Author: editor desk

मुंबई : वृत्तसंस्था राज्याच्या राजकारण कोण कधी मुख्यमंत्री होईल हे कुणीही सांगू शकत नाही तरी देखील सत्तेत असलेले तीन पक्षातील नेते आपल्याच पक्षातील नेता मुख्यमंत्री व्हावा यासाठी मोठी फिल्डिंग लावत असतात, गेल्या काही दिवसापासून अजित पवारांचे नाव मुख्यमंत्री पदासाठी चर्चेत असतांना आज खुद्द अजित पवारांनी मुख्यमंत्री पदाबाबत मोठे विधान केले आहे. अजित पवार म्हणाले की, देवेंद्रजी मुख्यमंत्री झाले तरी आम्हाला वाईट वाटण्याचं काहीच कारण नाहीये. ”बावनकुळे यांनी काय बोलावं, हा त्यांचा अधिकार आहे. शेवटी जनताच निर्णय घेत असते. आम्हाला देवेंद्र फडणवीस यांनी मुख्यमंत्री झालं तर वाईट वाटण्याचं कारण नाही” असं अजित पवार म्हणाले. या विधानामुळे खरंच देवेंद्र फडणवीसांच्या…

मुंबई : वृत्तसंस्था राज्यातील अनेक अल्पवयीन मुलीवर अत्याचाराचे प्रमाण उघडकीस येत असतांना पुन्हा एकदा ठाणे जिल्ह्यात एका १४ वर्षीय एका मुलीवर बलात्कार केल्याप्रकरणी एका चाळीस वर्षीय टेनिस प्रशिक्षकाला अटक करण्यात आली आहे. ठाण्यातील ही घटना असून मुलगी सात आठवड्याची गर्भवती झाल्यानंतर हे प्रकरण उजेडात आले आहे. मिळालेल्या माहितीनुसार, प्रशिक्षकाचे नाव रविकिरण गवळी असे असून तो नवी मुंबईचा रहिवाशी आहे. पीडित मुलीला टेनिसचे प्रशिक्षण देण्यासाठी त्याची नियुक्ती करण्यात आली होती. एका पोलिस अधिकाऱ्याच्या माहितीनुसार, पीडित मुलीच्या कुटुंबियांना प्रशिक्षक गवळीवर विश्वास असल्याने त्याला कामावर ठेवले होते. कपूरबावडी पोलिस स्टेशनने दिलेल्या माहितीनुसार, पीडित मुलीने ऑक्टोंबरच्या पहिल्या आठवड्यात पोटात दुखत असल्याची तक्रार कुटुंबियांकडे…

नवी दिल्ली : वृत्तसंस्था  बिहारच्या बक्सर जिल्ह्यात बुधवारी ११ ऑक्टोबर मध्यरात्रीच्या सुमारास रेल्वेचा भीषण अपघात झाला. दिल्लीहून गुवाहाटीला जाणाऱ्या नॉर्थ-इस्ट एक्सप्रेसचे २१ डब्बे रुळावरुन घसरले. या भयानक अपघातात ४ प्रवाशांचा मृत्यू झाला. तर ७० प्रवासी गंभीर जखमी झाले. हा अपघात नेमका कशामुळे झाला? असा प्रश्न अनेकांकडून विचारला जातोय. दरम्यान, या अपघाताबाबत लोको पायलटने एक खळबळजनक खुलासा केला आहे. दिलेल्या माहितीनुसार, ट्रेन रुळावरून घसरण्यापूर्वी लोको पायलटला एक मोठा आवाज आला. त्यामुळे लोको पायलटने अचानक ब्रेक दाबले. मात्र, काही कळण्याच्या आतच ट्रेनचे २१ डबे रुळावरुन घसरले. गेटमनने देखील या आवाजाची पुष्टी केली आहे. त्यामुळे हा अपघात होता की घातपात? असा…

