जळगाव : प्रतिनिधी वीज मोटारची वायर पुन्हा जोडताना विजेचा धक्का लागून चिन्मय मंगेश सपकाळे (वय १४, मूळ रा. गलंगी, ता. चोपडा) या वारकरी संप्रदायाचे शिक्षण घेणाऱ्या विद्यार्थ्यांचा मृत्यू झाला. ही घटना शुक्रवारी (९ ऑक्टोबर) सावखेडा शिवारातील राधाकृष्ण वारकरी संस्थेत घडली. या प्रकरणी तालुका पोलिस ठाण्यात अकस्मात मृत्यूची नोंद करण्यात आली आहे. सावखेडा शिवारातील राधाकृष्ण वारकरी संस्थेत विविध भागातील विद्यार्थी शिक्षण घेत असून तेथेच राहतात. त्यांच्यातीलच चिन्मय सपकाळे हा दोन वर्षापासून या ठिकाणी वारकरी शिक्षण घेत होता. शुक्रवारी सकाळी परिसरात बोरिंगची मोटार सुरू होती. तेथून चिन्मय जात असताना त्याचा पाय वायरमध्ये अडकला व ती निघाली. ही वायर पुन्हा जोडत असताना चिन्मयला…
Author: editor desk
जळगाव : प्रतिनिधी जिल्ह्यातील अवैध वाळू साठा प्रकरणात जिल्हा प्रशासनाने कठोर भूमिका घेत कानळदा येथील मंडळ अधिकारी छाया कोळी यांना निलंबित केले आहे. जिल्हाधिकारी रोहन घुगे यांनी हा आदेश जारी केला आहे. या कारवाईमुळे महसूल यंत्रणेत खळबळ उडाली असून अवैध वाळू उपसा आणि वाहतुकीला पाठीशी घालणाऱ्या घटकांना प्रशासनाने स्पष्ट इशारा दिल्याची चर्चा आहे. ऑगस्ट महिन्यात जिल्हाधिकारी रोहन घुगे आणि पोलीस अधीक्षक श्रीकांत धिवरे यांनी कानळदा शिवारातील गिरणा नदीकाठ परिसराची प्रत्यक्ष पाहणी केली होती. दुचाकी व पायी नदीपात्रात उतरून त्यांनी परिस्थितीचा आढावा घेतला होता. पाहणीदरम्यान मोठ्या प्रमाणावर अवैध वाळू साठे आढळून आल्याने संबंधित यंत्रणांना तत्काळ कारवाईचे निर्देश देण्यात आले होते. त्यानुसार…
रावेर : प्रतिनिधी तालुक्यातील एका गावातील २४ वर्षीय तरुणीला तिच्या इच्छेविरुद्ध चारचाकी वाहनातून बळजबरीने घेऊन गेल्याचा धक्कादायक प्रकार गुरुवारी दि. ८ रोजी पहाटे पिंपरुड-सावदा रस्त्यावर घडल्याचा आरोप आहे. यावेळी तरुणीच्या आई-वडिलांना मारहाण करण्यात आल्याची तक्रारही सावदा पोलिसांत दाखल करण्यात आली आहे. या प्रकरणी टेकचंद रविंद्र सरोदे (रा. रोझोदा, ता. रावेर) याच्यासह तीन अनोळखी व्यक्तींविरुद्ध गुन्हा दाखल केला आहे. पोलिसांत दाखल तक्रारीनुसार, संबंधित तरुणीचे यापूर्वी टेकचंद सरोदे याच्यासोबत लग्न झाले होते. मात्र, त्यानंतर ती आपल्या आई-वडिलांसोबत राहत होती. या प्रकरणासंदर्भात न्यायालयीन वाद सुरू असून, गुरुवारी उच्च न्यायालयात सुनावणी होती. त्यासाठी तरुणी तिच्या आई-वडिलांसोबत मोटारसायकलवरून भुसावळकडे जात होती. पहाटे सुमारे ५.१५ वाजता…
