मुंबई : वृत्तसंस्था राज्यातील महायुती सरकारने दोन दिवसापूर्वी शपथविधी मोठ्या उत्साहात पार पडला असून राज्य विधानसभेचे विशेष अधिवेशन आजपासून सुरू होत आहे. नवीन सरकारच्या स्थापनेनंतर भाजपचे आमदार कालिदास कोळंबकर यांनी महाराष्ट्र विधानसभेचे प्रोटेम स्पीकर म्हणून कालच शपथ घेतली. नऊ वेळा आमदार राहिलेल्या कोळंबकर यांना राज्यपाल सीपी राधाकृष्णन यांनी राजभवनात शपथ दिली. आता कोळंबकर हे सर्व आमदारांना विधानभवनात शपथ देतील. हंगामी सभापती झाल्यानंतर कोळंबकर हे विधानसभेच्या अधिवेशनाच्या पहिल्याच दिवशी 288 नवनिर्वाचित आमदारांना शपथ देतील. तसेच 9 डिसेंबर रोजी 15 व्या विधानसभेच्या अध्यक्षपदाची निवडणूक होणार आहे. यानंतर मुख्यमंत्री फडणवीस यांच्या नेतृत्वाखालील महायुती सरकार विश्वासदर्शक ठराव मांडेल. महायुतीकडे प्रचंड बहुमत असल्याने हा ठराव…
Author: editor desk
जळगाव : प्रतिनिधी राज्यातील महायुती सरकारने दोन दिवसापूर्वीच शपथविधी घेतला असून यानंतर आता जळगाव जिल्ह्यातील शरद पवार गटाला मोठा धक्का बसण्याची शक्यता आहे. शरद पवार गटाचे दिग्गज नेते आता अजित पवार गटाच्या काही नेत्यांच्या संर्पकात असल्याची बातमी समोर आली आहे. राष्ट्रवादी काँग्रेस शरद पवार गटाचे नेते तथा माजी मंत्री गुलाबराव देवकर यांचा राष्ट्रवादी काँग्रेस अजित पवार गटात प्रवेश करण्याचे निश्चित झाले असून प्रदेशाध्यक्ष सुनील तटकरे यांची मुंबईत गुलाबराव देवकर यांनी ५ रोजी सकाळी १०.३० वाजता भेट घेतली. त्यानंतर उपमुख्यमंत्री अजित पवार यांच्याशी ही गुलाबराव देवकर यांचा संपर्क झाला. त्यांच्या पक्ष प्रवेशाला श्रेष्ठींनी हिरवा कंदिल दिला असल्याची माहिती देखील समोर आली…
जळगाव : प्रतिनिधी दुचाकीचा कट लागल्याच्या कारणावरून एका महिलेला शिवीगाळ व मारहाण करून जिवे ठार मारण्याची धमकी देण्यात आली. ही घटना गुरुवारी (५ डिसेंबर) मेहरुण परिसरात घडली. याप्रकरणी एमआयडीसी पोलिस ठाण्यात अदखलपात्र गुन्हा दाखल करण्यात आला आहे. मिळालेल्या माहितीनुसार, राम नगरातील रहिवासी माया वालचंद तांबे (३०) या दुचाकीने जात असताना समोरून येणाऱ्या दुचाकीचा कट लागला. त्यावरून समोरील दुचाकीस्वाराने महिलेला शिवीगाळ करत मारहाण करून जीवे ठार मारण्याची धमकी दिली. या प्रकरणी महिलेने एमआयडीसी पोलिस ठाण्यात फिर्याद दिली. त्यावरून मारहाण करणाऱ्याविरुद्ध अदखलपात्र गुन्हा दाखल करण्यात आला आहे. पुढील तपास पोलिस नाईक हेमंत जाधव करत आहेत
जळगाव : प्रतिनिधी पोलिसांचे बॅरिकेड्स घेऊन जाणाऱ्या वाहनावर दुचाकी धडकल्याने दुचाकीवरील दोघे भाऊ जखमी झाले. हा अपघात शुक्रवारी संध्याकाळी कलाभवनजवळ झाला. यातील एकाची प्रकृती गंभीर असून त्याच्यावर खासगी रुग्णालयात उपचार सुरू आहेत. मिळालेल्या माहितीनुसार, शिरसोली नाक्यावरील सद्गुरू नगरातील ईश्वरसिंग मिहेरसिंग टाक (३५) व त्यांचा भाऊ नेपालसिंद मिहेरसिंग टाक (३६) हे दोघे भाऊ दुचाकीने जात होते. त्या वेळी ते पोलिसांच्या वाहनावर धडकले. यात दोघांनाही मार लागल्याने शासकीय वैद्यकीय महाविद्यालय व रुग्णालयात दाखल केले होते. यातील ईश्वरसिंग यांची प्रकृती गंभीर असल्याने त्यांना खासगी रुग्णालयात दाखल केले आहे.
