Author: editor desk

जळगाव | प्रतिनिधी कविवर्य ना. धों. महानोर यांच्या साहित्यिक आणि सामाजिक विचारांचा वारसा पुढे नेणाऱ्या कविवर्य ना. धों. महानोर पुरस्कार वितरण सोहळा २०२६ उत्साहपूर्ण वातावरणात मुंबई ला झाला. भवरलाल अँड कांताबाई जैन फाऊंडेशन आणि यशवंतराव चव्हाण सेंटर यांच्या संयुक्त विद्यमाने आयोजित या सोहळ्यात साहित्य व शेती-पाणी क्षेत्रातील पुरस्कारांचे वितरण करण्यात आले. याचवेळी परिवर्तन जळगाव निर्मित ‘हंस अकेला’ या संत कबीरांच्या विचारांचा शोध घेणाऱ्या सांस्कृतिक कार्यक्रमाचे सादरीकरण करण्यात आले. कार्यक्रमास खासदार सुप्रिया सुळे, जैन इरिगेशनचे सहव्यवस्थापकीय संचालक अतुल जैन, ज्येष्ठ साहित्यिक रंगनाथ पठारे, डॉ. श्रीकांत देशमुख, सुधींद्र कुलकर्णी, तसेच ना. धों. महानोर यांचे कुटुंबीय उपस्थित होते. कार्यक्रमाचे निवेदन दत्ता बाळसराफ यांनी…

जळगाव : प्रतिनिधी  शहरात अवघ्या १२ वर्षांच्या एका शाळकरी मुलाने घरात गळफास घेऊन आपली जीवनयात्रा संपवल्याची घटना शुक्रवार, ११ सप्टेंबर रोजी सकाळी उघडकीस आली. या चिमुकल्याने इतक्या लहान वयात टोकाचे पाऊल का उचलले, याचे कारण अद्याप स्पष्ट होऊ शकलेले नाही. रोहित राहुल चौधरी (वय १२, मूळ रा. लक्ष्मी नगर, जळगाव) असे या मुलाचे नाव आहे. मिळालेल्या माहितीनुसार,  रोहित हा भुसावळ येथील एका हॉस्टेलमध्ये राहून तिथल्याच शाळेत सातवीच्या वर्गात शिक्षण घेत होता. काही दिवसांपूर्वीच तो जळगावला आपल्या घरी आला होता. रोहितच्या वडिलांनी नुकतेच शहरातील खडके चाळ भागात एक नवीन घर घेतले होते आणि याच नव्या वास्तूत ही दुर्दैवी घटना घडली. ९ सप्टेंबर…

आदिवासी नृत्य, मल्लखांबची चित्तथरारक प्रात्यक्षिके अन् वृषभराजाची भव्य मिरवणूक ठरली आकर्षण जळगाव : प्रतिनिधी आदिवासींचे पारंपरिक होळी नृत्य.. मल्लखांबची चित्तथरारक प्रात्यक्षिके.. सालदार मंडळींचे उत्स्फूर्त पावरी नृत्य… अनुभूती स्कूलच्या विद्यार्थ्यांची लेझीमवर गणेशवंदना… वृषभराजाची भव्य सवाद्य मिरवणूक… अशा कृषीसंस्कृतीत अनन्यसाधारण महत्त्व असलेल्या पोळा सण जैन हिल्स येथे थाटामाटात साजरा झाला. या सोहळ्याला कवयित्री बहिणाबाई चौधरी उत्तर महाराष्ट्र विद्यापीठाचे कुलगुरू प्रा. डॉ. विजय माहेश्वरी, जळगावच्या महापौर दीपमाला काळे, जैन इरिगेशनचे अध्यक्ष अशोक जैन, व्यवस्थापकीय संचालक अतुल जैन, प्रकुलगुरू डॉ. एस. टी. इंगळे, कुलसचिव डॉ. विनोद पाटील, ज्ञानपीठ पुरस्कार विजेते दामोदोर मावोजो, राजेंद्र मयूर, उपमहापौर मनोज चौधरी, हिमाचल प्रदेश हॉर्टिकल्चर विद्यापीठाचे अधिष्ठाता डॉ. सोमदेव…

