मुंबई : वृत्तसंस्था लाडकी बहीण योजनेअंतर्गत लाभार्थ्यांच्या खात्यात फेब्रुवारीचा हप्ता शेवटच्या आठवड्यात जमा झाला आहे. मात्र, काही लाभार्थी महिलांना अजूनही मार्च महिन्याचा हप्ता मिळालेला नाही, अशी तक्रार येत आहे. या प्रकरणामुळे अनेक महिलांमध्ये चिंतेचे वातावरण आहे आणि त्यांना पैसे कधी येतील, असा प्रश्न उपस्थित झाला आहे. योजनेत आतापर्यंत ८६ लाख महिलांचा लाभ बंद करण्यात आला आहे. २०२४ मध्ये सुरू झालेल्या लाडकी बहीण योजनेत सुरुवातीला २.४ कोटी महिला लाभार्थी होत्या. मात्र, काही निकषांमुळे आणि केवायसीमध्ये समस्या येण्यामुळे सध्या फक्त १.५ कोटी महिलांना योजनेचा लाभ मिळत आहे. परिणामी तब्बल ८६ लाख महिलांचे अर्ज योजनेतून वगळले गेले आहेत. या महिलांना फेब्रुवारीचा १५०० रुपयांचा…
Author: editor desk
जळगाव : प्रतिनिधी जिल्ह्यातील एलपीजी गॅस सिलेंडर तसेच पेट्रोल-डिझेल इंधनाचा साठा आणि त्याचे सुरळीत वितरण सुनिश्चित करण्यासाठी जिल्हाधिकारी रोहन घुगे यांच्या अध्यक्षतेखाली जिल्हाधिकारी कार्यालयात आढावा बैठक घेण्यात आली. या बैठकीस प्रभारी जिल्हा पुरवठा अधिकारी अर्चना मोरे, सहाय्यक जिल्हा पुरवठा अधिकारी उमा खापरे, सर्व गॅस एजन्सी धारक, पेट्रोल पंप डीलर्स, तेल कंपन्यांचे विक्री अधिकारी तसेच संबंधित विभागांचे प्रतिनिधी उपस्थित होते. बैठकीत जिल्ह्यातील एलपीजी गॅस सिलेंडरच्या उपलब्ध साठ्याची सद्यस्थिती तपासण्यात आली. भविष्यातील मागणी लक्षात घेऊन पुरवठ्याचे सुयोग्य नियोजन करण्याबाबत सविस्तर चर्चा करण्यात आली. शासनाने निश्चित केलेल्या प्राधान्यक्रमानुसारच गॅस सिलेंडरचे वितरण करण्यात यावे, असे निर्देश देण्यात आले. तसेच केटरर्स, हॉटेल व्यावसायिक व एमआयडीसीतील…
मुंबई : वृत्तसंस्था महाराष्ट्रातील भोंदू अशोक खरातसोबत मुख्यमंत्री देवेंद्र फडणवीस यांचे फोटो चर्चेच्या केंद्रस्थानी आले आहेत. या पार्श्वभूमीवर विधिज्ञ वकील असिम सरोदे यांनी मुख्यमंत्र्यांवर गंभीर आरोप करत निशाणा साधला आहे. सरोदे यांनी म्हटले की, “मुख्यमंत्री महाराष्ट्राला मूर्ख समजत आहेत का? तुम्ही अंधश्रद्धा बाळगणारे आहात, तुम्ही वैज्ञानिक दृष्टिकोन पाळावा ही घटनात्मक जबाबदारी न पाळणारे आहात. खरातसोबत तुमचे विशेष फोटो असल्याने तुम्ही दोषी आहात.” त्यांनी असा दावा करत मुख्यमंत्री फडणवीस यांची टीका केली. मुख्यमंत्री देवेंद्र फडणवीस यांनी शुक्रवारी पत्रकारांशी संवाद साधताना स्पष्ट केले की, फक्त अशोक खरातसोबत फोटो असल्यामुळे कोणावरही कारवाई होणार नाही. तसेच, या प्रकरणी व्हिडिओ व्हायरल करणाऱ्यांवर फौजदारी गुन्हा दाखल…
