Author: editor desk

पुणे : वृत्तसंस्था अनेक अल्पवयीन मुल मुली चुकीचे पाऊल उचलत असल्याच्या घटना नेहमीच घडत असतात, नुकतेच पुणे शहरातील हडपसर भागातील अमानोरा टाउनशिप परिसरात बुधवारी दुपारी आई रागावल्याने आठवीतील मुलीने १३ व्या मजल्यावरून उडी मारून आत्महत्या केल्याची धक्कादायक घटना घडली असून या घटनेत १४ वर्षीय शाळकरी मुलीचा मृत्यू झाला आहे. याप्रकरणी हडपसर पोलिस ठाण्यात अकस्मात मृत्यू, अशी नोंद करण्यात आल्याची माहिती हडपसर पोलिसांनी दिली. मिळालेल्या माहितीनुसार, अल्पवयीन मुलगी, तिची आई, आठ वर्षांचा मुलगा, मावस भाऊ बुधवारी दुपारी घरी होते. दुपारी अडीचच्या सुमारास आईने मुलीला अभ्यासाला जा, असे सांगितले. या कारणावरून मुलीला राग आला. त्यानंतर मुलीने १३ व्या मजल्यावरील मोकळ्या जागेतून उडी…

मुंबई : वृत्तसंस्था राज्यातील शिंदे, फडणवीस व पवार यांच्या मंत्रिमंडळाचा विस्तार झाला नाही तर अनेक आमदार नाराज होतील, असे वक्तव्य शिवसेना शिंदे गटाचे प्रवक्ते आमदार संजय शिरसाट यांनी केले आहे. त्यांच्या या विधानामुळे आचारसंहिता लागण्यासाठी अवघे दोन महिने शिल्लक असतानाही मंत्रिपदासाठी आमदार इच्छुक असल्याचे स्पष्ट झाले आहे. राज्यात विधानसभेची निवडणूक अवघ्या दोन अडीच महिन्यांत जाहीर होणार आहे. या पार्श्वभूमीवर राजकीय पक्षांनी निवडणूक तयारी सुरू केली आहे. मात्र, विधानसभा निवडणुकीच्या आधी महायुती सरकारच्या मंत्रिमंडळाचा विस्तार होऊन काही नव्या चेहर्‍यांना संधी दिली जाणार असल्याची चर्चा आहे. मात्र निवडणूक आचारसंहिता लागायला काही दिवस शिल्लक असताना महायुती सरकारच्या मंत्रिमंडळाचा विस्तार होणार नसल्याचीही राजकीय वर्तुळात…

बारामती : वृत्तसंस्था राज्यातील अनेक शहरात अपघाताची मालिका सुरु असतांना नुकतेच बारामती तालुक्यातील पालखी महामार्गावर लिमटेक ते बारामती दरम्यान एका कारचे टायर फुटून भीषण अपघात झाला, ज्यामध्ये एका तरूणाचा मृत्यू झाला. बारामतीतील राष्ट्रीय महामार्गावरील रुई लीमटेक या मार्गावर मंगळवारी दुपारी कारचा अपघात झाला. हा अपघात इतका भयंकर होता की संपूर्ण गाडीचा चक्काचूर झाला. आदित्य निंबाळकर (वय २३) असे मृत तरूणाचे नाव असून तो इंदापूर तालुका काँग्रेस पक्षाचे अध्यक्ष आबासाहेब निंबाळकर यांचा मुलगा आहे. या भीषण अपघाताने संपूर्ण जिल्हा हादरला आहे. मिळालेल्या माहितीनुसार, आदित्य निंबाळकर हा काटेवाडीहून रुई मार्गे बारामतीकडे निघाला होता. मंगळवारी संध्याकाळी चारच्या सुमारास बारामती तालुक्यातील रूईपाटी जवळ आल्यानंतर…

