जळगाव : प्रतिनिधी दुचाकीने यावलला जात असतांना तोल जावून पडल्यामुळे ज्योती प्रकाश नारखेडे (वय ६२, रा. इंद्रप्रस्थ नगर) हे गंभीर जखमी झाल्या होत्या. ही घटना दि. २२ ऑक्टोंबर रोजी शेळगाव बॅरेजच्या गेटजवळ घडली होती. यातील गंभीर जखमी महिलेचा उपचार सुरु असतांना मृत्यू झाला. याप्रकरणी नशिराबाद पोलिसात अकस्मात मृत्यूची नोंद करण्यात आली आहे. शहरातील इंद्रप्रस्थ नगरात राहणाऱ्या ज्योती नारखेडे या दि. २२ रोजी दुचाकीने यावल येथे जात होत्या. मिळालेल्या माहितीनुसार, शेळगाव बॅरेजजवळील गेटजवळ दुचाकीवरुन तोल लावून पडल्यामुळे ज्योती नारखेडे यांच्या डोक्याला गंभीर दुखापत झाली. त्यांना उपचारासाठी शहरातील खासगी रुग्णालयात दाखल केले. मात्र याठिकाणी उपचार सुरु असतांना त्यांचा दि. २३ ऑक्टोंबर रोजी…
Author: editor desk
जळगाव : प्रतिनिधी बनावट कागदपत्रे तलाठी कार्यालयात देऊन मेहरुण परिसरातील व्यंकटेश कॉलनीतील ४८३.०९ चौ.मी. जागा परस्पर नावावर करून घेतला. ही घटना दि. २४ फेब्रुवारी ते दि. २२ ऑगस्ट दरम्यान घडली. या प्रकरणी वनिता कैलास पाटील (वय ४५, रा. जोशीपेठ), ममता प्रदीप पाटील (वय ३४, रा. रावेर) या दोन महिलांसह अन्य तीन अशा एकूण पाच जणांविरुद्ध एमआयडीसी पोलिस ठाण्यात गुन्हा दाखल करण्यात आला आहे. शहरातील मेहरुण परिसरातील व्यंकटेश कॉलनीमध्ये सुमनबाई रघुनाथ पाटील (वय ७६, रा. इंद्रप्रस्थ नगर) यांची प्लॉट क्रमांक २ मध्ये ४८३.०९ चौ.मी. जागा आहे. सदर वृद्धा सध्या खारघर, जि. रायगड येथे राहतात. त्यांच्या या जागेचे वनिता पाटील, ममता पाटील…
जळगाव : प्रतिनिधी शहरातील महाबळ परिसरात राहणाऱ्या 45 वर्षीय कंपनी कामगाराचा मृतदेह कंपनीबाहेरील झाडाला गळफास घेतलेल्या अवस्थेत आढळून आल्याची घटना मंगळवारी (27 ऑक्टोबर) सकाळी उघडकीस आली. अरविंद शामराव पाटील असे मृत कामगाराचे नाव आहे. या घटनेमुळे परिसरात खळबळ उडाली असून, त्यांच्या मृत्यूमागील नेमके कारण अद्याप स्पष्ट झालेले नाही. याप्रकरणी पाळधी दूरक्षेत्र पोलीस ठाण्यात अकस्मात मृत्यूची नोंद करण्यात आली आहे. मिळालेल्या माहितीनुसार, अरविंद पाटील हे पाळधी पोलीस ठाण्याच्या हद्दीतील स्नेहल इंडस्ट्रीज या कंपनीत गेल्या काही वर्षांपासून कामाला होते. ते जळगाव शहरातील महाबळ परिसरात कुटुंबासह वास्तव्यास होते. मंगळवारी सकाळी सुमारे सहा वाजता ते नेहमीप्रमाणे कामावर जाण्यासाठी घरातून निघाले होते. दरम्यान, कंपनीबाहेरील एका…
