Author: editor desk

चोपडा : प्रतिनिधी शहरात झालेल्या एका भीषण रस्ते अपघातात १६ वर्षीय तरुणाचा मृत्यू झाल्याने परिसरात हळहळ व्यक्त केली जात आहे. उत्कर्ष दिलीप पाटील (वय १६, रा. बोरोले नगर, चोपडा) असे मृत तरुणाचे नाव असून, या घटनेमुळे संपूर्ण शहरात शोककळा पसरली आहे. मिळालेल्या माहितीनुसार, २६ मार्च रोजी प्रताप हायस्कूलजवळ उत्कर्षचा गंभीर अपघात झाला होता. अपघातानंतर त्याला तातडीने जळगाव येथे उपचारासाठी हलवण्यात येत होते. मात्र, रस्त्यातच त्याच्या शरीरातील हालचाल बंद झाल्याचे नातेवाईकांच्या लक्षात आले. यानंतर त्याला तातडीने चोपडा उपजिल्हा रुग्णालयात नेण्यात आले. तेथे ड्युटीवरील वैद्यकीय अधिकारी डॉ. सपना पाटील यांनी तपासणी करून त्याला मृत घोषित केले. या घटनेमुळे कुटुंबीयांवर दुःखाचा डोंगर कोसळला…

मुंबई : वृत्तसंस्था राज्यात एलपीजी सिलिंडर टंचाईच्या मुद्द्यावरून सत्ताधारी सरकारमध्येच मतभेद उघड होत असल्याची टीका राष्ट्रवादी काँग्रेसच्या खासदार सुप्रिया सुळे यांनी केली आहे. मंत्रिमंडळातील मंत्री एकमेकांना पत्र लिहित असल्याची बाब गंभीर असल्याचे सांगत त्यांनी सरकारच्या कारभारावर प्रश्नचिन्ह उपस्थित केले. मंत्री मंगलप्रभात लोढा यांनी गॅस सिलिंडर्ससंदर्भात पत्र लिहून सामान्यांचा प्रश्न ऐरणीवर आणल्याबद्दल सुळे यांनी त्यांचे आभार मानले. मात्र, “आता मुख्यमंत्री यांनी केंद्र सरकारशी चर्चा करून वस्तुस्थिती स्पष्ट करावी,” अशी मागणी त्यांनी केली. एलपीजीसारख्या महत्त्वाच्या विषयावर सरकारमध्ये समन्वयाचा अभाव असल्याचे त्यांनी सूचित केले. जागतिक पातळीवरील तणावाच्या पार्श्वभूमीवर बोलताना सुळे म्हणाल्या की, देशावर संकट आले तर विरोधक म्हणून आम्ही सरकारसोबत ठामपणे उभे राहू.…

मुंबई : वृत्तसंस्था राज्यातील राजकारणात “राजकीय भूकंप” आणि “ऑपरेशन टायगर/तुतारी” या विधानांमुळे निर्माण झालेल्या खळबळीवर आता राष्ट्रवादी काँग्रेस (शरद पवार गट) आक्रमक झाल्याचे दिसत आहे. सत्ताधारी शिवसेनेच्या राज्यसभेच्या खासदार ज्योती वाघमारे यांच्या वक्तव्यावर राष्ट्रवादीचे प्रदेशाध्यक्ष शशिकांत शिंदे यांनी कडाडून टीका केली आहे. नुकत्याच नांदेड दौऱ्यावर असताना ज्योती वाघमारे यांनी “राज्यात योग्य वेळी ऑपरेशन टायगर किंवा ऑपरेशन तुतारी होणार” असे सूचक विधान केले होते. या वक्तव्यामुळे राज्याच्या राजकीय वर्तुळात चर्चांना उधाण आले होते. मात्र, या पार्श्वभूमीवर शशिकांत शिंदे यांनी त्यांच्या भूमिकेवर प्रश्नचिन्ह उपस्थित केले आहे. शिंदे यांनी उपरोधिक शब्दांत म्हटले की, “ज्योती वाघमारे यांना प्रथमच राज्यसभेवर संधी मिळाली आहे. त्या जनतेच्या…

