Author: editor desk

नागपूर : वृत्तसंस्था राज्यात विधानसभा २०१९ ते लोकसभा २०२४ निवडणुकीदरम्यान मतदारांची झालेली वाढ १ हजार ९५२ इतकी होती. मात्र, लोकसभा २०२४ ते विधानसभा २०२४ या पाच महिन्यांच्या कालावधीत ८ हजार ४०० मते वाढली. इतकेच नाही तर, लोकसभा निवडणुकीत पक्षाच्या ज्या कार्यकर्त्यांनी मतदान केले होते, त्यांची व कुटुंबीयांची नावे विधानसभा २०२४च्या निवडणुकीच्या वेळी मतदारयादीमध्ये नव्हती. मुलाचे आणि वडिलांचे नाव वेगवेगळे असणे, घर क्रमांक शून्य असणे, एकाच व्यक्तीचे नाव शहरातसुद्धा आणि ग्रामीण भागातसुद्धा असल्याचे आढळले. असे दुबार मतदार हे प्रामुख्याने भाजपचेच कार्यकर्ते आहेत, असा आरोप माजी गृहमंत्री अनिल देशमुख यांनी केला आहे. नगरपरिषद, नगरपंचायतींच्या निवडणुका जाहीर झाल्यानंतर राज्याचे माजी गृहमंत्री अनिल देशमुख…

जळगाव : प्रतिनिधी  जिल्ह्यातील अनेक ठिकाणी  अपघातांच्या घटना घडत असताना आता मुक्ताईनगर जवळील बऱ्हाणपूरकडे जाणाऱ्या रस्त्यावर महादेव मंदिराजवळील वळणावर लक्झरी बस आणि बल्करची धडक झाली. त्यात बल्कर चालक जागीच ठार झाला, तर बसचालक गंभीर जखमी झाला. ५ नोव्हेंबरच्या रात्री ११ वाजता हा अपघात झाला. या दुर्घटनेत २८ प्रवासी बचावले. मिळालेल्या माहितीनुसार, खासगी लक्झरी बस (क्र.एमपी.०९-एफए ९७१०) अकोटवरून इंदूरकडे जात होती. यावेळी सिमेंटचे बल्कर (क्र.एमएच.४६-सीयू.८१ ५४) हे खामखेडा जवळ बी.एन. अग्रवाल यांच्या रस्त्याच्या कामावरून सिमेंट खाली करून धुळ्याकडे जात होते. मुक्ताईनगर जवळील महादेव मंदिरासमोरील वळणावर लक्झरी व बल्करची समोरासमोर धडक झाली. त्यात बल्कर चालक प्रमोद जग्गेभान पटेल (वय २३, रा. पुनिया खुर्द,…

बीड : वृत्तसंस्था  मराठा समाजायचे नेते मनोज जरांगे पाटील यांनी आज पत्रकार परिषद घेत माजी मंत्री आ. मुंडे यांच्यावर गंभीर आरोप केल्यानंतर आता मराठा आरक्षण आंदोलनाच्या नेत्यांमध्ये सुरू असलेल्या राजकीय वादात आज माजी मंत्री व आमदार धनंजय मुंडे यांनी मनोज जरांगे यांच्या आरोपांना प्रत्युत्तर दिले आणि या प्रकरणाची सीबीआय चौकशी आणि मनोज जरांगे व माझी नार्को-टेस्ट करण्याची मागणी केली. मुंडे म्हणाले की, “मनोज जरांगे मला टार्गेट करत आहेत कारण मी त्यांना दोन प्रश्न विचारले — त्यामुळे ते मला टार्गेट करत आहेत. त्यांनी जे आरोप केले आहेत त्यावर सीबीआय चौकशी व्हावी. माझ्यासह जरांगे यांची नार्को-टेस्ट व्हावी; त्यासाठी मी कोर्टाकडून परवानगी घेतो.”…