जळगाव : प्रतिनिधी महापौर स्वच्छता संकल्प अभियान अंतर्गत मंगळवारी (दि. २७ ऑक्टोबर) महापौर दीपमाला काळे यांनी वार्ड क्रमांक १० मधील विविध भागांना प्रत्यक्ष भेट देऊन पाहणी केली. या पाहणीदरम्यान खंडेराव नगर, मयूर कॉलनी आणि पिंप्राळा येथील गणपती नगर परिसरातील स्वच्छता, सांडपाणी निचरा, पथदिवे आणि इतर नागरी समस्यांचा आढावा घेत त्यांनी संबंधित अधिकाऱ्यांना कडक निर्देश दिले. स्वच्छता आणि दंडात्मक कारवाई : खंडेराव नगर परिसरातील खुले भूखंड त्वरित स्वच्छ करण्याचे निर्देश महापौरांनी दिले. तसेच, खुल्या जागेवर कचरा टाकणाऱ्या नागरिकांवर तात्काळ दंडात्मक कारवाई (दंड आकारणे) करण्याचे आदेश त्यांनी अधिकाऱ्यांना दिले. हायमास्ट लॅम्प दुरुस्ती : परिसरातील हायमास्ट लॅम्पची तातडीने दुरुस्ती करावी आणि गरज पडल्यास…
जळगाव : प्रतिनिधी वाढती पाणीटंचाई आणि भविष्यातील जलसंकट लक्षात घेऊन अनुभूती इंग्लिश मीडियम स्कूलच्या विद्यार्थ्यांनी ‘जलदूत’ बनून जलसंवर्धनाचा जागर सुरू केला आहे. गांधीतीर्थ स्वच्छ शाळा राज्यस्तरीय स्पर्धेअंतर्गत जळगावातील निवडक वसाहतींमध्ये गृहभेटी देऊन पाणी वापर, बचतीच्या सवयी, स्वच्छता आणि पावसाच्या पाण्याच्या संकलनाबाबत सर्वेक्षण करण्यात येत आहे. सर्वेक्षणाच्या माध्यमातून नागरिकांमध्ये पाण्याचा अपव्यय टाळणे, नळांची गळती दुरुस्त करणे, गरजेपुरते पाणी वापरणे आणि पावसाचे पाणी अडवून जमिनीत जिरविण्याचे महत्त्व रुजविले जात आहे. सर्वेक्षणातून मिळालेल्या माहितीच्या आधारे पुढील जनजागृती करण्यात येणार आहे. सोशल मीडियाद्वारेही पाणी बचत आणि भूजल पुनर्भरणाचे संदेश प्रसारित केले जात आहेत. अनुभुती इंग्लिश मिडीयम स्कुल च्या प्राचार्या रश्मी लाहोटी यांच्या मार्गदर्शनाखाली, गांधीतीर्थ…
धरणगाव : प्रतिनिधी तालुक्यातील साकरे शिवारात शॉर्टसर्किटमुळे लागलेल्या भीषण आगीत एका महिला शेतकऱ्याचा संपूर्ण ऊस जळून खाक झाल्याची धक्कादायक घटना २६ रोजी दुपारी २ वाजेच्या सुमारास घडली. गत आठ दिवसांतील ही सलग दुसरी घटना असल्याने परिसरातील शेतकऱ्यांमध्ये महावितरणच्या कारभाराविरुद्ध तीव्र संताप व्यक्त होत आहे. अगोदरच दुष्काळाचे भीषण संकट असताना या आगीमुळे शेतकऱ्यावर ‘दुष्काळात तेरावा महिना’ अशी अत्यंत हलाखीची परिस्थिती ओढवली आहे. साकरे येथील महिला शेतकरी प्रमिलाबाई आत्माराम पाटील यांच्या गट नंबर १४१/१/अ मधील ०.६८ हेक्टर क्षेत्रातील उभा ऊस विजेच्या तारांमधील शॉर्ट सर्किटमुळे पेटला. वाऱ्यामुळे आगीने काही क्षणांतच रौद्ररूप धारण केले आणि डोळ्यांदेखत संपूर्ण ऊस भस्मसात झाला. यामुळे संबंधित महिला शेतकऱ्याचे…
यावल : प्रतिनिधी तालुक्यातील किनगाव येथे विजया दशमीनिमित्त रविवारी राष्ट्रीय स्वंयसेवक संघाचे पथसंचलन होते. या पथसंचलनास एका धार्मिक स्थळासमोरून नेण्यास विरोधावरून पोलिसांवर झालेल्या दगडफेकीत तब्बल १०० हुन अधिक जणांवर गुन्हा दाखल केला आहे. त्यातील १६ जणांना अटक करण्यात आली असून या सर्वांना सोमवारी यावल न्यायालयात हजर केले असता त्यांना ३१ ऑक्टोंबरपर्यंत पोलिस कोठडी सुनावण्यात आली. तर गावात चोख चोख पोलिस बंदोबस्त लावला असून डीवायएसपी तळ ठोकून आहेत. मिळालेल्या माहितीनुसार, किनगाव येथील चुंचाळे रोडावरील एका धार्मिक स्थळासमोरून राष्ट्रीय स्वयंसेवक संघाच्या पथसंचलनास विरोध दर्शवतांना रस्ता अडवण्यात आला होता. तर, या समुदायास बळाचा वापर करून रस्त्यावरून हटवतांना झालेल्या दगडफेकीत एका पोलिस उपनिरिक्षकासह ७ जण…
