जळगाव मिरर | ८ सप्टेंबर २०२६ पाचोरा तालुक्यातील वरखेडी येथील सावखेडा रस्त्यावर असलेल्या ‘महासर माता राईस मिल’वर दि. ७ सप्टेंबरच्या मध्यरात्री तहसीलदार व पुरवठा विभागाने अचानक धाड टाकत मोठी कारवाई केली. भडगाव परिसरात रेशनचा ट्रक पकडल्यानंतर या मिलचा काळाबाजार उघडकीस आला. मध्यरात्री साडेबाराच्या सुमारास झालेल्या या गुप्त कारवाईने महसूल व पुरवठा वर्तुळात एकच खळबळ उडाली आहे. मिळालेल्या प्राथमिक माहितीनुसार, या राईस मिलमध्ये सार्वजनिक वितरण प्रणालीचा (रेशनिंगचा) मोठ्या प्रमाणावर तांदूळ साठवून ठेवल्याची माहिती प्रशासनाला मिळाली होती. शासकीय योजनेतून गोरगरीब व गरजू लाभार्थ्यांसाठी मिळणारे धान्य बेकायदेशीररीत्या गोळा करून ते राईस मिलमध्ये पॉलिश करायचे आणि खुल्या बाजारात चढ्या भावाने विकायचे, असा संशय व्यक्त…
Author: editor desk
जळगाव : प्रतिनिधी पुर्व वैमानस्यातून चिकन विक्रेते गोपाल मधुकर चौधरी यांच्यावर कोयत्याने हल्ला करीत जीवेठार मारण्याचा प्रयत्न केला. यामध्ये चौधरी यांच्या डोक्याला, चेहऱ्यावर गंभीर दुखापत झाली असून त्यांच्यावर उपचार सुरु आहे. ही घटना रविवार दि. ६ सप्टेंबर रोजी रात्री साडेनऊ वाजता बी. जे. मार्केट परिसरात घडली. याप्रकरणी हल्ला करणाऱ्या सुनिल रसाळ राठोड (रा. कांचन नगर) यांच्याविरुद्ध गुन्हा दाखल करण्यात आला आहे. मिळालेल्या माहितीनुसार, शहरातील कासमवाडी परिसरात राहणारे गोपाल चौधरी यांची शहरातील बी. जे. मार्केट परिसरात चिकनची हातगाडी आहे. यापुर्वी गोपाल चौधरी आणि सुनिल राठोड यांच्यात भांडण झाल्यामुळे त्यांनी एमआयडीसी पोलिस ठाण्यात गुन्हा दाखल केला असून ते प्रकरण न्यायालयात न्यायप्रविष्ठ आहेत. दि.…
जळगाव : प्रतिनिधी गणेशोत्सवाच्या पार्श्वभूमीवर जिल्ह्यात कायदा व सुव्यवस्था अबाधित राहावी, तसेच सणाच्या काळात शांततेला बाधा आणणाऱ्या समाजकंटकांवर प्रतिबंधात्मक कारवाई करण्याच्या दृष्टीने पोलिस दलाने धडक कारवाई सुरू केली आहे. त्याचाच एक भाग म्हणून सोमवारी (७ सप्टेंबर) एकाच दिवसात जिल्ह्यातील पोलिसांच्या रेकॉर्डवरील १४ जणांना हद्दपार करण्यात आले. यापैकी काहींना सहा महिने, तर काहींना एक वर्षासाठी जिल्ह्याबाहेर राहण्याचे आदेश देण्यात आले आहेत. या हद्दपारीचे आदेश प्रांताधिकारी विनय गोसावी यांनी काढले आहेत. गणेशोत्सवाच्या काळात शांतता भंग होण्याची शक्यता असलेल्या तसेच वारंवार गुन्हेगारी कारवायांमध्ये सहभागी असलेल्या व्यक्तींवर पोलिसांकडून प्रतिबंधात्मक कारवाईचा बडगा उगारण्यात येत आहे. हद्दपार करण्यात आलेल्या १४ जणांमध्ये नशिराबाद पोलिस ठाण्याच्या हद्दीतील सहा,…
