भारत सरकार नोंदणीकृत संस्थेचे प्रमाणपत्र प्राप्त; महिला पदाधिकाऱ्यांच्या नेतृत्वात समर्थ वाटचाल अमळनेर: प्रतिनिधी तालुक्यातील कोंढावळ येथील ‘श्री संत सोपान काका भजनी मंडळ’ हे केवळ भक्तीचे केंद्र न राहता, ग्रामीण भागात समाजपरिवर्तनाचे एक सशक्त माध्यम बनले आहे. भक्तीचा अखंड जागर ठेवत या भजनी मंडळाने संस्कृतीचे जतन, अंधश्रद्धा निर्मूलन, व्यसनमुक्ती आणि स्वच्छतेविषयी जनजागृतीचे उल्लेखनीय कार्य अविरतपणे सुरू ठेवले आहे. विशेष म्हणजे, हे भजनी मंडळ आता शासकीय नियमांनुसार अधिकृतरीत्या नोंदणीकृत (Registered) झाले असून मंडळातील वारकऱ्यांना भारत सरकार नोंदणीकृत संस्थेचे अधिकृत प्रमाणपत्र देखील डॉ. सुप्रिम महाराज पाटील यांच्या माध्यमातून प्राप्त झाले आहे. मंडळाच्या वतीने कोंढावळ येथील श्री विठ्ठल रुक्मिणी मंदिरात दररोज रात्री नित्यनेमाने हरिपाठ…
Author: editor desk
जळगाव : प्रतिनिधी वनदाव्यांसह इतर मागण्यांकरीता लोक संघर्ष मोर्चातर्फे आदिवसी बांधवांनी जिल्हाधिकारी कार्यालयावर मोर्चा काढून तेथे पाच दिवस विना परवानगी धरणे आंदोलन केले. तसेच आकाशवाणी, स्वातंत्र्य चौकात रस्तारोको करुन सार्वजनिक रहदारीस अडथळा निर्माण केल्याप्रकरणी जिल्हापेठ पोलिस ठाण्यात लोक संघर्ष मोर्चाचे उपाध्यक्ष सचिन धांडे यांच्याविरुद्ध तीन वेगवेगळे गुन्हे दाखल करण्यात आले आहे. आदिवसी बांधवांच्या न्याय व हक्कासाठी दि. १२ ऑक्टोंबर रोजी लोकसंघर्ष मोर्चातर्फे जिल्हाधिकारी कार्यालयावर मोर्चा काढण्यात आला होता. मोर्चानंतर जिल्हाधिकारी कार्यालयासमोर धरणे आंदोलन सुरु केले. सुमारे पाच दिवस सुरु असलेल्या आंदोलनात दि. १४ ऑक्टोंबर रोजी लोक संघर्ष मोर्चाचे उपाध्यक्ष सचिन धांडे यांनी आदिवसांची बांधवांना घेवून शहरातील आकाशवाणी व स्वातंत्र्य चौकात…
जळगाव : प्रतिनिधी हर्बल लाईफ कंपनीत गुंतवणुकीचे अमिष दाखवून १ कोटी २३ लाखात फसवणूक करणारा मुख्य संशयित दीपक रुपानी हा दुरंतो एक्सप्रेसने प्रवास करीत असल्याची माहिती आर्थीक गुन्हे शाखेच्या पथकाला मिळाली. दरम्यान, त्याचा रेल्वेत पाठलाग सुरु असतांना बडनेरा रेल्वे स्टेशनवर गाडीचा वेग कमी होताच रुपानी हा गाडीतून उडी मारुन पळून जात असतांना पोलिसांनी त्याला पाठलाग करीत मुसक्या आवळल्या. हर्बल लाईफ कंपनीत गुंतवणुकीचे अमिषदाखवून १ कोटी २३ लाख ८६ हजारात फसवणुक करण्यात आली होती. या गुन्ह्यातील मुख्य संशयित दिपेश रुपानी हा गेल्या वर्षभरापासून फरार होता. त्याचा आर्थीक गुन्हे शाखेकडून राजस्थान, जोधपुर, अमरावती, खामगाव व बडनेरा या ठिकाणी वेळोवेळी शोध घेतला. मात्र…