जळगाव : प्रतिनिधी एमएसएमई क्षेत्रासंदर्भात राज्य आणि केंद्र सरकारची धोरणे आणि उपक्रम याबाबत जागरुकता वाढविण्यासाठी भागधारकांसोबत हॉटेल प्रेसिडेंड कॉटेज, एमआयडीसी, जळगांव येथे १३ ऑक्टोंबर एकदिवशीय कार्यशाळा आयोजित करण्यात आली आहे. अशी माहिती जिल्हा उद्योग केंद्रांचे महाव्यवस्थापक चेतन पाटील यांनी प्रसिध्दीपत्रकाद्वारे दिली आहे. या कार्यशाळेत विविध विषयावर तज्ज्ञ एमएसएमईबाबत मार्गदर्शन करणार आहेत. एकदिवशीय कार्यशाळेसाठी सुक्ष्म, लघू, मध्यम उपक्रम, निर्यातदार, निर्यातक्षम उद्योजक, नवउद्योजक, औद्योगिक संस्था व संघटना, औद्योगिक समूह, औद्योगिक वसाहती, शेतकरी सहकारी संस्था व उत्पादक प्रक्रिया उत्पादक, केंद्र व राज्य शासनाचे संबंधित उपक्रमाचे अधिकारी, जिल्हा निर्यात प्रचालन समिती सदस्य, निर्यात संबंधी कामकाज करणारे घटक, संशोधक, बँका इ. यांनी कार्यशाळेत भाग घ्यावा…

बीड : वृत्तसंस्था राज्यातील अनेक जिल्ह्यात अल्पवयीन मुलीवर सतत होणाऱ्या अत्याचाराच्या घटनेत वाढ होत असतांना आता अल्पवयीन मुलाची घटना बीड जिल्ह्यातून उघडकीस आली आहे. ८ वर्षीय चिमुकल्याला धमकावत एका नराधमाने त्याच्यावर अनैसर्गिक अत्याचार केला आहे. शहरातील शासकीय निरीक्षण गृहात हा धक्कादायक प्रकार घडला आहे. याप्रकरणी निरीक्षण गृहाच्या अधीक्षकांनी दिलेल्या तक्रारीवरुन शिवाजीनगर पोलिसांनी गुन्हा दाखल करत आरोपीला अटक केली आहे. अतिश असं अत्याचार करणाऱ्या नराधमाचे नाव असून तो शासकीय निरीक्षणगृहात कनिष्ठ लिपिक म्हणून कार्यरत आहे. हा संपूर्ण प्रकार उघडकीस येताच शहरात संतापाची लाट उसळली आहे. मिळालेल्या माहितीनुसार, अतिश हा नराधम आरोपी बीड शहरातील नगर रोडवर असलेल्या शासकीय निरीक्षणगृहात कार्यरत होता. १…

कोल्हापूर : वृत्तसंस्था कोल्हापूर शहरातील स्टेशन रोडवर थांबलेल्या देहविक्रय करणाऱ्या महिलेला (३२) दोघांनी जबरदस्तीने कारमध्ये बसवून आणि तोंडाला रुमाल लावून अपहरण केल्याची घटना मंगळवारी मध्यरात्रीनंतर घडली. हा प्रकार लक्षात येताच पोलिसांनी पाठलाग करून कार अडवण्याचा प्रयत्न केला. त्यावेळी धावत्या कारमधून उडी मारून महिलेने स्वतःची सुटका करून घेतली, तर पोलिसांच्या दुचाकीला धडक देऊन संशयित पळाले. मिळालेल्या माहितीनुसार, स्टेशन रोडवरील एका बेकरीसमोर संबंधित महिला उभी होती. त्यावेळी कारमधून आलेल्या दोन अज्ञात व्यक्तींनी तोंडाला रुमाल लावून तिला जबरदस्तीने कारमध्ये बसवले. त्यानंतर कार स्टेशन रोडवरून भवानी मंडपकडे गेली. तिथून पुन्हा कार छत्रपती शिवाजी महाराज चौकात आली. यावेळी महिलेने वाचवा….. वाचवा… असा आरडाओरडा केल्याने…

नागपूर : वृत्तसंस्था इन्स्टाग्रामवर ओळख झालेल्या एका तरुणाने अल्पवयीन मुलीला बेदम मारहाण करीत तिचा विनयभंग केला. तू माझ्याशी लग्न केले नाही, तर तुझा जीवच घेतो, असे म्हणत त्याने मुलीचा विनयभंग केला. नवीन कामठी पोलिस ठाण्याच्या हद्दीत ही घटना घडली. मिळालेल्या माहितीनुसार, एका १७ वर्षीय विद्यार्थिनीची राजिक खान ऊर्फ रियाज खान (२२, नवीन कामठी) याच्याशी इन्स्टाग्रामवर मैत्री झाली. काही काळाने ते फोनवर बोलू लागले व त्यांच्यात प्रेम झाले. मात्र, त्याची संगत चांगली नसल्याचे कळल्यावर विद्यार्थिनीने त्याच्याशी बोलणे बंद केले. त्यानंतर राजिक तिचा वारंवार पाठलाग करू लागला. त्याने तिला लग्नाचीदेखील मागणी घातली. मात्र, तिने त्याला नकार दिला. संतापलेल्या राजिकने ८ ऑक्टोबरला…