जळगाव : प्रतिनिधी जळगाव शहरासह ग्रामीण भागातून दुचाकी चोरी करून सावखेडा सिम-दहिगाव भागात कमी दरात विक्री करणाऱ्या एकाला अटक करण्यात आली आहे. त्याच्याकडील चोरीच्या तब्बल ११ दुचाकी हस्तगत करण्यात आल्या आहेत. मिळालेल्या माहितीनुसार, आसिफ बशीर पटेल (रा. पटेल वाडा, दहीगाव, ता. यावल) असे या अटक करण्यात आलेल्या दुचाकी चोरट्याचे नाव आहे. जळगाव येथून चोरीस गेलेल्या मोटरसायकलीच्या तपासासाठी जळगाव शहर पोलिसांनी दहिगाव गाठले. दहिगावातील पटेल वाड्यात रहिवास करीत असलेला आसिफ यास बुधवारी रात्री नऊ वाजेच्या सुमारास ताब्यात घेऊन चौकशी केली चौकशी केली. त्यावेळी त्याने चोरून आणलेल्या मोटारसायकली ज्या-ज्या लोकांना कमी दरात विक्री केल्या, त्यांची नावे त्याने पोलिसांना सांगितली. पोलिसांनी त्वरित त्या…
भुसावळ : प्रतिनिधी पोलिस असल्याची बतावणी करीत महिलेच्या अंगावरील दोन लाख ६५ हजारांचे दागिने तोतया पोलिसांनी लांबविले. ही घटना गुरुवारी सकाळी नऊ वाजता राष्ट्रीय महामार्गावरील दीपनगरजवळ घडली. दोघा अनोळखी व्यक्तींच्या विरोधात तालुका पोलिसांत गुन्हा दाखल करण्यात आला. मिळालेल्या माहितीनुसार, दीपनगरजवळ दोघा अनोळखींनी वसंत जगन्नाथ पाटील (७९, रा. वेडीमाता मंदिर, खळवाडी, आदर्शगल्ली, भुसावळ) यांची अॅक्टिवा गाडी थांबवून त्यांना पोलिस असल्याचे सांगितले. आता एका वृद्धेचे दागिने लांबविण्यात आले. तुम्ही इतके दागिने घालून कोठे जात आहात, अंगावरील सोने काढून ठेवा, असे सांगितले. वसंत पाटील यांनी पदमावती पाटील यांचे दागिने रुमालात काढले, सोबत कागदपत्रेसुद्धा रुमालात ठेवली. रुमाल बांधला व रुमाल डिक्कीत नीट ठेवतो, असे…
भुसावळ : प्रतिनिधी मेंदीच्या कार्यक्रमासाठी गेलेल्या परिवाराचे बंद घर फोडून चोरट्यांनीभरदिवसा २५ तोळे सोन्यासह २८ लाख ५५ हजारांचा ऐवज लांबविला होता. ही घटना सोमवारी दुपारी तीन ते रात्री दहाच्या वाजेच्या सुमारास घडली होती. या प्रकरणात या घराचा जावईच चोर निघाला. त्याला फेकरी येथून मुद्देमालासह जेरबंद करण्यात आले आहे. राजेंद्र शरद झांबरे (रा. फेकरी, ता. भुसावळ, जि. जळगाव) असे या अटक करण्यात आलेल्या जावयाचे नाव आहे. मिळालेल्या माहितीनुसार, २ रोजी दुपारी ३ ते रात्री १० वाजेच्या दरम्यान अनिल हरी बहाटे (६४, रा. सोमनाथ नगर, शिवशक्ती कॉलनी, भुसावळ) यांच्या घराची मागील लोखंडी खिडकी चोरट्याने तोडून घरात प्रवेश केला. घरात ठेवलेले ३३ तोळे…
