Author: editor desk

जळगाव : प्रतिनिधी जिल्ह्यातील अनेक परिसरातून दुचाकी चोरी करणाऱ्या दोन चोरट्यांना बोदवड पोलिसांनी भुसावळ व वरणगाव शहरातून अटक केली आहे. त्यांच्याकडून तब्बल चोरीच्या ३४ दुचाकी हस्तगत करण्यात आले आहे. या कारवाईमुळे परिसरात खळबळ उडाली आहे. याबाबत बोदवड पोलीस ठाण्यात गुन्हा दाखल करण्यात आला आहे. सविस्तर वृत्त असे कि, बोदवड शहरातील विजय पुंडलिक माळी यांची दुचाकी क्रमांक (एमएच १९ सीए ५१८७) ही चोरी झाल्याची घटना १९ जून रोजी दुपारी घडली होती. त्यानुसार बोदवड पोलीस ठाण्यात दुचाकी चोरीचा गुन्हा दाखल करण्यात आला होता. दरम्यान या गुन्ह्याचा तपास सुरू असताना ही दुचाकी भुसावळ शहरातील जितेंद्र उर्फ दगडू नारायण सोनवणे वय-३१ याने चोरी केल्याचे…

पुणे : वृत्तसंस्था राज्याचे मंत्री छगन भुजबळ हे शरद पवार यांच्या भेटीसाठी पोहोचले आहेत. या भेटीचे कारण अद्याप गुलदस्त्यात आहे. मात्र सध्या राज्यात आरक्षणाचा मुद्दा तापेलला असताना या भेटीत हाच मुद्दा चर्चेच्या केंद्रस्थानी असेल असा तर्क लावला जात आहे. विशेष म्हणजे भुजबळ अचानक पवारांच्या भेटीला पोहोचल्याने अनेकांच्या भुवया उंचावल्या आहेत. कारण रविवारी बारामतीमध्ये झालेल्या अजित पवार गटाच्या सभेत मराठा आरक्षणाच्या मुद्द्यावरून भुजबळ यांनी शरद पवार यांच्यावर गंभीर आरोप केले होते. राज्यातले एक ज्येष्ठ नेते म्हणून आरक्षणाचा प्रश्न मार्गी लावण्याचे सोडून विरोधी पक्षांना काहीही सल्ले दिले जात आहेत. आरक्षणाच्या आडून महाराष्ट्र पेटवण्याचे काम काही लोक करत आहेत. तसेच बारामतीमधून फोन आला…

मुंबई : वृत्तसंस्था राज्यातील अनेक जिल्ह्यात मुसळधार पाऊस सुरु असून कोकणात सध्या पावसाने हाहाकार माजविला आहे. रत्नागिरीमध्ये मुसळधार पावसामुळे धरणाच्या प्रवाहात 32 वर्षीय तरुण वाहून गेल्याची घटना घडली आहे. घटनेनंतर सध्या शोधमोहीम सुरू आहे. जयेश रामचंद्र असे या तरुणाचे नाव आहे. खेड तालुक्यातील शेल्डी धरणातून अचानक पाणी पातळीत वाढ झाल्याने हा तरुण वाहून गेला. या संपूर्ण घटनेचा व्हिडिओही समोर आला आहे. सध्या महाराष्ट्रातील विविध भागात मुसळधार पावसामुळे अनेक ठिकाणी रेड अलर्ट जारी करण्यात आला आहे. विशेषतः कोकणातील रत्नागिरीमध्ये मुसळधार पाऊस कोसळत आहे. दरम्यान, रविवारी रत्नागिरीतील खेड तालुक्यातील शेल्डी धरणात पाण्याच्या जोरदार प्रवाहामुळे 32 वर्षीय तरुण वाहून गेला. पाण्याच्या पातळीत अचानक…

