जळगाव : प्रतिनिधी जळगाव जिल्ह्यात अवैध धंद्यांविरोधात सुरू असलेल्या मोहिमेअंतर्गत एमआयडीसी पोलिसांनी मोठी कारवाई करत महाराष्ट्रात प्रतिबंधित असलेला तब्बल २८ लाख ८१ हजार ६०० रुपयांचा गुटखा आणि पानमसाल्याचा साठा जप्त केला. या कारवाईत मालवाहू बोलेरो वाहनासह मुद्देमाल ताब्यात घेण्यात आला असून चालकाविरुद्ध गुन्हा दाखल करण्यात आला आहे. जिल्हा पोलीस अधीक्षक श्रीकांत धिवरे यांच्या निर्देशानुसार अवैध व्यवसायांविरोधात विशेष मोहीम राबविण्यात येत आहे. त्याच अनुषंगाने एमआयडीसी पोलीस ठाण्याचे पोलीस निरीक्षक बबन आव्हाड यांना ९ जून रोजी गोपनीय माहिती मिळाली होती की, जळगाव शहरातील महामार्गावरून महाराष्ट्रात प्रतिबंधित असलेल्या गुटख्याची वाहतूक केली जाणार आहे. या माहितीच्या आधारे पोलीस निरीक्षक बबन आव्हाड यांनी पोलीस उपनिरीक्षक…
Author: editor desk
जळगाव : प्रतिनिधी अमळनेर येथील ढेकू रोडवरील जिजाऊ नगर येथील रहिवासी डॉ सुमित पाटील याच्या मोटरसायकलची उभ्या असलेल्या ट्रकला धडक लागून अपघात झाल्याची घटना ७ रोजी रात्री आठ वाजेच्या सुमारास लखनऊ येथे घडली. उपचार घेताना ९ रोजी सकाळी त्याचा मृत्यू झाला. डॉ सुमित पाटील हा सारबेटेकर प्रा आर एस पाटील यांचा मुलगा व जळगाव जिल्हा परिषदेचे अधिकारी डी एस पाटील यांचा पुतण्या आहे. तो लखनऊ येथे वैद्यकीय शिक्षण घेत होता. ७ रोजी तो आपल्या मोटरसायकलने जेवायला जात असताना वळणावर एक ट्रक उभा होता. मागील टेल लॅम्प बंद असल्याने मोटरसायकल ट्रकवर धडकल्याने सुमित याच्या पोटाला मार लागला होता. उपचारसाठी त्याला लखनऊ…
जळगाव : प्रतिनिधी लग्नात झालेल्या वादाच्या कारणावरून दोन गटात हाणामारी होऊन एकमेकांवर तलवार, लोखंडी – पाईप, आसारीने वार करण्यात आले. ही घटना दि. ६ जून रोजी नशिराबाद येथे घडली. या प्रकरणी परस्परविरोधी तक्रारीवरून आठ जणांविरुद्ध गुन्हा दाखल करण्यात आला आहे. मिळालेल्या माहितीनुसार, तालुक्यातील नशिराबाद येथील सैयद वसीम सैयद बिसमिल्ला (वय ३४) यांनी दिलेल्या फिर्यादीत म्हटले आहे की, त्यांचा लहान भाऊ लग्नाच्या पंगतीत झाडत असताना त्याने एका जणाला बाजूला होण्यास सांगितले. त्यावरून त्यांना मारहाण करीत तलवार व आसारीने वार केले. या प्रकरणी नशिराबाद पोलिस ठाण्यात चार जणांविरुद्ध गुन्हा दाखल करण्यात आला आहे. तर दुसऱ्या गटातील मोहंमद रफीक अब्दुल हक (वय ४६,…