जळगाव :  प्रतिनिधी  जिल्ह्यातील बोदवड तालुक्यातील मानपुर येथील जमीन खरेदी प्रकरणाने पुन्हा एकदा राजकीय वर्तुळात खळबळ उडवून दिली आहे. माजी मंत्री एकनाथ खडसे आणि त्यांच्या कन्या शारदा खडसे यांच्या विरोधात बोदवड पोलीस ठाण्यात फसवणूक तसेच ॲट्रॉसिटी कायद्यांतर्गत गुन्हा दाखल करण्यात आला आहे. या घटनेमुळे जिल्ह्यात तसेच राज्याच्या राजकारणात चर्चेला उधाण आले आहे. मिळालेल्या माहितीनुसार, सन २००२ मध्ये मानपुर शिवारातील महार वतनाची गट क्रमांक १२२ ही जमीन खरेदी करण्यात आली होती. साखर कारखाना उभारण्याच्या उद्देशाने ही जमीन घेतल्याचे सांगण्यात आले होते. तक्रारदारांच्या म्हणण्यानुसार, संबंधित जमीनमालक चमेलीबाई तुकाराम तायडे यांच्या वारसांना योग्य मोबदला देण्याचे तसेच साखर कारखान्यात रोजगाराची संधी उपलब्ध करून देण्याचे…

नवी मुंबई : वृत्तसंस्था  नाशिकमधील भोंदूबाबा प्रकरणाची चर्चा सुरू असतानाच नवी मुंबईतून आणखी एक धक्कादायक फसवणुकीचा प्रकार समोर आला आहे. स्वतःला इस्रोचा शास्त्रज्ञ, डॉक्टर किंवा सरकारी अधिकारी असल्याचे भासवून अनेक महिलांची फसवणूक करणाऱ्या २१ वर्षीय आदर्श म्हात्रेला पोलिसांनी अटक केली आहे. या घटनेमुळे ऑनलाइन माध्यमांतून महिलांना लक्ष्य करून होणाऱ्या फसवणुकीचा गंभीर मुद्दा पुन्हा एकदा ऐरणीवर आला आहे. मिळालेल्या माहितीनुसार, आदर्श म्हात्रे हा केवळ दहावीपर्यंत शिक्षण घेतलेला आहे. मात्र, त्याने अत्यंत चलाखीने मॅट्रिमोनी वेबसाइट्सवर तब्बल १२ बनावट प्रोफाइल तयार केले होते. वेगवेगळ्या नावांनी ओळख निर्माण करत तो उच्चशिक्षित व आर्थिकदृष्ट्या सक्षम महिलांना लक्ष्य करत असे. स्वतःचे व्यक्तिमत्त्व प्रभावी दाखवण्यासाठी महागडे कपडे,…

जळगाव : प्रतिनिधी घराला कुलूप लावून ड्युटीवर गेलेल्या तृषा चंद्रकांत संन्याशी (वय ३९, रा. कोल्हे हिल्स परिसर) यांच्या घरातून चोरट्यांनी रोख २० हजार रुपयांसह सोन्याचे दागिने असा एकूण १ लाख ३३ हजार ५०० रुपयांचा ऐवज चोरून नेला. ही घटना २८ मार्च रोजी भरदिवसा कोल्हे हिल्स परिसरात घडली. दरम्यान, चोरटे कडीकोयंडा तोडत असताना त्यांना दरवाजाच्या बाजूलाच चावी ठेवलेली दिसली व त्यांनी कुलूप उघडून ही चोरी केली. तृषा संन्याशी या रुस्तमजी स्कूलमध्ये शिक्षिका आहेत. २८ मार्च रोजी सकाळी १० वाजता त्या घराला कुलूप लावून शाळेत गेल्या. त्यानंतर १० ते दुपार दुपारी एक वाजेदरम्यान चोरटे शिक्षिका राहत असलेल्या शकुंतला हाईट्स या अपार्टमेंटमध्ये शिरले.…

जळगाव :  प्रतिनिधी भरधाव डंपरने धडक देत चिरडल्याने बशीरशा मकबूलशा शाह फकीर (७५, रा. वराड, ता. जळगाव) हे जागीच ठार झाले. हा अपघात २८ मार्च रोजी रात्री वराड, ता. जळगाव येथे झाला. अपघात होताच नागरिकांनी प्रचंड संताप व्यक्त केला. एमआयडीसी पोलिसांनी डंपर ताब्यात घेतला. या प्रकरणी चालक नितीन वसंत मिस्तरी (रा. दापोरे, ता. एरंडोल) व मालक भूषण सुधाकर चव्हाण (रा. धानोरा, ता. जळगाव) या दोघांना अटक करण्यात आली असून दोघांनाही एक दिवसाची पोलिस कोठडी सुनावण्यात आली. मिळालेल्या माहितीनुसार,  वराड येथील बशीरशा फकीर हे कामानिमित्त गावातील बसस्थानकाकडे गेले होते. त्यावेळी एक डंपर (क्र. एमएच ४७, एएस ५१४८) गावातून जात असताना जोरदार धडक…

