Author: editor desk

चाळीसगाव : प्रतिनिधी तालुक्यातील धामणगाव येथील राष्ट्रवादी काँग्रेस शरद पवार गटाचे सरपंच व ग्रामपंचायत सदस्य, विकासो संचालक यांनी आज आमदार मंगेशदादा चव्हाण यांच्या नेतृत्वावर विश्वास ठेवत भारतीय जनता पक्षात जाहीर प्रवेश केला. सरपंच लुभान बळवंत जगताप यांच्यासह ग्रामपंचायत सदस्य एकनाथ सुभाषराव निकम, मनोज प्रभाकर निकम, दिलीप गोविंदराव जगताप, विकासो संचालक लालचंद जगन्नाथ मोरे, ग्रामपंचायत सदस्य चंद्रकांत मोरे, संदीप प्रभाकर निकम, पुंडलिक माधवराव मोरे यांनी आमदार मंगेश चव्हाण यांनी भारतीय जनता पक्षाचा रुमाल टाकून सर्वांचे स्वागत केले. यावेळी मार्केट संचालक कमिटी संचालक नवल पवार, माजी जि प सदस्य अनिल गायकवाड, सर्वोदय चे संचालक प्रशांत पाटील, भाजपा गटप्रमुख सुनील पवार, भूषण पाटील,…

मुंबई : वृत्तसंस्था मुंबईमध्ये विनाकारण फिरण्यापेक्षा आपापल्या मतदारसंघात तळ ठोकून कामे करा, आपल्या वक्तव्यामुळे महायुतीत बेबनाव होणार नाही याची कटाक्षाने काळजी घ्या, अशा सूचना करतानाच जागावाटपात मतदारसंघांची अदलाबदल झाल्यास तशाही परिस्थितीत निवडणूक लढवून जिंकण्याची तयारी ठेवा, असे सांगत मुख्यमंत्री एकनाथ शिंदे यांनी शिवसेनेच्या सर्व आमदारांना इलेक्शन मोडवर आणले. आगामी विधानसभा निवडणुकीच्या पार्श्वभूमीवर मुख्यमंत्र्यांच्या ‘वर्षा’ या शासकीय निवासस्थानी शिवसेनेची बैठक पार पडली. या बैठकीला मुख्यमंत्री एकनाथ शिंदे यांनी उपस्थित आमदार, मंत्री आणि पक्षाच्या महत्त्वाच्या पदाधिकाऱ्यांना मार्गदर्शन करतानाच काही सूचनाही केल्या. ही बैठक जवळपास चार तास चालली. या बैठकीत मुख्यमंत्री शिंदे यांनी पक्षाच्या आमदारांना आपापल्या मतदारसंघात तळ ठोकून बसण्याच्या सूचना केल्या. ज्यांचे…

मुंबई : वृत्तसंस्था राज्यात आगामी विधानसभा निवडणुकीत महाविकास आघाडी असून आता महाविकास आघाडीचे घटक पक्ष असलेले कॉंग्रेस व शरद पवारांनी देखील विरोध करण्यास सुरुवात केली आहे. यंदाच्या विधानसभेला उद्धव ठाकरेच मुख्यमंत्रिपदाचा चेहरा असतील, असे उद्धवसेनेकडून वारंवार सांगण्यात येत आहे. त्याला यापूर्वी शरद पवारांनी विरोध केला होता. आता काँग्रेसनेही उद्धव ठाकरेंच्या चेहऱ्यावर विधानसभा निवडणूक लढण्यास स्पष्टपणे नकार दिला आहे. शुक्रवारी (१९ जुलै) मुंबईत झालेल्या बैठकीत काँग्रेसचे राष्ट्रीय संघटन सरचिटणीस खासदार के. सी. वेणुगोपाल, महाराष्ट्र प्रभारी रमेश चेन्नीथला यांच्या प्रमुख उपस्थितीत या निर्णयावर शिक्कामोर्तब करण्यात आले. महाविकास आघाडी हाच विधानसभेसाठी चेहरा असेल, असे स्पष्ट करण्यात आले. उद्धव सेनेचे खासदार संजय राऊत यांनी…