धरणगाव : प्रतिनिधी तालुक्यातील पिंप्री खुर्द गावाजवळील चैताली जिनिंगजवळ कार आणि दुचाकीच्या समोरासमोर झालेल्या भीषण अपघातात पिंप्री येथील दुचाकीस्वार तरुण जागीच ठार झाला तर त्याचा भाऊ गंभीर जखमी झाल्याची घटना रविवारी सायंकाळी ६ वाजेच्या सुमारास घडली. रॉबिन संजय सोनवणे (२२, पिंप्री, ता. धरणगाव) असे मयत दुचाकीस्वाराचे नाव आहे. सविस्तर वृत्त असे कि, पिंप्री गावातील जिनिंगजवळील रस्त्यावर रॉबिन सोनवणे आणि त्याचा भाऊ रोहित सोनवणे हे दुचाकी क्रमांक (एमएच१९/डीई ६६४९) ने निघाले होते. त्यावेळी दुचाकी जळगाव- धरणगावच्या मुख्य रस्त्यावर लागल्यानंतर जळगावकडून धरणगावकडे जाणारी भरधाव कार आणि दुचाकी यांच्यात समोरासमोर भीषण अपघात झाला. यात रॉबिन सोनवणे याचा जागेवरच मृत्यू झाला. त्याच्यासोबत असलेला त्याचा…

पाचोरा : प्रतिनिधी शहरातील कॉलेज चौकात शनिवारी मध्यरात्री १:०० वाजेच्या सुमारास भरधाव अवजड वाहनाने दुचाकीला जबर धडक दिली होती. या धडकेत दुचाकीवरील दोघेजण गंभीर जखमी झाले होते. यातील एका तरुणाचा उपचारादरम्यान जळगावात मृत्यू झाला. सविस्तर वृत्त असे कि, संतोष शिवसिंग परदेशी (३७, गाळण, ता. पाचोरा) असे मयत तरुणाचे नाव आहे. ते मार्केटिंग क्षेत्रातील कंपनीत काम करून कुटुंबीयांचा उदरनिर्वाह करत होते. पश्चात आई-वडील, पत्नी, मुलगा, मुलगी असा परिवार आहे. शनिवारी मध्यरात्री १२:०० वाजेच्या सुमारास ते कल्याण स्टेशनवरून पाचोरा रेल्वे स्टेशनवर उतरले. स्टेशनवर उतरल्यानंतर गाळण येथे घरी जाण्यासाठी त्यांनी एका दुचाकीस्वाराकडे लिफ्ट मागितली. या दचाकीस्वारासोबत जात असताना कॉलेज चौकात आल्यावर भरधाव अवजड…

जळगाव : प्रतिनिधी खाद्यपदार्थाची गाडी लावण्यावरून जोरदार वाद होऊन विनोद रामा रायपुरे (२३, रा. सिद्धिविनायकनगर) व त्याचा भाऊ महेंद्र रायपुरे या दोघा भावांना पाच जणांनी मारहाण केली.लोखंडी वस्तू डोक्यात मारल्याने तरुणाचे डोके फुटले आहे. ही घटना शासकीय औद्योगिक प्रशिक्षण संस्थेच्या (आयटीआय) वसतिगृहाच्या भिंतीजवळ शनिवारी (१३ जुलै) घडली. याप्रकरणी जिल्हापेठ पोलिस ठाण्यात पाच जणांविरुद्ध गुन्हा दाखल करण्यात आला आहे. सविस्तर वृत्त असे कि, आयटीआय वसतिगृहाच्या भिंतीजवळ खाद्यपदार्थाच्या गाड्या लावून अनेक जण व्यवसाय करतात. १३ जुलै रोजी विनोद रायपुरे व त्याचा भाऊ महेंद्र रायपुरे गाडी लावत होते त्यावेळी विजय मनबहादूर गुरखा (रा. अनुराग स्टेट बँक कॉलनी), संभा बारी (२८, समतानगर) यांच्यासह गोपाल,…

जळगाव : प्रतिनिधी उघड्या घरातून दोन लाख रुपये किमतीचे सोन्याचे दागिने लांबविणाऱ्या कृष्णा पांडुरंग सोनवणे (वय २८, रा. शिवाजीनगर हुडको) याला शहर पोलिसांनी रविवारी (दि. १४) मुद्देमालासह अटक केली आहे. सविस्तर वृत्त असे कि, शिवाजीनगर हुडको भागातील आनंदपाल बाविस्कर हे ११ जुलै रोजी पहाटे फिरायला गेले होते. त्यावेळी त्यांचा पुतण्या घरात झोपलेला असल्यामुळे घराचा दरवाजा उघडाच होता. याचा फायदा घेत चोरट्याने दोन लाख रुपये किमतीचे सोन्याचे दागिने चोरून नेले होते. गुन्ह्याचा तपास सुरू असताना ही चोरी कृष्णा सोनवणे याने केली असल्याची माहिती शहर पोलिस ठाण्याचे कर्मचारी सुधीर साळवे यांना मिळाली. त्यानुसार पोलिस निरीक्षक अनिल भवारी, सहायक फौजदार सुनील पाटील, पोहेकों…

