Author: editor desk

जळगाव : प्रतिनिधी दीर्घकाळाच्या ओळखीचा आणि एकाच गावचा असल्याचा गैरफायदा घेत एका कारागिराने सुवर्ण व्यावसायिकाची फसवणूक केल्याचा प्रकार समोर आला आहे. आर्थिक अडचणीचे कारण सांगून घेतलेले २९६ ग्रॅम सोने परत न करता तब्बल ९ लाख ३३ हजार २०८ रुपयांचा अपहार केल्याप्रकरणी सोनू डुंगरदास वैष्णव याच्याविरुद्ध शनिपेठ पोलिस ठाण्यात गुन्हा दाखल करण्यात आला आहे. फिर्यादी ओमप्रकाश सोनी (वय ४९, रा. रोहित अपार्टमेंट, भिकमचंद जैननगर) यांचे बालाजी पेठेत ‘ओम ज्वेलर्स’ नावाचे सराफा दुकान आहे. आरोपी सोनू वैष्णव (रा. लक्ष्मीनगर, जळगाव) हा त्यांचा समव्यावसायिक असून दोघांमध्ये मागील २०-२५ वर्षांपासून व्यावसायिक संबंध होते. विशेष म्हणजे, दोघेही राजस्थानमधील एकाच गावाजवळील असल्याने त्यांच्यात विश्वासाचे नाते होते.…

आजचे राशिभविष्य दि.३ एप्रिल २०२६ मेष राशी करिअरच्या बाबतीत, तुम्ही मोठ्या जबाबदाऱ्या स्वीकारू शकता. तरीही, तुम्ही त्या पूर्ण करण्यासाठी सर्वतोपरी प्रयत्न कराल. विद्यार्थ्यांच्या मेहनतीचे फळ आज मिळेल; त्यांना त्यांच्या बहुप्रतिक्षित परीक्षेत यश मिळेल. महाविद्यालयीन विद्यार्थी त्यांच्या भविष्यातील योजनांबाबत शिक्षकांकडून मार्गदर्शन घेऊ शकतात. व्यवसायात तुम्हाला तुमच्या पालकांकडून पूर्ण पाठिंबा मिळेल. एखाद्या विशिष्ट विषयाबद्दल तुमचा विचार बदलू शकतो. तुम्ही काही आवश्यक वस्तू खरेदी करू शकता. वृषभ राशी तुमचे कौटुंबिक जीवन उत्साहाने भरलेले असेल. संगणक दुकाने चालवणाऱ्यांसाठी हा दिवस अत्यंत महत्त्वाचा असेल. तुम्हाला एका मोठ्या कंपनीकडून चांगली ऑर्डर मिळू शकते. विद्यार्थ्यांना त्यांच्या प्रतिभेसाठी पुरस्कार मिळू शकतात. शेजारी तुम्हाला शुभ कार्यांमध्ये मदत करू शकतात.…

जळगाव, दि.2 एप्रिल – जळगाव जिल्ह्याची ओळख असलेल्या केळी पिकाच्या आधुनिक लागवड पद्धती तसेच निर्याताभिमुख मूल्यसाखळी प्रक्रियेची माहिती घेण्यासाठी जिल्हाधिकारी रोहन घुगे यांनी रावेर तालुक्यातील अटवाडे येथे प्रगतशील शेतकरी वरुण अग्रवाल यांच्या केळी बागेला भेट देऊन प्रत्यक्ष पाहणी केली. या क्षेत्रभेटीद्वारे केळी शेतीतील आधुनिक तंत्रज्ञानाचा वापर, उत्पादनाची गुणवत्ता वाढविण्यासाठी केलेले प्रयोग तसेच कापणीपश्चात व्यवस्थापनाची प्रक्रिया यांचा सविस्तर आढावा घेण्यात आला. या भेटीदरम्यान जिल्हाधिकाऱ्यांनी केळी लागवडीमध्ये वापरल्या जाणाऱ्या प्लास्टिक मल्चिंग, गादीवाफा (Raised Bed) पद्धत, योग्य लागवड अंतर, तसेच दर्जेदार आणि निर्यातक्षम उत्पादन मिळण्यासाठी वापरले जाणारे ‘बड इंजेक्शन’ तंत्रज्ञान याविषयी सविस्तर माहिती घेतली. आधुनिक मशागत तंत्रज्ञानाचा वापर करून पिकाची उत्पादकता वाढविणे, पाण्याचा…