जळगाव : प्रतिनिधी इन्स्टाग्राम या सोशल मीडियावर कपड्यांची ऑनलाईन ऑर्डर दिलेल्या प्रीती मुकेश बांगड (वय ४१, रा. १८, सरजू निवास, महावीर नगर) कपड्यांची डिलिव्हरी देण्याच्या बहाण्याने महिलेच्या बँक खात्यातून तब्बल ८७ हजार २१९ रुपयांची ऑनलाईन आर्थिक फसवणूक केली आहे. याप्रकरणी शहर पोलीस ठाण्यात अज्ञात आरोपींविरुद्ध गुन्हा दाखल करण्यात आला आहे. शहरातील महावीर नगरात राहणाऱ्या प्रीती मुकेश बांगड यांनी दि. २४ सप्टेंबर ते दि. २७ सप्टेंबर या दरम्यान इन्स्टाग्रामवरील ‘लक्ष्मी कलेक्शन’ (गौरव पाथ रोड, शाखी नगर, जोधपूर राजस्थान) या पेजवरून कपड्यांची ऑर्डर दिली होती. यानंतर संशयितांनी ग्लोबल डिलिव्हरी डिपार्टमेंटच्या नावाने त्यांचा विश्वास संपादन केला. त्यानंतर वेळोवेळी प्रीती बांगड यांच्या व्हाट्सअॅपवर कॉल…
भुसावळ : प्रतिनिधी शहरातील साक्री फाटा परिसरात २९ लाख रुपयांच्या पैशांच्या व्यवहारातून २१ वर्षीय तरुणाचा मृत्यू झाल्याची धक्कादायक घटना समोर आली आहे. भूषण उल्हास व्हावले असे मृत तरुणाचे नाव आहे. पैशांच्या वादातून त्याला फार्म हाऊसवर मारहाण करून गंभीर जखमी करण्यात आले आणि त्यानंतर राष्ट्रीय महामार्गालगत टाकून देण्यात आल्याचा आरोप मयताच्या भावाने दिलेल्या फिर्यादीत करण्यात आला आहे. या प्रकरणात पोलिसांनी दोन संशवितांना ताब्यात घेतले असून तिसऱ्या संशयिताचा शोध सुरू आहे. भुसावळ शहरालगत वरणगाव महामार्गावरील एका वॉटर पार्कसमोर २१ वर्षीय तरुणाचा मृतदेह गुरुवारी सकाळी आढळला. भूषण उल्हास व्हावले (वय २१, रा. गांधीनगर, भुसावळ) असे मृत तरुणाचे नाव आहे. याप्रकरणी पोलिसांनी भाजपचे नगरसेवक…
अमळनेर : प्रतिनिधी अमळनेर तालुक्यातील पाडळसरे येथील मूळ रहिवासी व हल्ली एंडोल तालुक्यातील उत्राण येथे राहणाऱ्या तरुण जोडप्याचा तापी नदीत पायांना साखळी लावून कुलूप लावलेल्या अवस्थेत बुडून मृत्यू झाल्याने खळबळ उडाली आहे. ठरवून आत्महत्या की नियोजित हत्या, याबाबत चर्चेला उत आला आहे. मिळालेल्या माहितीनुसार, पाडळसरे येथील मूळ रहिवासी श्याम हरी पाटील (वय २८, ह. मु. उत्राण) आणि त्यांची पत्नी सपना पाटील (क्य २०) हे ८ रोजी दुपारी १२ ते १ वाजेच्या सुमारास शिंदखेडा तालुक्यातील नरडाणा शिवारात तापी नदीत पायाला लोखंडी साखळी व कुलूप लावलेल्या अवस्थेत तरंगताना आढळून आले. या संदर्भात नरडाणा पोलिसांना माहिती मिळताच पोलीस उपनिरीक्षक सचिन कापडणीस व पथकाने तत्काळ…
भुसावळ : प्रतिनिधी पिकअप वाहनाच्या धडकेत गंभीर जखमी झालेल्या भुसावळ पोलीस दलातील सेवानिवृत्त कर्मचारी प्रकाश आनंदराव पाचपांडे (वय ६७, रा. नाहाटा कॉलेजजवळ, पियुष कॉलनी, भुसावळ) यांचा उपचारादरम्यान मृत्यू झाला. १ ऑक्टोबर रोजी झालेल्या अपघातानंतर त्यांच्यावर भुसावळ येथील विघ्नहर्ता रुग्णालयात उपचार सुरू होते. मात्र, ४ ऑक्टोबर रोजी पहाटे ३.४५ वाजता उपचारादरम्यान त्यांची प्राणज्योत मालवली. मिळालेल्या माहितीनुसार, प्रकाश पाचपांडे हे १ ऑक्टोबर रोजी दुचाकीवरून राजस्थान मार्बल परिसरातून आपल्या घराकडे जात होते. त्यावेळी पिकअप चारचाकी वाहनाने त्यांच्या दुचाकीला जोरदार घडक दिली. या अपघातात पाचपांडे गंभीर जखमी झाले. घटनेची माहिती मिळताच बाजारपेठ पोलीस तसेच वाहतूक शाखेचे सहायक पोलीस निरीक्षक राहुल भंडारे यांच्यासह पोलिसांनी घटनास्थळी…
