Author: editor desk

धरणगाव : प्रतिनिधी बसस्थानकाच्या पाठीमागे राहणारे नागरिक बाहेरगावी गेल्याने त्यांच्या घरातील दरवाजाचे कुलूप तोडून कपाटातील दोन लाख रुपये चोरट्यांनी लांबविले. या घटनेने परिसरात एकच खळबळ उडाली आहे. मिळालेल्या माहितीनुसार, धरणगाव तालुक्यातील पाळधी येथील रुख्मिणीनगरात राहणारे गुलाब सुभाष सोनवणे हे हरिद्वार येथे गेले आहेत. त्यांचे घर बंद असल्याची संधी साधून चोरट्यांनी त्यांच्या पुढील दरवाजाचे कुलूप तोडून घरात प्रवेश केला. त्यांनी कपाट उघडून आत ठेवलेले २ लाख रुपये घेऊन मागील दरवाजाने पसार झाले. सकाळी त्यांच्या भावाला माहिती मिळताच त्यांनी पाळधी पोलिस चौकीत धाव घेतली, पोलिसांनी पाहणी केली व पंचनामा केला. हे पैसे प्लॉट घेण्यासाठी ठेवले होते. घटनास्थळी पोनि उद्धव ढमाले, सपोनि सचिन…

चोपडा : प्रतिनिधी  तालुक्यातील बुधगाव फाट्यावर एक लाख २० हजार रुपये किंमतीचा २० किलो गांजा पकडला असून आरोपी फरार झाला आहे. मिळालेल्या माहितीनुसार, तालुक्यातील हातेड बुधगाव फाट्यावर बुधवारी चोपडा ग्रामीण पोलिस व डीवायएसपी सुनील नंदवाळकर यांच्या पथकाने मिळालेल्या गुप्त माहितीच्या आधारे सायंकाळी पाच ते सहा वाजेच्या दरम्यान मोटारसायकलवरून १ लाख २० हजार रुपयांचा गांजा घेऊन जात असताना पकडला आहे. ५० हजार रुपयांचीदुचाकीही जप्त केली आहे. असा एकूण १ लाख ७० हजारांचा मुद्देमाल पोलिसांनी जप्त केला आहे. चोपडा ग्रामीण पोलिस ठाण्यात दि. २९ रोजी अज्ञात आरोपीविरोधात गुन्हा दाखल केला आहे. बुधगाव फाटा येथे ही कारवाई डीवायएसपी सुनील नंदवाळकर यांच्या पथकाने व…

एरंडोल : प्रतिनिधी  एका तरुण खासगी वाहन चालकाने आपल्या वाहनाच्या कॅरीला दोर बांधून गळफास घेतल्याची घटना मंगळवारी रात्री घडली. मिळालेल्या माहितीनुसार, राष्ट्रीय महामार्ग क्र. ६ वरील भवानी हॉटेलसमोरील महावितरण कार्यालयाकडे जाणाऱ्या रस्त्यावर एरंडोल वृंदावननगर येथील रहिवासी योगेश शांताराम देशमुख (३४) या तरुणाने त्याच्या स्वतःच्या मालकीची टाटा मॅजिक गाडीवरील कॅरीला दोर बांधून गळफास घेतला. योगेश देशमुख हा खासगी वाहनचालक असून, त्याने घर बांधण्यासाठी कर्ज घेतले होते. त्यातच शासनाने एस. टी. मध्ये महिलांना सवलत जाहीर केल्याने खासगी वाहन चालविणे जिकरीचे झाले होते. त्यामुळे तो कर्ज फेडू शकत नव्हता. या विवंचनेत असल्याची चर्चा सुरू आहे. योगेश हा अविवाहित होता. त्याच्या पश्चात वडील, बहीण…