गणपती, नवरात्रीच्या सणासुदीत अनावश्यक कारवाई होणार नाही; छोट्या हॉकर्सच्या पोटापाण्याचा प्रश्न सविस्तर चर्चेला.. जळगाव : प्रतिनिधी शहरातील रस्त्याच्या कडेला छोटासा व्यवसाय करून आपल्या कुटुंबाचा उदरनिर्वाह करणाऱ्या हातगाडीवाल्या, फेरीवाल्या आणि छोट्या व्यावसायिकांच्या पोटापाण्याचा प्रश्न महाराष्ट्र नवनिर्माण सेनेने थेट महानगरपालिका आयुक्तांसमोर मांडला. गणपतीचे दिवस, नवरात्रीचा उत्सव आणि आगामी सणासुदीचा काळ लक्षात घेता या काळात छोट्या व्यावसायिकांवर अनावश्यक अतिक्रमण कारवाई करू नये, अशी मागणी मनसेने केली. रस्त्याच्या कडेला उभी असलेली आईस्क्रीमची छोटी गाडी, पाणीपुरीची हातगाडी, भाजीची टोपली, फळांची गाडी, चहा-नाश्त्याचा छोटासा व्यवसाय, फुलांची विक्री, पूजेचे साहित्य, खेळणी, सजावटीच्या वस्तू किंवा अन्य हंगामी वस्तूंची विक्री—हे केवळ अतिक्रमण म्हणून पाहता येणार नाही. त्या प्रत्येक छोट्या…

जळगाव : प्रतिनिधी जळगाव लोकसभा मतदारसंघाच्या खासदार स्मिता वाघ यांना प्रतिष्ठेचा ‘संसद रत्न पुरस्कार २०२६’ प्रदान करण्यात आला असून, हा सन्मान त्यांना सलग दुसऱ्या वर्षी मिळाला आहे. संसदेतील प्रभावी उपस्थिती, जनहिताचे प्रश्न सातत्याने मांडणे आणि लोकप्रतिनिधी म्हणून केलेल्या उल्लेखनीय कार्याची दखल घेत हा पुरस्कार देण्यात आला. पुरस्कार स्वीकारल्यानंतर भावना व्यक्त करताना खासदार स्मिता वाघ यांनी हा गौरव केवळ वैयक्तिक नसून जळगाव लोकसभा मतदारसंघातील जनतेने दाखविलेल्या विश्वासाचा सन्मान असल्याचे सांगितले. संसदेत उपस्थित केलेले प्रश्न, विकासकामांसाठी केलेल्या मागण्या आणि जनहितासाठी घेतलेले विविध पुढाकार यामागे मतदारसंघातील नागरिकांच्या अपेक्षा व समस्या केंद्रस्थानी असल्याचे त्यांनी नमूद केले तसेच “गतवर्षी मिळालेल्या पहिल्या ‘संसद रत्न’ सन्मानाने अधिक…

जळगाव  : प्रतिनिधी  चोरी करण्याच्या उद्देशाने तोंडाला रुमाल बांधून अंधारात लपून संशयास्पदरीत्या बसलेल्या २० वर्षीय तरुणास चाळीसगाव ग्रामीण पोलिसांच्या गस्ती पथकाने ताब्यात घेतल्याची कारवाई गुरुवारी पहाटे ३.३० वाजेच्या सुमारास मजरे ते वाघळी रोडवरील वाघळी चौफुलीजवळ करण्यात आली. मिळालेल्या माहितीनुसार,  वाघडली येथील प्रेमराज उर्फ मंगेश शिवाजी सोनवणे (वय २०) असे ताब्यात घेतलेल्या तरुणाचे नाव आहे. याबाबत पो.हे.कॉ. संदीप पाटील यांनी फिर्याद दिली आहे. चाळीसगाव ग्रामीण पोलिस ठाण्याचे गुन्हे शोध पथक स.पो.नि. विजय माळी यांच्या नेतृत्वात विभागीय गस्त घालत होते. पथकात पो.हे.कॉ.संदीप पाटील, पो.कॉ. विजय पाटील व चालक पो.कॉ. नितीन कोळी यांचा समावेश होता. गस्तीदरम्यान गुरुवारी पहाटे ३.३० वाजता पथकाचे वाहन मजरे ते…