पुणे : वृत्तसंस्था नाशिकमध्ये भोंदू अशोक खरात याने अनेक महिलांवर अत्याचार केल्याची घटना उघडकीस आल्यानंतर पुण्यातील या पीडित महिलेने पोलिसांकडे धाव घेतली. सुरुवातीला तिने वसई येथील माणिकपूर पोलिस ठाण्यात फिर्याद दिली. त्यानंतर वसई पोलिसांनी हा गुन्हा पुढील तपासासाठी पुण्यातील हडपसर भागातील मांजरी पोलिस ठाण्याकडे वर्ग केला. अंगात दैवी शक्तीचा संचार असल्याचा दावा करत एका महिलेवर बलात्कार करणाऱ्या भोंदू ऋषीकेश वैद्य याला पुणे पोलिसांनी पिंपरी येथून अटक केली आहे. एका 35 वर्षीय पीडित महिलेने या भोंदू बाबा विरोधात फिर्याद दाखल केली होती. त्याने ‘मी तुझा शंकर, तू माझी पार्वती’ म्हणत महिलेवर बलात्कार केल्याचा आरोप आहे. पीडित महिला मूळची पुण्यातील आहे. ऑक्टोबर…
पाचोरा : प्रतिनिधी तालुक्यातील एका गावात २४ वर्षीय विवाहितेचा रस्त्यावर विनयभंग केल्याची धक्कादायक घटना उघडकीस आली असून या प्रकरणी दोन संशयित आरोपींविरुद्ध पिंपळगाव हरेश्वर पोलीस स्थानकात गुन्हा दाखल करण्यात आला आहे. मिळालेल्या माहितीनुसार, संबंधित महिला आपल्या कुटुंबासह गावात वास्तव्यास आहे. दिनांक २७ मार्च रोजी सायंकाळी सुमारे ७ वाजेच्या सुमारास ती आपल्या जेठानीसोबत शौचालयाकडे जात असताना ही घटना घडली. त्यावेळी दोन संशयित आरोपींनी दुचाकी आडवी लावून महिलेला अडवले. यानंतर आरोपींनी महिलेकडे अश्लील मागणी करत तिच्या मनात लज्जा उत्पन्न होईल असे कृत्य केले. याच वेळी महिलेच्या पतीने विरोध केल्यावर आरोपींनी त्याला चापटा-बुक्क्यांनी मारहाण केली तसेच “तुमच्याने जे होईल ते करून घ्या” अशी…
जळगाव : प्रतिनिधी गेल्या काही दिवसापासून जळगाव शहरात चोरट्यांचा धुमाकूळ मोठ्या प्रमाणात वाढला आहे आता नुकताच खोटे नगर परिसरात एका बंद घराचा कडीकोंडा तोडून ३१ हजारांचा मुद्देमाल लंपास केल्याची घटना उघडकीस आली आहे. सविस्तर वृत्त असे कि, शहरातील खोटे नगर बस स्टॉप जवळील जय हिंद कॉलनी येथील रहिवासी क्षितीज देविदास सुरडकर (वय 30) हे खाजगी व्यवसाय करून आपल्या परिवाराचा उदरनिर्वाह करतात. दिनांक 16 मार्च रोजी रात्रीच्या सुमारास चोरट्यांनी बंद घर बघून दरवाज्याचा कडी कोंडा तोडून घरातून 200 ग्रॅम वजनाची चांदीची प्लेट वाटी, चमचा, ग्लास इन्व्हर्टरची बॅटरी, एलसीडी टीव्ही, तीन पितळाचे पातेले व एक पितळी समई असा ३१ हजारांचा मुद्देमाल लंपास…
जळगाव : प्रतिनिधी मध्य प्रदेशातून महाराष्ट्र राज्यात मोठ्या प्रमाणात अवैध गुटखा वाहतूक होत असून मुक्ताईनगर पोलिसांनी २६ रोजी रात्री कारवाई करुन जवळपास अडीच लाखांचा गुटखा पडकला आहे. जिल्हा पोलीस अधीक्षक डॉ. महेश्वर रेड्डी यांनी जिल्ह्यात अवैधरित्या गुटख्याचा साठा व अवैधरित्या होणारी वाहतूक पुर्णतः थांबवण्याबाबत आदेश दिलेले आहेत. त्या अनुषंगाने २६ मार्चला रात्री ९ वाजेच्या सुमारास मुक्ताईनगर तालुक्यातील पुर्णाड फाटा ते सुकळी गावादरम्यान राशा बर्डाजवळ अनिकेत शिवाजी सुरवसे (वय ३५, रा. सावरगांव पोस्ट नारी, ता. बार्शी, जि. सोलापुर) हा एका वाहनातून २ लाख ४३ हजार ३६० रुपयांचा केसरयुक्त विमल पानमसाला व व्ही-१ तंबाखूचा गुटखा घेवून जात होता. हा गुटख्याचा साठा मुक्ताईनगर…