जळगाव : [प्रतिनिधी एका लग्न सोहळ्यात भेट झाल्यानंतर दोघांमध्ये प्रेम बहरले. यानंतर लग्न करण्याचे आमिष दाखवत शेख शाहीद फारुख (रा. सुप्रिम कॉलनी, जळगाव) याने धुळे येथील २३ वर्षीय महिलेवर अत्याचार केला. हा प्रकार सन २०२४ पासून सुरू होता. याप्रकरणी शेख शाहीद याच्याविरुद्ध एमआयडीसी पोलिस ठाण्यात गुन्हा दाखल आहे. दोन मुलांची आई असलेल्या धुळे येथील महिलेची शेख शाहीद याच्याशी एका लग्न सोहळ्यात ओळख झाली. त्यानंतर दोघांमध्ये प्रेम बहरले. त्यावेळी तीन मुलांचा पिता असलेल्या शेख शाहीद याने महिलेला लग्न करण्याचे आमिष दाखवून तिच्यावर जळगाव व धुळे येथे वेळोवेळी अत्याचार केला. दोन वर्षांहून अधिक काळ उलटला तरी हा तरुण लग्न करीत नसल्याने महिलेने…
आजचे राशिभविष्य दि.१० जून २०२६ मेष राशी आजचा दिवस तुमच्या आयुष्यात नवी आशा आणि ऊर्जा घेऊन येईल. दिवसाच्या सुरुवातीपासूनच तुम्हाला प्रसन्न वाटेल आणि एखादी चांगली बातमी तुमचा उत्साह वाढवेल. तुम्हाला करिअरची एखादी उत्तम संधी मिळू शकते, ज्यामुळे भविष्याबाबतचा तुमचा आत्मविश्वास उंचावेल. घरातील वातावरणही शांत आणि सुखद असेल. मात्र, धावपळीच्या गडबडीत आरोग्याकडे दुर्लक्ष करू नका; बाहेरचे खाणे टाळा आणि पुरेशी विश्रांती घ्या. कायदेशीर किंवा कागदपत्रांशी संबंधित कोणत्याही बाबीबाबत एखाद्या अनुभवी व्यक्तीचा सल्ला तुमच्यासाठी अत्यंत फायदेशीर ठरू शकतो. वृषभ राशी आज तुम्हाला खूप मेहनत करावी लागेल, परंतु या प्रयत्नांचे भविष्यात मोठे फायदे मिळतील. तुमच्या व्यवसायात एखादी नवीन कल्पना किंवा उत्पादन सुरू करण्यासाठी…
मुंबई : वृत्तसंस्था मुख्यमंत्री देवेंद्र फडणवीस यांच्या अध्यक्षतेखाली सोमवारी झालेल्या राज्य मंत्रिमंडळाच्या बैठकीत प्रशासन, वित्त आणि उद्योग क्षेत्राशी संबंधित अनेक महत्त्वाचे निर्णय घेण्यात आले. मंत्रालयीन विभागांची पुनर्रचना, वस्तू व सेवा कर (GST) कायद्यात सुधारणा तसेच महाराष्ट्र औद्योगिक विकास महामंडळाच्या (MIDC) कर्जउभारणीच्या अधिकारात वाढ करण्यास मंत्रिमंडळाने मंजुरी दिली. या निर्णयांमुळे प्रशासन अधिक गतिमान होण्याबरोबरच उद्योग आणि करप्रणालीतही सुलभता येण्याची अपेक्षा व्यक्त केली जात आहे. राज्य शासनाच्या मंत्रालयीन विभागांच्या पुनर्रचनेस मंत्रिमंडळाने मान्यता दिली आहे. या निर्णयानुसार एकाच विभागातील काही उपविभागांना स्वतंत्र विभागाचा दर्जा देण्यात येणार आहे. सध्या अस्तित्वात असलेल्या ३३ प्रशासकीय विभागांची संख्या वाढून ४३ होणार आहे. विशेष म्हणजे या पुनर्रचनेमुळे नवीन…
नाशिक : प्रतिनिधी नाशिक विधान परिषद निवडणुकीच्या पार्श्वभूमीवर महायुतीतील अंतर्गत तणाव उघडपणे समोर येऊ लागला आहे. महायुतीचे अधिकृत उमेदवार नरेंद्र दराडे यांच्या विरोधात अपक्ष उमेदवारी दाखल करणारे गोकुळ गिते यांनी अद्याप माघार घेतलेली नसल्याने शिवसेना आणि भाजपच्या वरिष्ठ नेत्यांची चिंता वाढली आहे. गिते यांच्या भूमिकेमुळे महायुतीसमोर प्रतिष्ठेचा प्रश्न निर्माण झाला असून, बंडखोरी शमवण्यासाठी सुरू असलेल्या प्रयत्नांना अद्याप पूर्ण यश आलेले नाही. गेल्या तीन दिवसांपासून राज्याचे मंत्री उदय सामंत आणि भाजपचे ज्येष्ठ नेते गिरीश महाजन यांनी नाशिकमध्ये तळ ठोकून बंडखोर उमेदवारांची समजूत काढण्याचे प्रयत्न सुरू ठेवले आहेत. या चर्चांमध्ये मंत्री दादा भूसे यांनीही सक्रिय सहभाग घेतला. महायुतीतील वरिष्ठ नेत्यांच्या सलग बैठका…