यावल : प्रतिनिधी तालुक्यातील चिंचोली येथील बाबुलाल मकुंदा पाटील (वय ६५) हे आपल्या पत्नीसोबत चिंचोली येथीलच लक्ष्मी नारायण मंदिराच्या दरवर्षाप्रमाणे जाणाऱ्या पंढरपूर पायी दिंडीत सहभागी झाले होते. त्यांच्यासोबत चिंचोली येथून बरीच भक्त मंडळी पंढरपूर यात्रेसाठी गेली होती. मिळालेल्या माहितीनुसार, आषाढी एकादशीच्या दिवशी विठ्ठल, रखुमाईचे दर्शन घेऊन ते १८ रोजी दुपारी पंढरपूर येथून घरी परतीच्या मार्गावर लागले. रस्त्यात अहमदनगर जवळ त्यांची प्रकृती खालावली. त्यानंतर दिंडीतील सेवेकऱ्यांनी त्यांना नगरच्या एका खासगी रुग्णालयातही दाखल केले. पंरतु, प्रकृती अधिकच खालावल्याने त्यांची प्राणज्योत मालवली. त्यांच्या पश्चात पत्नी, २ मुले, सुना, नातवंडे असा परिवार आहे. या घटनेमुळे चिंचोलीसह परिसरात हळहळ व्यक्त होत आहे.

भुसावळ : प्रतिनिधी महामार्गावरील नवोदय विद्यालयाच्या मागील बाजूस साकेगाव शिवारात एका अनोळखी मुलाचा निंबाच्या झाडाखाली मृतदेह आढळला. ही घटना १८ रोजी सायंकाळी सहा वाजण्याच्या सुमारास उघडकीस आली. याप्रकरणी तालुका पोलिस ठाण्यात अकस्मात मृत्यूची नोंद करण्यात आली आहे. याबाबत घातपाताची शक्यता वर्तविली जात आहे. मिळालेल्या माहितीनुसार, साकेगाव शिवारात नवोदय विद्यालयाच्या मागील बाजूस यज्ञेश मोहन नेमाडे मित्रासह शेत पाहण्यासाठी गेले असता त्यांना निंबाच्या झाडाखाली सुमारे १४ ते १५ वर्षांच्या मुलाचा मृतदेह दिसला. त्यांनी तालुका पोलिसांना माहिती दिली. घटनास्थळी पोलिस निरीक्षक महेश गायकवाड, पोहेका संजय तायडे, संजय भोई, वाल्मिक सोनवणे, जगदीश भोई यांच्या पथकाने धाव घेत पाहणी केली. मृतदेहाच्या शेजारी टी-शर्ट निळ्या रंगाची…

भुसावळ : प्रतिनिधी शहरातील रेल्वेस्थानकाजवळ मोटारसायकलवर मोबाइलवर बोलत जात असताना एका तरुणाचा हातातील ९ हजार रुपये किमतीचा मोबाइल दोघांनी लांबविला. ही घटना बुधवारी घडली. याप्रकरणी गुरुवारी शहर पोलिस ठाण्यात गुन्हा दाखल करण्यात आला आहे. मिळालेल्या माहितीनुसार, कंडारी (ता. भुसावळ) येथील नागसेन कॉलनीतील दिनेश हरिदास घोडाम (३८) बुधवारी सकाळी १० वाजता दुचाकीवरून कामावर जात असताना अज्ञात दोन जणांनी त्यांचा रस्ता अडविला व त्यांच्या हातातील ९ हजार रुपये किमतीचा मोबाइल दुचाकीवर आलेल्या दोन जणांनी जबरी हिसकावून पसार झाले. त्यांनी आरडाओरड केली परंतु या संदर्भात कोणतीही माहिती मिळाली नाही. गुरुवारी रात्री ११ वाजता भुसावळ शहर पोलिसात तक्रार देण्यात आली. याप्रकरणी भुसावळ शहर पोलिसात…

जळगाव : प्रतिनिधी जिल्ह्यातील रावेर व पिंपळगाव हरेश्वर पोलिस ठाणे अंतर्गत असलेल्या गुन्हेगारांवर कारवाई करत चार जणांना एमपीडीए अंतर्गत स्थानबद्ध करण्यात जिल्हा पोलिस अधीक्षक डॉ. महेश्वर रेड्डी यांनी १९ रोजी दिले तसेच भोलाणे (ता. जळगाव) येथील किरण श्रावण कोळी (वय २८) या आरोपीलाही जिल्हाधिकाऱ्यांनी स्थानबध्द करत त्याची ठाणे कारागृहात रवानगी केली आहे. त्याच्या कारवाईबाबत राज्य उत्पादन शुल्क विभागाने प्रस्ताव तयार केला होता. मिळालेल्या माहितीनुसार, रावेर पोलिस ठाणे अंतर्गत असलेल्या शेख तोसिफ शेख अफजल (२८, रा. रावेर); अयुब बशीर तडवी (५५, रा. कुसुंबा, ता. रावेर), मगन मुरलीधर करवले (४३, रा. अटवाडे, ता. रावेर) व पिंपळगाव पोलिस ठाणे हद्दीतील मनोहर उर्फ मोहन…