मेष : आर्थिक बचत कामी येईल. नातेवाईक/मित्रमंडळी अचानक संध्याकाळी तुमच्या घरी अवतरतील आणि धमाल उडवून देतील. पूर्वी केलेल्या चुका माफ करून आणि आनंद देऊन तुम्ही तुमचे जीवन जगाल. तुमच्या कामाच्या ठिकाणी आज प्रेमाने भरलेले वातावरण राहील. वृषभ : इतरांबरोबर आनंद वाटून घेण्याने आपले आरोग्य बहरून जाईल. मालमत्ताविषयक कामे होतील आणि उत्तमपैकी नफा होईल. कुटुंबातील सदस्यांसमवेत वेळ घालवणे आनंदाचे निधान ठरेल. तुमच्यापुढे लग्नाचा प्रस्ताव आल्याने तुमचे ओझे कमी झाल्यासारखे वाटेल. कामच्या ठिकाणी तुम्हाला आज चांगला बदल झालेला दिसून येईल. मिथुन : आर्थिक स्थिती समाधानकारक. जोडीदाराबरोबर योग्य तो ताळमेळ साधल्यास तुमच्या घरी सुख-समृद्धी व शांतता नांदेल. तुम्ही सरळ उत्तरे दिली नाहीत तर…

मुंबई : वृत्तसंस्था देशभरात दिवाळीचा सण संपला असून आता लग्नसराईचा काळ सुरु झाला आहे या दिवसांमध्ये सोन्या-चांदीच्या दराला मोठ्या प्रमाणात मागणी असते. सोन्याच्या दरात सतत वाढ होत आहे. अशातच लग्नसमारंभात सोन्याचे दागिने खरेदी करण्याचा विचार करणाऱ्यांना अधिक किंमत मोजावी लागणार आहे. सध्याच्या परिस्थितीनुसार लग्नसराईत देशांतर्गत बाजारात सोन्याची मागणी अधिक प्रमाणात दिसून येत आहे. एचडीएफसीचे सिक्योरिटीजचे कमॉडिटी आणि करन्सी प्रमुख अनुज गुप्ता यांनी सांगितले की, शेअर बाजारातील चढउतारामुळे सोन्याचा भाव होऊ शकतो. लवकरच सोन्याचा दर हा ६७ हजारांपर्यंत जाऊ शकतो. आखाती देशातील युद्धाचा परिणाम हा सोन्या-चांदीच्या भावावर दिसून आला. दसऱ्याच्या काळात सोन्याचा भाव हा ६२ हजारांपर्यंत पोहोचला होता. अशातच आज सोन्याने…

नवी दिल्ली : वृत्तसंस्था देशात गेल्या काही वर्षापासून लग्नाच्या नावावर अनेक गुन्हेगारीसह चोरीच्या अनेक घटना घडत असतांना अशीच एक घटना हरियाणामधून समोर आली आहे. सासरी नांदायला आलेल्या नव्या नवरीने आपल्याच घरात चोरी केली आहे. पहाटे ४ वाजता नवरीने घरातील धनसंपत्ती लंपास केली आणि फरार झाली. या घटनेमुळे सासरच्या मंडळींचे मोठे नुकसान झाले असून संपूर्ण गावात या घटनेचीच चर्चा होतेय. मिळालेल्या अधिक माहितीनुसार, रेवाडी गावात राजकुमार शर्मा आपल्या लग्नामुळे तो फार खुश होता. घरात नवी नवरी आल्याने आनंदाचं वातावरण होतं. नवरीला पाहण्यासाठी संपूर्ण गावातून व्यक्ती तिला पाहण्यासाठी आणि भेट घेण्यासाठी येत होते. गावात सुंदर नवरीची चर्चा होती. पुढे ही चर्चा चोरीबाबत…

मुंबई : वृत्तसंस्था देशभरातील अनेक लोक विमानाने प्रवास करीत असता आता त्यांच्यासाठी हि महत्वाची बातमी असणार आहे. विमानाने प्रवास करणाऱ्यांच्या संख्येत विक्रमी वाढ होत असतानाच तांत्रिक कारणांनी विमाने जमिनीवरच विसावण्याची संख्यादेखील वाढली आहे. मार्च २०२४ पर्यंत २०० विमाने जमिनीवरच असतील, असा अंदाज विमान वाहतूक क्षेत्राशी निगडित संस्थेने वर्तवला आहे. भारतीय विमान क्षेत्रातील विविध कंपन्यांची मिळून एकूण ७९० विमाने आहेत. यापैकी इंजिनमधील बिघाड व अन्य तांत्रिक कारणांमुळे १६० विमाने यापूर्वीच जमिनीवर आहेत. यात आणखी भर पडल्यानंतर ५८८ च्या आसपास विमाने केवळ प्रवाशांच्या वाहतुकीसाठी उपलब्ध असणार आहेत. स्पाइस जेट व एअर इंडियाची प्रत्येकी ३० विमाने उड्डाणापासून बाहेर आहेत. त्यात इंडिगोच्या विमानांची भर…

