चोपडा : प्रतिनिधी
तालुक्यात शनिवारी कोरोना बाधित दोन रुग्ण आढळून आल्याने वैद्यकीय यंत्रणा अलर्ट झाली असून या दोघांवर चोपडा उपजिल्हा रुग्णालयातील विशेष कक्षात (आयसोलेशन) उपचार सुरू आहेत. उद्यापासून नवीन वर्ष सुरु होत असल्याने आता जनतेला नव्या वर्षात काळजी घेणे महत्वाचे राहणार आहे.
मिळालेल्या माहितीनुसार, दोन्ही बाधित रुग्ण ३५ ते ३७ वयोगटातील महिला असून त्यांना कोरोनाची सौम्य लक्षणे आहे. त्यांचे नमुने जिल्हा रुग्णालयात तपासणीसाठी पाठविण्यात आले आहेत. गेल्या आठवड्यापासून चाचण्या वाढवल्या असून दवाखान्यात येणाऱ्या प्रत्येक रुग्णाची तपासणी करण्यात येत आहे.
