Author: editor desk

धरणगाव : प्रतिनिधी धरणगाव येथील ग्रामीण रुग्णालयाचे उपजिल्हा रुग्णालयात श्रेणीवर्धन करून ५० खाटांचे अत्याधुनिक उपजिल्हा रुग्णालय उभारण्याच्या कामाचा शुभारंभ मुख्यमंत्री मा. देवेंद्र फडणवीस यांच्या हस्ते आज संपन्न झाला. यावेळी रुग्णालयाच्या मुख्य इमारत व वैद्यकीय अधिकारी निवासस्थानाच्या बांधकामाचे भूमिपूजन करण्यात आले. कार्यक्रमाच्या अध्यक्षस्थानी जळगाव जिल्ह्याचे पालकमंत्री श्री.गुलाबराव पाटील होते. याप्रसंगी केंद्रीय क्रीडा राज्यमंत्री श्रीमती रक्षाताई खडसे, जलसंपदा मंत्री श्री.गिरीश महाजन, खासदार श्रीमती स्मिता वाघ, आ. श्री.सुरेश भोळे, आ. श्री मंगेश चव्हाण, आ. प्रा. चंद्रकांत सोनवणे, जिल्हाधिकारी आयुष प्रसाद, जिल्हा परिषद मुख्य कार्यकारी अधिकारी मीनल करनवाल, जिल्हा शल्यचिकित्सक डॉ. किरण पाटील, सार्वजनिक बांधकाम विभागाचे अधीक्षक अभियंता पी. पी. सोनवणे, कार्यकारी अभियंता सुभाष…

मुंबई : वृत्तसंस्था राज्यातील मुंबईची लोकल अनेक कारणाने नेहमीच चर्चेत येत असतांना आता पुन्हा एकदा मुंबईच्या लोकल ट्रेनमध्ये महिलांमध्ये तुंबळ हाणामारी झाल्याचा एक व्हिडिओ सोशल मीडियावर चांगलाच व्हायरल झाला आहे. ही घटना केव्हा व कोणत्या लोकलमध्ये घडली हे अद्याप स्पष्ट झाले नाही. पण रेल्वे पोलिसांनी त्याची चौकशी करण्यास सुरूवात केली आहे. लोकल ट्रेनची गर्दी ही मुंबईच्या जीवनरक्ताचाच एक भाग आहे. सकाळी व संध्याकाळी, लाखो प्रवासी आपल्या कामाच्या ठिकाणी, शाळा-कॉलेज किंवा घरी पोहोचण्यासाठी या ट्रेनमधून प्रवास करतात. यामुळे लोकलचे डब्बे कायम तुडुंब भरलेले असतात. त्यात पाय ठेवायला जागा नसते. लोक एकमेकांना धक्के देत, हातात मोबाईल किंवा वर्तमानपत्र पकडून, कसेबसे प्रवास करतात.…

जळगाव : प्रतिनिधी चोपडा तालुक्यातील मौजे वैजापूर येथील मे. न्यू लक्ष्मी कृषी केंद्र या विनापरवाना सुरू असलेल्या कृषि सेवा केंद्रावर जिल्हा स्तरावरील भरारी पथकाने छापा टाकत सुमारे 7.35 लाख रुपये किंमतीचा अनधिकृत बियाणे आणि रासायनिक खत साठा जप्त केला. न्यू लक्ष्मी कृषी केंद्राचे प्रोप्रायटर श्री. योगीराज देवसिंग पाटील (वय 30, रा. नागलवाडी) हे 25 मे 2025 पासून शासनाची कोणतीही परवानगी न घेता बियाणे आणि खते विक्री करत असल्याचे आढळून आले. या कारवाईत सुमारे 20 टन (405 गोण्या) रासायनिक खत (किंमत ₹4,52,446/-) आणि मका व कापूस पिकांच्या 188 बियाण्यांच्या पॅकेट्स (किंमत ₹2,83,418/-) असे एकूण ₹7,35,864/- किंमतीचे साहित्य जप्त करण्यात आले. संबंधित…

