जळगाव : प्रतिनिधी सेवा संकल्प अभियानात लोककल्याणकारी योजनांची माहिती सर्व सामान्यान पर्यंत पोहचविण्यासोबतच महत्वाच्या उद्दिष्टांवर लक्ष केंद्रित करून सेवा संकल्प अभियान यशस्वीपणे राबविण्याच्या सुचना जिल्हाधिकारी रोहन घुगे यांनी दिल्या. जिल्ह्यात १७ सप्टेंबर ते १७ ऑक्टोबर २०२६ या कालावधीत राबविण्यात येणाऱ्या ‘सेवा संकल्प अभियाना’च्या पूर्वतयारी संदर्भात जिल्हास्तरीय आढावा बैठक जिल्हाधिकारी रोहन घुगे यांच्या अध्यक्षतेखाली जिल्हाधिकारी कार्यालयात पार पडली, यावेळी ते बोलत होते. याप्रसंगी जिल्हा परिषदेच्या मुख्य कार्यकारी अधिकारी करिष्मा नायर, उपविभागीय अधिकारी योगेश कुमार मीना, अपर जिल्हाधिकारी श्रीमंत हारकर, विविध विभागांचे विभाग प्रमुख प्रत्यक्ष तर सर्व उपविभागीय अधिकारी, तहसीलदार, गटविकास अधिकारी दूरदृश्य प्रणालीद्वारे उपस्थित होते. जिल्हाधिकारी श्री. घुगे पुढे म्हणाले, या…
Author: editor desk
जळगाव : प्रतिनिधी कासोदा पोलीस ठाण्याच्या हद्दीतील शेतातून चोरीस गेलेल्या २३ शेळ्या-बोकड चोरीच्या गुन्ह्याचा पोलिसांनी मध्यप्रदेशात जाऊन छडा लावला आहे. या प्रकरणी पोलिसांनी दोन संशयित आरोपींना ताब्यात घेतले असून, चोरीस गेलेल्या शेळ्या-बोकडांची वाहतूक करण्यासाठी वापरण्यात आलेले वाहनही जप्त करण्यात आले आहे. कासोदा पोलीस ठाण्यात फिर्यादी यांनी दिलेल्या तक्रारीनुसार, ३ सप्टेंबर २०२६ रोजी सायंकाळी साडेसात वाजेपासून ४ सप्टेंबर रोजी सकाळी सहा वाजेपर्यंत कासोदा परिसरातील त्यांच्या शेतातील पत्री शेडमधून १८ लहान-मोठ्या शेळ्या आणि ५ लहान-मोठे बोकड, अशी एकूण २३ जनावरे अज्ञात चोरट्यांनी चोरून नेली होती. या प्रकरणी कासोदा पोलीस ठाण्यात गुन्हा दाखल करण्यात आला होता. गुन्ह्याचे गांभीर्य लक्षात घेऊन जळगावचे पोलीस अधीक्षक…
जळगाव : प्रतिनिधी जिल्हा परिषद प्रशासन नेहमीच सफाई कर्मचाऱ्यांच्या हितासाठी कटिबद्ध असून त्यांच्या विविध प्रलंबित मागण्या व समस्यांचे नियमानुसार निराकरण करण्यासाठी विशेष प्रयत्न करण्यात येतील. सफाई कर्मचाऱ्यांच्या प्रलंबित प्रश्नांवर स्वतंत्रपणे लक्ष केंद्रित करून आवश्यक त्या बाबींचा कृती आराखडा तयार करून टप्प्याटप्प्याने कार्यवाही करण्यात येईल, असे आश्वासन जिल्हा परिषदेच्या मुख्य कार्यकारी अधिकारी करिश्मा नायर यांनी दिले. राज्य सफाई कामगार आयोगाचे उपाध्यक्ष मुकेश सारवान हे मंगळवार, दि. १५ सप्टेंबर रोजी जळगाव जिल्हा दौऱ्यावर आले होते. त्यांच्या उपस्थितीत जिल्हा परिषदेत सफाई कर्मचाऱ्यांच्या विविध प्रलंबित प्रश्नांबाबत आढावा बैठक घेण्यात आली. यावेळी मुख्य कार्यकारी अधिकारी करिश्मा नायर यांच्यासह उपमुख्य कार्यकारी अधिकारी चंद्रकांत बोढरे, जिल्हा आरोग्य…
