Author: editor desk

धरणगाव : प्रतिनिधी धरणगावचे लोकनियुक्त माजी नगराध्यक्ष स्वर्गीय सलीम भाई पटेल यांच्या पुण्यस्मरणानिमित्त आज शहरात विविध विकास कामांचे उद्घाटन करीत त्यांच्या आठवणीना उजाळा देण्यात आला. लोकनियुक्त नगराध्यक्ष स्वर्गीय सलीम भाई पटेल यांना आपल्यातून जाऊन चार वर्षे पूर्ण झाली. त्यांना श्रद्धांजली म्हणून आज धरणगाव शहरात विविध विकास कामांचे उद्घाटन करण्यात आले. त्याआधी धरणगाव शिवसेना शाखेकडून मुस्लिम कब्रस्तान येथे जाऊन त्यांच्या समाधीला आदरांजली अर्पण करण्यात आली आणि वृक्षारोपण करण्यात आले. कब्रस्तान येथील ईदगाह मैदानात पेव्हर ब्लॉक बसवण्यात येत असून त्या कामाचे उद्घाटन मुस्लिम समाजातील ज्येष्ठ पंचांच्या हातून करण्यात आले. तसेच कुंभारवाडा परिसरात पेव्हर ब्लॉक रस्त्याच्या कामाचे उद्घाटन समाजातील ज्येष्ठ नागरिकांच्या हस्ते…

चाळीसगाव : प्रतिनिधी  शहरातील एमआयडीसी परिसरात असणाऱ्या एका गोडाऊन मधून अन्न औषध विभाग आणि चाळीसगाव शहर पोलिसांनी २२ लाख ४१ हजारांचा गुटखा पकडला असून यात एकाला पोलिसांनी अटक केली आहे. मिळालेल्या माहितीनुसार, एमआयडीसी चाळीसगाव परिसरातील छत्रपती दुध शितकरण केंद्राचे समोर, प्लॉट नं 27 ए स्थित गोडावुन, जि. जळगाव येथे अवैध रित्या प्रतिबंधीत गुटखा साठवणुक करुन विक्रीकामी आणल्याची माहिती अन्न व औषध प्रशासनास प्राप्त झाली होती. त्याअनुषंगाने अन्न व औषध प्रशासनाचे अधिकारी अविनाश दाभाडे,अन्न सुरक्षा अधिकारी शरद पवार, , अन्न व औषध प्रशासन, जळगांव यांनी चाळीसगाव शहर पोलीस स्टेशनची मदत मागितली असता, पोलीस निरीक्षक संदीप पाटील यांनी चाळीसगाव शहर…

चोपडा : प्रतिनिधी  चोपडा तालुक्यातील सुटकार येथे किरकोळ वादातून, एकावर धारधार गुप्तीने वार करून प्राणघातक हल्ला केल्या प्रकरणी तिघांविरुध्द अडावद पोलीसात गुन्हा दाखल करण्यात आला आहे. मिळालेल्या माहितीनुसार, अडावद पोलीस स्थानकांत ईश्वर हरी ठाकरे रा.सुटकार यांच्या फिर्यादीनुसार अरुण दामु सोनवणे, अश्विन विनोद सोनवणे, जयेश अरुण सोनवणे ( सर्व राहणार सुटकार ता. चोपडा ) या तिघांनी किरकोळ वादातून-ईश्वर ठाकरे यांचे चुलत भाऊ गणेश भास्कर ठाकरे याला जिवेठार मारण्याच्या उद्देशाने लाकडी दांडके, लोखंडी आसारीसह, धारधार गुप्तीने हल्ला चढवला. तसेच अरुण सोनवणे अश्विन सोनवणे हे दोघे गावात व गल्ली त किरकोळ कारणावरूण भांडण करुण लोकांमंध्ये भीती निर्माण करतात. ठाकरे यांनी आपल्या फिर्यादीत…