बीड : वृत्तसंस्था पंढरपूरवरून कन्नड तालुक्यातील दहिगाव येथे जात असलेल्या वारकऱ्यांच्या पिकअप वाहनाचे टायर बीडनजिक फुटले. या अपघातात पंचवीस वारकरी जखमी झाले असून यातील तीन महिला गंभीर आहेत. ही घटना बुधवारी (दि.१७) रात्री नऊच्या सुमारास घडली. मिळालेल्या माहितीनुसार, पंढरपूर येथे विठुरायाच्या दर्शनासाठी गेलेले कन्नड तालुक्यातील दहिगाव येथील वारकरी परत गावी जात होते. त्यांना घेऊन जाणारे पिकअप गाडीचे सोलापूर -धुळे महामार्गावरून जात असताना रामनगरनजीक एक टायर फुटले. त्यामुळे चालकाचे नियंत्रण सुटून पिकप डिव्हायडरला धडकले. यावेळी दुसरेही टायर फुटल्याने गाडी पलटी झाली. यात २५ वारकरी जखमी झाले असून तीन महिला गंभीर जखमी आहेत. जखमींवर बीडच्या जिल्हा रुग्णालयात उपचार सुरू आहेत.

मालेगाव : वृत्तसंस्था राज्यातील अनेक महामार्गावर अपघाताची मालिका सुरु असतांना नुकतेच मुंबई – आग्रा महामार्गावरील सवंदगाव फाट्यावर पिकअपने दुचाकीला धडक दिल्याने झालेल्या अपघातात दुचाकीस्वार पिता-पुत्र ठार झाले. बुधवारी (दि. १७) सकाळी सातच्या सुमारास हा अपघात झाला. मिळालेली माहितीनुसार, माजी नगरसेवक तथा शिक्षण मंडळाचे माजी सभापती शेख निसार शेख अकबर उर्फ राशनवाले (५५) व त्यांचा मुलगा शेख अबरार शेख निसार (२०) हे पिता-पुत्र नमाज पठणानंतर दुचाकीने सवंदगाव फाट्यावररून जात होते. त्यांना पाठीमागून भरधाव पिकअपने (एमएच ४८ सीबी ८६६३) धडक दिली. निसार यांच्या डोक्याला मार लागून त्यांचा जागीच मृत्यू झाला. जखमी अबरारने वडिलांचा मोबाइल घेऊन कुटुंबीयांना अपघाताची माहिती दिली. त्यानंतर अबरारला खासगी…

अमळनेर : प्रतिनिधी तालुक्यातील एकलहरे येथे किरकोळ वादातून एकाला लोखंडी रॉड आणि कुन्हाडीने मारहाण करत महिलेचा विनयभंग केल्याची फिर्याद मारवड पोलिसांत देण्यात आली आहे. याबाबत ४० वर्षीय महिलेने दिलेल्या फिर्यादीनुसार, १३ रोजी ही महिला आणि कुटुंबीय घरी असताना दुर्गेश भानुदास पाटील आणि दत्तात्रय भानुदास पाटील हे दोघे आले. त्यांच्या हातातील लोखंडी रॉड आणि उलट्या कुऱ्हाडीने महिलेच्या पतीला मारल्याने ते गंभीर जखमी झाले. तसेच तुम्हाला जिवंत सोडणार नाही, अशी धमकी देत महिलेचा विनयभंग केला. तसेच महिलेच्या मुलीलाही मारहाण केली. त्यावरून मारवड पोलिसांत विनयभंग व अन्य कलमांखाली गुन्ह्याची नोंद करण्यात आली असून, हेकॉ. शरीफखान पठाण हे तपास करीत आहेत.