सांचोर : वृत्तसंस्था प्रेमात वेडा झालेले प्रेमीयुगुल कधी काय करतील हे कुणीही सांगू शकत नाही. असाच एक धक्कादायक प्रकार राजस्थानच्या सांचोर जिल्ह्यातील चितलवाना पोलीस स्टेशन परिसरातून समोर आला आहे. रविवारी सायंकाळी प्रेयसीला भेटण्यासाठी आलेल्या तरुणाला बेदम मारहाण करण्यात आली. घटनेची माहिती मिळताच पोलिसांनी घटनास्थळ गाठून तरुणाला रुग्णालयात नेले, तेथे त्याचा मृत्यू झाला. जिल्हा पोलीस अधीक्षक सागर राणा यांनी काही लोकांना ताब्यात घेण्यात आल्याची माहिती दिली. रविवारी रात्री उशीरा ही घटना घडली. नरेंद्र धोबी हा त्याच्या गर्लफ्रेंडला भेटण्यासाठी रात्री गुपचूप तिच्या घरी पोहोचला होता. नरेंद्र गर्लफ्रेंडला भेटत असताना तरुणीच्या कुटुंबीयांनी आणि ओळखीच्या लोकांनी त्याच्यावर हल्ला केला. मुलीच्या घरच्यांनी नरेंद्रला पकडून बेदम…

नाशिक : वृत्तसंस्था सामनगाव रोडवरील भागवत किराणा दुकानासमोर भरधाव दुचाकीने दिलेल्या धडकेत ८३ वर्षीय जेष्ठ नागरिकाचा मृत्यू झाला. या अपघातानंतर दुचाकीस्वार पसार झाला असून पोलिस त्याचा शोध घेत आहे. याप्रकरणी नाशिकरोड पोलिस ठाण्यात गुन्हा दाखल करण्यात आला आहे. मिळालेल्या माहितीनुसार, सामनगाव रोड येथील भोर मळातील रहिवासी निवृत्ती बाबुराव भोर (वय ८३) असे मृत जेष्ठ नागरिकांचे नाव आहे. भोर हे सामनगाव रोडवरील भागवत किराणा दुकानासमोर रस्त्याच्या कडेला उभे असताना हा अपघात झाला होता. भरधाव आलेल्या अज्ञात दुचाकीने त्याना जोरदार धडक दिली. या अपघातात त्याचा मृत्यू झाला. या घटनेनंतर हवालदार पुंडलिक ठेपणे यानी दिलेल्या फिर्यादीनुसार गुन्हा दाखल करण्यात आला आहे. पुढील तपास…

मालेगाव : वृत्तसंस्था शहरात गावठी कट्टा, तलवार, चॉपरसह ३ संशयितांना पोलिसांनी अटक केली असून ४ जण फरार झाले आहे. काही तरुण दरोडा टाकण्याच्या तयारीत शहरात आल्याची गुप्त माहिती मिळाल्यानंतर पोलिसांनी या तीन जणांना गजाआड केले. मिळालेल्या माहितीनुसार, पवारवाडी पोलिसांना ही कारवाई करतांना अगोदर काही ठिकाणी पोलिसांनी छापा टाकला. त्या ठिकाणी ३ संशयितांना पोलिसांनी ताब्यात घेतले. तर इतर ४ जण अंधाराचा फायदा घेत पळून गेले. ताब्यात घेतलेल्या संशयितांकडून पोलिसांनी एक गावठी कट्टा, एक तलवार, एक चॉपर असा मुद्देमाल जप्त केला आहे. अटक केलेल्या या तीन जणांची पोलिस कसून तपासणी करत आहे. तर फरार तीन जणांचा शोध घेत आहे.