Author: editor desk

धरणगाव : प्रतिनिधी तालुक्यातील  बाभळे  येथील गट नंबर ५९ मधील शेतात दिनांक २८ एप्रिल २०२५ रोजी सकाळी अंदाजे ९:३० वाजता आग लागली. या आगीत ईश्वर विठोबा महाजन आणि लक्ष्मण विठोबा माळी या दोन शेतकऱ्यांचे मोठे नुकसान झाले आहे. आग विझवण्यासाठी धरणगाव नगरपालिकेच्या अग्निशामक दलाला पाचारण करण्यात आले. विद्युत तारेमुळे ठिणगी पडून आग लागल्याचा प्राथमिक अंदाज आहे. या आगीत ईश्वर विठोबा महाजन यांच्या दोन हेक्टर क्षेत्रातील ठिबक सिंचनासह चारा आणि जमा करायचा बाकी असलेला मका कणीस जळून खाक झाला, ज्याची अंदाजित किंमत तीन लाख रुपये आहे. तर, लक्ष्मण विठोबा माळी यांच्या दोन हेक्टर बावीस आर क्षेत्रातील ठिबक सिंचनाची पाईपलाईन पूर्णपणे खराब…

कोलकाता : वृत्तसंस्था पश्चिम बंगालमधील कोलकाता येथील एका हॉटेलमध्ये लागलेल्या आगीत १४ जणांचा मृत्यू झाला, तर अनेकजण जखमी झाले आहेत. आगीचे कारण अद्याप कळू शकले नाही, परंतु शॉर्ट सर्किटमुळे ही आग लागली असावी असा अंदाज एका अधिकाऱ्याने वर्तवला आहे. मंगळवारी रात्री ही घटना घडली. माहिती मिळताच अग्निशमन दलाच्या गाड्या पोहोचल्या आणि आगीवर नियंत्रण मिळवले. कोलकात्याचे महापौर फिरहाद हकीम आणि पोलिस आयुक्त मनोज कुमार वर्मा यांनी घटनास्थळी भेट दिली. आगीची घटना रात्री ८:१५ वाजता ऋतुराज हॉटेलच्या परिसरात घडली. चौदा मृतदेह बाहेर काढण्यात आले आहेत. अनेक लोकांनी इमारतीच्या खिडक्यांमधून आणि बाल्कनीतून उड्या मारून जीव वाचवला, असे पोलीस आयुक्त वर्मा यांनी सांगितले. कोलकाता…

जळगाव : प्रतिनिधी शहरातील मीनाताई ठाकरे संकुल भागात २४ एप्रिल रोजी झालेल्या गोळीबाराबाबत रामानंदनगर पोलिसांनी सहा सराईत गुन्हेगारांना अटक केली. या कारवाईत पोलिसांनी आरोपींकडून एक गावठी बनावटीचे पिस्तूल आणि इतर घातक शस्त्रे जप्त केली आहेत. मिळालेल्या माहितीनुसार, २४ एप्रिल रोजी मीनाताई ठाकरे संकुल भागात महेंद्र समाधान सपकाळे (२०, रा. पिंप्राळा) हा मित्र भूषण अहिरे याचा वाढदिवस साजरा करत असताना आरोपींनी गोळीबार केला होता.या गुन्ह्याचा तपास करत असताना पोलिसांनी अवघ्या काही दिवसात सहा संशयित आरोपींना बेड्या ठोकल्या आहेत. अटक करण्यात आलेल्या आरोपींमध्ये विशाल भिका कोळी (पिस्तूलसह), अक्षय ऊर्फ बाब्या बन्सीलाल धोबी, धीरज ऊर्फ वैभव ऊर्फ गोलू कोळी, सागर अरुण भोई ऊर्फ…