मुंबई : वृत्तसंस्था मराठा आरक्षणाच्या मागणीसाठी मनोज जरांगे पाटील यांनी अंतरवाली सराटी येथून पुन्हा एकदा मुंबईच्या दिशेने आंदोलनाचा प्रवास सुरू केल्याने राज्यातील राजकीय वातावरण तापले आहे. जरांगे पाटील यांनी मराठा समाजाला मोठ्या संख्येने मुंबईकडे येण्याचे आवाहन केले असून, त्यांच्या आंदोलनाच्या पार्श्वभूमीवर राज्य सरकारसमोर कायदा-सुव्यवस्था राखण्याचे तसेच मराठा आरक्षणाच्या प्रश्नावर तोडगा काढण्याचे आव्हान निर्माण झाले आहे. दरम्यान, मुख्यमंत्री देवेंद्र फडणवीस यांनी मंत्रिमंडळ बैठकीनंतर माध्यमांशी संवाद साधताना सरकारची भूमिका स्पष्ट केली. मनोज जरांगे पाटील यांनी सरकारसमोर मांडलेल्या 13 मागण्यांपैकी 12 मागण्या मान्य झाल्या आहेत. उर्वरित एका मागणीबाबत कायदेशीर आणि न्यायालयीन अडचणी आहेत, असा दावा फडणवीस यांनी केला. उर्वरित मागणीसंदर्भात न्यायालयात प्रकरण सुरू…
जळगाव मिरर | १५ सप्टेंबर २०२६ गणपती उत्सवाच्या पहिल्याच दिवशी जेवणाच्या कारणावरून झालेल्या वादातून एका व्यक्तीची निर्घृण हत्या करण्यात आल्याची धक्कादायक घटना धुळे जिल्ह्यातील साक्री तालुक्यातील दिघावे गावाच्या हद्दीत घडली. मित्रांमध्ये सुरू झालेल्या किरकोळ वादाचे रूपांतर हाणामारीत झाले आणि त्यातून चैत्रम दिलीप मालचे (वय ४०) यांच्यावर कुऱ्हाड आणि लाकडी काठीने हल्ला करण्यात आला. या हल्ल्यात
मुंबई : वृत्तसंस्था राज्याच्या हवामानात पुन्हा एकदा बदलाचे संकेत मिळत असून, १५ सप्टेंबर रोजी महाराष्ट्रात पावसाचे संमिश्र वातावरण राहण्याची शक्यता आहे. हवामान विभागाच्या अंदाजानुसार, राज्यातील सुमारे २२ जिल्ह्यांत हलका ते मध्यम पाऊस पडण्याची शक्यता असून, विदर्भासह उर्वरित भागातील १४ जिल्ह्यांत पावसाची उघडीप राहण्याचा अंदाज आहे. त्यामुळे शेतकरी तसेच घराबाहेर पडणाऱ्या नागरिकांसाठी आजचा हवामान अंदाज महत्त्वाचा ठरणार आहे. मुंबई, ठाणे, पालघर, रायगड, रत्नागिरी आणि सिंधुदुर्ग या कोकणातील जिल्ह्यांमध्ये काही ठिकाणी हलका ते मध्यम पाऊस होण्याची शक्यता आहे. किनारपट्टीच्या भागात दिवसभर ढगाळ वातावरण राहू शकते. अधूनमधून पावसाच्या सरी कोसळण्याची शक्यता असल्याने नागरिकांनी आवश्यक ती खबरदारी घेणे गरजेचे आहे. पुणे, सातारा, सांगली, कोल्हापूर…
जळगाव : प्रतिनिधी रामेश्वर कॉलनीतील २८ वर्षीय महिला बेपत्ता झाल्यानंतर पोलिसांनी केलेल्या तपासात पद्यालयच्या जंगलात तिचा दगडाने चेहरा ठेचलेल्या अवस्थेतील मृतदेह आढळला. कविता मिस्तरी (वय ३८) असे मृत महिलेचे नाव आहे. या प्रकरणी तिच्यासोबत गेल्याचे समोर आलेला मित्र नरेश उर्फ आबा अनिल सोनवणे (वय २८, रा. रामेश्वर कॉलनी) याला एमआयडीसी पोलिसांनी ताब्यात घेतले आहे. मिळालेल्या माहितीनुसार, कविता या दोन मुलांसोबत राहत होत्या. त्या गेल्या आठ ते दहा वर्षांपासून पतीपासून विभक्त होत्या. ८ सप्टेंबरपासून त्या वेपत्ता होत्या. याबाबत ९ सप्टेंबरला पोलिस ठाण्यात मिसिंगची तक्रार दाखल केली. तपासादरम्यान कविता या नरेश सोनवणे याच्यासोबत दुचाकीवरून जाताना दिसल्याची माहिती पोलिसांना मिळाली, त्यानंतर पोलिसांनी दोघांचा शोध…
