Author: editor desk

जळगाव : प्रतिनिधी  खांबावर काम करताना विजेचा धक्का लागून किरण दत्तात्रय सपकाळे (वय ४२, रा. आशाबाबा नगर) या वायरमनचा मृत्यू झाला. ही घटना शनिवारी दि. २४ ऑक्टोबर रोजी एमआयडीसी परिसरात घडली. याप्रकरणी पोलीसात अकस्मात मृत्यूची नोंद करण्यात आली आहे. मिळालेल्या माहितीनुसार,  शहरातील आशाबाबा नगरात राहणारे किरण सपकाळे हे महावितरणमध्ये वायरमन म्हणून कामाला होते. शनिवारी एमआयडीसी परिसरातील भारत पेट्रोलियम प्लांटपासून काही अंतरावर असलेल्या वीज खांबावर ते दुरुस्तीचे काम करत होते. त्या वेळी त्यांना अचानक विजेचा जोरदार धक्का लागला व ते खांबावरुन थेट खाली कोसळले. हा प्रकार त्यांच्यासोबत असलेल्या कर्मचाऱ्यांच्या लक्षात येताच त्यांना शासकीय वैद्यकीय महाविद्यालय व रुग्णालयात दाखल केले असता डॉक्टरांनी मृत…

जळगाव : प्रतिनिधी  शहरातील गोदावरी अभियांत्रिकी महाविद्यालयाजवळ एका तरुणावर कोयता व तलवारीने प्राणघातक हल्ला केल्याची घटना घडली. या प्रकरणी जळगाव एमआयडीसी पोलिसांनी तातडीने तपासाची चक्रे फिरवत अवघ्या १२ तासांत तीन आरोपींना अटक केली आहे. आनंद हरी पाटील (वय २४), हर्षल रवींद्र शिंदे (वय २०) आणि गौरव विनोद पाटील (वय २०), अशी अटक करण्यात आलेल्या आरोपींची नावे आहेत. शुक्रवार, दि. २३ ऑक्टोबर २०२६ रोजी सकाळी सुमारे ८ वाजण्याच्या सुमारास गोदावरी अभियांत्रिकी महाविद्यालयाजवळील परिसरात हा प्रकार घडला. खेडी येथील रहिवासी किशोर माधवराव बाविस्कर (वय ४१) हे धंदा भंगार व पानटपरीचा व्यवसाय करतात. संशयितांनी त्यांच्याकडे पान-सिगारेट मागितली असता त्यांनी ती देण्यास नकार दिला.…

भुसावळ : प्रतिनिधी  फेकरी परिसरातील एका महिलेच्या घरात शिरुन त्यांचा विनयभंग, सुरीने हल्ला करुन सोन्याची चैन हिसकावल्याची धक्कादायक घटना समोर आली आहे. तर, महिलेच्या मदतीला धावलेल्या शेजाऱ्यावरही सुरीने हल्ला केल्याचा आरोप आहे. या प्रकरणी देवेंद्र अशोक सरवटकर उर्फ डेव्हिड याच्याविरुद्ध भुसावळ तालुका पोलीस ठाण्यात भारतीय न्याय संहितेच्या आठ कलमांनुसार गुन्हा दाखल करण्यात आला आहे. तक्रारदार ३५ वर्षीय महिला या फेकरी परिसरात आपल्या सासू आणि दोन मुलांसह राहतात. त्यांच्या पतीचे निधन झाल्यानंतर त्या कुटुंबाचा उदरनिर्वाह करतात. दरम्यान, २१ ऑक्टोबरला दुपारी दोन वाजता संशयित आरोपी दारूच्या नशेत महिलेच्या घराच्या गेटजवळ आला आणि अश्लील शिवीगाळ करू लागला. तर, सायंकाळी ७.३० वाजता संशयित धारदार…

