Author: editor desk

यावल : प्रतिनिधी निंबादेवी (यावल) वनक्षेत्रातील एका नाल्यात २५ हजार रुपये किमतीचा खैर लाकडाचा साठा जप्त करण्यात आला आहे. वृक्षतोड करणारा आरोपी पसार झाला आहे. त्यामुळे हा साठा यावल येथील मुख्य विक्री केंद्रात पाठविण्यात आला आहे. सविस्तर वृत्त असे कि, यावल वनक्षेत्रातील पथक गस्त घालत असताना एका नाल्यात वृक्षतोड करून लाकडाचा साठा दडवून ठेवल्याचे स्पष्ट झाले. त्यानुसार निंबादेवी क्षेत्राच्या नवरक्षकांनी हा साठा ताब्यात घेतला आहे. ५१ घनमीटर एवढा हा लाकडाचा साठा असून, त्याची किंमत २५ हजार ५८४ इतकी आहे. अज्ञात आरोपीविरोधात भारतीय वन अधिनियम १९२७ च्या कलमान्वये गुन्हा दाखल करण्यात आला आहे. या कारवाईत उपवनसंरक्षक जमीर शेख, सहायक वन संरक्षक…

भुसावळ : प्रतिनिधी येथील रेल्वे स्थानकावर विक्रत्यांच्या दोन गटातील वाद सोडविताना आरपीएफ निरीक्षक राधाकिशन मीना (४२) व त्यांचे सहकारी आरक्षक महेंद्र कुशवाह यांना काही विक्रेत्यांनी मारहाण केली. ही घटना मंगळवारी दुपारी घडली. मिळालेल्या माहितीनुसार, गाडी आल्यावर कोणी कोठे मालाची विक्री करावी, यावरून विक्रेत्यांमध्ये हा वाद पेटला होता. वाद वाढत असल्याने आरपीएफचे एएसआय दीपक तायडे यांनी राधाकिशन मीना यांना ही माहिती दिली. मीना हे घटनस्थळी आल्यावर त्यांनी जवळपास शंभरावर लोकांचा वाद सोडवून त्यांना शांत केले. परंतु जमावामधील सद्दाम शेख बशीर, आझाद शेख बशीर, शेख सलमान शेख बशीर, मुझफ्फर सय्यद लियाकत अली, शेख समीर शेख हमीद, वसीम खान बिस्मिल्ला खान व इतरांनी…

जळगाव  : प्रतिनिधी खान्देश कॉलेज एज्युकेशन सोसायटीच्या ओरियन इंग्लिश मीडियम स्टेट बोर्ड स्कूलमधील इयत्ता सातवीच्या वर्गातील विद्यार्थिनी तुषीता आकाश सराफ हिने छत्रपती संभाजीनगर येथे झालेल्या ३६व्या सब ज्युनिअर राष्ट्रीय सॉफ्टबॉल चॅम्पियनशिप मुले आणि मुली २०२३-२४ या स्पर्धेत तृतीय क्रमांक पटकावला. तिला पुरस्कार स्वरुपात कांस्य पदक, चषक आणि प्रमाणपत्र देऊन गौरविण्यात आले. याबाबत संस्थेचे अध्यक्ष नंदकुमार बेंडाळे यांनी विद्यार्थिनी तुषीता हिचे अभिनंदन केले. ही विद्यार्थिनी याच शाळेतील क्रीडा शिक्षक आकाश सराफ यांची कन्या आहे. यानिमित्त विद्यार्थिनीसह तिचे वडील व क्रीडा शिक्षक सराफ यांचा सत्कार प्राचार्य श्रीधर सुनकरी यांनी केला.