अमळनेर : प्रतिनिधी शहरातील त्रिमुर्ती नगरमधील महिलेसह तालुक्यातील जानवे येथील महिलेने गळफास घेवून आत्महत्या केल्याप्रकरणी अमळनेर पोलिसांत अकस्मात मृत्युची नोंद करण्यात आली आहे. मिळालेल्या माहितीनुसार, तालुक्यातील जानवे येथील विजय गोविंदा कढरे यांची पत्नी रत्ना विजय कढरे यांनी १८ रोजी दुपारी दीड वाजता लोखंडी पाईपाला दोरी बांधून गळफास घेतला होता. त्यानंतर त्यांना खाली उतरवून जानवे येथील प्राथमिक आरोग्य केंद्रात दाखल केले. तेथून अमळनेर येथे उपचारार्थ पाठवले असता डॉक्टरांनी त्यांना मृत घोषित केले. या प्रकरणी अकस्मात मृत्युची नोंद करण्यात आला आहे. तपास हेडकॉन्स्टेबल मुकेश साळुंखे करत आहेत. दरम्यान, शिरूड नाका येथील त्रिमुर्ती नगरमधील कविता अशोक मराठे हिने १८ रोजी सायंकाळी ५ वाजेच्या सुमारास…
चोपडा : प्रतिनिधी शहरातील धनवाडी रोडवरील ग्रामसेवक कॉलनी परिसरातील शशिकांत नगर येथे विनापरवाना गावठी कट्टा व जिवंत काडतुसे बाळगणाऱ्या २४ वर्षीय तरुणाला चोपडा शहर पोलिसांनी अटक केली. १९ ऑक्टोबरला केलेल्या या कारवाईत कार, अग्निशस्त्र, काडतुसे, मोबाईल फोन व अन्य साहित्य असा एकूण ८ लाख ३० हजार रुपयांचा मुद्देमाल जप्त करण्यात आला. पोलिसांना सार्वजनिक ठिकाणी एक व्यक्ती बेकायदेशीररीत्या अग्निशस्त्र बाळगून असल्याची माहिती मिळाली होती. त्यानुसार पोलिसांनी पंचांसमक्ष कारवाई करत जयेश दिलीप पाटील (वय २४, रा. सुरत, गुजरात) याची झडती घेतली. त्याच्याकडून गावठी कट्टा, चार जिवंत काडतुसे, ९ एमएमची चार रिकामी काडतुसे, पाच मोबाईल फोन व सिमकार्ड असा मुद्देमाल जप्त केला. याशिवाय…
जळगाव : प्रतिनिधी महिलांच्या अंगावर दुचाकीचा लाईट का चमविती याचा जाब विचारल्याने दोध तरुणांवर धारदार शस्त्राने हल्ला केला. यामध्ये किरण विठ्ठल पाटील (वय ४०) या तरुणाचा मृत्यू झाला, तर किशोर छगन पाटील (वय ४६, दोघ रा. माऊलीनगर) हे गंभीर जखमी झाले. ही घटना मंगळवार दि. २० ऑक्टोंबर रोजी रात्री १० वाजेच्या सुमारास भुसावळ रस्त्यावरील माऊली नगरात घडली. जखमीवर जिल्हा रुग्णालयात उपचार सुरु असून त्याची प्रकृती चिंताजनक असून पोलिसांनी तपासचक्र फिरवित काही वेळातच दोन संशयितांना वाव्यात घेतले आहे. जखमी किशोर पाटील यांनी दिलेल्या माहितीवरुन, शहरातील भुसावळ रस्त्यावरील माऊली नगरात किरण पाटील है वास्तव्यास असून ते सुप्रिम कंपनीत नोकरीस आहे. ते परिसरात…
जळगाव : प्रतिनिधी धान्य खरेदीसाठी त्याची रक्कम दिल्यानंतर मका न पाठविता पी. व्ही. सुरेश (रा. चेन्नई) या व्यापाऱ्याची २१ लाख ९४ हजार रुपयांमध्ये फसवणूक करण्यात आली. ही घटना दि. २८ सप्टेंबर ते दि. १५ ऑक्टोबर दरम्यान घडली. या प्रकरणी सायबर पोलिस ठाण्यात गुन्हा दाखल करण्यात आला आहे. चेन्नई येथील धान्य व्यापारी पी. व्ही. सुरेश यांना फेसबुकवर एक पोस्ट दिसली. त्यामध्ये असलेल्या मोबाईल क्रमांकावर श्यामलाल नामक व्यक्तीशी त्यांनी संपर्क साधला असता त्याने अमळनेर येथे मका असल्याचे सांगितले. त्यामुळे व्यापारी अमळनेर येथे आले होते. अमळनेर येथील गोदामाजवळ विशाल शुक्ला व अविनाश पाटील हे दोन जण भेटले. त्यांनी सुरेश यांना मका दाखविला व…