वरणगाव : प्रतिनिधी जिल्हा परिषद शाळेतील शिक्षकाने अचानक संन्यास घेण्याचा निर्णय घेतल्याने परिसरात एकच खळबळ उडाली आहे. या निर्णयाला पत्नीने विरोध केला असता संतप्त होऊन शिक्षकाने तिला मारहाण केली. पत्नीने वरणगाव पोलिसात पतीविरूद्ध तक्रार दाखल केली आहे. सोनाली गोसावी यांनी दिल्या माहिती नुसार वृत्त असे की, भीमराव गोसावी हे दर्यापूर प्राथमिक शाळेत शिक्षक आहेत. त्यांनी संन्यास घेण्याचा निर्णय घेतला. त्यामुळे वाद झाला.  त्यानंतर त्यांनी दि. १६ रोजी पत्नीवर हल्ला केला आणि ते फरार झाले. त्याबाबत पत्नीने बेपत्ता झाल्याची तक्रारसुद्धा दाखल केली होती. दोन दिवसांनी गोसावी हे वरणगाव पोलिस ठाण्यात आले आणि त्यांनी घर सोडून मंदिरात राहण्याचा निर्णय घेतल्याचे सांगितले. त्यांनी…

जळगाव : प्रतिनिधी जिल्हाभरातील सर्व पोलिस स्टेशनच्या हद्दीत जिल्हा पोलिस दलाकडून सोमवारी सायंकाळी ५:३० ते रात्री ८:३० वाजेदरम्यान कोंबिंग ऑपरेशन राबविण्यात आले. या कोंबिंग ऑपरेशनदरम्यान पोलिसांनी अनेक अवैध धंद्यांवर आणि गुन्हेगारांवर मोठी कारवाई केली आहे. दारूबंदी, जुगार, गांजा सेवन करणाऱ्या १०१ जणांवर पोलिसांनी कारवाई केली आहे. कोंबिंग ऑपरेशनमध्ये पोलिसांनी दारूबंदीच्या ५६ केसेस दाखल केल्या, तर सट्टा जुगाराच्या २९ प्रकरणांचा पर्दाफाश केला. यासोबतच, अंमली पदार्थ विरोधी कारवाईत (एनडीपीएस) १६ जणांना गांजा सेवन करताना ताब्यात घेण्यात आले. न्यायालयाने जारी केलेले अटक वॉरंट (एनबीडब्ल्यू) बजावणीत पोलिसांनी मोठी यश मिळवले असून ४१ वॉरंटची बजावणी करण्यात आली आहे. कोंबिंग ऑपरेशनदरम्यान पोलिसांकडून जिल्हाभरात नाकाबंदी देखील लावली…

अक्षय तृतीयेच्या दिवशी काय म्हणते तुमचे राशिभविष्य ? मेष राशी श्री गणेश म्हणतात की, काम जास्त असले तरी तुम्ही घर आणि कुटुंबाच्या आनंदासाठी वेळ काढाल. घराच्या देखभालीशी संबंधित काही कामे होतील. यावेळी तुमच्या कार्यक्षमतेवर पूर्ण विश्वास ठेवून तुमच्या योजना सुरू करा. मुलांशी मैत्रीपूर्ण वागा. कारण त्यांचा स्वाभिमान दुखावला जाऊ शकतो. न्यूनगंडाची भावना देखील राहू शकते. एखाद्याशी संवाद साधताना योग्य शब्द वापरा. ​​कामाच्या ठिकाणी कोणतेही कागदपत्रे किंवा ऑर्डर पूर्ण करताना योग्य ती काळजी घ्या. वृषभ राशी श्री गणेश म्हणतात की, घरात खूप दिवसांनी पाहुणे आल्याने आनंदी वातावरण असेल. तसेच कोणताही कौटुंबिक वाद मिटेल. मुलाच्या कोणत्याही सकारात्मक कृती तुम्हाला दिलासा देतील. तुमच्या…

मुंबई ; वृत्तसंस्था राज्यातील शेतकऱ्यांसाठी राज्य सरकारच्या वतीने एक रुपयात पीकविमा योजना सुरू करण्यात आली होती मात्र या योजनेत मोठ्या प्रमाणात गैरप्रकार झाल्याचे समोर आल्यानंतर आता राज्य सरकारने नवीन पिक विमा योजना जाहीर केली आहे. सुधारित पद्धतीने पिक विमा योजना लागू करण्याचा निर्णय आजच्या राज्य मंत्रिमंडळाच्या बैठकीत घेण्यात आला आहे. या बरोबरच कृषी क्षेत्रात गुंतवणूक वाढवण्यासाठी स्वातंत्र्य योजना देखील मंत्रिमंडळाने मंजूर केली असल्याची माहिती मुख्यमंत्री देवेंद्र फडणवीस यांनी प्रसार माध्यमांशी बोलताना दिली. पिक विमा योजनेमध्ये ज्या पद्धतीने घोटाळा झाल्याचे समोर आले आहे. त्या संदर्भात चौकशी करण्यासाठी एसआयटीची स्थापना करण्यात आली आहे. या एसआयटीच्या चौकशीचा अहवाल समोर आल्यानंतर त्या संदर्भात कारवाई…

