Author: editor desk

जळगाव : प्रतिनिधी  स्मार्ट मीटर बसवलेल्या ग्राहकांचा थकबाकीपोटी वीजपुरवठा खंडित केल्यावर वीजबिल न भरता परस्पर जोडणी घेणाऱ्या ग्राहकांविरोधात महावितरणने धडक मोहीम सुरू केली आहे. या मोहिमेत शुक्रवारी ४ ग्राहकांवर गुन्हे दाखल करण्यात आले होते. यात दोन दिवसांत आणखी ४ प्रकरणांत गुन्हे दाखल झाले. लागोपाठ होणाऱ्या महावितरणच्या धडक कारवाईमुळे वीजचोरांचे धाबे दणाणले आहे. जळगाव शहरातील येथील नाथवाडा येथील रहिवासी सरूबाई तुकाराम पाटील या ग्राहकाचा वीजपुरवठा थकबाकीसाठी स्मार्ट मीटरमधून ऑटो डिस्कनेक्ट (आपोआप खंडित) केलेला होता. मात्र त्यानंतरही त्याने थकबाकी भरली नाही. महावितरणच्या पथकाने तपासणी केली असता या ग्राहकाने अनधिकृतपणे वीज जोडल्याचे आढळले. या ग्राहकाने ७ हजार ७१० रुपयांची वीजचोरी केली. दुसऱ्या प्रकरणात…

जळगाव :  प्रतिनिधी  तालुक्यातील शिरसोली येथील बारी नगरातील रहिवासी भूषण रवींद्र खलसे (क्य २५) हा बेपत्ता तरुण सोमवारी सायंकाळी ५ वाजेच्या सुमारास नेव्हरे धरणात मृत अवस्थेत आढळून आला. भूषण रविवारी सकाळी ८ वाजेपासून घरातून बेपत्ता होता. नातेवाइकांनी सर्वत्र शोध घेऊनही तो सापडला नाही. सोमवारी सायंकाळी नेव्हरे धरण परिसरात त्याची दुचाकी, मोबाइल व घड्याळ आढळून आले. शंका आल्याने धरणाच्या पाण्यात शोध घेतला असता भूषणचा मृतदेह मिळून आला. याबाबत पोलिस पाटील श्रीकृष्ण बारी यांनी पोलिसांना माहिती दिली. त्यानंतर एमआयडीसी पोलिस ठाण्याचे पथक घटनास्थळी दाखल झाले. त्यांनी मृतदेह उत्तरीय तपासणीसाठी रुग्णालयात हलवला. हा प्रकार आत्महत्या आहे की घातपात या दोन्ही बाजूंनी एमआयडीसी पोलिस तपास…

अमळनेर : प्रतिनिधी  शहरातील बोरी नदीपात्रात पोहण्यासाठी गेलेल्या १२ वर्षीय मुलाचा पाण्यात बुडल्याने दुर्दैवी मृत्यू झाल्याची घटना तालुक्यातील कन्हेरे येथे २४ रोजी सायंकाळी साडेचार वाजेच्या सुमारास घडली. दक्ष राजेंद्र नेरकर (वय १२ वर्षे) हा शाळा सुटल्यानंतर बोरी नदीपात्रात पोहायला गेला होता. दरम्यान, पाण्याच्या खोलीचा अंदाज न आल्याने तो पाण्यात बुडाला. ही घटना लक्षात येताच स्थानिक नागरिकांनी तातडीने घटनास्थळी धाव घेतली आणि शोधमोहीम सुरू केली. त्यानंतर दक्षला नदीपात्रातून बाहेर काढण्यात आले. तर, लगेच त्याला तातडीने दवाखान्यात दाखल करण्यात आले. मात्र, तपासणी केल्यानंतर डॉक्टरांनी त्याला मयत घोषित केले.

