Author: editor desk

छत्रपती संभाजीनगर : वृत्तसंस्था  शहरातील पुंडलिकनगर परिसरात शनिवारी पहाटे घडलेल्या भीषण गॅस सिलिंडर स्फोटामुळे संपूर्ण परिसर हादरून गेला. महारुद्र हनुमान मंदिराजवळील एका दुमजली इमारतीत झालेल्या या दुर्घटनेत ४५ वर्षीय महिलेचा होरपळून दुर्दैवी मृत्यू झाला, तर स्थानिक नागरिकांच्या तत्परतेमुळे इमारतीत अडकलेल्या अन्य नऊ जणांचे प्राण वाचवण्यात यश आले. मिळालेल्या माहितीनुसार, पुंडलिकनगर परिसरातील संबंधित दुमजली इमारतीच्या तळमजल्यावर दुकाने असून वरच्या मजल्यावर निवासी घरे आहेत. शनिवारी पहाटे साडेचार वाजण्याच्या सुमारास तळमजल्यावरील एका दुकानाला अचानक आग लागली. काही क्षणांतच आगीने रौद्ररूप धारण केले आणि दुकानाच्या पाठीमागील खोलीत ठेवलेल्या चार गॅस सिलिंडरपैकी एका सिलिंडरचा गळतीमुळे भीषण स्फोट झाला. स्फोट इतका जोरदार होता की त्याचे हादरे…

कोल्हापूर : वृत्तसंस्था  केंद्रीय गृहमंत्री तथा सहकारमंत्री अमित शाह यांनी शनिवारी कोल्हापूर दौऱ्यादरम्यान श्री महालक्ष्मी (अंबाबाई) मंदिराच्या जीर्णोद्धार आणि विकास प्रकल्पाचे भूमिपूजन केले. यावेळी त्यांनी मंदिराच्या सर्वांगीण विकासासंदर्भात महत्त्वाची माहिती देताना शिवसेनेतील फुटीच्या राजकारणावरही भाष्य केले. “आता एकच शिवसेना राहिली आहे आणि ती म्हणजे उपमुख्यमंत्री एकनाथ शिंदे यांची शिवसेना,” असे विधान करत त्यांनी विरोधकांवर अप्रत्यक्ष टोला लगावला. कार्यक्रमात बोलताना अमित शाह म्हणाले की, यापूर्वी एकनाथ शिंदे यांच्या नेतृत्वाखालील पक्षाला ‘शिंदे गट’ म्हणून संबोधले जात होते. मात्र आता तो कोणताही गट राहिलेला नसून तीच खरी शिवसेना असल्याचे जनतेने स्वीकारले आहे. त्यामुळे आता महाराष्ट्रात एकच शिवसेना असून ती एकनाथ शिंदे यांच्या नेतृत्वाखाली…

परभणी : वृत्तसंस्था  परभणी जिल्ह्यातील मानवत तालुक्यात असलेल्या प्रसिद्ध श्रीक्षेत्र यशवाडी देवस्थान येथे शनिवारी दुपारी अत्यंत भीषण दुर्घटना घडली. मंदिर परिसरातील बांधकाम सुरू असलेल्या सभामंडपाचे पिलर कोसळल्याने मोठी दुर्घटना घडली असून, प्राथमिक माहितीनुसार ६ भाविकांचा मृत्यू झाला आहे. तर ८ ते १० भाविक गंभीर जखमी झाले असून, ३० ते ४० भाविक ढिगाऱ्याखाली अडकल्याची भीती व्यक्त करण्यात येत आहे. घटनेनंतर परिसरात एकच खळबळ उडाली असून बचावकार्य युद्धपातळीवर सुरू आहे. यशवाडी देवस्थान हे परभणी जिल्ह्यातील अत्यंत प्रसिद्ध धार्मिक स्थळ असून दर शनिवारी येथे हजारो भाविक दर्शनासाठी येतात. शनिवारी सकाळपासूनच मंदिर परिसरात मोठी गर्दी झाली होती. मंदिरासमोरील सभागृहात कीर्तन, दर्शन आणि महाप्रसादाचे आयोजन…