जळगाव : प्रतिनिधी जुन्या भांडणाच्या कारणावरून रामचंद्र प्रल्हाद कोळी (वय ५८, रा. आसोदा, ता. जळगाव) यांच्यासह त्यांचा मुलगा व मेहुण्याला ४ जणांनी मारहाण करीत कुऱ्हाडीने वार केले. ही घटना दि. २५ ऑक्टोबर रोजी आसोदा येथे घडली. याप्रकरणी तालुका पोलिसात चौघांविरुद्ध गुन्हा दाखल करण्यात आला आहे. आसोदा येथे जुन्या भांडणातून पुन्हा वाद होऊन रामचंद्र कोळी व त्यांचा मुलगा योगेश कोळी यांना मारहाण करण्यात आली. तसेच योगेश याला कुऱ्हाड मारून दुखापत केली. त्या वेळी रामचंद्र कोळी यांचे मेहुणे कैलास सुखा कोळी हे भांडण सोडवण्यासाठी गेले असता त्यांनाही मारहाण करण्यात आली. या प्रकरणी रामचंद्र कोळी यांनी तालुका पोलिस ठाण्यात फिर्याद दिली. त्यावरून अशोक…
भडगाव : प्रतिनिधी नुकतीच वरिष्ठ पदावर पदोन्नती झालेली, बदलीचे अधिकृत आदेश हातात पडण्यास अवघे काही दिवस शिल्लक होते. अशा टप्प्यावर बहुतांश अधिकारी जोखीम न पत्करता शांततेत दिवस काढणे पसंत करतात. मात्र, येथील तहसीलदारांनी कर्तव्याला प्राधान्य दिले. यातच झालेल्या अपघातात त्या जखमी झाल्या आहेत. या कर्तव्यनिष्ठेबद्दल त्यांचे सर्वत्र कौतुक होत आहे. भडगावच्या तहसीलदार शीतल सोलाट यांनी वाळू माफिकाविरुद्ध थेट ‘ऑन-द-स्पॉट’ धडक कारवाईचा पवित्रा घेतला. रात्री वाक रस्त्यावरील नदीपात्रात सुरू असलेल्या अवैध वाळू उपशाची गोपनीय पाहणी करण्यासाठी आमडदे येथील तलाठ्याच्या खासगी दुचाकीवर मागे बसून जात असताना, रस्त्यावरील खडीमुळे गाडी घसरली. या अपघातात तहसीलदार शीतल सोलाट यांच्या पायाला गंभीर इजा झाली. त्यांच्या पायाला…
जळगाव : प्रतिनिधी जिल्ह्यातील भुसावळ तालुक्यात सुसरी शिवारात शेतात काम करत असताना विजेचा धक्का लागून प्रौढ शेतकरी दाम्पत्याचा दुर्दैवी मृत्यू झाल्याची घटना सोमवारी दुपारी घडली. अशोक बाबूराव पाटील (५५) आणि सरिता अशोक पाटील (४३, रा. सुसरी, ता. भुसावळ) अशी मृतांची नावे आहेत. कांद्याच्या शेतात निंदणीचे काम सुरू असताना ही दुर्घटना घडली. मिळालेल्या माहितीनुसार, अशोक पाटील आणि त्यांची पत्नी सरिता पाटील हे सोमवारी नेहमीप्रमाणे मजुरांसह शेतात काम करण्यासाठी गेले होते. सुसरी शिवारातील त्यांच्या शेतात कांद्याच्या पिकामध्ये मोठ्या प्रमाणात तण वाढल्याने ते काढण्याचे काम पती-पत्नी करीत होते. दरम्यान, शेतात तण काढत असताना अशोक पाटील यांचा खाली पडलेल्या विद्युत तारेशी संपर्क आल्याने त्यांना…