Author: editor desk

जळगाव : प्रतिनिधी चोपडा शहर पोलिसांनी आंतरजिल्हा गुन्हेगार टोळीचा मोठा डाव उधळून लावत मध्यरात्री थरारक कारवाईत पाच जणांना अटक केली आहे. दरोडा टाकण्याच्या तयारीत असलेल्या या टोळीचा पर्दाफाश करत पोलिसांनी दोन संशयितांना पसार होण्यापासून रोखण्याचा प्रयत्न केला; मात्र अंधाराचा फायदा घेत ते फरार झाले. या कारवाईमुळे परिसरात एकच खळबळ उडाली आहे. मिळालेल्या माहितीनुसार, चोपडा शहर पोलीस नियमित गस्तीवर असताना संशयास्पद हालचाली आढळून आल्या. वरिष्ठ अधिकाऱ्यांच्या मार्गदर्शनाखाली पोलिसांनी तत्काळ सापळा रचला. रात्री सुमारे साडेअकराच्या सुमारास एका कारमध्ये पाच जण बसलेले दिसले, तर दोन जण बाहेर उभे राहून चर्चा करत होते. पोलिसांची चाहूल लागताच बाहेरील दोघे पळून गेले; मात्र पोलिसांनी तत्परता दाखवत…

अमळनेर : प्रतिनिधी भरदिवसा व्यापाऱ्याच्या डोळ्यात मिरचीपुड फेकून त्यांच्याजवळील ५ लाख २७ हजारांची बॅग लुटणाऱ्या सराईत गुन्हेगार मनोज खुशाल उर्फ अशोक मोकळ (वय २६, रा. दंडेवाला नगर, मोहाडी, ता. धुळे) याला स्थानिक गुन्हे शाखेच्या पथकाने अटक केली. त्याच्या अन्य दोघ साथीदारांचा पोलिसांकडून कसून शोध घेतला जात आहे. अमळनेर येथील लामा जिनिंगचे मालक यतीन विनोद कोठारी (वय ४८) हे दि. २५ फेब्रुवारी रोजी दुचाकीने जिनिंगमध्ये जात होते. पिंपळे रोडवर मोटारसायलवरुन आलेल्या तिघांनी त्यांना अडवून त्यांच्या डोळ्यात मिरची पुड टाकली, आणि त्याच्याजवळ असलेली ५ लाख २७हजार रुपयांची रोकड असलेली बॅग हिसकावून ते पसार झाले. याप्रकरणी गुन्हा दाखल करण्यात आला होता. या घटनेचे…

यावल : प्रतिनिधी तालुक्यातील हरिपुरा येथूनजवळच सातपुड्याच्या पायथ्याशी असलेल्या हरिपुरा धरणाच्याजवळ ३८ वर्षीय तरुणाचा मृतदेह पोलिसांना मिळून आला आहे. त्याचा मृतदेह तेथून यावल ग्रामीण आणण्यात आला. अनोळखी तरुणाची ओळख पटवण्याचे आवाहन पोलिसांनी केले आहे. याप्रकरणी यावल पोलीस ठाण्यात अकस्मात मृत्यूची नोंद करण्यात आली आहे. हरिपुरा ता. यावल येथून जवळच सातपुड्याच्या पायथ्याशी हरिपूरा धरण आहे. या धरणाच्या एका कोरड्या क्षेत्रात एक सुमारे ३८ वर्षीय वयोगटातील तरुणाचा मृतदेह हा बुधवारी मिळून आला. याची माहिती हरिपुरा पोलीस पाटील ज्योत्ना तडवी यांनी यावल पोलिसांना दिली. पोलिसांचे पथक त्या ठिकाणी गेले. पंचनामा करून मृतदेह यावल ग्रामीण रुग्णालयात ठेवण्यात आला आहे. तपास पोलीस निरिक्षक रंगनाथ धारबळे…