मुंबई : वृत्तसंस्था ज्येष्ठ अभिनेते नाना पाटेकर यांचे वयाच्या 75 व्या वर्षी निधन झाल्याची दुःखद बातमी समोर आली आहे. गोव्यामध्ये हृदयविकाराच्या झटक्याने त्यांनी अखेरचा श्वास घेतला. त्यांच्या निधनाने संपूर्ण कलाविश्वावर शोककळा पसरली आहे. नाना पाटेकर यांचा जन्म 1 जानेवारी 1951 रोजी महाराष्ट्रातील मुरुड-जंजिरा येथे झाला होता. आपल्या अभिनयाच्या एका वेगळ्या शैलीमुळे आणि रोखठोक स्वभावामुळे ते नेहमीच चर्चेत राहिले. त्यांनी आपल्या अभिनयातून कलाविश्वावर एक वेगळीच छाप उमटवली होती. अत्यंत साधे राहणीमान, तळागाळाशी जोडलेला अभिनेता म्हणून त्यांची ओळख होती. मिळालेल्या माहितीनुसार, त्यांच्या गोव्यातील घरी त्यांना हृदयविकाराचा झटका आला होता. त्यांच्यावर सुमारे 45 मिनिटे सीपीआर (CPR) देण्यात आले, परंतु त्यांचा जीव वाचवता आला…
जळगाव : प्रतिनिधी आगामी दुष्काळाच्या पार्श्वभूमीवर धानवड-पिंपळे चिंचोली शिवारातील धरणाचे पाणी गावकरी तसेच गुराढोरांच्या पिण्यासाठी पुरेशा प्रमाणात आरक्षित ठेवावे, अशी मागणी शिवसेना तालुका प्रमुख शिवराज भाऊ पाटील व विजय लाड यांनी केली आहे. याबाबत आज जिल्हाधिकारी यांना निवेदन देण्यात आले. धानवड चिंचोली परिसरात उन्हाळ्यात पाणीटंचाईची परिस्थिती निर्माण होण्याची शक्यता लक्षात घेता, धरणातील उपलब्ध पाणीसाठ्याचे योग्य नियोजन करणे आवश्यक आहे. शेतीसाठी किंवा इतर कारणांसाठी पाण्याचा वापर होत असताना गावकरी आणि पशुधनाच्या पिण्याच्या पाण्याचा प्रश्न निर्माण होऊ नये, यासाठी धरणातील काही पाणीसाठा पिण्यासाठी राखीव ठेवावा, अशी मागणी निवेदनातून करण्यात आली. “आगामी दुष्काळात गावातील नागरिक आणि गुराढोरांना पिण्याच्या पाण्यासाठी भटकंती करण्याची वेळ येऊ…
जळगाव : प्रतिनिधी तालुका कृषी विभाग, जळगाव यांच्याकडे आज शेतकऱ्यांच्या पिक विम्याशी संबंधित विविध समस्यांबाबत निवेदन देण्यात आले. शिवसेना प्रमुख शिवराज भाऊ पाटील यांच्या नेतृत्वाखाली गावातील शेतकरी बांधवांनी कृषी विभागाकडे आपल्या समस्या मांडत पिक विम्याच्या लाभाबाबत सखोल चौकशी करण्याची मागणी केली. शेतकऱ्यांच्या म्हणण्यानुसार, पिक विम्यासाठी पात्र असलेल्या काही शेतकऱ्यांना अद्याप विम्याची रक्कम मिळालेली नाही. दुसरीकडे, विम्याच्या निकषांनुसार प्रत्यक्षात पात्र नसलेल्या व्यक्तींना लाभ मिळाल्याची शेतकऱ्यांकडून तक्रार करण्यात आली आहे. त्यामुळे पिक विम्याच्या लाभार्थी यादीची तसेच नुकसान भरपाईच्या प्रक्रियेची पारदर्शकपणे पडताळणी करण्यात यावी, अशी मागणी करण्यात आली. खऱ्या लाभार्थी शेतकऱ्यांना न्याय मिळावा, यासाठी प्रत्येक अर्जाची व संबंधित कागदपत्रांची तपासणी करून पात्र शेतकऱ्यांना…