Author: editor desk

चाळीसगाव : प्रतिनिधी रेल्वेत अडीच लाखांची चोरी करणाऱ्या अहिल्यानगर येथील तिघांच्या चाळीसगाव लोहमार्ग पोलिसांनी मुसक्या आवळल्या आहेत. यात एका अल्पवयीन मुलाचा ही समावेश असून त्याच्या आजीला समज देऊन त्याला ताब्यात देण्यात आले आहे. ही घटना रविवारी घडली होती. अर्जुन ऊर्फ गोल्ट्या कानिफनाथ भोसले (२५, मारोती मंदिराजवळ धारनगाव, जि. अहिल्यानगर), अक्षय बाळासाहेब नन्नावरे (२३, धारनगाव) व एक अल्पवयीन मुलगा अशी या तिघांची नावे आहेत. शीतल कैलास (चाळीसगाव) या एक्स्प्रेसमध्ये चढत पाखले धुळे-मुंबई असताना प्रवाशांच्या गर्दीत त्यांच्या खांद्यावर लटकवलेली पर्स अज्ञाताने चोरून नेली होती. या पर्समध्ये हिरव्या रंगाची कापडी पिशवी होती. या पिशवीत २ लाख ५० हजार रुपये, त्यांच्यासह पतीचे आधारकार्ड, पॅनकार्ड…

पारोळा : प्रतिनिधी तालुक्यातील खेडीढोक येथील १९ वर्षीय तरुण शेतकऱ्याने त्याच्या शेतात विष प्राशन करून आत्महत्या केल्याची घटना शनिवारी रात्री घडली. हितेश विजयसिंग पाटील असे मयत शेतकऱ्याचे नाव आहे. मिळालेल्या माहितीनुसार,  भानुदास पंडित पाटील (४१, खेडीढोक) यांनी याबाबत पारोळा पोलिसात खबर दिली आहे. गावातील महेंद्र मुख्त्यारसिंग पाटील यांनी आपल्याला खबर दिल्याचे पाटील यांनी म्हटले आहे. फिर्यादीनुसार, हितेश विजयसिंग पाटील याने त्याच्या खेडीढोक शिवारातील शेतात विष प्राशन केले आहे. भानुदास पाटील, महेंद्र पाटील, विशाल पाटील, मंगलसिंग पाटील, शुभम पाटील, गजानन पाटील यांनी हितेश पाटील यास अमळनेर येथे दाखल केले. मात्र त्याची तब्येत खालावल्याने त्याला कुटीर रुग्णालयात घेऊन जाण्याचा सल्ला डॉक्टरांनी दिला.…

जळगाव : प्रतिनिधी मनपा मालकीच्या गिरणा पंपिंग व बंद पडलेल्या जलशुद्धीकरण केंद्रातील पाइप चोरीला गेल्याप्रकरणी गुन्हा दाखल असलेले मनपाचे माजी विरोधी पक्षनेते सुनील महाजन यांच्या अटकेच्या मागणीसाठी सोमवारी भाजपकडून मनपासमोर आंदोलन करण्यात आले. यावेळी सुनील महाजन यांच्या विरोधात भाजप पदाधिकाऱ्यांनी जोरदार घोषणाबाजी केली. आंदोलनात जिल्हाध्यक्ष उज्ज्वला बेंडाळे, डॉ. राधेश्याम चौधरी, माजी महापौर सीमा भोळे, जितेंद्र मराठे, भगत बालानी, विशाल त्रिपाठी, दीपक सूर्यवंशी, मनोज काळे, गोपाल पोपटानी, सुनील सरोदे, वीरेन खडके, गायत्री राणे, सुरेखा तायडे, आशिष सपकाळे, मुकुंद मेटकर, मुकुंदा सोनवणे, कैलास सोनवणे, राहुल वाघ, राजेंद्र मराठे, शंकर कुमावत, राजेंद्र घुगे पाटील, उमेश देशपांडे, मिलिंद चौधरी, विनोद मराठे, नितीन पाटील, जितेंद्र…