मुंबई : वृत्तसंस्था कोविड घोटाळ्यातील आरोपी सुजीत पाटकर यांनी ईडीच्या विरोधात साक्ष दिली आहे. ईडीने आपला जबाब जबरदस्तीने नोंदवून घेतल्याचा त्यांचा दावा आहे. याविषयी शुक्रवारी पत्रकारांनी शिवसेनेच्या शिंदे गटाचे नेते संजय शिरसाट यांना छेडले असता त्यांनी उपरोक्त विधान केले. संजय शिरसाट म्हणाले की, पाटकर यांना उगीच चौकशीसाटी बोलावण्यात आले का? त्यांना उगीच कोठडीत घेतले का? कुणालाही मारून आरोप सिद्ध करता येत नाहीत. तुमच्याकडे दस्ताऐवज असतील किंवा तुम्ही एखाद्या गुन्ह्यात अडकला असाल, तरच शिक्षा होते. पुरावे नसले तर तुम्ही खून केला तरी न्यायालय तुम्हाला सोडते. पण पुरावा असेल तर तुम्हाला कुठेही माफी मिळत नाही. त्यामुळे याचिका दाखल करून काहीही होत…

धरणगाव : प्रतिनिधी  चाळीसगाव तालुक्यातील गोंडगाव येथील ८ वर्षीय मुलीवर अत्याचार करुन खुन करणाऱ्या नराधमास फाशीची शिक्षा देण्याबाबत आज दि.११ ऑगस्ट २०२३ रोजी टायगर ग्रुपचे पदाधिकारी व कार्यकर्त्यांनी पालकमंत्री गुलाबराव पाटील यांची भेट घेत निवेदन दिले आहे. निवेदनात म्हटले आहे कि, भडगाव तालुक्यातील गोंडगाव येथील ८ वर्षीय मुलीवर अत्याचार करुन दगडाने ठेचुन खुन करण्यात आला. या घटनेचा उलगडा होऊ नये म्हणुन त्या मुलीच्या मृतदेहाचा नायनाट करण्यासाठी तिला कडबा कुट्टीत डांबण्यात आले. या घटनेतील मुख्य आरोपी स्वप्नील उर्फ (सोन्या) पाटील याने गुन्हयाची कबुली दिली. त्यावर फास्ट ट्रॅक कोर्टाच्या माध्यमातून खटला चालवून लवकरात लवकर फाशीची शिक्षा देऊन, पीडित परिवाराला न्याय दयावा, अन्यथा…

धुळे : वृत्तसंस्था जिल्ह्यातील शिरपूर तालुक्यातील सांगवी येथे आदिवासी क्रांती दिनाचे पोस्टर अज्ञात समाजकंटकांनी फाडल्याने गुरुवारी गावात दोन गटात तुफान दगडफेक आणि जाळपोळीचा प्रयत्न झाला. याप्रकरणी १० जणांना अटक करण्यात आली असून गावात संचारबंदी लागू करण्यात आली आहे. सायंकाळपर्यंत १२ जणांना पोलिसांनी याप्रकरणी ताब्यात घेतले आहे. सांगवीतील जोयदा रस्त्यावरील शाळेजवळ आदिवासी क्रांती दिनाचे पोस्टर फाडल्याचे वृत्त गावात पसरताच शेकडो आदिवासी बांधवांच्या संतप्त जमावाने दुसऱ्या समुदायावर दगडफेक केली. पोस्टर फाडणाऱ्यांना अटक करा, अशी मागणी केली. यातून तणाव वाढून गावात काही ठिकाणी जोरदार दगडफेक सुरू झाली. काही टपऱ्या उलथवून टाकण्यात आल्या, तर काही पेटवण्याचा प्रयत्नही झाला. यासोबतच काही गाड्यांचे काच फोडण्यात…

मुंबई : वृत्तसंस्था मुख्यमंत्री एकनाथ शिंदे यांच्या ठाणे जिल्ह्यातील महानगरपालीकेच्या कळवा मधील छत्रपती शिवाजी महाराज रुग्णालयात गंभीर घटना उघडकीस आली आहे. या रुग्णालयात उपचार न मिळाल्याने पाच रुग्णांचा दुर्देवी मृत्यू झाल्याचा आरोप रुग्णांच्या नातेवाईकांनी केला असून रुग्णालयात रुग्णांना तपसण्यासाठी डॉक्टरच येत नसून रुग्णांना वेळेवर औषधी दिली नसल्याचे त्यांचा मृत्यू झाल्याचा आरोप केला जातोय. या संदर्भातील माहिती मिळताच आमदार जितेंद्र आव्हाड आणि महाराष्ट्र नवनिर्माण सेनेचे पदाधिकारी घटनास्थळी पोहोचले. त्यांनी रुग्णालय प्रशासनावर अनेक गंभीर आरोप केले आहे. या प्रकरणी दोषींवर कारवाई करण्याची मागणी आता करण्यात आली आहे. रुग्णालय प्रशासनाने सर्व आरोप फेटाळले आहेत. मृत रुग्ण दाखल झाले तेव्हाच अत्यवस्थ असल्याचा दावा प्रशासनाने…