मेष राशी मल्टीनॅशनल कंपनीत काम करणाऱ्या लोकांना प्रमोशनसोबत पगारवाढीची खूशखबर मिळेल. काही महत्त्वाच्या कामात यश मिळेल. व्यवसायात उत्पन्न वाढण्याचे नवीन स्रोत उघडतील. राजकारणात तुम्हाला उच्च पद किंवा सन्मान मिळू शकतो. जमिनीच्या विक्रीतून लोकांना फायदा होईल. नोकरदार वर्गाला रोजगार मिळेल, कला-अभिनय क्षेत्रात काम करणा-या लोकांना सरकारकडून मोठा मानसन्मान मिळेल. वृषभ राशी आज चांगली बातमी मिळेल. महत्त्वाच्या कामात यश मिळेल. तुम्हाला स्वादिष्ट भोजन मिळेल. लांबच्या प्रवासाला जावे लागेल. कामाच्या ठिकाणी अधीनस्थांशी जवळीक वाढेल. राजकीय महत्त्वाकांक्षा पूर्ण होतील. व्यवसाय योजना गुप्तपणे अंमलात आणा. बांधकामातील अडथळे दूर होतील. मित्राकडून चांगली बातमी मिळेल. नोकरीच्या ठिकाणी बदलासह पदोन्नती होईल. धैर्य आणि शौर्य वाढेल. तांत्रिक ज्ञानामुळे मान-सन्मान…

जामनेर : प्रतिनिधी तालुक्यातील एका गावात राहणाऱ्या महिलेवर २१ जुन रोजी दुपारी ३ वाजेच्या सुमारास पतीला व मुलांना जीवेठार मारण्याची धमकी देत शेतात महिलेवर अत्याचार केला. याप्रकरणी १८ जुलै रोजी पहूर पोलीस ठाण्यात गुन्हा दाखल करण्यात आला आहे. संशयित आरोपीला अटक करण्यात आली आहे. सविस्तर वृत्त असे कि, जामनेर तालुक्यातील गावात विवाहिता पती आणि मुलांसह राहत आहे. शेती करून त्या आपला उदरनिर्वाह करतात. २१ जुन रोजी दुपारी ३ वाजता महिला व तिचे पती शेतात काम करत होते. त्यानंतर पती हे बियाणे घेण्यासाठी व मुलांना शाळेतून आणण्यासाठी शेतातून गावात निघून गेले. त्यावेळी त्यांच्या गावात राहणारा शंकर रमेश धनगर रा. शेंदुर्णी ता.…

मुंबई : वृत्तसंस्था राज्यातील आगामी विधानसभा निवडणुकीच्या दृष्टीने महाराष्ट्र काँग्रेस कमिटीच्या प्रमुख नेत्यांची अत्यंत महत्त्वाची बैठक होणार आहे. या बैठकीला काँग्रेस पक्षाचे महासचिव केसी वेणुगोपाल, महाराष्ट्र काँग्रेस प्रभारी रमेश चेन्नीथला, काँग्रेस प्रदेशाध्यक्ष नाना पटोले यांसह दिग्गज नेते उपस्थित राहणार आहेत. ही अत्यंत महत्वाची बैठक असल्याचे बोलले जात आहे. महाराष्ट्र प्रदेश काँग्रेस कमिटीच्या प्रमुख नेत्यांची बैठक मुंबईतील गरवारे क्लब या ठिकाणी आयोजित करण्यात आली आहे. या बैठकीला काँग्रेस पक्षाचे महासचिव केसी वेणुगोपाल, महाराष्ट्र काँग्रेस प्रभारी रमेश चेन्नीथला, काँग्रेस प्रदेशाध्यक्ष नाना पटोले, पृथ्वीराज चव्हाण, बाळासाहेब थोरात, सतेज पाटील, यशोमती ठाकूर, विजय वडेट्टीवार, नसीम खान, विश्वजीत कदम यांसह अनेक नेतेमंडळी उपस्थित राहणार आहेत.…