंकरलाल पटेल (वय ७२, रा. राज केसर बंगलो गणपतीनगर) यांच्या गळ्यातून २० ग्रॅम वजनाची सोन्याची चैन जबरीने चोरुन नेली. ही घटना दि. १ ऑक्टोंबर रोजी सायंकाळी साडेसहा वाजता गणपती नगरातील जीएसटी भवनाजवळ घडली. याप्रकरणी रामानंद नगर पोलिसात गुन्हा दाखल करण्यात आला आहे. गळयतील चैन चोरट्यांनी ओढून नेल्यामुळे लक्ष्मीबेन पटेल यांनी आरडाओरड केली. मात्र तो पर्यंत चोरटे तेथून पसार झाले होते. दरम्यान, घटनेची माहिती रामानंद नगर पोलिसांना मिळाल्यानंतर पोलिसांनी घटनास्थळी धाव घेतली. याप्रकरणी रात्री अज्ञात चोरट्यांविरुद्ध गुन्हा दाखल करण्यात आला आहे. रामानंद नगर पोलिसांनी घटनास्थळी धाव घेत परिसरातील सीसीटीव्ही…
जळगाव : प्रतिनिधी शहरातील गव्हर्मेंट आयटीआयजवळील कचरा संकलन केंद्र अखेर बंद करून ते टीबी सेंटर येथील कचरा संकलन डेपोत स्थलांतरित करण्यात येणार आहे. विद्यार्थ्यांना दिलेल्या आश्वासनानुसार ही प्रक्रिया एका महिन्याच्या मुदतीत पूर्ण करण्याची माहिती उपमहापौर मनोज चौधरी व स्थायी समिती सभापती डॉ. चंद्रशेखर पाटील यांनी दिली. आयटीआय परिसरातील कचरा संकलन केंद्रामुळे विद्यार्थ्यांना तसेच परिसरातील नागरिकांना होत असलेल्या त्रासाचा मुद्दा काही दिवसांपूर्वी अखिल भारतीय विद्यार्थी परिषद (ABVP) आणि गव्हर्मेंट आयटीआयच्या विद्यार्थ्यांनी आक्रमकपणे उपस्थित केला होता. कचरा डेपो तातडीने हटविण्याची मागणी विद्यार्थ्यांनी केली होती. विद्यार्थ्यांच्या मागणीची दखल घेत मनपा आयुक्त आदित्य जीवने, महापौर दीपमाला काळे, उपमहापौर मनोज चौधरी आणि स्थायी समिती सभापती…
जळगाव : प्रतिनिधी गणपतीनगर परिसरातील बंद घराचे कुलूप तोडून रोख रक्कम, चांदी-सोन्याचे दागिने, मोबाईल, कपडे व कॉस्मेटिक साहित्य असा सुमारे १ लाख ८० हजार रुपयांचा मुद्देमाल लंपास करणाऱ्या दोन संशयितांना रामानंदनगर पोलिसांनी ताब्यात घेतले आहे. पोलिसांनी त्यांच्याकडून आतापर्यंत सुमारे १५ हजार रुपये किमतीचा मुद्देमाल हस्तगत केला आहे. गणपतीनगरातील गुरुनानक हौसिंग सोसायटी परिसरात तुषार गोविंदा गायकवाड यांचे घर आहे. दि. २६ सप्टेंबर रोजी रात्री साडेआठच्या सुमारास गायकवाड हे संपूर्ण कुटुंबासह घराला कुलूप लावून अजिंठा रोडवरील सुरभी लॉन येथे खाटूश्यामच्या कार्यक्रमासाठी गेले होते. कार्यक्रम आटोपून ते दुसऱ्या दिवशी रात्री अडीचच्या सुमारास घरी परतले. घरी आल्यानंतर त्यांना मुख्य दरवाजाचे कुलूप व कोंडा तुटलेल्या…
जळगाव : प्रतिनिधी शहरातील छोट्या व्यापाऱ्यांवरील निवडक अतिक्रमण कारवाई थांबवावी, मोठ्या व्यावसायिक प्रतिष्ठानांच्या अतिक्रमणांवर समान निकषाने कारवाई करावी, पार्किंगसाठी असलेल्या जागेतील बेकायदा दुकाने व व्यावसायिक वापर हटवावा, शहरातील रस्त्यांवरील खड्डे तातडीने बुजवावेत आणि जळगाव शहर स्वच्छ, सुंदर व नागरिकांना मूलभूत सुविधा देणारे शहर करावे, या विविध मागण्यांसाठी महाराष्ट्र नवनिर्माण सेनेच्या वतीने आज जळगाव महानगरपालिका इमारतीसमोर एकदिवसीय धरणे आंदोलन करण्यात आले. मनसेने यापूर्वी महानगरपालिका प्रशासनाकडे छोट्या व्यापाऱ्यांच्या प्रश्नांबाबत सविस्तर निवेदन दिले होते. आईस्क्रीम गाड्या, पाणीपुरी विक्रेते, भाजीपाला व फळ विक्रेते, हातगाडीवाले आणि अन्य लघुव्यावसायिकांवर कारवाई करण्यापूर्वी त्यांना पर्यायी जागा उपलब्ध करून द्यावी, अशी मागणी करण्यात आली होती. मात्र या मागण्यांवर प्रशासनाकडून…