जळगाव : प्रतिनिधी जेवण करून घरी परतत असताना रविवारी (१४ जुलै) कारचा अपघात होऊन जखमी झालेले योगेश भालचंद्र रेंभोटकर (५३, रा. निवृत्तीनगर) यांचा बुधवारी (१७ जुलै) संध्याकाळी ६:३० वाजता उपचार सुरू असताना मृत्यू झाला. अंत्ययात्रा गुरुवारी (१८ जुलै) दुपारी १ वाजता राहत्या घरून निघणार आहे. मयताच्या पश्चात आई, पत्नी, भाऊ, वहिनी, दोन बहिणी, असा परिवार आहे. ते जैन इरिगेशनमधील प्रवीण रेंभोटकर यांचे बंध होत

जळगाव : प्रतिनिधी मोबाइल चोरीच्या घटना सुरूच असून, दोन वेगवेगळ्या ठिकाणी पायी जाणाऱ्या दोन महिलांच्या हातातून दुचाकीस्वारांनी मोबाइल हिसकावून नेले. ही घटना ७ जुलै रोजी आराधना कॉलनी व प्रभात कॉलनी भागात घडली, याप्रकरणी रामानंदनगर पोलिस ठाण्यात चार जणांविरुद्ध गुन्हा दाखल करण्यात आला असून दोघांना अटक करण्यात आली आहे. सविस्तर वृत्त असे कि, आराधना कॉलनीतील रहिवासी सोनाली प्रवीण वाणी (२५) या आराधना कॉलनीतून पायी जात असताना मागून दुचाकीवर आलेल्या दोघांनी वाणी यांच्या हातातील मोबाइल हिसकावला व पसार झाले. सोनाली वाणी यांनी रामानंदनगर पोलिस ठाण्यात फिर्याद दिली. त्यावरून दोघांविरुद्ध १६ जुलै रोजी बीएनएस कलम ३०९ (४), ३(५) प्रमाणे गुन्हा दाखल करण्यात आला.…

रावेर : प्रतिनिधी तांदलवाडी येथील मूळ रहिवासी आणि सध्या पुणे येथे वास्तव्यास असलेले विठ्ठल नारायण पाटील यांचा २६ वर्षीय मुलगा सिद्धांत विठ्ठल पाटील हा अमेरिकेत कॅलिफोर्नियातील कॅडेन्स डिझाईन सिस्टीम या कंपनीत नोकरी करीत होता. तो मोन्टाना येथील ग्लेशियर नॅशनल पार्कमध्ये बेपत्ता झाला आहे. ही घटना दि.४ जुलै रोजी घडली. सिद्धांत हा अमेरिकेतील मोन्टाना येथील ग्लेशियर नॅशनल पार्क मध्ये गेला होता. दि. ६ जुलै शनिवारी पहाडावर ट्रेकिंग करीत असतांना त्याचा दगडावरून पाय निसटला. आणि तो नदीच्या प्रवाहात पडला आणि खाडी मध्ये दिसेनासा होण्याआधी दोन वेळेस दिसला, असे त्याच्या प्रत्यक्षदर्शी मित्रांनी सांगितले. तो २०२० साली कॅलिफोर्निया विद्यापीठ, लॉस एंजेलीसमधून एमएस करण्यासाठी अमेरिकेत…

मेष आजचा तुमचा दिवस अत्यंत सकारात्मक राहणार आहे. अनेक दिवसांपासून रखडलेलं काम मार्गी लागण्याची शक्यता आहे. समाजात तुमची प्रतिष्ठा वाढणार आहे. विरोधक तुमच्यासोबत स्पर्धा करायला बघतील, अशावेळी विचलीत होऊ नका. काही लोकांना बहुराष्ट्रीय कंपनीत नोकरी मिळण्याची शक्यता आहे. राजकारणात उच्चपदावर जाण्याची संधी मिळेल. आर्थिक स्थिती चांगली राहील. पण घाईत निर्णय घेऊ नका. वृषभ जुन्या मित्राची भेट होईल. कार्यक्षेत्रात तुमचं बौद्धिक कौशल्या पाहून सर्वच थक्क होतील. व्यापारात फायदा होईल. बहुराष्ट्रीय कंपनीत काम करणाऱ्यांना परदेशात जाण्याची संधी मिळणार आहे. तुमच्या महत्त्वकांक्षी योजनेत बदल करावा लागणार आहे. आईवडिलांसोबत वेळ घालवाल. कुटुंबातील वातावरण चांगलं राहील. आरोग्याच्या दृष्टीने आजचा दिवस बरा नाही. प्रिय व्यक्तीची प्रकृती…