चाळीसगाव : वृत्तसंस्था तालुक्यातील मेहुणबारे येथील जामदा फाट्यावर उभ्या असलेल्या २९ वर्षीय तरुणीला बसने जोरदार धडक दिल्याने तिचा दुर्दैवी मृत्यू झाला. सोमवारी सकाळी सव्वाआठ वाजेच्या सुमारास ही घटना घडली. या अपघातात प्राची महेंद्र पवार (वय २९, रा. नवेगाव, मेहुणबारे) हिचा मृत्यू झाला. घटनेमुळे मेहुणबारे परिसरात हळहळ व्यक्त होत आहे. मिळालेल्या माहितीनुसार, प्राची पवार ही ७ सप्टेंबर रोजी सकाळी चाळीसगाव येथे राहणाऱ्या आपल्या काकूला भेटण्यासाठी घरातून निघाली होती. दरम्यान, जामदा फाट्याजवळ ती उभी असताना धुळ्याकडून येणाऱ्या बसने (एमएच ४९, बीझेड ८२७६) तिला जोरदार धडक दिली. अपघाताची माहिती मिळताच प्राचीचे वडील महेंद्र पवार यांनी घटनास्थळी धाव घेतली. त्यावेळी प्राची बेशुद्ध अवस्थेत पडलेली…
चोपडा : प्रतिनिधी सण-उत्सव, मिरवणुका व सार्वजनिक कार्यक्रमांमध्ये ध्वनी प्रदूषणास प्रतिबंध करण्यासाठी जळगाव जिल्हा पोलिसांनी कडक भूमिका घेतली आहे. त्याच पार्श्वभूमीवर चोपडा शहरात जाहारवीर गोगाजी महाराज जन्मोत्सवाच्या मिरवणुकीदरम्यान निर्धारित मर्यादेपेक्षा मोठ्या आवाजात DJ वाजविणाऱ्या चालकावर पोलिसांनी कायदेशीर कारवाई केली. या DJच्या आवाजाची कमाल तीव्रता तब्बल १२०.९ डेसिबल नोंदविण्यात आली. जळगावचे पोलीस अधीक्षक श्रीकांत धिवरे यांनी जिल्ह्यात सण, उत्सव, मिरवणुका व सार्वजनिक कार्यक्रमांच्या अनुषंगाने कायदा व सुव्यवस्था अबाधित राखण्यासोबतच ध्वनी प्रदूषणाला आळा घालण्यासाठी प्रभावी उपाययोजना करण्याच्या सूचना सर्व पोलीस ठाण्यांच्या प्रभारी अधिकाऱ्यांना दिल्या आहेत. त्यानुसार ६ सप्टेंबर २०२६ रोजी चोपडा शहर पोलीस ठाण्याच्या हद्दीत जाहारवीर गोगाजी महाराज जन्मोत्सव मिरवणुकीच्या पार्श्वभूमीवर पोलिसांकडून…
जळगाव : प्रतिनिधी पारोळा तालुक्यात रात्रीच्या वेळी रस्त्यावर उभ्या असलेल्या ईको वाहनांच्या सायलेंसरमधील मौल्यवान धातू असलेले कॅटॅलिटिक कन्व्हर्टर चोरण्याच्या तयारीत असलेल्या दोघांना पारोळा पोलिसांनी नाकाबंदी दरम्यान रंगेहात ताब्यात घेतले. या कारवाईत पोलिसांनी निळ्या रंगाची मारुती वॅगनार, ईको वाहनांचे तीन सायलेंसर, कॅटॅलिटिक कन्व्हर्टरमधील मौल्यवान धातूंचे तुकडे तसेच चोरीसाठी वापरण्यात येणारे साहित्य असा एकूण ६ लाख ३५ हजार रुपयांचा अंदाजे मुद्देमाल जप्त केला आहे. ही कारवाई दि. ५ सप्टेंबर २०२६ रोजी सायंकाळी सुमारे ५ वाजता राष्ट्रीय महामार्ग क्रमांक ५३ वरील म्हसवे गावाजवळ करण्यात आली. पारोळा पोलीस स्टेशनचे प्रभारी अधिकारी पोलीस निरीक्षक दीपक पाटील यांना गोपनीय बातमीदारामार्फत ईको वाहनांच्या सायलेंसरमधील कॅटॅलिटिक कन्व्हर्टर चोरी करणाऱ्या…
जळगाव : प्रतिनिधी शहरातील एमआयडीसी परिसरातील ई-सेक्टरमध्ये असलेल्या श्री आनंद बॅटरी कंपनीत झालेल्या चोरीचा M.I.D.C. पोलिसांनी छडा लावला असून सहा आरोपींना जेरबंद केले आहे. आरोपींकडून चोरीस गेलेल्या ९७ हजार ५०० रुपये किमतीच्या शिशाच्या धातूच्या १६ विटा, एकूण ३९० किलो वजनाचा माल तसेच गुन्ह्यात वापरलेली ३० हजार रुपये किमतीची हिरो होंडा स्प्लेंडर मोटारसायकल असा एकूण १ लाख २७ हजार ५०० रुपयांचा मुद्देमाल हस्तगत करण्यात आला आहे. पोलिसांनी दिलेल्या माहितीनुसार, दिनांक ३१ ऑगस्ट २०२६ रोजी रात्री ९ वाजेपासून १ सप्टेंबर २०२६ रोजी मध्यरात्रीपर्यंतच्या कालावधीत ही चोरी झाली होती. फिर्यादी लखन वासुदेव बुधानी, रा. कंवर नगर, जळगाव यांच्या मालकीच्या श्री आनंद बॅटरी कंपनीच्या सिमेंट…