जळगाव : प्रतिनिधी कंपनीच्या कर्मचाऱ्यांना मिळत असलेली कार कमी किमतीत (डिस्काऊंट) मिळवून देण्याचे आमिष दाखवत विक्रम रमेश मुणोत (४२, रा. गणपतीनगर) यांची ३ लाख २५ हजार रुपयांमध्ये फसवणूक करण्यात आली. याप्रकरणी रामानंदनगर पोलिस ठाण्यात राकेश सुभाष बडगुजर (४२, रा. आकुर्डी, पुणे) याच्याविरुद्ध गुन्हा दाखल करण्यात आला आहे. विक्रम मुणोत यांची व्यवसायाच्या माध्यमातून एका कंपनीच्या जळगाव कार्यालयातील एरिया मॅनेजर राकेश बडगुजर याच्याशी ओळख झाली. ओळखीचा फायदा घेत राकेश बडगुजर याने कंपनीच्या कर्मचाऱ्यांना डिस्काऊंटमध्ये मिळणारी कार मुणोत यांना कमी किमतीत मिळवून देतो, असे सांगितले. त्यासाठी मुणोत यांनी वेळोवेळी एकूण तीन लाख २५ हजार रुपये दिले. त्यानंतर बडगुजर याने नकार देऊन फसवणूक केली.…

जळगाव : प्रतिनिधी जळगाव ते भुसावळ मार्गावर दूरदर्शन टॉवरजवळ असलेल्या श्री स्वामी नारायण मंदिरातील मूर्ती प्रतिष्ठा महोत्सवासाठी १० ते १७ डिसेंबरदरम्यान जळगाव ते भुसावळ दरम्यान अवजड वाहनांना बंदी राहणार असल्याचे आदेश जिल्हा पोलिस अधीक्षक डॉ. महेश्वर रेड्डी यांनी काढले आहेत. भुसावळ मार्गावर दूरदर्शन टॉवर जवळील श्री स्वामी नारायण मंदिरात मूर्ती प्राणप्रतिष्ठा सोहळ्याचे मंगळवारपासून आयोजन करण्यात आले आहे. त्यामुळे याठिकाणी भाविकांची मोठ्या प्रमाणात होणारी गर्दी लक्षात घेता तसेच कायदा व सुव्यवस्था राखण्यासाठी या ठिकाणाहन होणारी अवजड वाहतुकीच्या मार्गात बदल करण्यात आला आहे. सकाळी ७ ते रात्री ११ वाजेपर्यंत या मार्गावरून अवजड वाहतूक बंद करण्यात येणार असून त्यासाठी पर्यायी मार्गाचा वापर करण्याचे…

जळगाव : प्रतिनिधी दरोड्याच्या तयारीत असलेल्या सात जणांना पोलिसांनी रविवारी रात्री ८ वाजेच्या सुमारास अटक केली आहे. त्यांच्याकडून दोन गावठी पिस्तुलासह चार जिवंत काडतूसे, चॉपर, चार तलवारी जप्त करण्यात आल्या आहेत. यातील काही संशयित हे हिस्ट्रीशिटर आहेत, अशी माहिती जिल्हा पोलिस अधीक्षक डॉ. महेश्वर रेड्डी यांनी दिली. इम्रान शेख उर्फ मॉडेल रसूल शेख (रा. भारत नगर, भुसावळ), अरबाज शेख शबीर (रा. तेली गल्ली, भुसावळ), मुजम्मिल शेख मुज्जू शेख हकाम, शोएब इकबाल खाटीक (दोन्ही रा. फैजपूर), आदित्य सिंग उर्फ विक्की अजय ठाकूर, राहूल उर्फ चिकू राम डेंडवाल आणि मोहित जितेंद्र मेलावंस (तिघे रा. खंडवा) अशी त्यांची नावे आहेत. त्यांच्यावर भुसावळ बाजारपेठ…

जळगाव : प्रतिनिधी बांधकाम परवानगीचे व बांधकाम झालेल्या घराचे भोगवटा प्रमाणपत्र देण्यासाठी १५ हजार रुपयांची लाच स्वीकारणाऱ्या महापालिकेतील नगररचना विभागाचा नगररचना सहायक मनोज समाधान वन्नेरे (३४, रा. जळगाव) याला सोमवारी लाचलुचपत प्रतिबंधक विभागाने रंगेहाथ पकडले. खेडी बुद्रुक येथील तक्रारदाराने महानगरपालिकेत एकूण तीन प्रकरणे मंजुरीसाठी दिली होती. पहिल्या प्रकरणात पडताळणी करण्यासाठी वन्नेरे याने सुरुवातीला २१ हजारांची मागणी केली. त्यानंतर तडजोडीअंती १५ हजार रुपये देण्याचे ठरले. दुसऱ्या प्रकरणात महापालिका आयुक्त ज्ञानेश्वर ढेरे व सहायक संचालक दिघेश तायडे यांना देण्यासाठी प्रत्येकी १५ हजार रुपये अशी एकूण ३० हजार रुपयांची मागणी केली. त्यानुसार तक्रारदाराने जळगाव लाचलुचपत प्रतिबंधक विभागाकडे तक्रार केली. त्यानुसार पथकाने सोमवारी (९…

