Author: editor desk

भुसावळ : प्रतिनिधी शहरातील जळगाव नाका परिसरात बुधवारी रात्री पानाच्या टपरीवर झालेल्या गोळीबाराच्या घटनेने एकच खळबळ उडाली होती. या घटनेच्या पुढील तपासात भुसावळ पोलिसांनी अत्यंत वेगाने हालचाली करत गुरुवारी पहाटेच्या सुमारास तीन संशयितांना ताब्यात घेतले. विशेष म्हणजे हे तिघेही संशयित आरोपी अल्पवयीन असल्याची माहिती पोलिसांनी दिली आहे. या प्रकरणातील चौथ्या संशयित आरोपीचा शोध सुरू असून त्यालाही लवकरच अटक करण्यात येईल, असे पोलिस सूत्रांकडून सांगण्यात आले. मिळालेल्या माहितीनुसार, जळगाव नाका परिसरात लुटमारीच्या उद्देशाने पानाच्या टपरीवर आलेल्या चौघांपैकी एकाने विरोध करणाऱ्या उल्हास गणेश पाटील (वय ३९) याच्यावर थेट गोळीबार केला होता. या घटनेनंतर आरोपी पसार झाले होते. घटनेचे गांभीर्य लक्षात घेता पोलिसांनी तत्काळ…

जळगाव : प्रतिनिधी जळगाव महानगरपालिका निवडणुकीच्या पार्श्वभूमीवर भारतीय जनता पक्षाने महत्त्वाची घोषणा केली आहे. जळगाव शहराचे आमदार राजूमामा भोळे यांची जळगाव महानगरपालिका निवडणुकीसाठी भाजपच्या ‘निवडणूक प्रमुख’पदी नियुक्ती करण्यात आली आहे. भाजपचे प्रदेशाध्यक्ष रवींद्र चव्हाण यांनी याबाबतचे अधिकृत नियुक्तीपत्र जारी केले आहे. लोकसभा व विधानसभा निवडणुकांमध्ये मिळालेल्या सलग यशामुळे आमदार राजूमामा भोळे यांचा प्रभाव आणि संघटन कौशल्य पुन्हा एकदा अधोरेखित झाले आहे. या पार्श्वभूमीवर आगामी महापालिका निवडणुकीत भाजपला अधिकाधिक जागांवर विजय मिळवून देण्याची जबाबदारी पक्षाने त्यांच्यावर सोपवली आहे. प्रदेशाध्यक्षांनी दिलेल्या पत्रात नमूद केल्यानुसार, स्थानिक स्वराज्य संस्था सार्वत्रिक निवडणूक २०२५ अंतर्गत जळगाव महानगरपालिकेची निवडणूक अत्यंत महत्त्वाची आहे. या निवडणुकीत पक्षाचे जास्तीत जास्त…

आजचे राशिभविष्य दि.१९ डिसेंबर २०२५ मेष राशी आज तुमच्या व्यवसाय योजनेत बदल करणे महत्वाचे आहे. अनुभवी लोकांचे मार्गदर्शन तुमच्या वाढीसाठी उपयुक्त ठरेल आणि सध्या तुमचे उत्पन्न तेवढेच राहील. नोकरी करणाऱ्यांना लवकरच स्थलांतर करावे लागू शकते. वृषभ राशी आज तुमच्यावर कामाचा मोठा ताण असेल, त्यामुळे तुम्हाला आळस दूर करावा लागेल. अतिआत्मविश्वास तुमच्यासाठी हानिकारक असू शकतो, ज्यामुळे तुमच्या कौटुंबिक नातेसंबंधांना धोका निर्माण होऊ शकतो. लोकांशी नीट वागा, नम्रतेने बोला. मिथुन राशी कुटुंबातील मालमत्तेशी संबंधित समस्या आज सोडवली जाऊ शकते आणि तुम्हाला वरिष्ठांकडूनही मदत मिळेल. आज घरातील ज्येष्ठ सदस्यांच्या आरोग्याची काळजी घ्या. खर्च वाढल्यामुळे ताण येऊ शकतो. कर्क राशी जर तुम्ही तुमचा व्यवसाय…