पारोळा : प्रतिनिधी  शहरातील महामार्गावर असलेल्या तलाठी कॉलनीजवळ पिकअप गाडीने दुचाकीस्वार तरुणाला धडक दिल्याने २६ वर्षीय तरुणाचा जागीच मृत्यू झाल्याची घटना २२ रोजी सायंकाळी ७ वाजता घडली. मिळालेल्या माहितीनुसार, पारोळा शहरातील महार्गाजवळ २२ रोजी सायंकाळी ७ वाजता तालुक्यातील म्हसवे येथील विशाल संजय पाटील (वय २६) हे दुचाकी (एमएच- १९, डीसी- ६९६८) ने पारोळा येथे कामानिमित्त येत येत होते. तर, पारोळ्याकडून जळगावाकडे जाणारी पिकअप गाडी (एमएच ४७, एबी-५९३२) ने तलाठी कॉलनीजवळ दुचाकीवर असलेल्या विशाल पाटील यास जबर धडक दिली. या दुर्दैवी अपघातात विशालच्या डोक्याला गंभीर इजा झाल्याने त्यांचा जागेवरच मृत्यू झाल्याची घटना घडली होती. दरम्यान, घटनेनंतर पिकअप गाडीचा चालक फरार झाला…

पाचोरा : प्रतिनिधी  पिंपळगाव गोलाईत येथील शिवारातून चोरीस गेलेली बैलजोडी हस्तगत करण्यात पाचोरा पोलिसांना यश आले आहे. या प्रकरणात पोलिसांनी चोरीस गेलेली बैलजोडी आणि गुन्ह्यात वापरण्यात आलेला टेम्पो असा एकूण २ लाख ८५ हजार रुपयांचा मुद्देमाल जप्त केला आहे. या प्रकरणी चार जणांविरुद्ध गुन्हा दाखल करण्यात आला असून, पुढील तपास सुरू आहे. पोलिसांकडून मिळालेल्या माहितीनुसार, दि. ४ ऑक्टोबर २०२६ रोजी रात्री सुमारे १२ वाजण्याच्या सुमारास पिंपळगाव गोलाईत शिवारातील शेतगट क्रमांक १०५ मधील शेतातून मावळी जातीचे, पांढऱ्या रंगाचे, सरळ व लांब शिंगे असलेले, अंदाजे ७ ते ८ वर्षे वयाचे दोन बैल चोरीस गेले होते. या बैलजोडीची किंमत सुमारे २ लाख ५…

धरणगाव : प्रतिनिधी  येथील कल्पिताताई पाटील फाउंडेशन व राष्ट्रवादी काँग्रेस शरदचंद्र पवार पक्ष यांच्या वतीने दि. २२/१०/२६ गुरुवार रोजी “रथोत्सवात” सहभागी लेझीम पथक, ढोल पथक व शालेय पथकांचा सत्कार लोकनियुक्त नगराध्यक्षा लिलाताई सुरेश चौधरी व मान्यवरांच्या हस्ते पुष्पगुच्छ व स्मृतिचिन्ह देऊन उत्साहात संपन्न झाला. याबाबत सविस्तर वृत्त असे की, धरणगाव शहरातील वैभवसंपन्न परंपरा लाभलेल्या श्री बालाजी वहन व्यवस्थापक मंडळ यांच्या वतीने आयोजित अनेक भाविकांचे श्रद्धास्थान असलेल्या “बालाजी महाराजांच्या रथोत्सवात” सहभागी लेझीम पथक, ढोल पथक व शालेय पथकांचा सत्कार समारंभ मेन रोड कोट बाजार गणेश पान सेंटरजवळ उत्साहात पार पडला. रथ उत्सवात सहभागी भाविकांचे आयोजकांच्या वतीने शब्दसुमनांनी स्वागत करण्यात आले. गावातील…

मुंबई : वृत्तसंस्था  राज्य शासनाच्या ‘पुण्यश्लोक अहिल्यादेवी होळकर शेतकरी कर्जमुक्ती योजना-२०२६’ ची राज्यभरात अंमलबजावणी सुरू आहे. या योजनेची चौथी यादी जाहीर करण्यात आली असून, यामध्ये एकापेक्षा अधिक बँकांमध्ये कर्ज खाती असलेल्या आणि २ लाख रुपयांपेक्षा कमी थकबाकी असलेल्या १ लाख १५ हजार ६९७ पात्र शेतकऱ्यांचा समावेश करण्यात आला आहे. ही यादी आता आधार प्रमाणीकरणासाठी प्रसिद्ध करण्यात आली असल्याची माहिती बाबासाहेब पाटील यांनी दिली आहे. या योजनेच्या प्रगतीबाबत माहिती देताना बाबासाहेब पाटील यांनी सांगितले की, बँकांनी महाआयटीने तयार केलेल्या पोर्टलवर एकूण ३१.१७ लाख थकीत कर्जखात्यांची माहिती अपलोड केली होती. संगणकीय प्रक्रिया आणि आधार प्रमाणीकरण पूर्ण झालेल्या शेतकऱ्यांपैकी १५.८५ लाख पात्र लाभार्थ्यांच्या…