मुंबई : वृत्तसंस्था मुंबईतील कुर्ला उपनगरात बेस्टची इलेक्ट्रिक बस भरधाव वेगात गर्दीत घुसली आणि रिक्षासह, खासगी वाहने आणि प्रवाशांनाही धडक दिली. यात पाच जणांचा मृत्यू झाला असून २५ जण जखमी झाले आहेत. जखमींपैकी काही जणांची प्रकृती गंभीर असल्याचे समजते. आफरिन रसूल शाह (१९), आझम शेख (२०), कनिस फातिमा कादरी (५५) आणि शिवम कश्यप अशी मृतांची नावे आहेत. आरोपी बसचालक संजय मोरे (५०) याला पोलिसांनी ताब्यात घेतले आहे. ब्रेक फेल झाल्याचे चालकाचे म्हणणे आहे. याबाबत आरटीओचे पथक अधिक तपासणी करत आहे. कुर्ला पश्चिमेकडील महापालिकेच्या एल वॉर्ड कार्यालय परिसरात सोमवारी रात्री पावणेदहाच्या सुमारास ही दुर्घटना घडली. दोन जणांचा जागीच तर दोघांचा उपचारादरम्यान…

मेष राशी आज तुमच्या बऱ्याच इच्छा मार्गी लागणार आहेत. कायदेशीर अडचणींमध्ये काही सुधारणा होऊ शकतात. कुटुंबात काही छोटे वादविवाद होऊ शकतात, पण तुम्ही शांत राहा. प्रवास टाळा, कारण काही अडचणी येऊ शकतात. व्यवसायात काही तोटे होऊ शकतात. विद्यार्थ्यांसाठी परीक्षा चांगली जाईल. बाहेरचे पदार्थ खाणं टाळा. प्रकृतीची काळजी घ्या. वृषभ राशी आज तुम्हाला घरगुती खर्चासाठी जास्त पैसे खर्च करावे लागू शकतात. तरीही, उत्पन्न पाहूनच खर्चावर नियंत्रण ठेवा. नाही तर आर्थिक अडचणी येऊ शकतात. प्रतिस्पर्ध्यांचे लक्ष तुमच्यावर असू शकते, त्यामुळे सतर्क राहा. वैवाहिक जीवनात आनंदी राहाल. मात्र, प्रियकराशी वाद होऊ शकतो. मिथुन राशी समाज कार्यात भाग घ्याल. परंतु काही अडचणी येऊ शकतात.…

मुंबई : वृत्तसंस्था राज्यात अनेक गुन्हेगारी घटना घडत असतांना नुकतेच एक धक्कादायक प्रकरण समोर आले आहे. देशात कुठल्याही राज्याचे राज्यपाल करतो, असे आमिष दाखवून नाशिकच्या बारावी पास भामट्याने चक्क तामिळनाडूतील एका शास्त्रज्ञास ५ कोटींचा गंडा घातला. याप्रकरणी संशयित निरंजन सुरेश कुलकर्णी (रा. गंधर्वनगरी, मोटवाणी रोड, नाशिकरोड) याला पोलिसांनी अटक केली आहे. न्यायालयाने त्याची कोठडीत रवानगी केली. फसवणूक झालेले नरसिम्मा रेड्डी अपुरी (रा. चेन्नई, तामिळनाडू) यांची याबाबत फिर्याद दिली होती. रेड्डी एका पूजेसाठी फेब्रुवारी महिन्यात नाशिकमध्ये आले होते. मुंबई नाका येथील एका हाॅटेलमध्ये निरंजन कुलकर्णी याच्यासोबत त्यांची तेव्हा एका मित्रामार्फत पहिल्यांदा भेट झाली. ‘माझी अनेक राजकीय नेत्यांसोबत अोळख अाहे. मी कोणत्याही…