मुंबई : वृत्तसंस्था गेल्या अनेक वर्षांपासून कायदेशीर पेच आणि प्रशासकीय राजवटीमुळे रखडलेल्या महाराष्ट्रातील जिल्हा परिषद आणि पंचायत समित्यांच्या निवडणुकांबाबत सर्वोच्च न्यायालयाने महत्त्वाचे निर्देश दिले आहेत. प्रलंबित निवडणुकांची प्रक्रिया अनिश्चित काळासाठी पुढे ढकलता येणार नाही, असे स्पष्ट करत न्यायालयाने राज्य निवडणूक आयोगाला आवश्यक प्रक्रिया तातडीने सुरू करण्याचे निर्देश दिले. त्यामुळे ग्रामीण महाराष्ट्रातील स्थानिक स्वराज्य संस्थांच्या निवडणुकांना वेग मिळण्याची शक्यता निर्माण झाली आहे. ओबीसी आरक्षणासंदर्भातील प्रकरणाच्या सुनावणीदरम्यान सरन्यायाधीश सूर्यकांत यांच्या अध्यक्षतेखालील तीन सदस्यीय खंडपीठाने निवडणुका घेण्याबाबत भूमिका स्पष्ट केली. लोकशाही प्रक्रिया का थांबवली जावी, असा सवाल न्यायालयाने उपस्थित केला. निवडणुकांसाठी आवश्यक मनुष्यबळ आणि यंत्रणा उपलब्ध करून देण्याचे निर्देश राज्य सरकारला यापूर्वीच देण्यात…
Author: editor desk
जळगाव : प्रतिनिधी जळगाव शहराचे आमदार राजू मामा भोळे यांनी कुस्ती क्षेत्रातील उदयोन्मुख पैलवानांना वेळोवेळी सहकार्य व प्रोत्साहन देत त्यांच्या क्रीडा प्रवासाला बळ दिले आहे. त्यांच्या सहकार्यामुळे जळगावच्या पैलवानांना आपले कौशल्य सिद्ध करण्यासाठी आणि आंतरराष्ट्रीय स्तरावर देशाचे प्रतिनिधित्व करण्यासाठी प्रेरणा मिळत आहे. उत्तराखंड येथे २४ ते २६ ऑक्टोबरदरम्यान झालेल्या ग्रॅपलिंग-मल्लयुद्ध चॅम्पियनशिपमध्ये पैलवान हितांशू राजपूत, पैलवान भूषण हटकर आणि पैलवान शरद हटकर यांनी दोन कांस्यपदके आणि एक रौप्यपदक पटकावून जळगाव जिल्ह्याचा नावलौकिक वाढवला. या यशानंतर या तिन्ही पैलवानांची नेपाळ येथे होणाऱ्या आंतरराष्ट्रीय आशियाई चॅम्पियनशिपसाठी निवड झाली आहे. या खेळाडूंना प्रोत्साहन देण्यात आणि त्यांच्या क्रीडा वाटचालीला सहकार्य करण्यात आमदार राजू मामा भोळे…
जळगाव : प्रतिनिधी जामनेर तालुक्यातील दुचाकीस्वारांना आकाशवाणी चौकात वाहतूक पोलिसांनी अडविल्याने शाब्दिक वाद होऊन वाहतूक पोलिसांनी दुचाकीस्वाराची कॉलर पकडून ओढत नेल्याचा व्हिडिओ सोशल मीडियावर व्हायरल झाला आहे. पोलिसांना पैसे न दिल्यामुळे त्यांनी मारहाण केल्याचा आरोप दुचाकीस्वाराकडून केल्याचे व्हिडिओमध्ये दिसत आहे. दरम्यान, वाहन परवाना मागितल्याने दुचाकीस्वारांनी वाद घातल्याच्या तक्रारीवरून रामानंद नगर पोलिसात दोघा दुचाकीस्वारांविरुद्ध अदखलपात्र गुन्ह्याची नोंद करण्यात आली आहे. पळासखेडा मिराचे येथील कृष्णा शांताराम पाटील व गणेश शंकर जाधव हे मंगळवारी (दि. २७ ऑक्टोबर) दुचाकीने जळगावात आले होते. आकाशवाणी चौकात वाहतूक पोलिसांनी दोघांना थांबविले व हा वाद झाला. संबंधित दोघे म्हणाले की आम्ही जामनेरचे आहेत. आम्हाला कसे काय लायसन्स मागता..…