पाचोरा : प्रतिनिधी  शहरातून भोजे येथे रेशनचे धान्य घेवून जाणारा ट्रक अचानक उलटला. या दुर्दैवी अपघातात ट्रकच्या मागे पोत्यांवर बसलेल्या हमालाचा दुर्दैवी मृत्यू झाल्याची घटना गुरुवारी दुपारी घडली. या घटनेमुळे परिसरात शोककळा पसरली आहे. मिळालेल्या माहितीनुसार,  पाचोरा येथून वरखेडी मार्गे भोजे येथे रेशनिंगचे धान्य घेवून जाणारा आयशर ट्रक (एमएच १९, १९४७) हा वळणावरील कठडे नसलेल्या नाल्यात उलटल्याची घटना गुरूवारी दुपारी २.३० वाजता घडली. या वेळी ट्रकमध्ये चालकासह तीन हमाल बसलेले होते. तर हमाल गहू आणि तांदुळाच्या कद्वयांवर बसलेले होते. या पैकी संभाजी केरप्पा बावचे (रा. गिरणा पंपिंग रोड, गोकुळधाम समोर, पाचोरा) यांचा गव्हाच्या गोण्यांखाली दबले गेल्याने दुर्दैवी मृत्यू झाल्याची घटना…

जळगाव : प्रतिनिधी  शहरातील शनिपेठ पोलीस ठाण्याचे पोलीस निरीक्षक डॉ. विशाल जयस्वाल यांची पोलीस मुख्यातील नियंत्रण कक्षात बदली करण्यात आली आहे. याबाबतचे आदेश पोलीस अधीक्षक श्रीकांत धिवरे यांनी गुरुवार दि. २२ ऑक्टोंबर रोजी सायंकाळच्या सुमारास काढले. अचानक झालेल्या या बदलीमुळे पोलीस दलात खळबळ माजली आहे. जिल्ह्यात शनिपेठ पोलीस ठाणे हे अतिसंवेदनशील म्हणून ओळखले जाते. वर्षभरापुर्वी रावेर येथून बदली होवून आलेले डॉ. विशाल जयस्वाल यांची शनिपेठ पोलीस ठाण्याच्या प्रभारी पदी नियुक्ती करण्यात आली होती. गुरुवारी सायंकाळच्या सुमारास पोलीस निरीक्षक डॉ. विशाल जयस्वाल यांची पुढील आदेश होईपर्यंत पोलीस मुख्यालयातील नियंत्रण कक्षात बदली करण्यात आली आहे. त्यांच्या बदलीचे कारण अस्पष्ट असून याबाबतचे आदेश…

चाळीसगाव : प्रतिनिधी  कमी शिकल्याचा गैरफायदा घेत विश्वास संपादन करून बनावट ओळखपत्र तयार केले आणि एका व्यक्तीच्या नावावर १५ लाख ८५ हजार रुपये किमतीची थार गाडी खरेदी केल्याचा प्रकार चाळीसगावात उघडकीस आला आहे. याप्रकरणी चौघांविरुद्ध चाळीसगाव शहर पोलिस ठाण्यात फसवणुकीचा गुन्हा दाखल करण्यात आला आहे. याबाबत भिकन देवराम पाटील (रा. वाघडू, ता. चाळीसगाव) यांनी दिलेल्या तक्रारीनुसार विशाल चौधरी (रा. टाकळी प्र.चा.), भूषण चौधरी (पूर्ण नाव व गाव माहीत नाही) आणि विशालचे अन्य दोन मित्र यांनी संगनमत करून त्यांच्या नावाने बनावट ओळखपत्र तयार केले. या कागदपत्रांच्या आधारे थार गाडी खरेदीसाठी १५ लाख ८५ हजार रुपयांचे कर्ज मंजूर करून घेतल्याचा आरोप आहे.…