जळगाव : प्रतिनिधी
उद्या गणपती विसर्जन मिरवणूक (अनंत चतुर्दशी) व ईद-ए-मिलाद च्या अनुषंगाने एरंडोल शहरातील व तालुक्यातील शांतता सुव्यवस्था अबाधित राहावी तसेच सदरचे सण उत्सव शांततेत पार पडावे, याकरिता एरंडोल तालुक्यातील उपद्रवी ७९ इसम यांना एरंडोल शहरातून दिनांक १७/०९/२०२४ते १९/०९/२०२४असे ०३दिवस एरंडोल तालुक्यातून हद्दपार करण्यासाठी पोलीस निरीक्षक सतीश गोराडे यांनी अप्पर पोलीस अधीक्षक श्रीमती कविता नेरकर चाळीसगाव परिमंडळ जिल्हा जळगाव यांना प्रस्ताव सादर केला होता.
त्यावरून एरंडोल शहरातील व तालुक्यातील शरीराविरुद्ध व मालमत्तेविरुद्ध गुन्हे दाखल असलेल्या गुन्ह्यातील एकूण ७९ इसमांना ०३ दिवसाकरिता हद्दपार करण्याचे प्रस्ताव पारित झालेले असुन एरंडोल पोलिस स्टेशनच्या हद्दीतील ७९ समाज उपद्रवी प्रवृत्तीचे लोकांवर हद्दपारीची कार्यवाही करण्यात आल्याची माहिती एरंडोल पोलीस स्टेशनचे पोलीस निरीक्षक सतीश गोराडे यांनी दिली आहे
