Author: editor desk

पुणे : प्रतिनिधी पुणे महानगरपालिका निवडणुकीच्या पार्श्वभूमीवर राज्याच्या राजकारणात महत्त्वपूर्ण हालचालींना वेग आला असून, फुटलेली राष्ट्रवादी काँग्रेस पुन्हा एकत्र येण्याच्या दिशेने पावले टाकत असल्याचे स्पष्ट संकेत मिळत आहेत. राष्ट्रवादी काँग्रेस शरद पवार गटाचे प्रवक्ते अंकुश काकडे यांनी दिलेल्या माहितीनुसार, दोन्ही राष्ट्रवादी काँग्रेस महाविकास आघाडीसोबत मिळून निवडणूक लढवण्याबाबत सकारात्मक चर्चा सुरू आहेत. भाजपविरोधात ताकद एकवटण्यासाठी महाविकास आघाडीतील घटक पक्षांची आज उशिरा महत्त्वाची बैठक होणार असून, या बैठकीत पुणे महापालिकेसाठी जागावाटप, निवडणूक रणनीती आणि एकत्र लढण्याचा आराखडा ठरवला जाण्याची शक्यता आहे. विशेष म्हणजे, उपमुख्यमंत्री अजित पवार यांनीही काँग्रेसचे निरीक्षक माजी मंत्री सतेज पाटील यांच्याशी पुणे महापालिकेत आघाडी म्हणून निवडणूक लढवण्याबाबत प्राथमिक चर्चा…

मुंबई : वृत्तसंस्था शिवसेना ठाकरे गटाचे पक्षप्रमुख उद्धव ठाकरे आणि महाराष्ट्र नवनिर्माण सेनेचे अध्यक्ष राज ठाकरे यांच्यातील युतीबाबत गेल्या अनेक दिवसांपासून सुरू असलेल्या चर्चांना अखेर पूर्णविराम मिळणार आहे. आगामी मुंबई महानगरपालिका निवडणुकीच्या पार्श्वभूमीवर ठाकरे बंधूंच्या युतीची अधिकृत घोषणा उद्या, बुधवार दि. २४ रोजी दुपारी १२ वाजता होणार असल्याचे स्पष्ट झाले आहे. खासदार संजय राऊत यांनी त्यांच्या अधिकृत ट्विटर (एक्स) खात्यावर राज ठाकरे आणि उद्धव ठाकरे यांचा एकत्रित फोटो शेअर करत “उद्या १२ वाजता” असे कॅप्शन दिले आहे. या ट्वीटमुळे ठाकरे बंधूंच्या युतीची घोषणा कधी होणार, याबाबतचा सस्पेन्स संपला आहे. दरम्यान, मनसेप्रमुख राज ठाकरे आणि शिवसेना उबाठा गटाच्या वरिष्ठ नेत्यांमध्ये जागावाटपाबाबत…

जळगाव : प्रतिनिधी  राज्यातील २९ महापालिकांसाठी होणाऱ्या महापालिका निवडणुका २०२६ अवघ्या काही दिवसांवर येऊन ठेपल्या असून, आजपासून अधिकृतपणे निवडणूक प्रक्रियेला सुरुवात झाली आहे. उमेदवारी अर्ज भरण्याची प्रक्रिया आजपासून सुरू होऊन ३० डिसेंबरपर्यंत चालणार आहे. ३१ डिसेंबर रोजी अर्जांची छाननी, तर २ जानेवारीपर्यंत अर्ज मागे घेण्याची मुदत देण्यात आली आहे. ३ जानेवारी रोजी अंतिम उमेदवार यादी व निवडणूक चिन्हांचे वाटप होणार असून, १५ जानेवारी २०२६ रोजी एकाच टप्प्यात मतदान, तर १६ जानेवारीला निकाल जाहीर होणार आहेत. अवघे २३ दिवस हातात असताना राज्यातील राजकीय वातावरण प्रचंड तापले असून, प्रत्यक्ष निवडणूक तयारीपेक्षा युती-आघाडीतील गोंधळ आणि जागावाटपाच्या तिढ्यामुळेच अधिक चर्चा रंगताना दिसत आहेत. निवडणूक…