जळगाव : प्रतिनिधी मनपाच्या स्वीकृत सदस्यपदासाठी दाखल अर्जाची २७मार्च रोजी छाननी झाली. त्यात भाजपचे डॉ. राधेश्याम चौधरी, प्रदीप रोटे व रमेश मतानी यांचे अर्ज वैध ठरले असून राहूल वाघ व सुभाष शौचे यांच्या अर्जात तांत्रिक पेच निर्माण झाला आहे. त्रुटी दूर करण्यासाठी दोन दिवसाची मुदत देण्यात आली. त्यांच्यातही शौचे यांचाच अर्ज वैध ठरु शकतो अशी माहिती सूत्रांनी दिली. आयुक्त ज्ञानेश्वर ढेरे व नगरसचिव सतीश शुक्ला यांनी स्वीकृत सदस्य पदासाठी दाखल झालेल्या अर्जाची दि.२७ मार्च रोजी छाननी केली. ज्यांचे अर्ज वैध झाले त्यांची निवड निश्चित मानली जात असून आता फक्त महासभेत घोषणेची औपचारिकता बाकी आहे. उध्दव सेनेत गटनेतेपदावरून दोन गट आमनेसामने…
अमळनेर : प्रतिनिधी गावठी कट्टा हाताळताना चुकून गोळी सुटल्याने (मिस फायर) झालेल्या अपघातात तरुण जागीच ठार झाला. ही घटना अमळनेर येथील अमलेश्वर नगरात शुक्रवारी रात्री ९:१५ वाजेच्या सुमारास घडली. अरुण सुरेश महाजन (३५) असे या मृत तरुणाचे नाव आहे. गावठी कट्टा हाताळताना हा प्रकार झाल्याचे प्रथम दर्शनी समजते. जखमी अवस्थेत त्याला खासगी रुग्णालयात आणण्यात आले. तेथे डॉक्टरांनी त्यास मृत घोषित केले. घटनेचे वृत्त कळताच पोलिस निरीक्षक दत्तात्रय निकम यांनी पथकासह भेट दिली. जखमीस रुग्णालयात आणताच तिथे मोठी गर्दी उसळली होती. नेमका प्रकार काय घडला, याबाबत रात्री उशिरापर्यंत परिसरात चर्चा होती. दरम्यान अरुण महाजन याचा मंडपाचा व्यवसाय होता. त्याच्याकडे गावठी कट्टा…
मुक्ताईनगर : प्रतिनिधी सुरतहून अमरावतीकडे जाणाऱ्या खासगी बसने ट्रकला मागून जोरदार धडक दिल्याने २९ प्रवासी जखमी झाले. यातील १२ जण गंभीर आहेत. ही घटना मुक्ताईनगर-मलकापूर महामार्गावर गुरुवारी रात्री १:३० वाजेच्या सुमारास घडली. याप्रकरणी मुक्ताईनगर पोलिस ठाण्यात गुन्हा दाखल करण्यात आला आहे. मिळालेल्या माहितीनुसार, ट्रकचालक राजेंद्र विनायक सैंदाणे (५६, रा. बोदर्डे, ता. पारोळा) यांच्या तक्रारीवरून साई दर्शन ट्रॅव्हल्सचे चालक अक्षय संतोष पाटील यांच्याविरोधात गुन्हा नोंदविण्यात आला आहे. फिर्यादीनुसार, सैंदाणे हे ट्रक (एमएच-१८ बीझेड-७०३९) घेऊन नरडाणा (ता. शिंदखेडा, जि. धुळे) येथे जात होते. मुक्ताईनगरजवळील पेट्रोल पंपासमोर ते थांबले होते. त्याचवेळी त्यांच्या ट्रकला मागून येणाऱ्या लक्झरी बसने (क्र. एमपी-४४ झेडबी-०७७७) या जबर धडक दिली.…