भंडारा : वृत्तसंस्था भंडारा येथे आयोजित एका सार्वजनिक गायन कार्यक्रमात गायिका अंजली भारती यांनी केलेल्या आक्षेपार्ह वक्तव्यामुळे मोठा वाद निर्माण झाला आहे. बलात्काराच्या वाढत्या घटनांवर भाष्य करताना त्यांनी मुख्यमंत्री देवेंद्र फडणवीस यांच्या पत्नी अमृता फडणवीस यांच्याबद्दल निंदनीय व आक्षेपार्ह भाषा वापरल्याचा आरोप होत असून, या वक्तव्याचा सर्व स्तरांतून तीव्र निषेध व्यक्त केला जात आहे. विशेष म्हणजे, विरोधी पक्षातील नेत्यांनीही या विधानाचे समर्थन करता येणार नसल्याचे स्पष्ट केले आहे. मिळालेल्या माहितीनुसार, १३ जानेवारी रोजी भंडाऱ्यात भीम मेळाव्याचे आयोजन करण्यात आले होते. या कार्यक्रमात अंजली भारती यांच्या गायनाचा कार्यक्रम ठेवण्यात आला होता. यावेळी बोलताना त्यांनी राज्यात वाढणाऱ्या बलात्काराच्या घटनांवर संताप व्यक्त केला.…
Author: editor desk
जालना : वृत्तसंस्था पुण्याकडून यवतमाळच्या दिशेने २७ प्रवाशांना घेऊन जाणाऱ्या चिंतामणी ट्रॅव्हल्सच्या लक्झरी बसला (MH-29 AW 4444) आज पहाटे सुमारे तीन वाजता भीषण आग लागली. जालना–छत्रपती संभाजीनगर मार्गावरील बदनापूर तालुक्यातील शेळगाव येथील पेट्रोल पंपासमोर ही धक्कादायक घटना घडली. बसचे टायर फुटल्याने लागलेल्या या आगीत बस पूर्णपणे जळून खाक झाली; मात्र पोलिसांच्या तत्परतेमुळे सर्व २७ प्रवासी सुखरूप बचावले. मिळालेल्या माहितीनुसार, ही बस काल रात्री पुण्यातून प्रवाशांना घेऊन रवाना झाली होती. पहाटे तीनच्या सुमारास शेळगाव परिसरात अचानक बसचे टायर फुटले. चालकाने प्रसंगावधान राखत बस थांबवली; मात्र टायरच्या घर्षणामुळे क्षणार्धात बसने पेट घेतला. त्या वेळी बसमधील बहुतांश प्रवासी गाढ झोपेत असल्याने एकच गोंधळ…
जळगाव : प्रतिनिधी जळगाव जिल्ह्यातील भुसावळ तालुक्यातील साकरी गावात दोन अल्पवयीन शाळकरी मुलींना विहिरीत ढकलून त्यांची हत्या करण्यात आल्याची धक्कादायक घटना उघडकीस आली आहे. या घटनेमुळे संपूर्ण भुसावळ तालुक्यासह जिल्ह्यात मोठी खळबळ उडाली असून साकरी ग्रामस्थांमध्ये तीव्र संतापाची लाट उसळली आहे. मिळालेल्या माहितीनुसार, मृत झालेल्या दोन्ही मुली गावातीलच रहिवासी असून शाळेत शिक्षण घेत होत्या. आज सकाळी शाळेत जाण्याच्या वेळेत गावाजवळील एका विहिरीत ही घटना घडल्याचे प्राथमिक तपासात समोर आले आहे. अज्ञात व्यक्तीने किंवा संशयिताने दोन्ही मुलींना विहिरीत ढकलून त्यांची हत्या केल्याचा संशय व्यक्त करण्यात येत आहे. या प्रकरणी संशयित आरोपी रोहन नरेंद्र चौधरी याला पोलिसांनी भुसावळ तालुका पोलीस ठाण्यात ताब्यात घेतले…