मुंबई : वृत्तसंस्था  राज्य सरकारच्या ‘मुख्यमंत्री माझी लाडकी बहीण’ योजनेत मोठ्या प्रमाणावर अपात्र लाभार्थी असल्याचे समोर आले आहे. ई-केवायसी आणि डेटा पडताळणीनंतर सुमारे 71 लाख महिला अपात्र ठरल्या आहेत. या महिलांच्या खात्यात गेल्या 20 महिन्यांत अंदाजे 21 हजार 300 कोटी रुपये जमा करण्यात आल्याची माहिती समोर आली आहे. 2024 मध्ये सुरू झालेल्या या योजनेअंतर्गत पात्र महिलांना दरमहा 1500 रुपये दिले जातात. सुरुवातीला 2 कोटी 62 लाख अर्ज प्राप्त झाले होते. ‘अर्ज भरा आणि लाभ मिळवा’ या धोरणामुळे लाभार्थ्यांची संख्या 2 कोटी 47 लाखांपर्यंत वाढली होती. मात्र, पडताळणीदरम्यान अनेक त्रुटी आढळून आल्या. चारचाकी वाहन असणे, कुटुंबातील सदस्य सरकारी सेवेत असणे, उत्पन्न…

जालना : वृत्तसंस्था  जालना जिल्ह्यातील समृद्धी महामार्गावर बुधवारी दुपारी घडलेल्या भीषण अपघातात 8 जणांचा जागीच मृत्यू झाला, तर 5 ते 6 जखमी असून त्यांच्यावर उपचार सुरू आहेत. या अपघातात मृतकांमध्ये सर्व महिला असल्याचे समजते. अपघाताची जागा जालन्यातील कडवंची शिवारात आहे. मुख्यमंत्री देवेंद्र फडणवीस यांनी मृतांच्या वारसांना 5 लाख रुपयांची आर्थिक मदत जाहीर केली आहे. अपघातामुळे परिसरात शोककळा पसरली आहे. मृतक महिला कामगार होत्या, त्या भालगाव तालुक्यातील केळीगव्हाण आणि खादगाव येथील होत्या. समृद्धी महामार्गावर गवत काढण्याचे काम सुरू होते, तेव्हा महिला कामगार पिकअप व्हॅनमध्ये आल्या होत्या. जामवाडी शिवारात पिकअप व्हॅन थांबली असताना नागपूरहून येणाऱ्या भरधाव ट्रकने या पिकअपला धडक दिली. धडक…

मुंबई : वृत्तसंस्था  राजकीय वर्तुळातून राष्ट्रवादी काँग्रेसच्या कार्यकारिणीबाबत मोठी चर्चा उभी राहिली आहे. पक्षाच्या राष्ट्रीय अध्यक्षा व उपमुख्यमंत्री सुनेत्रा पवार यांनी निवडणूक आयोगाला पाठवलेल्या एका पत्रात फक्त दोन पदांचे स्पष्ट उल्लेख करण्यात आले असून, इतर नेत्यांचे पदनाम अस्पष्ट राहिले आहे. निवडणूक आयोगाला पाठवलेल्या या पत्रानुसार, सुनेत्रा पवार यांचा ‘राष्ट्रीय अध्यक्ष’ आणि शिवाजीराव गर्जे यांचा ‘खजिनदार’ असा स्पष्ट उल्लेख आहे. मात्र, पक्षाच्या आणखी १२ पदाधिकाऱ्यांच्या नावांसमोर कोणतेही पद दिलेले नाही. यात प्रफुल्ल पटेल आणि सुनील तटकरे यांचा समावेश असून, या दोघांच्या पदनामाचा उल्लेखही वगळण्यात आलेला आहे. राजकीय वर्तुळात सुनेत्रा पवार यांचे हे पत्र मोठ्या चर्चेचा विषय ठरत आहे, कारण मागील कार्यकाळात…

जळगाव : प्रतिनिधी शहरातील वाढत्या घरफोडीच्या घटना उघडकीस आणण्याच्या सूचना दिल्यानंतर शहर पोलीस ठाण्याच्या गुन्हे शोध पथकाने गेंदालाल मिल परिसरात घरफोडी करणाऱ्या तीन सराईत गुन्हेगारांना अटक केली. त्यांच्याकडून सोने चांदीच्या दागिन्यांसह रोकड असा मुद्देमाल हस्तगत करण्यात आला आहे. शहरात घरफोडीच्या गुन्ह्यांमध्ये वाढ झाल्याने पोलीस अधीक्षक माहेश्वर रेड्डी, अपर पोलीस अधीक्षक अशोक नखाते आणि उपविभागीय पोलीस अधिकारी नितीन गणापुरे यांनी गुन्हे शोध पथकाला कडक सूचना दिल्या होत्या. त्यानुसार पोलीस निरीक्षक सागर शिंपी यांनी स.पो.नि. सुरेश आव्हाड, सफौ. सुनील पाटील, पोहेकॉ उमेश भांडारकर, सतिष पाटील, वीरेंद्र शिंदे, योगेश पाटील, भगवान पाटील, नंदलाल पाटील, दीपक शिरसाट, पोकों. अमोल ठाकूर, राहुलकुमार पांचाळ आणि प्रणय…

