Author: editor desk

नागपूर : वृत्तसंस्था  राष्ट्रवादी काँग्रेस (शरदचंद्र पवार गट)चे आमदार रोहित पवार यांनी नागपुरात झालेल्या धीरेंद्र कृष्ण शास्त्री यांच्या कार्यक्रमावरून राज्य सरकार आणि भाजपवर जोरदार निशाणा साधला आहे. शास्त्री यांच्या वादग्रस्त वक्तव्यांनंतरही त्यांचे कार्यक्रम सुरू ठेवण्यात येत असल्याबद्दल त्यांनी तीव्र नाराजी व्यक्त केली आहे. नागपुरातील कार्यक्रमादरम्यान धीरेंद्र शास्त्री यांनी रामदास स्वामी हे छत्रपती शिवाजी महाराज यांचे गुरू होते, असा दावा केला. या विधानावरून राज्यातील राजकीय वातावरण चांगलेच तापले असून काँग्रेससह विविध विरोधी पक्षांनी शास्त्रींवर टीकेची झोड उठवली आहे. या पार्श्वभूमीवर प्रतिक्रिया देताना रोहित पवार म्हणाले, “सत्तेतल्या एका मोठ्या पक्षाला वगळता संपूर्ण महाराष्ट्राने या भोंदूगिरीचा निषेध केला आहे. तरीही नागपुरात या कार्यक्रमांना…

मुंबई : वृत्तसंस्था  मुंबईत रिक्षा आणि टॅक्सी चालकांसाठी मराठी भाषा अनिवार्य करण्याच्या प्रस्तावावरून राज्यातील राजकारण चांगलेच तापले आहे. या पार्श्वभूमीवर राज्य सरकारने मंत्रालयात बैठक बोलावली असली, तरी महाराष्ट्र नवनिर्माण सेना (मनसे)ला निमंत्रण न दिल्याने नव्या वादाला तोंड फुटले आहे. मनसेचे नेते संदीप देशपांडे यांनी यावर तीव्र नाराजी व्यक्त करत सरकारच्या भूमिकेवर प्रश्नचिन्ह उपस्थित केले आहे. परिवहन मंत्री प्रताप सरनाईक यांनी रिक्षा आणि टॅक्सी चालकांसाठी ‘व्यावहारिक मराठी’ अनिवार्य करण्याचा निर्णय अंमलात आणण्यापूर्वी सर्व संबंधित पक्षांशी चर्चा करण्यासाठी बैठक आयोजित केली होती. मात्र, मराठीच्या मुद्द्यावर सातत्याने भूमिका मांडणाऱ्या मनसेला या बैठकीत सहभागी करून न घेतल्याने राजकीय वातावरण तापले आहे. संदीप देशपांडे यांनी…

जळगाव : प्रतिनिधी  शहरातून जाणाऱ्या राष्ट्रीय महामार्गावरील मानराज पार्क चौफुलीवर सोमवारी सकाळी भीषण अपघात घडून एका २५ वर्षीय तरुणाचा जागीच मृत्यू झाल्याची दुर्दैवी घटना समोर आली आहे. ओम सुनील गिरी (वय २५) असे मृत तरुणाचे नाव असून, या घटनेमुळे परिसरात हळहळ व्यक्त केली जात आहे. मिळालेल्या माहितीनुसार, ओम गिरी हा आपल्या दुचाकीने मानराज पार्क चौफुलीवरून जात असताना पाठीमागून भरधाव वेगाने येणाऱ्या ट्रकने त्याला जोरदार धडक दिली. धडक इतकी भीषण होती की, ओम ट्रकच्या चाकाखाली सापडल्याने त्याचा घटनास्थळीच मृत्यू झाला. अपघात होताच परिसरातील नागरिक आणि वाहनधारकांनी तत्काळ घटनास्थळी धाव घेत मदतकार्य सुरू केले. घटनेची माहिती मिळताच पोलिसही तातडीने घटनास्थळी दाखल झाले. नागरिकांच्या…