अमळनेर : प्रतिनिधी शहरातून एक संतापजनक बातमी समोर आली आहे. मागासवर्गीय महिलेला तुझ्या पतीला व मुलाला फाशी देऊन मारून टाकेल, अशी धमकी देत तिच्यावर अत्याचार करणाऱ्या शहरातील एका भागातील एकावर अत्याचार व अॅट्रॉसिटीचा गुन्हा दाखल करण्यात आला आहे. मिळालेल्या माहितीनुसार, शहरातील एका भागातील एकाच्या ओळखीने पीडित महिलेला भाड्याने घर मिळाले होते. महिलेचे पती बाहेरगावी असल्याने गेल्या दोन वर्षांपासून तोच महिलेच्या पती व मुलगा नसताना घरी यायचा अन् तुझे माझे प्रेम संबंध आहेत, असे तुझ्या पतीला सांगून व धमकी देऊन शारीरिक संबंध ठेवायचा. ९ रोजी सायंकाळी ६ वाजता मुलगा क्लासला गेला असताना त्याने महिलेला तू जर माझ्याशी शारीरिक संबंध ठेवले नाहीत…
मनपाचा भोंगळ कारभार उघड : ॲड.पियूष पाटील यांची मनपा आयुक्तांकडे तक्रार जळगाव : प्रतिनिधी जळगाव शहर मनपा हद्दीतील ओंकार नगर जिल्हा पेठ परिसरातील जळगाव जिल्हा केमीस्ट अध्यक्ष सुनील रामदास भंगाळे यांच्या मालकीचे असलेले मल्टी टच हेल्थकेअर हॉस्पिटल व भंगाळे फार्मा या आस्थापनेची परवानगी ही २०२१ साली देण्यात आली होती परंतु मनपा मालमत्ता करा ची आकारणी ५ वर्ष होऊन देखील करण्यात आलेली नसल्या बाबत ची धक्कादायक माहिती समोर आली आहे. यामुळे मनपा प्रशासन यंत्रणा यांचा भोंगळ कारभार समोर आलेला आहे याबाबत सामाजिक कार्यकर्ते ॲड.पियुष नरेंद्रअण्णा पाटील यांनी जळगाव शहर महानगरपालिकेचे आयुक्त यांच्याकडे लेखी सविस्तर तक्रार केलेली आहे. यामध्ये म्हटले आहे की…
जळगाव : प्रतिनिधी जिल्ह्यातील रावेर तालुक्यात मंगरूळ धरणातून गाळ काढण्याच्या कामाच्या मोबदल्यात ५० हजाराच्या लाचेची मागणी करून २० हजार रुपये स्वीकारणाऱ्या वनरक्षकाला लाचलुचपत प्रतिबंधक विभागाच्या (एसीबी) जळगाव पथकाने रंगेहाथ पकडले. बुधवारी रावेर शहरात ही कारवाई करण्यात आली. या प्रकरणामुळे वन विभागातील लाचखोरीचा मुद्दा पुन्हा चर्चेत आला आहे. मिळालेल्या माहितीनुसार, जगदीश काशिनाथ जगदाळे (२७) असे कारवाई करण्यात आलेल्या वनरक्षकाचे नाव आहे. या प्रकरणातील तक्रारदार हे रावेर येथील अर्थमूव्हर्स एजन्सीचा व्यवसाय करतात. त्यांच्याकडे स्वतःचे जेसीबी मशीन आहे. तक्रारदारांच्या परिचित व्यक्तीने स्वतःच्या तसेच नातेवाईकांच्या नावे मंगरूळ धरणातून शेतीकामासाठी गाळ काढून त्याची वाहतूक करण्याचा परवाना पाटबंधारे उपविभाग, रावेर येथून घेतला होता. धरणातून गाळ काढण्याचे संबंधित…
जळगाव : प्रतिनिधी मा. सर्वोच्च न्यायालयातील रिट पिटीशन क्र. 72/1998 दि.27/9/2001 च्या अंतरिम आदेशानुसार दिवाळी सणाच्या कालावधीत ध्वनी व हवा प्रदूषणामुळे होणारे अपायकारक परिणाम टाळण्यासाठी फटाके वाजविण्यावर निर्बंध घालण्यात आले आहेत. नागरिकांनी या निर्देशांचे पालन करून दिवाळी सण सुरक्षित व पर्यावरणपूरक पद्धतीने साजरा करावा, असे आवाहन उपविभागीय अधिकारी तथा दंडाधिकारी, पाचोरा , भूषण अहिरे यांनी केले आहे. फटाक्यांमुळे होणारे ध्वनी व हवा प्रदूषण रोखण्यासाठी आवश्यक निर्बंध घालण्यात आले आहेत. त्यानुसार, पर्यावरण (संरक्षण) नियमांमधील तरतुदींची काटेकोर अंमलबजावणी करणे आवश्यक आहे. फटाका उडविण्याच्या ठिकाणापासून चार मीटर अंतरावर १२५ डेसिबलपेक्षा जास्त आवाज निर्माण करणाऱ्या फटाक्यांचे उत्पादन, विक्री व वापर करण्यास बंदी आहे. तसेच…