जळगाव : प्रतिनिधी समोरून भरधाव वेगाने येणाऱ्या रिक्षाने दिलेल्या जोरदार धडकेनंतर रस्त्यावर कोसळलेल्या दुचाकीस्वाराला मागून येणाऱ्या दुसऱ्या दुचाकीने चिरडल्याने त्याचा जागीच मृत्यू झाल्याची दुर्दैवी घटना खेडीगावाजवळील महामार्गावर घडली. बुधवारी (दि. १ एप्रिल) दुपारी सुमारे ३ वाजेच्या सुमारास हा भीषण अपघात झाला असून याप्रकरणी पोलिसात अकस्मात मृत्यूची नोंद करण्यात आली आहे. मृत तरुणाचे नाव समाधान बापू भोई (वय ३२, रा. भालगाव, ता. एरंडोल) असे आहे. समाधान भोई हे फळविक्रीचा व्यवसाय करून कुटुंबाचा उदरनिर्वाह करत होते. बुधवारी ते भुसावळ येथून दुचाकीने आपल्या गावी परतत होते. दरम्यान, खेडीगावाजवळील महामार्गावर समोरून येणाऱ्या मालवाहू रिक्षाने त्यांच्या दुचाकीला जोरदार धडक दिली. या धडकेत ते रस्त्यावर कोसळले. त्याचवेळी…

जळगाव : प्रतिनिधी  सोशल मीडियावर स्वतःला ‘भाई’ म्हणून प्रसिद्धी मिळवण्याच्या नादात एका तरुणाला पोलिसांच्या कारवाईचा चांगलाच फटका बसला आहे. इन्स्टाग्रामवर भाईगिरीची भाषा वापरत रील पोस्ट करणाऱ्या चेतन सोळंके या तरुणाला जळगाव शहर पोलिसांनी ताब्यात घेत कायद्याचा धडा शिकवला. पोलिसांचा ‘खाक्या’ पाहताच संबंधित तरुणाने हात जोडून माफी मागितल्याची घटना समोर आली आहे. सध्या तरुणांमध्ये सोशल मीडियावर भाईगिरी, शस्त्रांचे प्रदर्शन किंवा गुंडशाहीचे समर्थन करणाऱ्या रिल्स बनवण्याचा ट्रेंड वाढताना दिसत आहे. याच पार्श्वभूमीवर चेतन सोळंके याने इन्स्टाग्रामवर भाईगिरीची भाषा वापरत एक रील पोस्ट केली होती. संबंधित व्हिडिओ अल्पावधीतच व्हायरल झाला. मात्र, या प्रकाराची गंभीर दखल घेत जळगाव शहर पोलिसांनी तात्काळ कारवाई करत संबंधित…

जळगाव : प्रतिनिधी  पूर्वसूचना न देता व विनापरवानगी रस्त्याचे काम सुरु केल्याचा महापालिका स्थायी समिती सभापती डॉ. चंद्रशेखर पाटील यांनी जाब विचारल्याने दारुच्या नशेत असलेले ठेकेदाराने शिवीगाळ केली. ही घटना दि.३१ मार्च रोजी रात्री दादावाडी परिसरात घडली. याप्रकरणी तालुका पोलिस ठाण्यात १ एप्रिल रोजी ठेकेदाराविरुद्ध अदखलपात्र गुन्ह्याची नोंद करण्यात आली आहे. मिळालेल्या माहितीनुसार,  प्रभाग क्रमांक ९ मधील नगरसेवक, स्थायी समिती सभापती डॉ. चंद्रशेखर पाटील यांच्या वॉर्डातील दादावाडी परिसरात रस्त्याच्या कामाचा ठेका कंत्राटदार यांनी घेतला आहे. याच परिसरात भुयारी गटारी मंजूर झालेल्या असून त्याचे काम अद्याप बाकी आहे. दि. ३१ मार्च रोजी सायंकाळच्या सुमारास ठेकेदार यांनी परिसरातील नगरसेवकांसह महापालिका प्रशासनाला कोणतीही…