मुंबई : वृत्तसंस्था मुंबईतून विमानाने कोचीला जाण्यासाठी निघालेल्या मल्याळी सिनेमातील एका आघाडीच्या अभिनेत्रीला सहप्रवाशाने त्रास दिल्याची घटना घडली आहे. त्या व्यक्तीने तिच्याशी वाद घातला तसेच तिच्या अंगाला हात लावण्याचा प्रयत्नही केल्याची घटना तिने विमानातील केबिन कर्मचाऱ्यांच्या निदर्शनास आणून दिली. मात्र, तिची जागा बदलून तिला दुसरी सीट देण्यापलीकडे विमान कर्मचाऱ्यांनी या घटनेची फारशी दखल घेतली नसल्याचा दावा तिने केला आहे. मिळालेल्या माहितीनुसार, एअर इंडियाच्या विमानाने मंगळवारी रात्री ही अभिनेत्री मुंबईतून कोची येथे जाण्यासाठी निघाली होती. तिला मधली सीट मिळाली होती. मात्र, तिच्या बाजूला बसलेल्या एका प्रवाशात व तिच्यात काही वाद झाला. त्यानंतर प्रवाशाने तिच्या अंगाला हात लावण्याचा प्रयत्न केल्याचा दावा…

जळगाव : प्रतिनिधी  जळगाव शहरातील सेंट्रल बँक कॉलनीतील एक परिवार अंत्यसंस्कारासाठी गावी गेल्याची संधी साधत बंद घरात चोरट्यांनी डल्ला मारल्याची घटना घडली होती. याप्रकरणी मंगळवारी रामानंद पोलीस ठाण्यात गुन्हा दाखल झाल्यानंतर अवघ्या तासाभरात चार संशयित चोरट्यांच्या पोलिसांनी बेड्या ठोकल्या आहे. त्यांच्याकडून चोरीतील मुद्देमाल हस्तगत करण्यात आला आहे. मिळालेल्या माहितीनुसार, जळगाव शहरातील पिंप्राळा परिसरातील सेंट्रल बँक कॉलनीमध्ये प्रशांत गणेश माहोरे हे वास्तव्यास आहेत. दि. ३ ऑक्टोंबर रोजी त्यांची आजी वारल्याने ते कुटुंबियांसह अकोला जिल्ह्यातील आलेगाव येथे गेले होते. काही दिवस त्यांचे घर बंद असल्याची संधी साधत चोरटयांनी त्यांच्या घराच्या दरवाजाचा कडीकोयंडा तोडून त्यांच्या घरातील रोकड आणि सोने चांदीच्या दागिने असा…

जळगाव : प्रतिनिधी  जळगाव शहरातून जाणाऱ्या महामार्गावर अपघाताच्या घटना सुरु असतांना एक भीषण अपघात नशिराबाद गावाजवळील मुंजोबा मंदिराजवळील उड्डाणपुलावर बुधवारी सायंकाळी साडेसहा वाजेच्या सुमारास रिक्षात कलर घेवून मोताळा येथे जात असलेल्या रिक्षाला मागून भरधाव वेगाने जाणाऱ्या कारने धडक दिली. धडक इतकी जोरात होती की पुढे चालणारी रिक्षा उलटून रिक्षातील प्रवासी महिला आस्माबी शेख मंजूर (वय ३०, रा. बोरखेडी ता. मोताळा, जि. बुलढाणा) या जागीच ठार झाल्या. तर त्यांच्यासोबत असलेले चार प्रवासी गंभीर जखमी झाले. मिळालेल्या माहितीनुसार, जळगावकडून (एमएच १९ बीयू ५८४३ ) क्रमांकाच्या प्रवासी रिक्षातून प्रवासी कलर घेवून बुधवारी सायंकाळच्या सुमारास भुसावळकडे जात होते. याचवेळी मागून भरधाव वेगाने जाणाऱ्या…