मेष आजचा दिवस तुमच्यासाठी चांगला जाईल. वडील किंवा ज्येष्ठ व्यक्ती तुम्हाला योग्य सल्ला देऊ शकतात. एक पद्धतशीर दैनंदिन दिनचर्या आखून तुमचा मानसिक आणि शारीरिकरित्या तणाव मुक् होईल. आज तुमची आर्थिक स्थिती सामान्य असेल. तुमच्यावर ताण येऊ देऊ नका. तुम्हाला तुमच्या वागण्यावर नियंत्रण ठेवावे लागेल. एखादा मित्र किंवा ओळखीचा माणूस तुम्हाला त्याच्या कामात बराच काळ व्यस्त ठेवू शकतो. वृषभ आज तुमचा दिवस मित्र आणि कुटुंबियांसोबत जाईल. तुम्हाला काही मोठे काम पूर्ण करण्याची जबाबदारी मिळू शकते. दैनंदिन दिनचर्या व्यवस्थित ठेवल्यास तुमचे व्यक्तिमत्व आणि आरोग्य सुधारण्यास मदत होईल. उत्पन्नाचे स्रोतही मजबूत होतील. आज खूप काम असेल ज्यामुळे तुम्हाला स्वतःसाठी वेळ काढणे कठीण होईल,…

मुंबई : वृत्तसंस्था देशात लोकसभा निवडणुकीची रणधुमाळी सुरू झाली आहे. गेल्या दोन आठवड्यात भाजपकडून उमेदवारांच्या याद्या देखील जाहीर झाल्या असून उमेदवारांनी गाठी भेटी देखील सुरु केली असतांना जळगाव लोकसभा मतदारसंघातून उमेदवारी नाकारलेले नाराज विद्यमान खासदार उन्मेष पाटील आज शिवसेना ठाकरे गटाचे नेते संजय राऊत यांची भेट घेतली आहे. जळगाव लोकसभा मतदारसंघातून भाजपने खासदार उन्मेष पाटील यांना उमेदवारी नाकारून माजी आमदार स्मिता वाघ यांना उमेदवारी देण्यात आली आहे. त्यामुळे उन्मेष पाटील नाराज आहेत. गेल्या काही दिवसांपासून ते मुंबईत आहेत. भाजपचे युवा नेते पारोळा येथील माजी नगराध्यक्ष करन पवार त्यांच्या सोबत आहेत. पवार यांना ठाकरे गटाकडून जळगाव लोकसभा मतदारसंघात उमेदवारी देण्याचे निश्चित…

अमळनेर : प्रतिनिधी नळ आल्यामुळे पाणी भरण्यासाठी पाण्याचा पंप सुरु करण्यासाठी प्लगमध्ये पिन लावताना विजेचा धक्का लागल्याने एका १२ वर्षीय शाळकरी बालकाचा दुर्देवी मृत्यू झाल्याची घटना १ एप्रिल रोजी अमळनेर शहरात घडली. या घटनेमुळे संपूर्ण शहरात हळहळ व्यक्त केली जात आहे. हि घटना अमळनेर तालुक्यातील सबगव्हाण येथे घडली आहे. सविस्तर वृत्त असे कि,  अमळनेर तालुक्यातील सबगव्हाण येथील हर्षल योगेश पाटील (वय १२) असे मयत बालकाचे नाव आहे. हर्षल हा अमळनेर शहरातील साने गुरुजी शाळेतील सहावीचा विद्यार्थी होता. त्याचे वडील योगेश दगडू पाटील हे शेती करतात. शिक्षणासाठी तो आई, वडील व भावासह गलवाडे रस्त्यावरील साई गजाजन नगरात वास्तव्यास होता. १ रोजी…

धुळे : प्रतिनिधी प्रतिबंधात्मक कारवाई टाळण्यासाठी दोंडाईचा येथील एका सामाजिक कार्यकर्त्याकडून दीड लाख रुपये स्वीकारताना स्थानिक गुन्हे शाखा (एलसीबी) चे दोन कर्मचारी सोमवारी सायंकाळी एसीबीच्या सापळ्यात अडकले. ही लाच निरीक्षक दत्तात्रय शिंदे यांच्या सांगण्यावरून स्वीकारण्यात आल्याचे निष्पन्न झाल्याने शिंदे यांनाही ताब्यात घेण्यात आल्याची माहिती लाचलुचपत प्रतिबंधक विभागाचे उपअधीक्षक अभिषेक पाटील यांनी दिली. दोंडाईचा शहरातील जैन मंदिर परिसरात सोमवारी सायंकाळी सहा वाजेच्या सुमारास ही कारवाई करण्यात आली. कर्मचारी अशोक पाटील आणि नितीन मोहने हे दोघे सापळ्यात अडकले.अधिक चौकशी व कॉल डिटेल्सची तपासणी केली असता, त्यांनी ही लाच एलसीबीचे पोलिस निरीक्षक दत्तात्रय शिंदे यांच्या सांगण्यावरून मागितल्याचे व स्वीकारल्याचे निष्पन्न झाले. रात्री उशिरापर्यंत…