पुणे : वृत्तसंस्था जागतिक अनिश्चिततेमुळे आज सोन्याच्या किमती पुन्हा वाढल्या आहेत. चीन आणि स्वित्झर्लंडनंतर भारत हा सोन्याचा तिसरा सर्वात मोठा खरेदीदार आणि दुसरा सर्वात मोठा ग्राहक आहे. भारत आपल्या देशांतर्गत गरजा पूर्ण करण्यासाठी सोने आयात करतो. सोन्याच्या किमती आंतरराष्ट्रीय स्तरावर डॉलरमध्ये निश्चित असल्याने, विनिमय दरांमधील चढ-उतारांचा भारतातील सोन्याच्या किमतींवर थेट परिणाम होतो. दरम्यान, यूएस फेड रिझर्व्हने देखील व्याजदर ४.२५-४.५० टक्क्यांवर अपरिवर्तित ठेवले आहेत, ज्यामुळे सोन्याच्या किमतींना आधार मिळाला आहे. यामुळेच आज सलग तिसऱ्या दिवशी सोन्याच्या किमती वाढल्या आहेत. २४ कॅरेट सोन्याच्या १० ग्रॅमची किंमत १,०१,०९० रुपयांवर पोहोचली आहे. त्याच वेळी, त्याच संख्येच्या ग्रॅमच्या २२ कॅरेट सोन्याची किंमत ९२,६६० रुपये आहे…

पुणे : वृत्तसंस्था महाराष्ट्राच्या राजकारणात गेल्या काही दिवसापासून ठाकरे बंधू एकत्र येणार असल्याच्या जोरदार चर्चा सुरु असतांना तर दुसरीकडे मुख्यमंत्री एकनाथ शिंदे यांच्या पक्षाचे नेते मंत्री शंभूराज देसाई यांनी राज ठाकरे आणि एकनाथ शिंदे यांच्यामध्ये आधीच चर्चा झाली असल्याची माहिती दिली आहे. राज ठाकरे यांच्या बोलवण्यावरून एकनाथ शिंदे हे त्यांच्या घरी जेवण्यासाठी गेले होते, अशी आठवण देखील त्यांनी करून दिली. यांच्या या वक्तव्यामुळे आता सर्वांच्याच भुवया उंचावल्या आहेत. राज्यात उद्धव ठाकरे आणि राज ठाकरे यांच्यात युतीची चर्चा सुरू झाली आहे. यातच आज शिवसेनेचा वर्धापन दिन आहे. या निमित्ताने दैनिक सामनाच्या अग्रलेखातून राज ठाकरे यांना एकत्र येण्यासाठी साद घालण्यात आली आहे.…

जळगाव : प्रतिनिधी भरधाव कारचालकाने पादचारी व इतर वाहनांना धडक देत पलायन केले. यादरम्यान वंदना सुनील गुजराथी ( ४९, रा. पार्वतीनगर) या महिलेला धडक दिल्याने त्यांच्या डोक्याला गंभीर दुखापत झाली. ही घटना गुरुवारी रात्री दहा वाजेच्या सुमारास महाबळ परिसरात घडली. या प्रकरणी रामानंदनगर पोलिसांनी वाहनचालक मोंटू सैनी (२६, रा. वाघ नगर) यास ताब्यात घेतले आहे. मिळालेल्या माहितीनुसार, वाघ नगरमधील मोंटू शिवपाल सैनी हा कार (क्र. एमएच १९, ईपी १६९४) घेवून भरधाव वेगाने जात होता. महाबळ परिसरातील खासगी क्लासेस जवळ त्याने अनेक वाहनांना धडक दिली. यामध्ये वाहन चालक गंभीर जखमी झाले. त्यानंतर पुढे गेल्यानंतर रस्त्याने जात असलेल्या वंदना गुजराथी यांना धडक…

जळगाव : प्रतिनिधी व्यवसायासाठी घेतलेले चार किलो सोने परत देण्याबाबत टाळाटाळ करून सुनील दीनानाथ सराफ (५५, रा. श्री स्वामी समर्थ केंद्राजवळ) यांची तीन कोटी रुपयांमध्ये फसवणूक करण्यात आली. हा प्रकार सन २००८ ते २०१४ दरम्यान घडला. या प्रकरणी सराफ यांचे शालक अमित दिलीप सोनार (४५, रा. नंदुरबार) याच्याविरुद्ध शनिपेठ पोलिसात गुन्हा दाखल केला आहे. सविस्तर वृत्त असे कि, सुवर्ण व्यावसायिक सुनील सराफ यांचे जळगावातील सराफ बाजार परिसरात दुकान आहे. त्यांचा शालक अमित सोनार याने विश्वास संपादित करीत त्याच्या नंदुरबार येथील दुकानावर दागिने बनविण्यासाठी थोडे-थोडे सोने घेतले. सन २००८ ते २०१४ या सहा वर्षामध्ये ६० ग्रॅम ते २५० ग्रॅम प्रमाणे थोडे-थोडे…