जळगाव : प्रतिनिधी  शहरातील शनिपेठेतील काट्याफाईल भागात बुधवारी मध्यरात्री दोन गटात झालेल्या दंगलीप्रकरणी काट्यफाईल भागातील १८ पेक्षा जास्त जणांवर गुन्हे दाखल करण्यात आले आहेत. तसेच या प्रकरणी १३ जणांना पोलिसांनी ताब्यात घेतले आहेत. यामध्ये काही अल्पवयीन मुलांचाही समावेश आहे. बुधवारी रात्री ११ वाजेच्या दरम्यान, गाडीचा कट लागल्यावरुन काही जणांमध्ये वाद झाला. त्यानंतर रात्री २ वाजेच्या सुमारास या वादाचे रुपांतर दोन्ही गटात हाणामारी होऊन त्याचे रूपांतर दंगलीत झाले. एकमेकांमध्ये दगडफेक तसेच दारूच्या बाटल्या फेकण्यात आल्या. या घटनेची माहिती मिळाल्यानंतर शनीपेठ पोलीस ठाण्याचे कर्मचारी संजय शेलार योगेश माळी व मुकुंद गंगावणे हे घटनास्थळी पोहचले. त्याठिकाणी दोन गटात दगडफेक सुरु असल्याने…

चाळीसगाव : प्रतिनिधी  शहरातील गोपालपुरा व नागदरोड भागात गांजा विक्री करणाऱ्यांवर शहर पोलिसांनी छापा टाकून ८८ हजार ५७० रूपये किंमतीचा ३ किलो ३१४ ग्रॅम गांजा हस्तगत केला आहे. कारवाईत दोन जणांना ताब्यात घेतले असून इतर दोन जण फरार झाले आहे. यावेळी पोलिसांनी या आरोपीची गावातील मुख्यरस्त्यावरून धिंड देखील काढली आहे. याप्रकरणी चाळीसगाव शहर पोलीस ठाण्यात गुन्हा दाखल केला आहे. मिळालेल्या माहितीनुसार, चाळीसगाव शहरातील गोपालपुरा व नागदरोड भागात बेकायदेशीर गांजा विक्री होत असल्याची गोपनिय माहिती पोलीस उपअधीक्षक अभयसिंह सूर्यवंशी यांना मिळाली होती. त्यानुसार त्यांनी चाळीसगाव शहर पोलीस ठाण्याची पथकाला कारवाईच्या सूचना दिल्या. त्यानुसार पोलिसांनी बुधवारी, ९ ऑगस्ट रोजी दुपारी…

चाळीसगाव : प्रतिनिधी  तालुक्यातील हातगाव येथील विसापूर तांडा येथे एका महिलेवर चारित्र्याच्या संशयावरून पतीकडून दुचाकीच्या स्टीलच्या दांड्याने तिच्या डोक्यावर वार करण्यात आला. याप्रकरणी पतीविरुद्ध गुन्हा दाखल करून अटक करण्यात आली आहे. मिळालेल्या माहितीनुसार सोयगाव तालुक्यातील दस्तापूर येथील रहिवासी थापाबाई पोपट सोनवणे यांचे कुटुंब रहिवासी असून ते हल्ली विसापूर तांडा येथे रहिवास करत आहेत. थापाबाई ही महिला बुधवारी पहाटे ४ वाजेदरम्यान झोपेत असताना तिचा पती पोपट शांताराम सोनवणे याने दुचाकीच्या स्टीलच्या दांड्याने तिच्या डोक्यात वार करून गंभीर दुखापत केली. याबाबतची फिर्याद निंबा रूपचंद वाघ ( विसापूर तांडा) यांनी पोलिस ठाण्यात दिली. आरोपी पतीविरुद्ध गुन्हा दाखल करण्यात आला आहे. घटनेची…