जळगाव : प्रतिनिधी अवैध वाळू वाहतुकीवर कारवाई करण्यासाठी गेलेल्या महसूल विभागाच्या पथकातील मंडळ अधिकाऱ्याला धक्काबुक्की व मारहाण केल्याची धक्कादायक घटना घडली आहे. या प्रकरणी शासकीय कामात अडथळा निर्माण करून जीवे मारण्याची धमकी दिल्याप्रकरणी चार संशयितांविरुद्ध पोलीस ठाण्यात गंभीर कलमान्वये गुन्हा दाखल करण्यात आला आहे. मिळालेल्या माहितीनुसार,  गिरड मंडळाचे अधिकारी दिनेश लक्ष्मणराव येडे आणि त्यांचे पथक पिंपरखेड गावाजवळ अवैध वाळू उत्खनन व वाहतुकीवर लक्ष ठेवण्यासाठी गस्त घालत होते. या वेळी त्यांना वाळूने भरलेले एक निळ्या रंगाचे स्वराज ट्रॅक्टर (एमएच- २०, जीक्यू- १६८०) दिसले. पथकाने ट्रॅक्टर थांबवण्याचा प्रयत्न केला असता, चालकाने ते वेगाने पळवून नेले. काही अंतरावर ट्रॅक्टर अडवल्यावर त्यात सुमारे सव्वा ब्रास…

जळगाव : प्रतिनिधी अनैतिक संबंधाच्या संशयावरुन दिपाली नितीन सोनवणे (वय ३०, रा. निमखेडी, ता. जळगाव) या विवाहितेचा तीच्या पतीने विळ्याने वार करीत निघुण खून केला. त्यानंतर संशयित नितीन विजय सोनवणे (वय ३८) हा स्वतःहून पोलीस ठाण्यात हजर होवून त्याने पोलिसांना आपण खून केल्याची माहिती दिली. ही घटना शुक्रवार दि. २० रोजी दुपारी साडेतीन वाजेच्या सुमारास निमखेडी गावात घडली. ऐन गुढीपाडवा सणाच्या दिवशी खून झाल्यामुळे गावात एकच खळबळ माजून केली असून याप्रकरणी रात्री उशिरापर्यंत तालुका पोलीसात गुन्हा दाखल करण्यात आला. मिळालेल्या माहितीनुसार,   शहरालगत असलेल्या निमखेडी शिवारात दिपाली सोनवणे ही विवाहिता पती, तीन मले व सासूसह वास्तव्यास होती. तीचा पती हा हातमजूरी…

आजचे राशिभविष्य दि.२० मार्च २०२६ मेष राशी दीर्घकाळ सुरू असलेल्या समस्येतून तुम्हाला दिलासा मिळेल. आध्यात्मिक आणि धार्मिक कार्यात काही वेळ घालवल्याने तुमची सकारात्मकता वाढेल. वैद्यकीय विद्यार्थ्यांना त्यांच्या वरिष्ठांकडून पाठिंबा मिळेल. देवी दुर्गेला लवंगा अर्पण करा, सर्व काही ठीक होईल. वृषभ राशी आज, तुम्ही पूर्वी पूर्ण केलेल्या छोट्या कामांचे सकारात्मक परिणाम तुम्हाला दिसतील. तुम्हाला जीवनातील वास्तवाची जाणीव होईल. कोणत्याही प्रतिकूल परिस्थितीत तुम्ही तुमचे मनोधैर्य टिकवून ठेवाल. जर तुम्ही तुमचा मुद्दा शांतपणे आणि संयमाने मांडण्याचा प्रयत्न केला, तर सर्व काही ठीक होईल. देवी दुर्गेची आरती करा, आणि तुमच्या आरोग्यात सुधारणा होईल. मिथुन राशी आजचा दिवस कौटुंबिक देखभाल आणि सुधारणेच्या कामांमध्ये जाईल. घरातील…

छत्रपती संभाजी नगर : वृत्तसंस्था राज्यात सध्या अवकाळी पावसाने धुमाकूळ घातला असून अनेक भागांत वादळी वाऱ्यासह गारांचा पाऊस सुरू आहे. या नैसर्गिक आपत्तीचा मोठा फटका शेती पिकांना बसत असल्याने शेतकरी चिंतेत आहे. विशेषतः फळबाग उत्पादक शेतकरी द्राक्ष, आंबा, काजू आणि केळी यांसारख्या नगदी पिकांच्या अतोनात नुकसानीची भीती व्यक्त करत आहेत. छत्रपती संभाजीनगर जिल्ह्यातील सोयगाव शहरात दुपारी अचानक ढगांच्या कडकडाटासह जोरदार पाऊस आला. या गारपिटीमुळे शहरात घरांच्या छतावर आणि रस्त्यांवर पांढराशुभ्र थर साचला, तर नागरिकांमध्ये मोठी धावपळ उडाली. मार्च महिन्याच्या उत्तरार्धात आलेल्या या अचानक गारपिटीमुळे वातावरण तात्पुरते गार झाले असले तरी शेती आणि फळबागांना होणाऱ्या संभाव्य नुकसानीची भीती अधिक वाढली आहे.…