जळगाव : प्रतिनिधी जळगाव शहर महानगरपालिकेच्या मानाच्या श्री गणपतीची भव्य आगमन मिरवणूक सोमवारी (दि. १४ सप्टेंबर) सकाळी १० वाजता शिवतीर्थ मैदानापासून अत्यंत उत्साहपूर्ण आणि डीजेमुक्त वातावरणात काढण्यात आली. ढोल-ताशांच्या गजरात निघालेल्या या मिरवणुकीची सुरुवात शहराचे आ. राजूमामा भोळे, महापौर दीपमाला काळे आणि अतिरिक्त आयुक्त शोभा बाविस्कर यांच्या हस्ते श्री गणेशाचे पूजन करून झाली. शिवतीर्थ मैदानापासून निघालेली ही मिरवणूक महानगरपालिकेच्या प्रांगणापर्यंत वाजत-गाजत पोहोचली. मिरवणुकीत आमदार, महापौरांसह सर्व नगरसेवक, पालिका अधिकारी आणि कर्मचाऱ्यांनी पारंपरिक वेशभूषा परिधान केली होती. ढोल-ताशांच्या तालावर पदाधिकारी आणि कर्मचाऱ्यांनी धरलेला ठेका आणि जल्लोष शहरवासीयांचे विशेष लक्ष वेधून घेणारा ठरला. महानगरपालिकेच्या प्रांगणात उभारण्यात आलेल्या भव्य मंडपात मिरवणुकीचा निरोप घेऊन…
नवी दिल्ली | वृत्तसंस्था केंद्रीय युवा कामकाज आणि क्रीडा राज्यमंत्री रक्षा निखिल खडसे यांच्या दिल्ली येथील अधिकृत निवासस्थानी श्री गणेश चतुर्थीच्या शुभमुहूर्तावर लाडक्या श्री गणरायाची अत्यंत उत्साहात आणि भक्तिमय वातावरणात प्रतिष्ठापना करण्यात आली. विधीवत पूजा आणि आरती करून विघ्नहर्त्या श्री गणेशाचे स्वागत करण्यात आले. यावेळी केंद्रीय राज्यमंत्री रक्षा खडसे यांनी देशवासीयांना तसेच महाराष्ट्रातील नागरिकांना गणेशोत्सवाच्या हार्दिक शुभेच्छा दिल्या. “श्री गणेशाच्या कृपेने देशात सुख, समृद्धी, आरोग्य आणि शांतता लाभावी, तसेच युवा पिढीला क्रीडा व विविध क्षेत्रात नवे यश संपादन करण्याची प्रेरणा मिळावी,” अशी प्रार्थना त्यांनी याप्रसंगी केली. या गणेशपूजनाच्या प्रसंगी केंद्रीय राज्यमंत्र्यांचे निकटवर्ती स्नेही आणि मंत्रालयातील अधिकारी व कर्मचारी वर्ग मोठ्या…
नवी दिल्ली : वृत्तसंस्था देशात घुसलेल्या प्रत्येक बेकायदा घुसखोराला शोधून देशाबाहेर हाकलणार, असा इशारा केंद्रीय गृह व सहकार मंत्री अमित शाह यांनी रविवारी मुंबईत दिला. तसेच २०२९ च्या लोकसभा निवडणुकीपूर्वी भाजपप्रणीत राष्ट्रीय लोकशाही आघाडीच्या(रालोआ) २१ राज्यांमध्ये समान नागरी कायदा लागू केला जाईल, अशी घोषणाही त्यांनी केली. नरिमन पॉईंट येथील मविम सभागृहात आयोजित पत्रकार परिषदेत शाह यांनी राष्ट्रीय सुरक्षा, एनआरसी व बांगलादेशी घुसखोरांच्या मुद्द्यावर केंद्राचा आक्रमक पवित्रा स्पष्ट केला. घुसखोरांचा शोध घेण्यासाठी सरकार कोणती रणनीती वापरणार, हे सार्वजनिक करणे योग्य ठरणार नाही, असेही ते म्हणाले. मणिपूर आणि देशभरातील एनआरसीबाबत मित्रपक्षांशी चर्चा सुरू असून योग्य वेळी निर्णय घेतला जाईल, असेही त्यांनी नमूद…