यावल : प्रतनिधी  तालुक्यातील चिंचोली येथील पेट्रोल पंपावर तरूणांचा आपसात वाद झाला. त्यात एकास मारहाण तर एकास शिविगाळ करण्यात आली. डायल ११२ वर कॉल केल्याने घटनास्थळी आलेल्या पोलिसांनी संबधीत शिवीगाळ करणाऱ्यांना अटक का केली नाही. या रागातून एकाने पोलिस ठाण्यात येवून अंगावर पेट्रोल ओतून आत्मदहनाचा प्रयत्न केला. ही घटना सोमवारी दि. २४ रोजी घडली. याप्रकरणी तरूणाच्या तक्रारीवरून एका विरूध्द तसेच या तरूणाविरूध्द देखील अदखलपात्र गुन्हा नोंदवण्यात आला आहे. मिळालेल्या माहितीनुसार  चिचोली येथील पेट्रोल पंपावर समाधान धनगर व महेंद्र रूले हे दुचाकीवर गेले होते. तेथे त्यांच्याशी शुभम पाटील याने महेंद्र रूले यास मारहाण केली व समाधान धनगर यास शिवीगाळ केली आणि तुम्हाला…

जळगाव : प्रतिनिधी एमआयडीसी परिसरातून चोरीस गेलेल्या मोटारसायकल चोरीच्या गुन्ह्याचा एमआयडीसी पोलिसांनी छडा लावत तीन दुचाकी हस्तगत केल्या आहेत. या कारवाईत एकूण ९५ हजार रुपये किमतीचा मुद्देमाल जप्त करण्यात आला असून, सीसीटीव्ही फुटेज व तांत्रिक विश्लेषणाच्या आधारे आरोपीपर्यंत पोहोचण्यात पोलिसांना यश आले. पोलिसांनी दिलेल्या माहितीनुसार,  जळगाव शहरातील आहुजा नगर येथे राहणारे फिर्यादी मनोज शंकर गरुड यांच्या मालकीची एमएच-१९ डीडी-८३२३ क्रमांकाची मोटारसायकल चोरीस गेल्याची घटना घडली होती. फिर्यादींचा मुलगा गरुड हा एमआयडीसी परिसरातील एका कंपनीत कामाला असल्याने त्याने १४ ऑगस्ट २०२६ रोजी सकाळी सुमारे ९ वाजता मोटारसायकल एमआयडीसी परिसरात उभी केली होती. सायंकाळी सुमारे ६ वाजता काम आटोपून परत आल्यानंतर मोटारसायकल जागेवर…

जळगाव : प्रतिनिधी  चोपडा शहरातील मल्हारपुरा परिसरातील १५ वर्षीय विद्यार्थी दि.२३ रोजी मित्रांसोबत पोहायला गेला होता. यावेळी पाण्यात बुडून त्याचा दुर्दैवी मृत्यू झाल्याची घटना दुपारी २ वाजेच्या सुमारास घडली. हाशीम अरमान खाटीक असे मयत विद्यार्थ्याचे नाव आहे. तो दहावीच्या वर्गात शिक्षण घेत होता. मिळालेल्या माहितीनुसार, हाशीम अरमान व खाटीक हा त्याचे दोन वर्गमित्र प्रसाद वासुदेव मराठे (१५, रा. पाटील गढी, चोपडा) आणि शेख अबू सिद्दीक कलीम (१५, रा. के.जी.एन. कॉलनी, जमजम पार्क, चोपडा) हे तिघेही वेले या गावाकडे फिरायला गेले होते तेथून शहरातील – धनवाडी फाट्या जवळील पाटचारीत पाणी पाहून ने त्यांचा पाण्यात पोहण्याचा मोह झाला. यावेळी . मयत हाशीम…

जळगाव : प्रतिनिधी  कुठलाही परवाना नसतांना वाळूची चोरटी वाहतुक करणारे दोन पिकअप वाहनांवर तालुका पोलिसांनी कानळदा ते विदगाव रस्त्यावर कारवाई केली. दोन वाहने जप्त केली असून ही कारवाई दि. २२ ऑगस्ट रोजी मध्यरात्री दोन वाजता केली. याप्रकरणी वाहन चालकांविरुद्ध तालुका पोलिसात गुन्हा दाखल करण्यात आला आहे. तालुक्यातील काळनदा ते विदगाव रस्त्यावरील एमएसईबीच्या सब स्टेशनजवळून विना परवाना वाळूची वाहतुक करणारे (एमच १९, सीएक्स ३८३३) क्रमांकाचे वाहन तालुका पोलिसांनी दि. २२ रोजी मध्यरात्री पकडले. वाहन चालकाकडे परवाना मागितला असता त्याकच्याकडे कुठलाही परवाना नव्हता. याप्रकरणी पोलिसांनी वाहन ताब्यात घेत वाहन चालक प्रफुल्ल गुणवंत नेहते (वय ३१, रा. जैनाबाद, मोहन टॉकीजवळ) याच्याविरुद्ध गुन्हा दाखल…