जळगाव : प्रतिनिधी सीमा तपासणी नाक्यावर नियुक्तीच्या मोबदल्यात पंटरला लाच घेण्यासाठी प्रोत्साहन देत त्याच्या माध्यमातून तीन लाख रुपयांची रक्कम स्वीकारल्याप्रकरणी खासगी इसम (पंटर) भिकन भावे याला एक दिवसाची पोलिस कोठडी सुनावली. तसेच जळगावचे प्रादेशिक परिवहन अधिकारी दीपक पाटील यांच्या अटकेची प्रक्रिया सुरू असतानाच त्यांना हृदयविकाराचा त्रास होऊ लागल्याने त्यांना शासकीय वैद्यकीय महाविद्यालय व रुग्णालयात दाखल केले आहे. त्यामुळे त्यांना अटक होऊ शकली नाही. दरम्यान, सीमा नाक्यांवर झालेल्या नियुक्त्यांचीदेखील चौकशी केली जाणार आहे. मिळालेल्या माहितीनुसार, नवापूर सीमा तपासणी नाक्यावर नियुक्तीच्या बदल्यात आरटीओ दीपक पाटील यांनी पंटर भिकन भावे याला तीन लाख रुपयांच्या लाचेसाठी प्रोत्साहन दिले व त्यानुसार लाच मागण्यात आली. छत्रपती…
अमळनेर : प्रतिनिधी तरुणाच्या डोक्यात दगड घालून त्याचा निघृण खून करण्यात आल्याची घटना मंगरूळ (ता. अमळनेर) येथील औद्योगिक वसाहत भागात शुक्रवारी सकाळी उघडकीस आली. या प्रकरणी तरुणाच्या पत्नीस ताब्यात घेत तिच्या प्रियकरालाही अटक केली आहे. तुषार चिंधू चौधरी (३७) असे या खून झालेल्या तरुणाचे नाव आहे. मिळालेल्या माहितीनुसार, पूजा चौधरी (३०) व तिचा प्रियकर सागर अरुण चौधरी (३०, रा. मालपूर, दोंडाईचा) अशी संशयितांची नावे आहेत. तुषार हा ५ रोजी रात्री साडेनऊ वाजेच्या सुमारास १० मिनिटात येतो असे सांगून घराबाहेर पडला. रात्री उशिरापर्यंत घरी आला नाही, म्हणून त्याचा सर्वत्र शोध घेण्यात आला. त्याचे मोबाइल लोकेशन मंगरूळपर्यंत दाखवत होते. उपलब्ध सीसीटीव्ही फुटेजवरून…
मेष राशी कर्ज घेण्याचे प्रयत्न यशस्वी होतील. व्यवसायात उत्पन्न चांगले राहील. एखाद्या राजकीय व्यक्तीकडून तुम्हाला मदत मिळेल. राजकीय किंवा सामाजिक मोहिमेचे नेतृत्व करण्याची संधी मिळेल. नोकरीत सुख मिळेल. घरी पाहुणे येण्याची शक्यता आहे. आज तुमचे आरोग्य चांगले राहील. गंभीर आजारांपासून आराम मिळेल. वृषभ राशी महत्त्वाची कामे पूर्ण झाल्याने मनोबल वाढेल. तुम्हाला चांगली बातमी मिळेल. राजकारणात तुमचे वर्चस्व वाढेल. तुम्हाला काही सामाजिक कार्याची जबाबदारी मिळू शकते. नोकरीचा शोध पूर्ण होईल. न्यायालयीन प्रकरणातील कोणताही अडथळा मित्राच्या मदतीने दूर होईल. आज व्यवसायात चांगले उत्पन्न मिळण्याची चिन्हे आहेत. मौल्यवान वस्तू खरेदी करू शकाल. तुमच्या जीवनसाथीला नोकरी मिळाल्यास तुमची आर्थिक स्थिती सुधारेल. मिथुन राशी आज…