सांगली : वृत्तसंस्था राज्यात जिल्हा परिषद आणि स्थानिक स्वराज्य संस्थांच्या निवडणुकांचे बिगुल वाजले असतानाच सत्ताधारी आणि विरोधकांमधील राजकीय वाकयुद्ध अधिकच तीव्र झाले आहे. सांगली येथे आयोजित जाहीर प्रचार सभेत बोलताना राज्याचे उच्च व तंत्रशिक्षण मंत्री चंद्रकांत पाटील यांनी विरोधकांवर थेट टीका करत, आगामी निवडणुकांत त्यांच्या पराभवाचे भाकीत केले. चंद्रकांत पाटील म्हणाले की, केंद्र व राज्य सरकारच्या विविध लोककल्याणकारी योजनांचा लाभ थेट तळागाळातील जनतेपर्यंत पोहोचला आहे. लाडकी बहीण योजना, शेतकऱ्यांसाठी राबविण्यात येणाऱ्या सन्मान योजनांमुळे सामान्य जनता समाधानी असून, सरकारच्या कामावर विश्वास व्यक्त करत आहे. “जनतेचा हा पाठिंबा येणाऱ्या निवडणुकांच्या निकालातून स्पष्टपणे दिसून येईल,” असा दावा त्यांनी केला. नुकत्याच पार पडलेल्या नगरपालिका…
पाणीपुरवठा व स्वच्छता विभाग राज्यात तिसरा जळगाव | प्रतिनिधी महाराष्ट्र शासन व क्वालिटी कौन्सिल ऑफ इंडिया (QCI) यांच्या संयुक्त मूल्यमापनातून राबविण्यात आलेल्या 150 दिवसांच्या ई-गव्हर्नन्स सुधारणा कार्यक्रमात राज्यातील तब्बल 57 मंत्रालयीन विभागांपैकी पाणीपुरवठा व स्वच्छता विभागाने थेट तिसरा क्रमांक पटकावत 200 पैकी 170.50 गुण मिळवले आहेत. हा विभाग जळगाव जिल्ह्याचे पालकमंत्री तथा राज्याचे पाणीपुरवठा व स्वच्छता मंत्री गुलाबराव पाटील यांच्या नेतृत्वाखाली कार्यरत आहे. या मूल्यमापनात पहिला क्रमांक सार्वजनिक बांधकाम विभागाने, तर दुसरा क्रमांक वन विभागाने मिळवला असला, तरी ग्रामीण जीवनाशी थेट निगडित, नागरिकांच्या दैनंदिन गरजांशी जोडलेला पाणीपुरवठा व स्वच्छता विभाग तिसऱ्या क्रमांकावर येणे ही मोठी प्रशासकीय कामगिरी मानली जात आहे.…
कोल्हापूर : वृत्तसंस्था राज्यात नगरपालिका, नगरपंचायत आणि महानगरपालिकांच्या निवडणुकांनंतर आता जिल्हा परिषद व पंचायत समिती निवडणुकांची रणधुमाळी सुरू झाली आहे. राज्यातील १२ जिल्हा परिषदा आणि १२५ पंचायत समित्यांसाठी ५ फेब्रुवारी रोजी मतदान, तर ७ फेब्रुवारी रोजी निकाल जाहीर होणार आहेत. या पार्श्वभूमीवर सर्वच पक्षांचे उमेदवार प्रचारात व्यस्त असताना सांगली जिल्ह्यातील विटा शहरात घडलेल्या एका धक्कादायक घटनेने राजकीय वातावरण ढवळून निघाले आहे. ऐन निवडणुकीच्या काळात भाजपाचे माजी आमदार सदाशिव पाटील आणि माजी नगराध्यक्ष वैभव पाटील यांच्या घरासमोर काळी जादू व भानामती केल्याचा प्रकार उघडकीस आला आहे. दुपारच्या सुमारास दुचाकीवरून आलेल्या एका बंगाली भोंदू बाबाने आणि त्याच्या स्थानिक साथीदाराने घरासमोर अंधश्रद्धेशी संबंधित…
आजचे राशिभविष्य दि. २७ जानेवारी २०२६ मेष राशी व्यवसायात भागीदारी फायदेशीर ठरू शकते. तुमच्या पालकांसोबतचे संबंध सौहार्दपूर्ण राहतील. कौटुंबिक संबंधही सुसंवादी राहतील. तुमच्या जोडीदाराकडून तुम्हाला पूर्ण सहकार्य मिळेल. तुमच्या मुलांकडून तुम्हाला चांगली बातमी मिळू शकते. वृषभ राशी तुमची आर्थिक परिस्थिती बरीच मजबूत असेल. पर्यटनाशी संबंधित लोकांना आर्थिक फायदा होईल. तुम्हाला उत्साही वाटेल. कुटुंबातील सदस्यांशी संबंध सुधारतील. तुम्ही स्वतःला काही सर्जनशील कामात गुंतवून घ्याल. मिथुन राशी तुम्ही तुमच्या कामात मित्राची मदत घेऊ शकता. संयमी निर्णय यशाचे नवीन मार्ग उघडू शकतात. आज कोणत्याही जबाबदाऱ्यांकडे दुर्लक्ष करणे टाळावं, नाहीतर नंतर पश्चाताप करावा लागू शकतो. कर्क राशी आज तुमची सर्व महत्त्वाची कामे पूर्ण होतील.…