जळगाव : प्रतिनिधी  शहरातील बालाजी पेठेतून दुचाकी चोरणाऱ्या शेख ईरफान शेख रईस (रा. एरंडोल) या चोरट्याच्या तांत्रिक विश्लेषणाच्या आधारावरुन शनिपेठ पोलिसांनी मुसक्या आवळल्या. त्याच्याकडन चोरीच्या तीन दुचाकी हस्तगत करण्यात आल्या आहेत. मिळलेल्या माहितीनुसार, शहरातील बालाजी पेठेतून निलेश प्रकाश बोरसे (वय २७) यांची दि. १३ ऑगस्ट रोजी चोरट्यांनी दुचाकी चोरुन नेली होती. बाहेरगावाहून परतल्यानंतर ही घटना दि. १८ ऑगस्ट रोजी उघडकीस आल्यानंतर शनिपेठ पोलीसात गुन्हा दाखल करण्यात आला होता. पोलीस निरीक्षक डॉ. विशाल जयस्वाल यांनी गुन्हे शोध पथकाला हा गुन्हा उघडकीस आणण्याच्या सूचना दिल्या होत्या. त्यानुसार उपनिरीक्षक संतोष खेडकर, परि. उपनिरीक्षक अभिषेक कटारे, पोहेकॉ विजय खैरे, योगेश जाधव, पराग दुसाने, अमोल…

जळगाव : प्रतिनिधी जळगाव शहरातील गोलाणी मार्केट परिसरात आज सकाळी स्वच्छता मोहिम राबविण्यात आली, यावेळी जळगाव शहर महानगरपालिकेचे आयुक्त मा. श्री.आदित्य जीवने (भा.प्र.से.) यांनी संपूर्ण गोलाणी मार्केट परिसराची पाहणी करून स्वच्छता, अतिक्रमण तसेच गाळेधारकांच्या विविध समस्यांचा आढावा घेतला. पाहणीदरम्यान मार्केट परिसरात वाढीव अतिक्रमण, दुकानांसमोरील ओटे, अनधिकृत बोर्ड व फ्लेक्स यामुळे निर्माण होणाऱ्या अडथळ्यांची आयुक्तांनी गंभीर दखल घेतली. मार्केट परिसरातील वाढीव अतिक्रमण, ओटे, बोर्ड व फ्लेक्स यांच्यावर तात्काळ कारवाई करून संबंधितांकडून दंड आकारण्यात यावा, अशा स्पष्ट सूचना त्यांनी संबंधित अधिकाऱ्यांना दिल्या. थकीत वसुली तातडीने भरण्याचे निर्देश गोलाणी मार्केटमधील ज्या गाळेधारकांकडे महानगरपालिकेची वसुली अथवा भाडे थकीत आहे, त्यांनी लवकरात लवकर थकीत रकमेचा…

चाळीसगाव : प्रतिनिधी  छत्रपती संभाजीनगरहून सुरतकडे जाणाऱ्या एसटी बसचा कन्नड घाटात स्टेअरिंग रॉड जॅम होऊन तुटल्याने बसचे नियंत्रण सुटल्याची थरारक घटना रविवारी (दि. २३ ऑगस्ट) सकाळी घडली. नियंत्रण सुटलेली बस घाटातील कठड्याला अडकून थांबल्याने मोठी दुर्घटना टळली. या बसमध्ये तब्बल ५९ प्रवासी होते. सुदैवाने सर्व प्रवाशांचा जीव बचावला असून, चार प्रवासी किरकोळ जखमी झाले आहेत. मिळालेल्या माहितीनुसार, एसटी बस क्रमांक एमएच ४० एन ९७२६ ही छत्रपती संभाजीनगरहून सुरतकडे प्रवाशांना घेऊन जात होती. कन्नड घाटातून बस जात असताना अचानक स्टेअरिंग रॉड जॅम होऊन तुटला. त्यामुळे चालकाचे बसवरील नियंत्रण सुटले. बस अचानक अनियंत्रित झाल्याने प्रवाशांमध्ये एकच खळबळ उडाली. मात्र, बस घाटातील कठड्याला अडकून…