जळगाव : प्रतिनिधी बांभोरीजवळील गिरणा नदीच्या पुलावरुन जळगावकडे जाणाऱ्या भरधाव ट्रालाने समोरुन येणाऱ्या कारला जोरदार धडक दिली. या अपघातात कारमधील पंकज चौधरी, हरिष चौधरी व रविंद्र चौधरी (तिघ रा. झुरखेडा, ता. धरणगाव) हे तिघ जागीच ठार झाल्याची घटना रविवारी रात्री ९ वाजता बांभोरी पुलाजवळ घडली. याप्रकरणी ट्राला चालक अनुपम गोविन्द प्रजापती (रा. रतनावे, पोस्ट भरौली, ता. बुढनपूर, जि. आजमढ, उत्तरप्रदेश) याच्याविरुद्ध मनुष्य वधाचा गुन्हा दाखल करण्यात आला असून त्याला अटक करण्यात आली आहे. यावल तालुक्यातील वनोली येथे साईबाबा मंदिरावर भंडाऱ्याचा कार्यक्रम असल्याने झुरखेडा येथील सुशिल चौधरी हे त्यांचे नातेवाईक गौरव चौधरी, जगदिश पाटील, विजय चौधरी, गणेश पाटील हे त्यांच्या (एमएच…
चाळीसगाव: प्रतिनिधी गौताळा अभयारण्यातील काळवीट विक्री प्रकरणाच्या अटक प्रक्रियेदरम्यान वरिष्ठ वनपरिक्षेत्र अधिकाऱ्याशी धक्काबुक्की करणे, अश्लील भाषेचा वापर करणे तसेच वनमजुराला पळून जाण्यास मदत केल्याचा ठपका ठेवत वनरक्षक विवेक गोकूळ सोनवणे याला निलंबित करण्यात आले आहे. या प्रकरणाची पुढील चौकशी सुरू आहे. वनरक्षक विवेक सोनवणे आणि वनमजूर सुभाष शिवाजी कुऱ्हाडे यांच्या संगनमताने काळवीट विक्रीच्या उद्देशाने हालचाली सुरू असल्याची गोपनीय माहिती मिळाल्याचा दावा क्राईम अँड करप्शन कंट्रोल असोसिएशनने केला आहे. याबाबत वरिष्ठ वनाधिकाऱ्यांना माहिती देण्यात आली होती. काळविटच्या सुटकेसाठी कारवाई सुरू असताना वनमजुराला कार्यालयात आणण्याची जबाबदारी वनरक्षकावर होती. मात्र, याच प्रक्रियेदरम्यान वरिष्ठ अधिकाऱ्याशी गैरवर्तन झाल्याचा आरोप आहे. दरम्यान, वनमजुराने आपल्यावर खोटा गुन्हा…
जळगाव : प्रतिनिधी शहरातील कचरा संकलन आणि मोजणीची प्रक्रिया अधिक सुव्यवस्थित करण्यासाठी जळगाव शहर महानगरपालिकेचे उपमहापौर मनोज सुरेश चौधरी यांनी प्रशासनाला महत्त्वाचे निर्देश दिले आहेत. टी.बी. हॉस्पिटल येथील रॅम्पचे काम पूर्ण झाले असून, आयटीआयजवळील सुरू असलेला रॅम्प तातडीने बंद करून टी.बी. हॉस्पिटल येथील रॅम्पवर कचरा संकलन व मोजणीचे काम सुरू करण्याची मागणी त्यांनी आयुक्तांकडे केली आहे. उपमहापौर मनोज चौधरी यांनी यासंदर्भात महानगरपालिका आयुक्तांना लेखी निवेदन दिले आहे. शहरातील विविध तीन ठिकाणी कचरा संकलन व मोजणीसाठी रॅम्प उभारण्याचे काम सुरू आहे. या कामांची प्रत्यक्ष पाहणी केली असता, टी.बी. हॉस्पिटल येथील रॅम्पचे काम पूर्ण झाल्याचे निदर्शनास आले आहे. मात्र, आयटीआयजवळील रॅम्प अद्याप…