मुंबई : वृत्तसंस्था राज्यातील महायुती सरकारने आज मोठी घोषणा केली आहे. जम्मू-काश्मिरच्या पहलगाम येथे झालेल्या दहशतवादी हल्ल्यामध्ये २७ पर्यटकांचा मृत्यू झाला. या मृतांमध्ये ६ महाराष्ट्रातील नागरिकांचा समावेश आहे. या हल्ल्यामुळे संपूर्ण देशाला मोठा हादरला बसला आहे. या हल्ल्यातील मृतांच्या कुटुंबीयांना महाराष्ट्र सरकारने मोठं आर्थसहाय्य केलं आहे. मुख्यमंत्री देवेंद्र फडणवीस यांनी याबाबत मोठी घोषणा केली. पहलगाम हल्ल्यातील मृतांच्या कुटुंबीयांना प्रत्येकी ५० लाख रुपये आणि कुटुंबातील एका व्यक्तीला सरकारी नोकरी देणार असल्याची माहिती मुख्यमंत्री देवेंद्र फडणवीस यांनी दिली. आज राज्य मंत्रिमंडळाची महत्वाची बैठक पार पडली. या बैठकीमध्ये पहलगाम हल्ल्यामध्ये मृत्यू झालेल्या महाराष्ट्रातील ६ जणांच्या कुटुंबीयांना अर्थसहाय्य करण्याबाबत निर्णय घेण्यात आला. मुख्यमंत्री देवेंद्र…

सोलापूर : प्रतिनिधी सोलापूर शहरातील शासकीय रुग्णालयातून एक खळबळजनक बातमी समोर आली आहे. शासकीय रुग्णालयातील डॉ. वैशंपायन शासकीय मेडिकल हॉस्पिटलमधील एका शिकाऊ डॉक्टराने हॉस्टेलच्या रूममध्ये जीवन संपवल्‍याची घटना आज (मंगळवार) सकाळी उघडकीस आली. आदित्य नामबियर असे जीवन संपवलेल्‍या शिकाऊ डॉक्टरचे नाव आहे. या घटनेची माहिती मिळताच शासकीय रुग्णालयातील हॉस्टेल परिसरात शहर पोलिसांनी धाव घेतली. सदर घटनास्थळावर रुग्णालयातील डॉक्टरांनी मोठी गर्दी केली आहे. जीवन संपवल्‍याचे कारण अद्याप समजू शकले नाही. पोलिसांनी शिकाऊ डॉक्टराचा मृतदेह खाली उतरवून शवविच्छेदनासाठी सिव्हिल हॉस्पिटल येथे आणण्यात आला आहे. मृत आदित्य यांनी जीवन का संपवले याबाबत पोलीस तपास करीत आहेत.

गेल्या काही महिन्यापासून राज्यातील अनेक जिल्ह्यात शरद पवार पक्षाला मोठे धक्के बसत असतांना आता जळगाव जिल्ह्यात देखील राष्ट्रवादी शरदचंद्र पवार पक्षाला मोठा धक्का बसण्याची शक्यता आहे. शरद पवार गटाचे दोन माजी मंत्री डॉ. सतीश पाटील आणि गुलाबराव देवकर लवकरच राष्ट्रवादी काँग्रेसमध्ये प्रवेश करणार असल्याचे संकेत मिळत आहेत. माजी मंत्री डॉ. सतीश पाटील हे २ मे रोजी, तर माजी मंत्री गुलाबराव देवकर यांच्या पक्षप्रवेशाचा मुहूर्त मंगळवारी होणाऱ्या एका बैठकीत ठरण्याची शक्यता आहे. गुलाबराव देवकर यांच्यासोबत दोन माजी आमदार, जिल्हा बँकेच्या माजी संचालिका यांच्यासह अनेक मोठे पदाधिकारी लवकरच राष्ट्रवादी काँग्रेसमध्ये प्रवेश करणार आहेत. या संभाव्य राजकीय बदलामुळे जिल्ह्यातील राजकीय समीकरणे पुन्हा…