मुंबई : वृत्तसंस्था मराठा आरक्षणासाठी गेल्या काही वर्षांपासून लढा देणारे आंदोलन नेते मनोज जरांगे पाटील यांनी आज पत्रकार परिषद घेऊन केलेल्या गंभीर आरोपामुळे राज्यातील राजकारणात एकच खळबळ उडाली आहे. जरांगे यांनी दावा केला आहे की, त्यांच्या हत्येचा कट माजी मंत्री आणि आमदार धनंजय मुंडे यांनी रचला असून, त्यासाठी अडीच कोटी रुपयांची कॉन्ट्रॅक्ट किलिंगची ऑफर देण्यात आली होती. जालना पोलिसांनी या प्रकरणी दोन संशयितांना ताब्यात घेतले असून, या कटामागे एका बड्या नेत्याचा पीए आणि कार्यकर्त्यांचा सहभाग असल्याचे समोर आले आहे. जरांगे यांनी पत्रकार परिषदेत सांगितले की, “बीडच्या मोठ्या नेत्याच्या पीए कांचन या व्यक्तीने आरोपींकडे संपर्क साधला. त्यांनी मला अपघातासारखे दाखवून ठार…

पुणे : वृत्तसंस्था राज्यात गेल्या दोन दिवसापासून अजित पवारांचे पुत्र मोठ्या चर्चेत आले असताना आता उपमुख्यमंत्री अजित पवार यांचे पुत्र पार्थ पवार यांच्याशी संबंधित पुण्यातील जमीन व्यवहारात ६ कोटी रुपयांचा मुद्रांक शुल्क बुडविल्या प्रकरणात गुन्हा दाखल करण्यात आला आहे. या प्रकरणात गुन्हा दाखल झाला आहे, पण यामध्ये पार्थ पवार यांचे आणि त्यांच्या कंपनीचे नाव वगळण्यात आले आहे, असा आरोप विरोधी नेते अंबादास दानवे यांनी केला आहे. कोरेगाव पार्क या हायप्रोफाईल आयटी पार्क परिसरात घनदाट वनउद्यान असलेली सुमारे १,८०० कोटी रुपये बाजारमूल्याची ४० एकर शासकीय जमीन सरकारी यंत्रणांना हाताशी धरून पार्थ पवार यांच्या कंपनीला केवळ ३०० कोटींना विकण्यात आल्याचा व त्याद्वारे…

चाळीसगाव : प्रतिनिधी तालुक्यातील एका गावात २६ वर्षीय विवाहितेकडे पाहून अश्लील हावभाव करणाऱ्या तरुणावर चाळीसगाव ग्रामीण पोलिस ठाण्यात गुन्हा दाखल करण्यात आला आहे. या प्रकरणामुळे परिसरात एकच खळबळ उडाली आहे. मिळालेल्या माहितीनुसार, संशयित विनोद बापू पाटील याने संबंधित विवाहितेकडे पाहून तिला लज्जा उत्पन्न होईल असे कृत्य केले. सुरुवातीला विवाहितेने या प्रकाराकडे दुर्लक्ष केले. परंतु दोन दिवसानंतर त्याने तिला मोबाईल नंबर मागितला. त्यानंतर काही दिवसांनी पुन्हा त्याचप्रकारे अश्लील हावभाव करून त्रास दिला. या प्रकारामुळे त्रस्त झालेल्या विवाहितेने अखेर पोलिसांत धाव घेत तक्रार दाखल केली. तिच्या फिर्यादीवरून चाळीसगाव ग्रामीण पोलिसांनी संशयित विनोद बापू पाटील याच्याविरुद्ध संबंधित कलमान्वये गुन्हा दाखल करून पुढील तपास…

जळगाव : प्रतिनिधी कंटरेनरच्या धडकेत दोघ दुचाकीस्वार रस्त्यावर कोसळले. त्यातील प्रकाश चव्हाण याचा हात कंटेनरच्या चाकाखाली दबून तो गंभीर जखमी झाला. ही घटना दि. ४ रोजी दुपारी साडेबारा वाजेच्या सुमारास ममता बेकरीजवळील रस्त्यावर घडली. याप्रकरणी कंटेनर चालकाविरुद्ध गुन्हा दाखल करण्यात आला आहे. सविस्तर वृत्त असे कि, मुक्ताईनगर तालुक्यातील मोरझिरा येथील रहिवासी सुनिल उदल राठोड (वय ३०) हे त्यांचा मित्र प्रताप राजाराम चव्हाण हे कुसुंबा येथून (एमएच १९, सीसी ४८०४) क्रमांकाच्या दुचाकीने ममता बेकरीजवळून जात होते. यावेळी मागून भरधाव वेगाने येणाऱ्या (टीएन ८८, एल ७१११) क्रमांकाच्या कंटेनरने त्यांना धडक दिली. यामध्ये दोघ दुचाकीस्वार हे रस्त्यावर कोसळले. यामधील प्रकाश चव्हाण याचा उजवा…