जळगाव | प्रतिनिधी जिल्ह्यात वाढत्या गंभीर गुन्हेगारीला आळा घालण्यासाठी जळगाव पोलिसांनी गुरुवारी पहाटे मुक्ताईनगर तालुक्यातील कुप्रसिद्ध गावांवर मोठी धडक कारवाई करत ‘ऑपरेशन ड्रॉप केस’ राबविले. पोलिस अधीक्षक डॉ. महेश्वर रेड्डी यांच्या मार्गदर्शनाखाली राबविण्यात आलेल्या या विशेष मोहिमेत तब्बल २०० पोलिस अधिकारी व कर्मचारी सहभागी झाले होते. या कारवाईत विविध गुन्ह्यांतील ८ आरोपींना अटक करण्यात आली असून सुमारे ६१ लाख रुपयांचा मुद्देमाल जप्त करण्यात आला आहे. मुक्ताईनगर पोलिस ठाण्याच्या हद्दीतील लालमोटा, हलवेडा, मथापुरी, जोहेलखेडा आणि चारठाणा ही गावे गेल्या काही वर्षांपासून विविध फसवणूक आणि गंभीर गुन्ह्यांमुळे चर्चेत होती. सोशल मीडियाच्या माध्यमातून दुर्मिळ वस्तू, खजिना, जुन्या नाण्यांचा व्यापार, काळी हळद, नागमणी, रेड…

मुंबई : वृत्तसंस्था  केंद्रीय सामाजिक न्याय राज्यमंत्री रामदास आठवले यांनी महाराष्ट्रासह देशाच्या राजकारणातील विविध घडामोडींवर भाष्य करताना शिवसेना (उबाठा), संजय राऊत, तृणमूल काँग्रेस आणि प्रादेशिक पक्षांच्या भवितव्यावर रोखठोक प्रतिक्रिया दिल्या. वृत्तसंस्था एएनआयशी संवाद साधताना त्यांनी उद्धव ठाकरे यांनी २०१९ मध्ये घेतलेल्या राजकीय निर्णयावर टीका करताना त्यालाच शिवसेनेच्या आजच्या स्थितीचे मूळ कारण असल्याचे म्हटले. आठवले म्हणाले की, उद्धव ठाकरे यांनी महायुतीची साथ सोडून काँग्रेस आणि राष्ट्रवादी काँग्रेससोबत महाविकास आघाडी स्थापन करण्याचा निर्णय घेतला. हा निर्णय शिवसेनेच्या मूळ विचारधारेच्या विरोधात होता. हिंदुहृदयसम्राट बाळासाहेब ठाकरे यांच्या विचारांपासून दूर गेल्यामुळेच आज अनेक जुने शिवसैनिक आणि नेते पक्षापासून दूर जात आहेत. सुरुवातीपासून एनडीएसोबत युती कायम…

मुंबई  :  प्रतिनिधी माहितीच्या अधिकाराच्या (आरटीआय) वापरावर नवे निर्बंध आणणारी महाराष्ट्र माहितीचा अधिकार नियम, २०२६ ही नवी नियमावली राज्य सरकारने १२ जूनपासून लागू केली आहे. राज्यपालांच्या आदेशानुसार सामान्य प्रशासन विभागाचे प्रधान सचिव डॉ. अतुल पाटणे यांच्या स्वाक्षरीने ही अधिसूचना जारी करण्यात आली असून, अर्ज शुल्क, अपील शुल्क, शब्दमर्यादा, ओळखपत्राची सक्ती आणि माहिती मागवण्याचे कारण स्पष्ट करण्याची अट अशा अनेक महत्त्वाच्या बदलांचा त्यात समावेश आहे. या नव्या नियमांमुळे माहितीचा अधिकार अधिक जाचक होणार असल्याचा आरोप माहिती अधिकार कार्यकर्त्यांकडून केला जात आहे. विशेषतः माहिती मागवण्याचे कारण विचारण्याची अट ही माहिती अधिकार कायद्याच्या मूळ उद्देशालाच छेद देणारी असल्याची टीका होत आहे. माहिती अधिकार…

जळगाव : प्रतिनिधी शहरातील छत्रपती शिवाजी नगर परिसरातील नवीन कानळदा रोडवरील राजराजेश्री अपार्टमेंटसमोर गौमांस वाहतुकीच्या संशयावरून वाहनाची तपासणी करणाऱ्या दोन तरुणांवर १० ते १५ जणांच्या जमावाने हल्ला करून बेदम मारहाण केल्याची धक्कादायक घटना गुरुवारी दुपारी घडली. या हल्ल्यात दोघे गंभीर जखमी झाले असून त्यांच्यावर शासकीय वैद्यकीय महाविद्यालय व रुग्णालयात (जीएमसी) उपचार सुरू आहेत. प्रकरणी शहर पोलीस ठाण्यात गुन्हा दाखल करण्याची प्रक्रिया रात्री उशिरापर्यंत सुरू होती. मिळालेल्या माहितीनुसार, राहुल कैलास सोनवणे आणि योगेश साळी यांना शिवाजीनगर परिसरात गोमांसाची वाहतूक होत असल्याची माहिती मिळाली होती. या माहितीची खातरजमा करण्यासाठी त्यांनी उस्मानिया पार्क परिसरातील राजराजेश्री अपार्टमेंटसमोर एक छोटा हत्ती वाहन (क्र. एमएच ०४…