जळगाव मनपाच्या प्रभारीपदी आ.मंगेश चव्हाण जळगाव  : प्रतिनिधी जळगाव जिल्ह्यातील नगरपालिका व नगरपरिषदेची जबाबदारी प्रभावीपणे सांभाळणारे चाळीसगावचे आमदार मंगेश चव्हाण यांच्यावर भाजपने पुन्हा एकदा विश्वास टाकला आहे. भारतीय जनता पक्षाचे प्रदेशाध्यक्ष रवींद्र चव्हाण यांनी दिलेल्या पत्रानुसार आमदार मंगेश चव्हाण यांची जळगाव महानगरपालिका निवडणूक प्रभारीपदी नियुक्ती करण्यात आली आहे. या निर्णयामुळे जळगाव भाजपमध्ये नवचैतन्याचे वातावरण निर्माण झाले आहे. महापालिकेत शतप्रतिशत भाजपची सत्ता आणण्याच्या उद्देशाने आमदार चव्हाण हे आतापासूनच ‘ॲक्शन मोड’मध्ये आले आहेत. संघटन मजबूत करणे, पदाधिकाऱ्यांशी संवाद वाढवणे आणि कार्यकर्त्यांना कामाला लावणे या दृष्टीने त्यांनी हालचाली सुरू केल्याचे चित्र आहे. याआधी जळगाव जिल्ह्यातील विविध नगरपालिका व नगरपरिषदांमध्ये महायुतीला योग्य न्याय देत…

धाराशिव : वृत्तसंस्था धाराशिव जिल्ह्यातील परांडा तालुक्यात कंडारी ते सोनारी रस्त्यावर झालेला संशयास्पद अपघात अखेर खुनाचा असल्याचे उघड झाले आहे. जुन्या भांडणाच्या रागातून दोन मित्रांनी आपल्याच ३५ वर्षीय मित्राच्या डोक्यात जड वस्तूने वार करून क्रूरपणे खून केल्याचा गंभीर आरोप मयताच्या पत्नीने केला आहे. या प्रकरणी आंबी पोलिसांनी तात्काळ खुनाचा गुन्हा दाखल करून दोन्ही संशयित आरोपींना रात्रीच ताब्यात घेतले असून, परिसरात मोठी खळबळ उडाली आहे. मयत मोतीराम जाधव हे सोमवारी रात्री साडेनऊच्या सुमारास कुटुंबासह घरी जेवण करत असताना त्यांचे मित्र विष्णु कालीदास तिंबोळे आणि योगेश नागेश तिंबोळे हे मोटारसायकलवरून त्यांच्या घरी आले. पप्पू रावखंडे यांच्या बंगल्यावर पार्टी असल्याचे सांगून त्यांनी मोतीराम…

जळगाव : प्रतिनिधी शहरातील एका भागात २८ वर्षीय महिलेचा हात पकडून अश्लील चाळे करत विनयभंग केल्याची धक्कादायक घटना बुधवारी, १७ डिसेंबर रोजी दुपारी चारच्या सुमारास घडली. या प्रकरणी रामानंद नगर पोलीस ठाण्यात रात्री नऊ वाजता एका तरुणाविरुद्ध गुन्हा दाखल करण्यात आला असून, शहरातील कायदा-सुव्यवस्थेचा प्रश्न पुन्हा एकदा ऐरणीवर आला आहे. पोलिसांकडून मिळालेल्या माहितीनुसार, पीडित महिला घरी एकटी असताना संशयित आरोपी अक्षय मिस्तरी (वय २५, रा. पिंप्राळा) याने तिचा हात पकडून जबरदस्तीने घरात ओढले. त्यानंतर आरोपीने अश्लील चाळे करत महिलेचा विनयभंग केला. या घटनेनंतर धक्क्यात सापडलेल्या महिलेने तात्काळ रामानंद नगर पोलीस ठाण्यात धाव घेऊन तक्रार दाखल केली. तक्रारीच्या आधारे आरोपी अक्षय…

मुंबई : वृत्तसंस्था उद्धव ठाकरे गटाचे खासदार संजय राऊत यांनी महायुती सरकारवर पुन्हा एकदा जोरदार हल्लाबोल करत सत्ताधाऱ्यांमधील अंतर्गत संघर्ष उघड केला आहे. अजित पवारांच्या राष्ट्रवादी काँग्रेसमधील “माणिक मोती गळाले” असा उल्लेख करत राऊतांनी मंत्रिमंडळावर टीकेची झोड उठवली. मुख्यमंत्री देवेंद्र फडणवीस हे टप्प्याटप्प्याने राजकीय खेळी खेळत असून अखेरीस त्याचा सर्वाधिक फटका शिंदे गटालाच बसेल, असा इशारा त्यांनी दिला. फडणवीस हे दीर्घ राजकीय खेळ खेळणारे नेते असून “अखेरचा घाव हा मिंध्यांवरच घालतील” असा खोचक टोला लगावत राऊतांनी शिंदे गटाच्या भवितव्यावरच प्रश्नचिन्ह उपस्थित केले. पुढे शिंदेंचा पक्ष अस्तित्वात राहील का? असा थेट सवाल करत त्यांनी महायुतीतील दोन घटक पक्षांना सावध राहण्याचा इशारा…