मुंबई : वृत्तसंस्था  राज्यात सत्ताधारी आणि विरोधकांमधील संघर्ष आता अधिक तीव्र होत असून, शाब्दिक चकमकींनी वैयक्तिक पातळी गाठल्याचे चित्र निर्माण झाले आहे. काँग्रेसचे ज्येष्ठ नेते विजय वडेट्टीवार यांनी आमदार नवनीत राणा यांच्या चित्रपट क्षेत्रातील पार्श्वभूमीवरून केलेल्या वादग्रस्त वक्तव्यामुळे नव्या राजकीय वादाला तोंड फुटले आहे. माध्यमांशी बोलताना वडेट्टीवार यांनी नवनीत राणांवर टीका करताना म्हटले की, “त्या स्वतःला मोठं समजतात आणि इतरांना कमी लेखतात. ‘सी-ग्रेड’ चित्रपटातील अभिनेत्री असल्यामुळे त्या स्वतःला ‘ग्रेट’ समजत असाव्यात.” त्यांच्या या वक्तव्यामुळे राजकीय वर्तुळात खळबळ उडाली आहे. या टीकेला जोरदार प्रत्युत्तर देताना आमदार रवी राणा यांनी संतप्त प्रतिक्रिया दिली. पत्नी नवनीत राणांवर झालेल्या टीकेचा समाचार घेत त्यांनी वडेट्टीवारांवर…

जळगाव : प्रतिनिधी  जळगाव शहरातील स्वातंत्र्य चौक परिसरात आज सकाळी भीषण आगीची घटना घडली आहे. पोलीस अधीक्षक कार्यालयातील कॅन्टींगजवळ असलेल्या स्टोअर रूमला अचानक आग लागल्याने परिसरात खळबळ उडाली. मिळालेल्या माहितीनुसार, आज सकाळी सुमारे ११ वाजण्याच्या सुमारास पोलीस अधीक्षक कार्यालयातील कॅन्टींगजवळ असलेल्या स्टोअर रूममध्ये अचानक आग लागली. आग लागताच परिसरात धुराचे लोट पसरले आणि तातडीने महानगरपालिकेचे दोन अग्निशमन बंब घटनास्थळी दाखल झाले. अग्निशमन दलाने तातडीने आगीवर नियंत्रण मिळवण्यासाठी शर्थीचे प्रयत्न सुरू केले होते. या घटनेची माहिती मिळताच अपर पोलीस अधीक्षक संदीप गावित यांनी घटनास्थळी भेट देऊन पाहणी केली. तर मनपाच्या अग्निशमन पथकात अधिकारी अश्वदीप घरडे, वाहनचालक देविदास सुरवाडे, अक्षय नाईक, भगवान पाटील,…

जळगाव : प्रतिनिधी  शहरातील इस्लामपुरा भागातील कसाई गल्लीत बेकायदेशीरपणे गोमांस विक्री करणाऱ्या दुकानावर शनिवारी दि. २६ रोजी शनिपेठ पोलिसांनी छापा टाकला. याठिकाणाहून सुमारे ३० किलो गोमांस आणि मांस कापण्याचे साहित्य जप्त केले. याप्रकरणी आजम शेख सलीम शेख (वय २४) या संशयिताला ताब्यात घेण्यात आले असून त्याच्याविरुद्ध गुन्हा दाखल करण्यात आला आहे. शहरातील शनिपेठ पोलीस स्टेशनचे सहाय्यक पोलीस निरीक्षक साजिद मन्सुरी यांना मिळालेल्या माहितीनुसार शहरातील इस्लामपुरा भागातील मदिना मशीद जवळ एका लाकडी पार्टीशनच्या दुकानात गोमांसाची बेकायदेशीर विक्री होत आहे. या माहितीची खात्री करण्यासाठी सपोनि मन्सुरी यांनी पोलीस पथक आणि दोन पंचांना पाचारण केले. सकाळी साडेदहा वाजेच्या सुमारास पोलीस पथक घटनास्थळी रवाना…

चाळीसगाव : प्रतिनिधी  चाळीसगाव ते कन्नड घाट मार्गावर म्हसोबा मंदिराच्या पुढे रविवारी दुपारच्या सुमारास कारचा अपघात झाला. या अपघातात कारमधील पोलीस अंमलदारासह चौघे गंभीर जखमी झाल्याची घटना घडली. जखमींना उपचारार्थ रुग्णालयात दाखल करण्यात आले असून त्यांच्यावर उपचार सुरु आहेत. चाळीसगाव शहराकडून (एमएच ०१, बीवाय ५३७१) क्रमांकाची कार कन्नड घाटाकडे जात होती. घाटातील वळणावर कट लागल्याने वाहन घसरुन अडकले. या अपघातात कारमधून प्रवास करणारे धनी पोलीस ठाण्यातील पोलीस अंमलदार दिनेश बारड (वय ५१), तेजश्री बारड (वय ४८), नंदिनी बारड (वय २२) व वेदांत बारड (वय १८, सर्व रा. कल्याण) हे चौघे किरकोळ जखमी झाले. अपघाताची माहिती मिळताच चाळीसगाव महामार्ग पोलीस केंद्राचे…