जळगाव : प्रतिनिधी जळगावच्या मातीत घडलेले हिरे आता आंतरराष्ट्रीय स्तरावर चमकण्यासाठी सज्ज झाले आहेत! पैलवान हितांशू राजपूत, पैलवान भूषण हटकर आणि पैलवान शरद हटकर यांनी २४ ते २६ ऑक्टोबर दरम्यान उत्तराखंड येथे झालेल्या ग्रॅपलिंग-मल्लयुद्ध चॅम्पियनशिपमध्ये दोन कांस्यपदके आणि एक रौप्यपदक पटकावून महाराष्ट्रासह जळगाव जिल्ह्याच्या शिरपेचात मानाचा तुरा रोवला आहे. या उल्लेखनीय कामगिरीच्या जोरावर या तिन्ही पैलवानांची नेपाळ येथे होणाऱ्या आंतरराष्ट्रीय आशियाई चॅम्पियनशिपसाठी निवड झाली आहे. ही बाब संपूर्ण जळगाव जिल्ह्यासाठी अभिमानास्पद आहे. या यशामागे त्यांचे वस्ताद पैलवान चेतन शिंदे, पैलवान कल्पेश मराठे, पैलवान आशिष ठाकरे आणि पैलवान भैया पिसे यांचे मोलाचे मार्गदर्शन लाभले. त्यांच्या कठोर परिश्रमांमुळे, सातत्यपूर्ण सरावामुळे आणि प्रेरणादायी…
जळगाव : प्रतिनिधी शहरातील पिंप्राळा परिसरात एका घरात इलेक्ट्रिक फिटिंगचे काम करत असताना विजेचा जोरदार धक्का लागून योगेश उर्फ भैय्या वाघ या खासगी वायरमनचा दुर्दैवी मृत्यू झाला. या घटनेनंतर त्यांना तातडीने जळगाव शासकीय वैद्यकीय महाविद्यालय व रुग्णालयात उपचारासाठी दाखल करण्यात आले होते. मात्र, वैद्यकीय अधिकाऱ्यांनी तपासणीअंती त्यांना मृत घोषित केले. मिळालेल्या माहितीनुसार, मृत योगेश वाघ हे शिवसेना ठाकरे गटाचे पिंप्राळा भागाचे विभागप्रमुख म्हणून कार्यरत होते. सकाळी नेहमीप्रमाणे कामावर गेलेल्या योगेश यांच्या अपघाती मृत्यूची बातमी दुपारी समजताच त्यांच्या कुटुंबीयांसह स्थानिक कार्यकर्त्यांना मोठा धक्का बसला. त्यांच्या निधनाचे वृत्त वाऱ्यासारखे पसरताच नातेवाईक आणि शिवसैनिकांनी रुग्णालयात मोठी गर्दी केली होती. ठाकरे गटाचे माजी महानगर अध्यक्ष…
जळगाव : प्रतिनिधी कौटुंबिक वादावर तोडगा काढण्यासाठी सुरू असलेल्या बैठकीदरम्यान सनी विनोद डोळे (वय २१, रा. शिवाजीनगर) या तरुणाचा धारदार शस्त्राने भोसकून खून व त्याच्या कुटुंबीयांना मारहाण केली होती. या प्रकरणी दाखल गुन्ह्यात अटकेतील सहा जणांना दि. ३१ ऑक्टोबरपर्यंत पोलिस कोठडी सुनावण्यात आली. मिळालेल्या माहितीनुसार, शहरातील शिवाजी नगरातील सनी डोळे या तरुणाच्या घरात कौटुबिंक वादातून त्याच्या खून केल्याची घटना दि. २७ ऑक्टोबर रोजी घडली होती. या प्रकरणी मयताचा मेहुणा सुरज वानखेडे याच्यासह मेहुण्याचे भाऊ पंकज नारायण वानखेडे (रा. कंडारी, ता. भुसावळ), चुलत भाऊ निकेश मधुकर वानखेडे (रा. आयोध्यानगर, जळगाव), मेहुण्याचे वडील नारायण वानखेडे, आई मंगला वानखेडे, काकू प्रमिला मधुकर वानखेडे…