जळगाव : प्रतिनिधी दारूबंदी कायद्यान्वये कारवाई टाळण्यासाठी आणि दारूचा अवैध धंदा विनाअडथळा सुरू ठेवण्यासाठी १८ हजार रुपयांच्या लाचेची मागणी करून त्यातील १० हजार रुपयांचा पहिला हप्ता स्वीकारताना राज्य उत्पादन शुल्क विभागाच्या दुय्यम निरीक्षकासह त्याच्या खासगी चालकाला लाचलुचपत प्रतिबंधक विभागाने (एसीबी) रंगेहाथ अटक केली. या कारवाईमुळे जिल्ह्यातील महसूल व उत्पादन शुल्क विभागात एकच खळबळ उडाली आहे. तक्रारदाराच्या वडिलांवर यापूर्वी दारूबंदी कायद्यान्वये कारवाई करण्यात आली होती. त्यानंतर पुन्हा दारूबंदी कायद्याच्या कलम ९३ अन्वये कारवाई न करण्यासाठी तसेच तक्रारदाराचा दारूचा धंदा यापुढेही सुरळीत चालू ठेवण्यासाठी दुय्यम निरीक्षक विजय भास्कर पाटील याने लाचेची मागणी केली होती. पाटील याने प्रति महिना १,५०० रुपये याप्रमाणे १२…

मुंबई : वृत्तसंस्था राज्यातील २९ महापालिकांच्या निवडणुकांचा कार्यक्रम राज्य निवडणूक आयोगाने जाहीर केल्यानंतर आता जिल्हा परिषद निवडणुकांचेही वातावरण तापण्याची चिन्हे दिसू लागली आहेत. विशेष म्हणजे ज्या १४ जिल्हा परिषदांमध्ये आरक्षणाची मर्यादा स्थिर आहे, त्या ठिकाणच्या निवडणुकांचा कार्यक्रम लवकरच जाहीर होणार असल्याची महत्त्वाची माहिती समोर आली आहे. राज्यात सध्या स्थानिक स्वराज्य संस्थांच्या निवडणुकांची प्रक्रिया टप्प्याटप्प्याने सुरू असून, येत्या २१ डिसेंबर रोजी राज्यातील नगरपरिषद व नगरपंचायतींच्या निवडणुकांची मतमोजणी होऊन निकाल जाहीर केला जाणार आहे. या प्रक्रियेनंतर अवघ्या दोन ते तीन दिवसांत, म्हणजेच २३ ते ३० डिसेंबरदरम्यान, आरक्षणाची मर्यादा स्थिर असलेल्या १४ जिल्हा परिषदांच्या निवडणुकांचा कार्यक्रम जाहीर होण्याची दाट शक्यता वर्तवली जात आहे.…

जळगाव : विजय पाटील  महापालिकेच्या निवडणुकीचा बिगुल वाजला असून विविध पक्षाकडून इच्छुक उमेदवारांच्या मुलाखती व त्याच्याकडून अर्ज भरून घेत आहे. त्यामुळे राजकीय घडामोडींना वेग आला असून भारतीय जनता पार्टी कडून सर्वात जास्त इच्छुक उमेदवार असून महायुती झाल्यास भाजप व शिवसेना शिंदे गट हे दोन्ही मित्र पक्ष जागेचा तिढा कसा सोडवणार याकडे देखील लक्ष लागून असणार आहे. तर शिवसेना (उबाठा) राष्ट्रवादी काँग्रेस शरदचंद्र पवार गट यांच्यातील काडीमोड झाल्याने व एम आय एम पक्ष देखील ताकदीने या निवडणुकीत उतरणार असल्याने या प्रभागात निवडणुकीची चांगलीच रंगतदार लढती पहावयास मिळणार आहे. गेल्या वेळी २०१८ च्या पंचवार्षिक निवडणुकीत चारही जागांवर भाजपचे उमेदवार येथे विजयी झाले…