नागपूर : वृत्तसंस्था “महाराष्ट्रातील प्रत्येक नागरिकाच्या जीवनात सकारात्मक बदल घडवून राज्याला पुढे नेणे, हाच आपल्या नव्या वर्षाचा संकल्प आहे,” असे प्रतिपादन मुख्यमंत्री देवेद्न फडणवीस यांनी गुढीपाडव्याच्या निमित्ताने केले. गुढीपाडवा निमित्त नागपुरात आयोजित भव्य शोभायात्रेत सहभागी झाल्यानंतर ते बोलत होते. आधुनिकतेसोबतच प्राचीन परंपरा, संस्कृती आणि सांस्कृतिक वारसा जपण्याचा हा उपक्रम असल्याचे त्यांनी नमूद केले. तसेच नरेंद्र मोदी यांनीही ‘विकास आणि विरासत’ या संकल्पनेवर भर दिल्याचा उल्लेख त्यांनी केला. दरम्यान, काही दिवसांपूर्वी राजीनामा प्रकरणामुळे नाराज असल्याचे म्हटले जात असलेले आमदार संदीप जोशी यांची नाराजी दूर झाल्याचेही यावेळी स्पष्ट झाले. संदीप जोशी आणि मित्रपरिवारातर्फे दरवर्षी या शोभायात्रेचे आयोजन केले जाते आणि आपण दरवर्षी…

पुणे : वृत्तसंस्था बारामतीसह राज्यातील दोन विधानसभेच्या पोटनिवडणुकांबाबत महाविकास आघाडीत अद्याप अंतिम निर्णय झालेला नसल्याचे स्पष्ट झाले आहे. या पार्श्वभूमीवर काँग्रेसने आक्रमक भूमिका घेत, शरद पवार गटाने निवडणूक लढवली नाही तर संबंधित जागांवर काँग्रेस उमेदवार देण्याचा इशारा दिला आहे. काँग्रेसचे विधिमंडळ पक्षनेते विजय वडेट्टीवार यांनी स्पष्ट केले की, बारामती पोटनिवडणुकीत सुप्रिया सुळे यांनी घेतलेल्या न लढण्याच्या भूमिकेशी काँग्रेस सहमत नाही. या संदर्भात महाविकास आघाडीत अद्याप अधिकृत चर्चा झालेली नसून, परस्पर चर्चेनंतरच अंतिम निर्णय घेतला जाईल, असेही त्यांनी नमूद केले. दरम्यान, बारामतीतील काँग्रेसच्या स्थानिक पदाधिकाऱ्यांनीही निवडणूक लढवण्याची तयारी दर्शवली आहे. राष्ट्रवादी काँग्रेसकडून उमेदवार न दिल्यास काँग्रेस स्वतःचा उमेदवार उभा करेल, असा…

मुंबई : वृत्तसंस्था  मराठी नववर्षाचा पहिला दिवस असलेला गुढीपाडवा सण आज राज्यभर मोठ्या उत्साहात आणि पारंपरिक जल्लोषात साजरा करण्यात आला. मुंबई, ठाणे, नागपूरसह अनेक शहरांमध्ये भव्य शोभायात्रांचे आयोजन करण्यात आले असून ढोल-ताशांच्या गजरात आणि भगव्या पताकांनी सजलेल्या वातावरणात संपूर्ण महाराष्ट्र रंगून गेला. राज्यातील प्रमुख शहरांमध्ये नागरिकांनी पारंपरिक वेशभूषेत मोठ्या उत्साहाने सहभाग नोंदवला. नववर्षाच्या स्वागतासाठी घराघरांत गुढी उभारण्यात आल्या असून नव्या संकल्पांसह वर्षाची सुरुवात करण्यात आली. नागपूर येथे आयोजित भव्य शोभायात्रेत मुख्यमंत्री फडणवीस यांनी उपस्थिती लावली. यावेळी सामूहिक रामरक्षा पठणाचे आयोजन करण्यात आले होते. गुढीपाडवा हा आपल्या संस्कृतीचा महत्त्वाचा सण असल्याचे सांगत त्यांनी नव्या वर्षात सकारात्मक संकल्प घेऊन पुढे जाण्याचे आवाहन केले.…