जळगाव : प्रतिनिधी रस्त्याने जात असताना दुचाकी दुभाजकावर धडकल्याने मयूर नरेंद्र पाटील (२४ , रा. विठ्ठलवाडी) हे ठार झाले. अपघात शनिवारी (१३ जुलै) रात्री १२ वाजेच्या सुमारास न्यू, बी. जे. मार्केट समोर झाला. याप्रकरणी जिल्हा पेठ पोलिस ठाण्यात अकस्मात मृत्यूची नोंद करण्यात आली आहे. सविस्तर वृत्त असे कि, खोटेनगर थांब्याजवळ मयूरच्या वडिलांचे दुचाकी दुरुस्तीचे गॅरेज असून मयूर त्यांना मदत करायचे. शनिवार रात्री दुचाकीने ते बेंडाळे चौकातून पांडे चौकाकडे जात होते. यावेळी त्यांची दुचाकी न्यू, बी. जे. मार्केट समोरील दुभाजकावर धडकली. अपघातानंतर परिसरातील नागरिकांनी त्यांना तत्काळ शासकीय वैद्यकीय महाविद्यालय व रुग्णालयात दाखल केले. तेथे वैद्यकीय अधिकाऱ्यांनी मयत घोषित केले. रविवारी सकाळी…

जळगाव : प्रतिनिधी शिरसोली रस्त्यावरील एका हॉटेलवरून जेवण करून घरी परतत असताना कारचा ताबा सुटून ती थेट झाडावर धडकल्याने आनंद शांताराम सोनवणे (वय ३९, रा. कासमवाडी) हे ठार झाले. या अपघातात तीनजण गंभीर जखमी झाले असून, त्यांच्यावर खासगी रुग्णालयात उपचार सुरू आहेत. या घटनेत कारचा पुढील भाग पूर्णपणे चक्काचूर झाला आहे. हा अपघात रविवारी (१४ जुलै) दुपारी ४:१५ वाजता जळगाव ते शिरसोली रस्त्यावरून मोहाडीकडे जाणाऱ्या रस्त्यावर झाला. सविस्तर वृत्त असे कि, सामाजिक कार्यकर्ते असलेले आनंद सोनवणे हे रविवारी दुपारी त्यांचे मित्र भैरव उर्फ मुन्ना भगवान राणे (वय ३३), प्रवीण उर्फ पप्पू आढाव (वय ३५), योगेश भालचंद्र रेंभोटकर (वय ५५, सर्व…

पाचोरा : प्रतिनिधी बीएसएनएल कार्यालयाच्या मागील खिडकीचे गज तोडून चोरट्यांनी बॅटरी केबल व इतर साहित्य चोरून नेले. ही घटना शनिवारी रात्री घडली. यात एकास अटक करण्यात आली आहे. या प्रकरणी सलमान शेरू पिंजारी (२१, रा. कुर्बान नगर, पाचोरा, ह.मु, जळगाव) यास अटक करण्यात आली. दुसरा पसार आहे. मिळालेल्या माहितीनुसार, सारोळा रोडवरील बीएसएनएल कार्यालयाच्या मागील खिडकीचे गज तोडून चोरट्यांनी आत प्रवेश केला यात अज्ञात चोरट्यांनी दहा हजार रुपये किमतीची बॅटरी, दोन हजार रुपये किमतीचे ट्रान्सफॉर्मर, तीन हजार रुपये किमतीची तांब्याची तार असा पंधरा हजार रुपये किमतीचा ऐवज चोरून नेला. वॉचमन शरद पाटील यांनी फिर्याद दिली. त्यावरून पाचोरा पोलिसात गुन्हा दाखल झाला…