जळगाव : प्रतिनिधी तालुक्यातील विटनेर शिवारातील शेतातून लोखंडी गेटसह जाळीचे बंड लांबवल्याची घटना घडली होती. दरम्यान, हे साहित्य चोरणाऱ्या समाधान अशोक गायकवाड (वय २८, रा. विटनेर, ता. जळगाव) या संशयिताच्या स्थानिक गुन्हे शाखेच्या पथकाने रविवारी सायंकाळी मुसक्या आवळल्या. त्याच्याकडून चोरलेले साहित्य हस्तगत करण्यात आले आहे. मिळालेल्या माहितीनुसार, जळगाव तालुक्यातील खेडी खुर्द येथे भरत अभिमान पाटील हे वास्तव्यास असून ते कॉन्ट्रॅक्टर आणि शेतीचे काम करून आपला उदरनिर्वाह करतात. त्यांचे जळगाव तालुक्यातील विटनेट शिवारातील शेत गट क्रमांक ५८ मध्ये काम सुरू होते. त्याठिकाणी त्यांनी २०० किलो वजनाचे लोखंडी गेट आणि लोखंडी जाळ्याचे बंडल असा एकुण ६० हजार ५०० रूपयांचा मुद्देमाल दि. १८…

चाळीसगाव : प्रतिनिधी अनैतिक संबंधात अडसर ठरत असलेल्या पतीचा अपघात झाल्याचा बनाव करून खून करण्यात आल्याची घटना पळासखेडे, ता. भडगाव येथे रविवारी रात्री उघडकीस आली. याबाबत पत्नी व आळंदी येथील कीर्तनकार महाराजाला अटक करण्यात आली आहे. मिळालेल्या माहितीनुसार, राजेंद्र गंगाधर शेळके (रा. खेड आळंदी, पुणे) आणि पुष्पा पाटील अशी अटक करण्यात आलेल्यांची नावे आहेत. किशोर शिवाजी पाटील (४५, रा. पळासखेडे, ता. भडगाव) असे खून झालेल्या इसमाचे नाव आहे. तो पत्नी पुष्पा समवेत शेतीकाम करती होता. त्यांना मुलगा व मुलगी आहे. मुलगी कीर्तनाचे शिक्षण घेण्यासाठी आळंदी येथे आहे. त्यामुळे पुष्पाचे आळंदी येथील राजेंद्र शेळके महाराज याच्याशी काही अनेक वर्षांपासून ओळख होती.…

जळगाव : प्रतिनिधी दुचाकी चोरून त्यावर बनावट क्रमांक टाकून फिरणाऱ्या दोघांना स्थानिक गुन्हे शाखेच्या पथकाने सोमवार, १ एप्रिल रोजी मेस्कोमातानगर परिसरातून अटक केली. विशेष म्हणजे, दोघांचे पहिले व आडनाव सारखे आहे. मेरा भाई ऊर्फ राहुल रवींद्र कोळी (वय २२) व पप्पू ऊर्फ राहुल रामदास कोळी (२८) दोघे रा. मेस्कोमातानगर अशी अटक केलेल्या चोरट्यांची नावे आहेत. मिळालेल्या माहितीनुसार, मेस्कोमातानगरात दोघेजण चोरीची दुचाकी घेऊन फिरत असल्याची गोपनीय माहिती स्थानिक गुन्हे शाखेचे वरिष्ठ पोलिस निरीक्षक किसन नजन पाटील यांना मिळाली. त्यांनी पथकाला कारवाईच्या सूचना दिल्या. सपोनि अमोल मोरे, पोउनि गणेश वाघमारे, सहायक फौजदार अनिल जाधव, पोहेकाँ महेश महाजन, नंदलाल पाटील, हेमंत पाटील, बबन…