पुणे : वृत्तसंस्था कॉकरोच जनता पार्टी आता पुण्यात आंदोलन करणार आहे. कॉकरोच जनता पार्टीचा संस्थापक अभिजीत दीपके यानं ही घोषणा केली आहे. ११ जून रोजी पुण्यात हे आंदोलन होईल. शिक्षण मंत्री धर्मेंद्र प्रधान यांच्या राजीनाम्याची मागणी करणार आहेत. दिल्लीतील जंतर – मंतरवर आंदोलन केल्यानंतर कॉकरोच जनता पार्टी हे दुसरं आंदोलन करणार आहे. दिल्लीत जंतर-मंतरवर ६ जून रोजी कॉकरोच जनता पार्टीनं आंदोलन केलं होतं. पार्टीचा संस्थापक अभिजीत दीपके हा या आंदोलनात सहभागी झाला होता. तिथेही त्यांनी शिक्षण मंत्री धर्मेंद्र प्रधान यांनी राजीनामा द्यावा, अशी मागणी केली होती. आता दिल्लीनंतर थेट महाराष्ट्रातील पुण्यात आंदोलन करण्यात येणार आहे. दीपके आणि पक्षाच्या वतीने या…
जळगाव : प्रतिनिधी जिल्हा कारागृहात बॅरेकमध्ये जाण्यास सांगितल्याच्या कारणावरून एका कैद्याने ऑन-ड्यूटी पोलीस रक्षकावर हल्ला केल्याची धक्कादायक घटना रविवारी (दि. ८ जून) दुपारच्या सुमारास घडली. या हल्ल्यात पोलीस रक्षकाला मारहाण करण्यात आली असून त्यांच्या गणवेशाची दोन बटणे तुटली आहेत. या प्रकरणी संशयित कैदी सुनील यशवंत नन्नवरे याच्याविरुद्ध जिल्हापेठ पोलीस ठाण्यात शासकीय कामात अडथळा निर्माण केल्याप्रकरणी गुन्हा दाखल करण्यात आला आहे. मिळालेल्या माहितीनुसार, काशिनाथ कारभारी मोटे (वय २६) हे जळगाव जिल्हा कारागृहात रक्षक म्हणून कार्यरत आहेत. दि. ८ जून रोजी सकाळी ६ ते दुपारी १२ या वेळेत त्यांची कारागृहातील सर्कल क्रमांक ३ मध्ये ड्युटी होती. सकाळी ११ ते सव्वा अकरा वाजेच्या…
जळगाव : प्रतिनिधी अल्पवयीन मुलीला अमली पदार्थांचे व्यसन लावल्याप्रकरणी उघडकीस आलेल्या ड्रग रॅकेटमधील संशयित आरोपी रईस हारून देशमुख याच्या सुप्रीम कॉलनीतील घराच्या अतिक्रमणावर जळगाव महापालिकेने बुलडोझर चालवत कारवाई केली. घरासमोरील दोन दुकानांचे अनधिकृत बांधकाम पाडण्यात आले. कारवाईदरम्यान मोठा पोलिस बंदोबस्त तैनात करण्यात आला होता. मिळालेल्या माहितीनुसार, जळगावात अल्पवयीन मुलीला ड्रग्ज पुरवून त्यांना व्यसनाधीन बनविणाऱ्या रॅकेटचा अलीकडेच पर्दाफाश झाला आहे. या प्रकरणात रईस हारून देशमुख, तौसिफ सय्यद आरिफ आणि कृणाल उर्फ लकी रमेश पाटील यांना अटक करण्यात आली असून, मुख्य आरोपी अमदज उर्फ बिल्डर शेख व इम्रान उर्फ हुसेन भिस्ती हे अद्याप फरार आहेत. त्यांच्या शोधासाठी पोलिसांची विशेष पथके रवाना करण्यात आली…