जळगाव : प्रतिनिधी तिसऱ्या मजल्यावर बांधकामाची परवानगी मिळाल्याची खोटे व बनावट कागदपत्रे देण्यासह ताबा दिलेल्या जागेचा परस्पर इतरांशी व्यवहार करत हॉटेल व्यावसायिक व इस्टेट ब्रोकर सुरेश नंदलाल तलरेजा (६३, रा. गणपती नगर) यांची ३ कोटी ७२ लाख रुपयांमध्ये फसवणूक करण्यात आली. हा प्रकार सन २०२१पासून सुरू होता. या प्रकरणी रविवारी (दि. ६ सप्टेंबर) के.पी. इन्फ्रास्ट्रक्चर व त्याचे प्रोप्रायटर, ममता अनिल साहित्या अनिल खूबचंद साहित्या, खुबचंद प्रेमचंद साहित्या, नितीन खूबचंद साहित्या (सर्व रा. मोहाडी रोड), जयराम इन्फ्रास्ट्रक्चर प्रोजेक्ट्स प्रा. लि. व विशाल रामगोपाल शर्मा (रा. मुंबई) यांच्याविरुद्ध शहर पोलिस ठाण्यात फसवणुकीचा गुन्हा दाखल झाला आहे. या संदर्भात तलरेजा यांनी शहर पोलिस…
धरणगाव : प्रतिनिधी तालुक्यातील पाळधी येथील शेतात पाणी भरत असताना विजेचा धक्का लागून कैलास संतोष माळी (वय ३५, रा. पाळधी ता, धरणगाव) या तरुणाचा मृत्यू झाला. ही घटना रविवारी सकाळच्या सुमारास चांदसर रस्त्यावरील शेतात घडली. घरातील एकुलत्या एक मुलाचा दुर्देवी मृत्यू झाल्यामुळे त्याच्या कुटुंबियांनी एकच आक्रोश केला. याप्रकरणी पोलिसात अकस्मात मृत्यूची नोंद करण्यात आली आहे. मिळालेल्या माहितीनुसार, गेल्या अनेक दिवसांपासून पावसाने ओढ दिल्याने शेतातील पिकांवर त्याचा परिणाम होत आहे. पिके वाचविण्यासाठी शेतातील विहिरीतून पिकांना पाणी भरण्यासाठी कैलास माळी हा तरुण त्याचे पाहुण्यांसोत उक्त्याने करीत असलेल्या शेतात रविवारी सकाळी शेतात गेला होता. शेतात पाणी भरत असताना त्याला विजेचा जोरदार धक्का बसला आणि…
जळगाव : प्रतिनिधी पाळधी ते तरसोद सुरु असलेल्या बायपास महामार्गावर एकेरी वाहतुक सुरु आहे. मात्र त्याठिकाणी कोणताही सुचना फलक नसल्यामुळे दुसऱ्या मार्गावरील वाहने देखील तेथून जात आहे. त्यामुळे रविवार दि. ६ सप्टेंबर रोजी दुपारी ट्रेलर व कंटेनरची समोरासमोर धडक दिली. या भीषण अपघातात दोन्ही वाहनांच्या कॅबीनचा चुराडा होवून चालक गंभीर जखमी झाले. या अपघातामुळे महामार्गावरील वाहतुक काही काळ विस्कळीत झाली होती. ही घटना रविवारी दुपारी अडीच वाजेच्या सुमारास तरसोद फाट्याजवळून काही अंतरावर घडली. वर्षभरापुर्वीच तयार झालेला पाळधी ते तरसोद बायपास महामार्ग पहिल्याच पावसामुळे खचला. त्याच्या दुरुस्तीचे काम सुरु असून धुळ्याकडून नागपूरकडे जाणारी एकच बाजू वाहतुकीसाठी सुरू करण्यात आली आहे. दरम्यान,…