शासकीय वैद्यकीय महाविद्यालयात १२८ स्लाईस सिटीस्कॅन मशीनचे लोकार्पण जळगाव : प्रतिनिधी आतापर्यंत मोठ्या तपासण्यांसाठी गरिबांना खासगी रुग्णालयात जावे लागत होते. मात्र, आता आपल्या शासकीय रुग्णालयातच अद्ययावत आणि अधिक क्षमतेची सिटीस्कॅनची सोय उपलब्ध झाल्याने जिल्हयातील गोरगरीब रुग्णांची आर्थिक लूट थांबेल. जळगावच्या आरोग्य सेवेचा दर्जा सुधारण्यासाठी राज्य शासन कटीबद्ध आहे. केवळ मशिनरीच नाही, तर पुरेसे मनुष्यबळ आणि औषधसाठा उपलब्ध करून देण्यासाठी आम्ही सातत्याने प्रयत्नशील आहोत, असे प्रतिपादन राज्याचे पाणीपुरवठा व स्वच्छता मंत्री तथा जिल्ह्याचे पालकमंत्री ना. गुलाबराव पाटील यांनी केले. शासकीय वैद्यकीय महाविद्यालय व रुग्णालय, जळगाव येथे नव्याने दाखल झालेल्या अत्याधुनिक ‘१२८ स्लाईस सीटी स्कॅन मशीन’चा भव्य उद्घाटन समारंभ सोमवारी २६ जानेवारी…
नवी दिल्ली : वृत्तसंस्था आज देशभरात ७७ वा प्रजासत्ताक दिन मोठ्या दिमाखात साजरा करण्यात आला. दिल्लीतील कर्तव्य पथावर भव्य संचलन पार पडले. ऑपरेशन सिंदूरमध्ये वापरलेल्या इंटिग्रेटेड कमांडचे प्रात्यक्षिक, सुखोई-राफेलसह २९ लढाऊ विमानांची आकाशात भरारी, पॅराट्रूपर्सचे थरारक अवतरण आणि सूर्यास्त्र तसेच MI-17 हेलिकॉप्टरद्वारे करण्यात आलेली पुष्पवृष्टी हे संचलनाचे विशेष आकर्षण ठरले. राष्ट्रपती द्रौपदी मुर्मू यांनी राष्ट्रध्वज फडकावून सोहळ्याची सुरुवात केली. यावेळी राष्ट्रगीत झाले आणि २१ तोफांची सलामी देण्यात आली. शौर्याबद्दल ग्रुप कॅप्टन शुभांशु शुक्ला यांना अशोक चक्राने सन्मानित करण्यात आले. या वर्षीच्या प्रजासत्ताक दिनाच्या संचलनाचे मुख्य अतिथी युरोपीय परिषदेचे अध्यक्ष अँटोनियो कोस्टा आणि युरोपीय आयोगाच्या अध्यक्षा उर्सुला वॉन डेर लेयेन होते.…
जळगाव : प्रतिनिधी नवीन कारच्या लकी ड्रॉमधील बक्षिसाची माहिती घेऊन परतत असताना भरधाव कंटेनरने दुचाकीला धडक दिल्याने झालेल्या भीषण अपघातात शिवसेनेचे तळई उत्राण गट प्रमुख देशमुख चुन्नीलाल राठोड (५५, रा. निपाणे तांडा, ता. एरंडोल) व त्यांचा नातू परेश दिनेश राठोड (६) यांचा जागीच मृत्यू झाला. या अपघातात राठोड यांच्या पत्नी बेबीबाई राठोड (५०) गंभीर जखमी झाल्या. हा अपघात रविवारी (२५ जानेवारी) दुपारी बायपासवर पाळधीनजीक सावदे–रिंगणगाव फाट्यावर घडला. मिळालेल्या माहितीनुसार, निपाणे तांडा येथील देशमुख राठोड यांनी महिनाभरापूर्वी नवीन कार खरेदी केली होती. या कारच्या लकी ड्रॉमध्ये त्यांना बक्षीस लागले होते. त्याची माहिती घेण्यासाठी ते पत्नी बेबीबाई व नातू परेश याच्यासह दुचाकीने (क्र.…