भुसावळ : प्रतिनिधी येथील मुस्लीम कॉलनीतील विवाहिता हिनाबी आशीफ शाह (वय ३०) हिचा पैशांसाठी छळ केल्याप्रकारणी बाजारपेठ पोलिस ठाण्यात गुन्हा दाखल करण्यात आला आहे. पती आशीफ शाह याने वेगवेगळ्या कारणांसाठी तिच्या वडिलांकडून २० हजार व नंतर ५० हजार रुपये मागून घेतले. दुचाकी खरेदीसाठी मागणी केल्यानंतर तिच्या माहेरच्यांनी भीतीपोटी पैसे दिले. मात्र त्यानंतरही छळ सुरूच राहिला. याप्रकरणी पती आशीफ शाह, सासू समाबी शाह, नणंद सलमाबी शाह, दुसरी नणंद शकलीबी आणि तिचा पती फिरोज शाह यांनी वेळोवेळी पैशांची मागणी, शिवीगाळ, दमदाटी व मारहाणीचे प्रकार केले, असा आरोप फिर्यादीत करण्यात आला आहे.

धुळे : वृत्तसंस्था शिंदखेडा तालुक्यातील विरदेल रोडवर दलवाडे फाट्याजवळ जळगाव – नंदुरबार बस व ट्रकची समोरासमोर धडक झाल्याची घटना दि.१९ रोजी दुपारी अडीच वाजता घडली. अपघातात बसमधील ९ प्रवासी गंभीररीत्या जखमी झाले असून त्यांना धुळे येथे पाठवण्यात आले आहे. किरकोळ जखमी १२ प्रवाशांवर शिंदखेडा येथील ग्रामीण रुग्णालयात उपचार सुरू आहेत. जळगाव येथून नंदुरबारकडे जात असलेली नंदुरबार आगाराची एमएच २० बीएल ४०२५ क्रमांकाच्या बसची समोरून येणाऱ्या एमएच १८ बीझेड ६६१८ क्रमांकाच्या ट्रकशी गुरुवारी दुपारी अडीच वाजता दलवाडे फाट्याजवळ धडक झाली. अपघातानंतर महामार्गावरील वाहतूक काही काळ विस्कळीत झाली होती. किरकोळ जखमींमध्ये सुरेखा भरत सिंग गिरासे (वय ४७, रा. मेथी), माधुरी प्रशांत चांदेकर…

जळगाव : प्रतिनिधी महाराष्ट्र राज्याचे मुख्यमंत्री श्री. देवेंद्र फडणवीस यांचा जळगाव जिल्हा दौरा शुक्रवार, दिनांक 20 जून 2025 रोजी असून या दौऱ्यात ते धरणगाव येथे उपजिल्हा रुग्णालयाच्या नवीन इमारतीचे भूमिपूजन, क्रांतिकारी खाज्याजी नाईक यांच्या स्मृतीस्थळाचे उद्घाटन तसेच जामनेर तालुक्यातील गोद्री येथील हिंदू गोर बंजारा व लबाना कुंभ प्रेरणा स्थळाच्या ऑनलाईन भूमिपूजन कार्यक्रमात सहभागी होणार आहेत. दौरा पुढीलप्रमाणे असेल: सकाळी 9.50 वाजता मुख्यमंत्री देवेंद्र फडणवीस यांचे जळगाव विमानतळावर आगमन होईल. 9.55 वाजता ते मोटारीने धरणगावकडे रवाना होतील. 10.40 वाजता उपजिल्हा रुग्णालय, चोपडा रोड, धरणगाव येथे भूमिपूजन समारंभ होईल. यानंतर 10.50 वाजता ते मोटारीने क्रांतिकारी खाज्याजी नाईक स्मृती मंदिराकडे प्रयाण करतील. 10.55…