जळगाव : प्रतिनिधी  नशिराबाद रस्त्यावरील चिरमाडे पेट्रोल पंपासमोर सोमवारी रात्री ७वाजेच्या सुमारास भुसावळकडून जळगावकडे येणाऱ्या भरधाव कारने जळगावकडून अमरावतीकडे जाणाऱ्या मालवाहू वाहनाला जोरदार धडक दिली. यात कारमधील दोघे गंभीर जखमी झाले असून, त्यांना तातडीने जीएमसीत दाखल करण्यात आले आहे. धडक दिल्यानंतर कार रस्त्याच्या कडेला असलेल्या खड्ड्यात जाऊन फेकली गेली. याच वेळी एअर बॅग उघडल्याने चालक व त्याच्या बाजूला बसलेला प्रवासी थोडक्यात बचावला. तर मालवाहू वाहन रस्त्यावरील दुभाजकावर चढले. मिळालेल्या माहितीनुसार, भुसावळकडून जळगावकडे मारुती बलेनो चारचाकी (क्रमांक एमएच-१९, सीव्ही ६३८७) येत होती. तर महेंद्र पिकअप मालवाहू वाहन जळगावकडून अमरावतीकडे खजूर घेऊन जात होते. चिरमाडे पेट्रोल पंपासमोर भरधाव कारने मालवाहू वाहनाला जोरदार…

जळगाव : प्रतिनिधी  शहरातील खोटे नगर परिसरातून हॉटेल समोर बांधलेली हॉटेल मालकाची गाय चोरट्यांनी कारमध्ये कोंबून चोरून नेली. ही धक्कादायक घटना रविवार दि. २१ डिसेंबर रोजी मध्यरात्री १ वाजता समोर आली आहे. गाय चोरून नेतांना चोरटे सीसीटीव्ही कॅमेऱ्यात कैद झाले असून याबाबत पोलीस ठाण्यात तक्रार देण्यात आली आहे. मिळालेल्या माहितीनुसार, शहरातील खोटे नगर भागात असलेल्या ‘गावकरी हॉटेल’च्या समोर हॉटेल मालकाची गाय बांधलेली होती. रात्रीच्या सुमारास दोन अज्ञात इसम पांढऱ्या रंगाच्या ब्रेजा कारमधून त्या ठिकाणी आले. त्यांनी अत्यंत सराईतपणे गाईला ओढत गाडीच्या मागील डिक्कीत कोंबले. काही सेकंदातच हा सर्व प्रकार आटोपून चोरट्यांनी गाडीसह तिथून पलायन केले. ही संपूर्ण थरारक चोरी हॉटेलच्या…

चाळीसगाव : प्रतिनिधी नगरपालिका निवडणुकीत अपक्ष उमेदवारामुळे आपला पराभव झाल्याच्या रागातून अपक्ष उमेदवार राकेश भीमराव बोरसे यांच्या घरावर दगडफेक करून शिवीगाळ व जीवे मारण्याची धमकी दिल्याप्रकरणी चौघांविरुद्ध गुन्हा दाखल करण्यात आला आहे. ही घटना २१ रोजी दुपारी २.४५ वाजता स्वामी विवेकानंद कॉलनीत घडली असून, या प्रकारामुळे बोरसे कुटुंबात भीतीचे वातावरण निर्माण झाले आहे. प्रभाग क्रमांक ३ मधून एका पक्षाचा उमेदवार पराभूत झाला असून, त्यास अपक्ष उमेदवार कारणीभूत असल्याचा आरोप करत शिवराज पाटील, रोहित चौधरी, अजय राजपूत, नीलेश चौधरी यांच्यासह अन्य काही जणांनी बोरसे यांच्या घरासमोर जाऊन मोठमोठ्याने शिवीगाळ केली. “तुम्ही अपक्ष का उभे राहिलात? तुमच्यामुळे नितीन पाटील यांचा पराभव झाला”…

जळगाव : प्रतिनिधी रावेर तालुक्यातील वाघोदा या मूळ गावी कुटुंब देवदर्शनासाठी गेलेले असताना घराचे कुलूप तोडून चोरट्यांनी रोख चार हजार रुपयांसह सोने-चांदीचे दागिने असा एकूण एक लाख ४८ हजार रुपयांचा ऐवज चोरून नेला. ही घटना २० डिसेंबर रोजी रात्री उघडकीस आली. या प्रकरणी रामानंद नगर पोलिस ठाण्यात अज्ञात चोरट्याविरुद्ध गुन्हा दाखल करण्यात आला आहे. शिव कॉलनीमधील रहिवासी सुभाष रघुनाथ महाजन (७२) हे कुटुंबासह २० डिसेंबर रोजी सकाळी वाघोदा या मूळ गावी देवदर्शनासाठी गेले होते. पुढील तपास उपनिरीक्षक सचिन रणशेवरे करीत आहेत. चोरट्यांनी घराच्या दरवाजाचे कुलूप तोडून घरातून रोख चार हजार रुपयांसह सोनेचांदीचे दागिने, वस्तू मिळून एकूण एक लाख ४८ हजार…

