Author: editor desk

जळगाव : प्रतिनिधी शहरातील मोहाडी रोडवरील शासकीय महिला रूग्णाालयाच्या बांधकामाच्या ठिकाणाहून १ लाख २७ हजार रुपये किमतीचे साहित्य चोरून नेणाऱ्या टोळीचा पर्दाफाश एमआयडीसी पोलिसांनी केला आहे. यात तांबापूर येथून ३ संशयित आरोपींना मुद्देमालासह अटक केली आहे. मिळालेल्या माहितीनुसार, जळगाव मोहाडीरोड वरील शासकीय महिला रुग्णालयाचे बांधकाम सुरू आहे. या ठिकाणी बांधकामासाठी लागणारे साहित्य एका खोलीत ठेवण्यात आले होते. दरम्यान २ मार्च रोजी मध्यरात्री अज्ञात चोरट्यांनी बांधकामाच्या ठिकाणाहून असलेले खोलीचे कडी कोयंडा तोडून आत प्रवेश करत १ लाख २७ हजार रुपये किमतीचे साहित्य चोरून नेले होते. याप्रकरणी ठेकेदार आयुष्य मणियार यांच्या फिर्यादीवरून एमआयडीसी पोलीस ठाण्यात गुन्हा दाखल करण्यात आला होता. दरम्यान सरकारी…

नाशिक : वृत्तसंस्था नाशिक जिल्ह्यातील मालेगाव शहरातील हलवाई मशिदी जवळ कारखान्या मागे साचलेल्या सांडपाण्याच्या जवळ खेळताना एका तेरा वर्षीय मुलाने त्याच्या समवेत खेळणाऱ्या साडेतीन वर्षाच्या चिमुकल्या बालकाला सांडपाण्यात फेकल्याची घटना  घडली आहे. या बालकाच्या नाका- तोंडात पाणी गेल्याने या बालकाचा मृत्यू झाला. सुरुवातीला पाण्यात पडल्याने लहानग्याचा मृत्यू झाल्याचा संशय व्यक्त केला जात होता. मात्र, नंतर सीसीटीव्ही तपासला असता सदरील घटना निर्दशनात आली. या प्रकरणी पोलिसात गुन्हा नोंद करण्यात आला असून सदरील विधी संघर्षग्रस्त बालकाचा शोध घेतला जात आहे. काही मुले हे सांडपाण्याच्या डबक्याजवळ खेळत असलेले सीसीटीव्हीमध्ये दिसते. काही वेळाने एका तेरा वर्षीय मुलाने हस्सान मलीक मुदस्सीर हुसेन या साडेतीन वर्षाच्या…

धाराशिव : वृत्तसंस्था राज्यातील राजकारण आगामी लोक्साभेपुर्वी चांगलेच तापले असतांना नुकतेच केंद्रीय गृहमंत्री अमित शहा राज्याच्या दौऱ्यावर आले होते. त्यानंतर लागलीच शिवसेनेच्या ठाकरे गटाने देखील दौऱ्याला सुरुवात केली असून धाराशिव जिल्ह्यातल्या औसा येथील सभेत माजी मुख्यमंत्री उद्धव ठाकरे यांनी थेट पंतप्रधान मोदींसह शहांवर टीकास्त्र सोडले आहे. ठाकरे म्हणाले कि, अमित शहा शेपूट घाले गृहमंत्री आहेत. मणिपूर पेटले. तेव्हा तिकडे जायची हिंमत केली नाही. या नागोबाकडे काश्मीरमध्ये जायची हिंमत नाही. अरुणाचलमध्ये चीन घुसतोय. मात्र, या सगळ्या ठिकाणी त्यांनी शेपूट घातले. मात्र, महाराष्ट्रात येऊन ते आमच्यावर फणा काढतायत, असा शब्दा उद्धव ठाकरे यांनी अमित शहांवर टीकेची झोड उठवली. शिवसेनाप्रमुख होते म्हणून मोदींची…