जळगाव : प्रतिनिधी  शहरातील गिरणा पंपिग रोड परिसरात मॉर्निंग वॉकसाठी निघालेल्या एका ६८ वर्षीय सेवानिवृत्त वृद्धाला ‘हरिद्वारचे सिद्ध साधू’ असल्याचा बनाव करून भामट्यांनी हातचलाखीने लुटले. कारमधून आलेल्या दोघांनी पत्ता विचारण्याच्या बहाण्याने वृद्धाला जवळ बोलावून त्यांच्या हातातील तब्बल ७० हजार रुपये किमतीची सोन्याची अंगठी काढून ते पसार झाले. ही घटना उघडकीस आल्यानंतर वृद्धाने रामानंद नगर पोलिसात तक्रार दिली असून त्यानुसार गुन्हा दाखल करण्यात आला आहे. मिळालेल्या माहितीनुसार,  शहरातील गुलमोहर हौसिंग सोसायटी, गिरणा पंपिंग रोड येथे राहणारे दिलीप बाबूराव सुरवाडे (वय ६८) हे नेहमीप्रमाणे सकाळी साडेसहा वाजेच्या सुमारास मॉर्निंग वॉक संपवून पायी घरी परतत होते. वाघनगर जवळील ‘जय भवानी कॅटरर्स’च्या गोदामासमोर रस्त्यावरून जात…

फत्तेपूर, ता. जामनेर : जामनेर आगाराची बस शेवगे पिंप्रीकडून जामनेरकडे येत असताना हिंगणे पिंप्री गावापुढे फत्तेपूरकडून हिंगणे पिंप्रीकडे जाणाऱ्या पिकअपला धडकली. यात पिकअप चालकाचा उपचारादरम्यान मृत्यू झाला, तर दोघे गंभीर जखमी झाल्याची घटना १० सप्टेंबरला सायंकाळच्या सुमारास घडली. जामनेर आगाराची बस (एमएच – १४, बीटी- ३९२०) ही १० सप्टेंबरला सायंकाळी हिंगणे पिंप्री मार्गे जामनेरकडे येत होती. हिंगणे पिंप्री गावापुढे लक्ष्मण रूपचंद भारंबे यांच्या शेताजवळ समोरून येणाऱ्या पिकअप (एमएच – १९, सीएक्स- १८६८) ला बसची धडक बसली. या अपघातात पिकअप चालक मंगल उत्तम नवघरे (रा. कापूसवाडी) तसेच हिंगणे पिंप्री येथील पांडूरंग लालमल काळे व काशिनाथ धोंडू गोपाळ हे गंभीर जखमी झालेत.…

मागील भांडणाच्या कारणातून हल्ला; शेताजवळच पोटात चाकूचे वार, उपचारापूर्वीच मृत्यू पारोळा : प्रतिनिधी पारोळा तालुक्यातील पळासखेडे बु. येथे जुन्या भांडणाच्या कारणातून १८ वर्षीय तरुणाची चाकूने भोसकून हत्या करण्यात आल्याने परिसरात खळबळ उडाली आहे. मयुर दुर्वास पाटील (वय १८) असे मयत तरुणाचे नाव असून, या प्रकरणी अंकुश नेहरू पाटील (रा. पळासखेडे बु.) याच्याविरुद्ध पारोळा पोलीस ठाण्यात खुनाचा गुन्हा दाखल करण्यात आला आहे. पोलिसांकडून मिळालेल्या माहितीनुसार, गुरुवारी (दि. १० सप्टेंबर) दुपारी ३ ते ४ वाजेच्या सुमारास पळासखेडे बु. शिवारातील रविंद्र सुकदेव पाटील यांच्या शेताजवळ मयुर पाटील हा त्याचा चुलत भाऊ संदिप विष्णू पाटील याच्यासोबत गावाकडे येत होता. याचवेळी मयुर आणि अंकुश पाटील…

भुसावळ : प्रतिनिधी  शहरातील 35 वर्षीय रेल्वे कर्मचारी असलेल्या तरुणाची चाकूचे वार करीत हत्या करण्यात आली. ही धक्कादायक घटना गुरुवार, 10 रोजी रात्री 8.30 वाजेनंतर शहरातील पाटीलमळा भागात घडली. तुषार गोविंद सोनवणे (35, समता नगर, भुसावळ) असे मृताचे नाव असल्याचे पोलिसांनी सांगितले. खुनाचे स्पष्ट कारण मात्र कळू शकले नाही. पोलीस सूत्रांच्या माहितीनुसार, तुषार सोनवणे हा तरुण भुसावळ रेल्वेत नोकरीला असल्याची प्राथमिक माहिती आहे. गुरुवरी रात्री तुषार हा परिचिताची दुचाकी (एम.एच.19 सी.एच.1405) घेवून पाटीलमळा भागातून जात असताना अल्पवयीन संशयीताशी त्याचा कुठल्यातरी कारणातून वाद झाला व संशयीताने पाठीमागून डोक्याखाली व पाठीवरील भागात चाकूचे सपासप वार केल्याने अतिरक्तस्त्रावाने जागीच तरुणाचा मृत्यू झाला.गुरुवारी रात्री साडेआठ…