भुसावळ : प्रतिनिधी  तालुक्यातील वरणगाव येथील डॉ. बाबासाहेब आंबेडकर नगर परिसरात लग्नाच्या हळदी समारंभा दरम्यान झालेल्या वादातून मारहाणीची गंभीर घटना घडली असून, कोयत्याने हल्ला केल्याप्रकरणी तिघांविरुद्ध गुन्हा दाखल करण्यात आला आहे. या प्रकरणी आतिश सिद्धार्थ इंगळे (वय ३८, रा. डॉ. बाबासाहेब आंबेडकर नगर, वरणगाव) यांनी वरणगाव पोलीस ठाण्यात फिर्याद दिली आहे. त्यानुसार, दि. २५ शनिवार रोजी रात्री सुमारे १० वाजण्याच्या सुमारास हळदी समारंभातील नाचगाण्याच्या कार्यक्रमात धक्का लागल्याच्या कारणावरून वाद झाला. या वादातून आरोपी गौरव राहुल कोरोसीया, हर्षल राहुल कोरोसीया आणि रोशन माळी (सर्व राहणार वरणगाव) यांनी फिर्यादीस शिवीगाळ करत चापटा-बुक्क्यांनी मारहाण केली. तसेच गौरव कोरोसीया व रोशन माळी यांनी विटांनी…

आजचे राशिभविष्य दि.२७ एप्रिल २०२६ मेष राशी तुम्ही तुमच्या ध्येयांबद्दल सतर्क आणि उत्साही असाल. नवीन नोकरी मिळवण्याचे प्रयत्न यशस्वी होतील. व्यवसायात चढ-उतार होऊ शकतात, परंतु आज नवीन संधी निर्माण होतील. तुमच्या मुलांप्रति असलेल्या जबाबदाऱ्या पूर्ण होतील आणि नातेसंबंध सुखकर राहतील. बऱ्याच काळापासून ठेवलेली रक्कम किंवा कर्ज परत केली जाऊ शकते. वृषभ राशी आज तुमचं ज्ञान वाढेल, ज्यामुळे तुम्हाला तुमच्या कामात यश मिळवता येईल. नोकरीतील काही असमाधान कायम राहू शकते, परंतु व्यवसाय तेजीत राहील. नफा मिळण्याची शक्यता आहे, परंतु नातेसंबंधांमध्ये काही भावनिक दुरावा कायम राहू शकतो, म्हणून व्यावहारिक बाबींना प्राधान्य द्या आणि पुढे वाटचाल करा. तुमचे आरोग्य सामान्य राहील. मिथुन राशी…

जळगाव : प्रतिनिधी  रस्त्याने पायी जाणाऱ्या मागून भरधाव वेगाने येणाऱ्या दुचाकीने जोरदार धडक दिली. या अपघातात मुरलीधर कृष्णा माळी (वय ४९, रा. दत्त मंदिराजवळ नशिराबाद, ता. जळगाव) यांचा मृत्यू झाला. ही घटना दि. २४ एप्रिल रोजी सकाळच्या सुमारास सॉ मीलजवळ घडली. याप्रकरणी नशिराबाद पोलिसात अकस्मात मृत्यूची नोंद करण्यात आली आहे. मिळालेल्या माहितीनुसार, तालुक्यातील नशिराबाद यकेथील दत्त मंदिराजवळ मुरलीधर माळी हे वास्तव्यास आहे. दि. २४ एप्रिल रोजी सकाळी साडेनऊ वाजेच्या सुमारास गावातील दत्त मंदिर सॉ मीलजवळून पायी जात होते. यावेळी मागून भरधाव वेगाने येणाऱ्या दुचाकीने जोरदार धडक दिली. या अपघातात माळी हे गंभीररित्या जखमी झाले होते. त्यांना तात्काळ जिल्हा शासकीय वैद्यकीय…