पुणे : वृत्तसंस्था राष्ट्रवादी काँग्रेस शरदचंद्र पवार पक्षातर्फे मावळ तालुका कार्यकर्ता संवाद मेळावा आज लोणावळ्यात पार पडतोय. या मेळाव्याला पक्षाचे अध्यक्ष शरद पवार उपस्थित आहेत. यावेळी कार्यक्रमात बोलताना शरद पवार यांनी राष्ट्रवादी अजित पवार गटाचे मावळचे आमदार सुनील शेळके यांना थेट इशारा देत मलाही शरद पवार म्हणतात, अशा शब्दात सज्जड दम दिला. नेमकं काय म्हणाले शरद पवार, “देशाचे गृहमंत्री आपल्या राज्यात आले होते. मुंबईतील भाषणात सांगितलं की पन्नास वर्षे शरद पवार बसलेत. मी त्यांचा आभारी आहे, पन्नास वर्षे जनतेने माझ्यावर विश्वास ठेवला, हे अमित शाह यांनी मान्य केलं,असा टोला शरद पवार यांनी लगावला. तसेच गेली दहा वर्षे मोदी सत्तेत आहेत,…

मुंबई : वृत्तसंस्था आगामी लोकसभा निवडणूक येत्या काही दिवसात जाहीर होवू शकते त्यापूर्वीच सर्वच पक्षांनी मैदानावर जात उमेदवारांची चाचपणी सुरु असतांना नुकतेच महाविकास आघाडीची जागावाटपा संदर्भातील महत्त्वाची बैठक बुधवारी पार पडली. बैठकीत महाविकास आघाडीचा जागावाटपाचा फॉर्म्युला जवळजवळ निश्चित झाल्याची माहिती समोर येत आहे. मुंबईतील हॉटेल फोर सिझन्स येथे ही बैठक पार पडली. या बैठकीला शरद पवार, उद्धव ठाकरे, काँग्रेसचे प्रदेशाध्यक्ष नाना पटोले, पृथ्वीराज चव्हाण, बाळासाहेब थोरात आणि वंचित बहुजन आघाडीचे सर्वेसर्वा अॅड. प्रकाश आंबेडकर उपस्थित होते. बैठकीत जागावाटपाचा २०-२०-८ अशा फॉर्म्युला ठरल्याची माहिती मिळत आहे. शिवसेना ठाकरे गट २० जागा आणि काँग्रेस देखील २० जागा लढवणार असल्याची माहिती समोर येत…

जळगाव : प्रतिनिधी भरधाव रिक्षा-दुचाकीची समोरासमोर धडक होवून अपघात झाल्याची घटना बुधवार दि. ६ रोजी सकाळी आठ वाजता राष्ट्रीय महामार्गावरील जैन कंपनीसमोर घडली. या अपघातात दोन्ही वाहनांवरील ५ जण गंभीर जखमी झाले असून त्यांना शासकीय वैद्यकीय महाविद्यालयात उपचारार्थ दाखल करण्यात आले आहे. मिळालेल्या माहितीनुसार, धरणगाव तालुक्यातील पाळधी येथून प्रवाशी रिक्षा भरून जळगाव शहराकडे निघाली असतांना जैन कंपनीसमोरील राष्ट्रीय महामार्गावर प्रवाशी रिक्षा आणि दुचाकीचा अपघात झाला. या अपघातात दुचाकीस्वार प्रदीप रामचंद्र पाटील (वय २८ रा. गढोदा ता. जळगाव), रिक्षा चालक दिपक भाई (वय ३३ रा. पाळधी ता. धरणगाव), प्रवाशी भगवानसिंह राजपूत (वय ४२ रा. जळगाव), विजय नामदेव महाजन (वय ३६ रा.…

चोपडा : प्रतिनिधी तालुक्यातील अडावद येथील वटार शेतशिवारात मुख्य वीज वाहिनीवर काम करत असताना विजेचा धक्का लागून वायरमनचा मृत्यू झाल्याची घटना अडावद-वटार शेतशिवारात घडली. ही घटना बुधवारी सकाळी ९:४५ वाजेच्या सुमारास घडली. मिळालेल्या माहितीनुसार, येथील वटार शेतशिवारात मुख्य वीज वाहिनीवर काम सुरू असताना अचानक विजेच्या धक्क्याने दिलीप मोतीराम बारेला (२९, आडगाव, ता. चोपडा) या वायरमनचा मृत्यू झाला. सकाळी वीज कर्मचाऱ्यांसोबत मुख्य वाहिनीवर काम करत असताना त्यांना अचानक विजेचा धक्का बसला. यावेळी दिलीप यांना तत्काळ अडावद प्राथमिक आरोग्य केंद्रात आणण्यात आले. परंतु त्यांची प्रकृती गंभीर असल्याने चोपडा येथे हलवण्यात आले. मात्र, त्यांची प्राणज्योत मालवली. याप्रकरणी दोषीवर गुन्हा दाखल होईपर्यंत शवविच्छेदन होऊ…