आजचे राशिभविष्य दि.२३ डिसेंबर २०२५ मेष राशी आज तुम्ही जे काही कराल ते मनापासून करा. तुम्हाला एक नवीन अनुभव मिळेल. मानसिक समस्या दूर होतील, ज्यामुळे तुम्ही आनंदी राहाल. तुमच्या सामाजिक ओळखी आणि आदर देखील वाढेल. वृषभ राशी आज तुम्हाला समजुतदारपणे वागावे लागेल आणि त्यानंतरच तुम्हाला चांगले परिणाम मिळतील. तुमच्या वडिलांचे आशीर्वाद तुम्हाला मिळतील, ज्यामुळे तुमची सकारात्मकता वाढेल. मिथुन राशी नकारात्मक विचारांमुळे दुःखी वाटू शकेल. तुमच्या कुटुंबात आनंद परत यावा यासाठी तुम्हाला लवकरात लवकर या विचारांतून बाहेर पडण्याची आवश्यकता आहे. कर्क राशी नोकरी करणाऱ्यांना चांगले उत्पन्न मिळेल. काही प्रयत्नांनंतर मालमत्तेशी संबंधित समस्या सोडवल्या जातील. तुमचे तुमच्या नातेवाईकांशी चांगले संबंध निर्माण होतील.…

नागपूर : प्रतिनिधी राज्यातील नगरपरिषद व नगरपंचायत निवडणुकांत महायुतीने मिळवलेल्या ऐतिहासिक विजयाचा जल्लोष आज नागपूर येथील मुख्यमंत्री देवेंद्र फडणवीस यांच्या ‘रामगिरी’ बंगल्यावर पाहायला मिळाला. या निवडणुकांत भारतीय जनता पक्षाने एकट्याने २०० हून अधिक नगराध्यक्ष निवडून आणत विरोधकांचा सुपडा साफ केला आहे. या विजयानंतर नागपूर जिल्ह्यातील तसेच राज्यभरातील भाजपचे नवनिर्वाचित नगराध्यक्ष व नगरसेवकांनी मुख्यमंत्री देवेंद्र फडणवीस यांची भेट घेतली. यावेळी रामगिरी बंगल्यावर मुख्यमंत्री फडणवीस यांच्या हस्ते विजयी प्रतिनिधींचा सत्कार करण्यात आला. यावेळी बोलताना मुख्यमंत्री देवेंद्र फडणवीस म्हणाले, “महाराष्ट्रात भाजपच नंबर एकचा पक्ष आहे, हे पुन्हा एकदा सिद्ध झाले आहे. राज्यातील तब्बल ७५ टक्के नगराध्यक्ष महायुतीचे निवडून आले आहेत. महाविकास आघाडीचे केवळ…

पुणे : वृत्तसंस्था  आगामी पुणे व पिंपरी-चिंचवड महापालिका निवडणुकांच्या पार्श्वभूमीवर राज्याच्या राजकारणात नवे समीकरण आकाराला येण्याची चिन्हे दिसू लागली आहेत. सत्ताधारी राष्ट्रवादी काँग्रेसचे अध्यक्ष तथा उपमुख्यमंत्री अजित पवार यांनी आपला मित्रपक्ष असलेल्या भाजपला शह देण्यासाठी थेट काँग्रेसशी हातमिळवणी करण्याचे प्रयत्न सुरू केल्याची माहिती आहे. याच अनुषंगाने अजित पवार यांनी काँग्रेस नेते सतेज पाटील यांच्याशी दूरध्वनीवरून चर्चा केल्याचे समोर आले आहे. काही दिवसांपूर्वी मुख्यमंत्री देवेंद्र फडणवीस यांनी पुणे व पिंपरी-चिंचवड महापालिकेत भाजप राष्ट्रवादी काँग्रेससोबत युती करणार नसल्याचे स्पष्ट केले होते. त्यामुळे राष्ट्रवादी काँग्रेस स्वबळावर निवडणूक लढवणार, असा अंदाज बांधला जात असतानाच अजित पवारांनी काँग्रेसकडे मैत्रीचा हात पुढे केल्याने राजकीय चर्चांना वेग…