फैजपूर :  प्रतिनिधी येथील पोलिस ठाण्यातच पोलिसांशी धक्काबुक्की केल्याची धक्कादायक घटना शुक्रवारी सकाळी सुमारे ११:३० वाजता घडली. या प्रकरणी दोन जणांविरुद्ध गुन्हा दाखल करण्यात आला आहे. मिळालेल्या माहितीनुसार, भूषण प्रमोद भिरूड (वय २६) व धीरज विजय सोनवणे (वय २५, दोघे रा. फैजपूर) हे गुटखा खात पोलिस ठाण्यातील अंमलदाराच्या कक्षात गेले. तेथे त्यांनी गुटखा थुंकल्याने पोलिसांनी त्यांना विचारणा केली. यावेळी दोघांनी वाद घालत एका पोलिस कर्मचाऱ्याची कॉलर पकडून धक्काबुक्की केली व शिवीगाळ करत शासकीय कामात अडथळा निर्माण केला. यामुळे थोडावेळ तणाव झाला होता. या प्रकरणी हवालदार रुपेश पाटील यांच्या फिर्यादीवरून दोघांविरुद्ध गुन्हा नोंदविण्यात दाखल करण्यात आला आहे. याप्रकरणी पुढील तपास पोलिसउपनिरीक्षक…

भुसावळ : प्रतिनिधी शहरातील जुन्या कोंडवाडा परिसरात किरकोळ वादातून गॅरेज चालकावर मारहाण केल्याची घटना घडली असून, या प्रकरणी सहा जणांविरुद्ध बाजारपेठ पोलिस ठाण्यात गुन्हा दाखल करण्यात आला आहे. फिरोज शेख याकूब (वय ३६, रा. जाम मोहल्ला) हे खडका चौफुलीजवळ ‘सिकंदर कार’ नावाचे गॅरेज चालवतात. २७मार्च रोजी कुटुंबीयांच्या कार्यक्रमानिमित्त ते मुस्लिम कॉलनी येथे गेले असताना रात्री सुमारास गाणे लावण्याच्या कारणावरून काही युवकांमध्ये वाद झाला. हा वाद मिटवण्यासाठी फिरोज शेख घटनास्थळी गेले. त्यानंतर रात्री १०.४५ वाजता चिराग हॉलजवळील मैदानावर चर्चा करण्यासाठी गेले असता, तेथे उपस्थित काही जणांनी एकत्र येत त्यांच्यावर शिवीगाळ करत चापटा व बुक्क्यांनी मारहाण केल्याचा आरोप आहे. तसेच जीवे मारण्याची…

आजचे राशिभविष्य दि.३० मार्च २०२६ मेष राशी आज तुमच्या कुटुंबासोबत चांगला वेळ घालवाल. नियोजित कामे स्वतःहून वेळेवर पूर्ण करा नाहीतर नंतर घाई गडबडीत काम बिघडेल. आज कामाबद्ल तुम्हाला काही नवीन आणि उत्कृष्ट सूचना मिळतील. तुमच्या गोड बोलण्यामुळे आणि मनमिळाऊ स्वभावामुळे तुमचे सहकारी तुमचे काम करून घेतील. तुमच्या निस्वार्थ मेहनतीला आज फळ मिळेल. जे नोकरीच्या शोधात आहेत, त्यांना आज नोकरी मिळण्याची चांगली संधी आहे. विद्यार्थ्यांसाठी आजचा दिवस सामान्य असेल. वृषभ राशी आज विद्यार्थ्यांसाठी चांगला दिवस आहे. महाविद्यालयातील तुमच्या चांगल्या कामगिरीमुळे तुमचे शिक्षक खूश होतील. तुमचे आरोग्य पूर्वीपेक्षा खूपच चांगले राहील. जर तुम्ही लाकडी फर्निचर विकत घेण्याचा विचार करत असाल, तर ते…