पारोळा : प्रतिनिधी भर वस्तीत असलेल्या किसान महाविद्यालयाजवळ सकाळी ११ वाजेच्या सुमारास कारमध्ये गॅस भरताना भीषण आग लागल्याने कार जळून खाक झाली. या घटनेत चालक भाजला आहे. मिळालेल्या माहितीनुसार, बुधवारी सकाळी १०:३० ते ११ वाजेच्या सुमारास राष्ट्रीय महामार्गावर असलेल्या किसान कॉलेजसमोर साने गुरुजीनगर येथे रमेश भिवसन चौधरी (५५, पारोळा) हे घरगुती गॅस प्रवासी वाहतूक करणाऱ्या कारमध्ये भरत होते. त्यावेळी शॉर्टसर्किट झाल्याने त्याचे आगीत रूपांतर होऊन गाडीमध्ये असलेल्या गॅसने अचानक पेट घेतला. बघता बघता आगीने रुद्रावतार घेतला. आगीचे लोळ बाहेर पडू लागले. काही वेळातच कार जळून खाक झाली. अर्ध्या तासापर्यंत आगीचा थरार परिसरातील रहिवाशांनी अनुभवला. यात रमेश भिवसन चौधरी हे किरकोळ…

पाचोरा : प्रतिनिधी शेअर खरेदी करून त्यातून अधिकचा नफा देण्याचे आमिष दाखवत रमेश शंकरलाल मोर (६५, रा. पाचोरा) यांची ३३ लाख ३० हजार १०० रुपयांमध्ये फसवणूक केली. ही घटना १९ जानेवारी ते २९ फेब्रुवारी दरम्यान घडली. या प्रकरणी जेसिका नाव सांगणाऱ्या व्यक्तीविरुद्ध ५ मार्च रोजी सायबर पोलिस ठाण्यात गुन्हा दाखल करण्यात आला आहे. मिळालेल्या माहितीनुसार, पाचोरा येथील व्यापारी असलेले रमेश मोर यांना जेसिका नामक व्यक्तीने १९ जानेवारी ते २९ फेब्रुवारीदरम्यान वेळोवेळी संपर्क साधून एका कंपनीच्या शेअरचे नाव सांगितले. या शेअरची खरेदी केल्यास त्यातून अधिक नफा मिळेल, असे आमिष दाखवले. त्यासाठी एका अॅपवर रजिस्ट्रेशन करण्यास सांगून शेअर खरेदी करायला सांगितले. ते…

भुसावळ : प्रतिनिधी रेल्वेच्या झोनल ट्रेनिंग स्कूल (झेडआरटीसी) येथे लॉग बुकवर सही करण्यासाठी नऊ रुपयांची हजार लाच घेताना प्राचार्य सुरेश चंद्र व क्लर्क योगेश देशमुख या दोघांना सीबीआयच्या पथकाने रंगेहाथ पकडले. बुधवारी दुपारी १२ वाजेदरम्यान ही कारवाई केली. मिळालेल्या माहितीनुसार, रेल्वेच्या झोनल ट्रेनिंग स्कूल येथे अक्षय चौधरी यांनी ठेकेदारी पद्धतीने चारचाकी वाहन भाडेतत्त्वावर लावले आहे. त्यासंदर्भात लॉग बुकवर सही करण्यासाठी अकाउंटंट क्लर्क योगेश देशमुख यांच्याकडे गेले असता त्या मोबदल्यात देशमुख याने नऊ हजार रुपयांची मागणी केली. ही रक्कम योगेश देशमुख याने स्वीकारून प्राचार्य सुरेश चंद्र यांना देताना दोघांना सीबीआयच्या पथकाने रंगेहाथ पकडले. पुणे येथील सीबीआय पथकाचे अधिकारी महेश चव्हाण यांना…