जळगाव : प्रतिनिधी शहरातील मोहन नगरातील नूतन वर्षा कॉलनीत घरातील फ्रिजसह गॅस सिलींडरला आग लागली. या आगीत घरातील संसारपयोगी वस्तू जळून खाक झाल्या. ही घटना गुरुवारी सायंकाळी सव्वासहा वाजेच्या सुमारास उघडकीस आली. महापालिकेच्या अग्निशमन विभागाने आगीवर नियंत्रण मिळवले. मिळालेल्या माहितीनुसार, शहरातील मोहन नगरातील नूतन वर्षा कॉलनीत रविंद्र सुखदेव सपकाळे हे वास्तव्यास आहे. गुरुवार दि. ६ रोजी सायंकाळी सव्वासहा वाजेच्या सुमारास त्यांच्या घरातील फ्रिजला आग लागली. काही वेळाताच आगीने रौद्ररुप धारण करीत घरातील संपुर्ण साहित्य आगीच्या विळख्यात घेतले. या आगीने स्वयंपाक घरातील गॅस सिलींडरपर्यंत पोहचल्यानंतर आग आणखीच भडकली. आगीत घरातील संपुर्ण साहित्य जळून खाक झाले असून मोठ्या प्रमाणात नुकसान झाले आहे.…

जळगाव : प्रतिनिधी नशिराबाद-जळगाव महामार्गालगत टीव्ही टॉवरसमोरील मन्यारखेडा शिवारातील एका सिमेंट काँक्रीटच्या पक्क्या घरात सुरू असलेल्या अवैध देहव्यापाराच्या अड्ड्यावर नशिराबाद पोलिसांनी बुधवारी, ५ नोव्हेंबर रात्री १०:३० वाजता धडक कारवाई केली. या छाप्यात पोलिसांनी पाच तरुणींना ताब्यात घेतले असून, हा व्यवसाय चालवणाऱ्या दोन संशयित आरोपींना अटक करण्यात आली आहे. मिळालेल्या माहितीनुसार, या ठिकाणी काही महिला व मुलींना डांबून ठेवून त्यांच्याकडून अवैधरीत्या वेश्या व्यवसाय करून घेतला जात असल्याची गुप्त माहिती नशिराबाद पोलिसांना मिळाली होती. नशिराबाद पोलिसांनी तातडीने जळगाव ए.एच.टी.यू. (मानवी तस्करी विरोधी पथक) च्या मदतीने कारवाईची योजना आखली. छाप्याच्या वेळी घरात पाच तरुणी आणि दोन चालक उपस्थित होते. पोलिसांनी घटनास्थळाची तपासणी केली…

आजचे राशिभविष्य दि. ७ नोव्हेंबर २०२५ मेष राशी आज, कुटुंबातील ज्येष्ठ सदस्यांच्या मार्गदर्शनाने, नात्यांमधील कोणतेही गैरसमज दूर होतील. ही वेळ तुमच्या वर्तनात सुधारणा करण्याची आणि भूतकाळातील चुका सुधारण्याची आहे. तुम्ही दमदार सुरुवात कराल आणि यश मिळवाल. आज तुम्ही काही कामासाठी नवीन योजना देखील विचारात घेऊ शकता. वृषभ राशी विद्यार्थ्यांना अभ्यासात अनुकूल निकाल मिळतील. शुभ कार्यक्रमांचे नियोजन केले जाईल. कुठेतरी अडकलेले पैसे आज तुम्हाला परत मिळू शकतात. प्रेमातील जोडप्यांसाठी छान जाईल दिवस. मिथुन राशी आज व्यवसायातील बारकावे समजून घेणे महत्वाचे आहे. अनुभवी व्यक्तीचा सल्ला घेणे उचित आहे. स्पर्धेचा तुमच्या कामावर नकारात्मक परिणाम होईल. घाबरून जाण्याऐवजी, धैर्याने काम करा आणि समस्या सोडवा.…