जळगाव : प्रतिनिधी  जळगाव येथून जवळच असलेल्या नशिराबाद येथील नगराध्यक्ष तथा हॉटेल व्यावसायिक यांचा पुतण्या पवन सुनील पाटील (वय २७, रा. मूळ रा. नशिराबाद, ता. जळगाव, ह.मु. अयोध्या नगर, जळगाव) याने सहाव्या मजल्यावरुन उडी घेत आत्महत्या केली. मित्रांसोबत फिरण्यासाठी गेलेला असताना ही घटना घडल्यामुळे त्याच्या कुटुंबियांना मोठा मानसिक धक्का बसला आहे. ही घटना १८ जूनला सकाळी ८ वाजेच्या सुमारास मुंबईतील वर्सोवा भागात घडली. या तरुणाच्या आत्महत्येचे कारण अस्पष्ट आहे. मिळालेल्या माहितीनुसार,  नशिराबाद येथील नगर परिषदेचे नगराध्यक्ष तथा हॉटेल व्यावसायिक योगेश पाटील यांचा पुतण्या पवन पाटील हा जळगावातील अयोध्या नगरमध्ये वास्तव्याला होता. दरम्यान, गेल्या दोन ते तीन दिवसांपूर्वी पवन पाटील हा मित्रांसोबत…

जामनेर  : प्रतिनिधी जामनेर तालुका कृषी अधिकारी जितेंद्र पाटील यांच्या ताब्यातील शासकीय वाहनाला तालुका कृषी कार्यालयाच्या आवारातच मध्यरात्री आग लागल्याची धक्कादायक घटना बुधवारी (दि. १८) पहाटे ३ वाजेच्या सुमारास घडली. या आगीत वाहनाचे मोठ्या प्रमाणात नुकसान झाले असून, आग अपघाती होती की कोणीतरी मुद्दाम लावली, याबाबत तर्कवितर्कांना उधाण आले आहे. प्रकरणी अज्ञात व्यक्तींविरुद्ध गुन्हा दाखल करण्यात आला असून पोलीस तपास सुरू आहे. मिळालेल्या माहितीनुसार, एमएच १५ एए १८० या क्रमांकाचे शासकीय वाहन हे तालुका कृषी अधिकारी जितेंद्र पाटील यांच्या ताब्यात असून, दि. १७ रोजी सायंकाळी वाहनचालकाने नेहमीप्रमाणे ते तालुका कृषी कार्यालयाच्या आवारात उभे केले होते. रात्री सर्व कामकाज आटोपल्यानंतर कार्यालय…

चाळीसगाव : प्रतिनिधी  राष्ट्रीयकृत बँकेतून कोणतीही फी न घेता १० कोटी रुपयांचे कर्ज मंजूर करून देण्याचे आमिष दाखवत प्रोसेसिंग फीच्या नावाखाली ५ लाख रुपये उकळून व्यापाऱ्याची फसवणूक केल्याचा प्रकार उघडकीस आला आहे. याप्रकरणी नाशिक येथील एका व्यक्तीविरुद्ध चाळीसगाव शहर पोलीस ठाण्यात गुन्हा दाखल करण्यात आला आहे. मिळालेल्या माहितीनुसार,  चाळीसगावातील शास्त्री नगरात राहणारे गोविंद हिरालाल चौधरी यांचे – चायनिज खाद्यपदार्थांचे दुकान आहे. व्यवसायाच्या विस्तारासाठी त्यांनी मोठे कर्ज घेण्याचे ठरविले होते. – याचदरम्यान त्यांची ओळख शांताराम मार्तंड संदान पाटील (रा. सह्याद्री अपार्टमेंट, मखमलाबाद, नाशिक) याच्याशी झाली. शांताराम पाटील याने गोविंद चौधरी यांना विश्वासात घेत, राष्ट्रीयकृत बँकेतून कोणतीही फी न घेता १० कोटी रुपयांचे…