Author: editor desk

जळगाव : प्रतिनिधी विना परवाना रिक्षा चालवणे, कागदपत्रे नसे, गणवेश न घालणे यासह नियमांचे पालन न करणाऱ्या बेशिस्त रिक्षा चालकांविरुद्ध प्रादेशिक परिवहन विभाग व शहर वाहतुक शाखेच्या वतीने बुधवारी सकाळपासून कारवाईची मोहीम राबविली. दोनशे पोलीसांच्या फौजफाट्याासह शहरात विविध ठिकाणी २५० रिक्षांवर कारवाई करुन त्या पोलीस अधीक्षक कार्यालयाच्या आवारात जमा करण्यात आल्या, त्यांच्याकडून सुमारे १ लाख ९२ हजार ५०० रुपयांचा दंड वसुल करण्यात आला आहे. शहरातील वाहतुकीला शिस्त लागावी तसेच शहरात होणारे अपघात टाळण्यासाठी गेल्या आठवड्यात शहर वाहतुक शाखेकडून महाविद्यालयालयीन विद्याथ्यांविरुद्ध कारवाईची मोहीम राबविली होती. यावेळी शंभराहून अधिक दुचाकी जप्त करुन त्यांच्या पालकांना दंड ठोठवण्यात आला होता. त्यानंतर आता रिक्षाचालकांविरुद्ध मोहीम…

जळगाव  : प्रतिनिधी इंडोफिल इंडस्ट्रीज लिमिटेड, मुंबई या कंपनीचे मॅकोझेब ७५% हे शेतीपयोगी बुरशीनाशक एम ४५ नावाने अधिकृत विक्री होत असते. भुसावळ शहरातील वाल्मिक नगर येथे सदर कंपनीचा लोगो, ब्रँड नेम, समान रंग संगती असणारे पाकिटे तयार करून बनावट एम ४५ बुरशीनाशक शेतकऱ्यांना विक्री करण्यासाठी तयार करण्यात असल्याचे गोपनीय सुत्रांकडून जिल्हा गुण नियंत्रण पथकातील अधिकारी विकास बोरसे जिल्हा गुणनियंत्रण निरीक्षक व जिल्हा मोहीम अधिकारी विजय पवार यांना समजले. विभागीय कृषी सहसंचालक सुभाष काटकर, जिल्हा अधीक्षक कृषी अधिकारी कुर्बान तडवी, कृषी विकास अधिकारी पद्मनाभ म्हस्के व पोलिस निरीक्षक राहुल वाघ यांच्या मार्गदर्शनाखाली कारवाईचे नियोजन पाकिटे १०१०, बुरशीनाशक म्हणून वॉल पुट्टीच्या बॅग,…

पाचोरा : प्रतिनिधी शहरातील नगरपालिकेसमोरिल शॉपिंग सेंटरमधील कृषी सेवा केंद्रास अचानक आग लागल्याने परिसरात खळबळ उडाली होती. तत्काळ पालिकेचे अग्निशमन बंब दाखल झाल्याने ही आग विझवण्यात यश आले. सुदैवाने या आगीत कुठलीही जीवीतहानी झाली नसली तरी कृषी केंद्र चालकाचे जवळपास ८ लाखांचे नुकसान झाल्याचा अंदाज वर्तवण्यात आला आहे. मिळालेल्या माहितीनुसार, शहरातील रेल्वे स्थानक रोडवर रामराव पाटील यांनी गेल्या ६ महिन्यांपूर्वी धरती धन कृषी सेवा केंद्र या नावाने भाडेतत्त्वावर दुकान सुरू केले होते. १८ डिसेंबर रोजी नेहमीप्रमाणे सायंकाळच्या वेळेस ग्राहक नसल्याने रामराव पाटील हे सायंकाळी ५ वाजता कृषी सेवा केंद्र बंद करुन शहरातील गणेश कॉलनी स्थित घरी निघून गेले. दरम्यान, सायंकाळी…

जळगाव : प्रतिनिधी कामावरुन दुचाकीने घरी जात असताना भरधाव ट्रकने धडक दिल्यामुळे दुचाकीस्वार विठ्ठल पांडुरंग शेळके (५५, रा. रामेश्वर कॉलनी) हे जागीच ठार झाले. हा अपघात बुधवारी (१८ डिसेंबर) रात्री साडेनऊ वाजेच्या सुमारास अजिंठा चौफुलीवर झाला. याप्रकरणी रात्री उशिरापर्यंत एमआयडीसी पोलिसात ट्रक चालकाविरुद्ध गुन्हा दाखल करण्याचे काम सुरु होते. मिळालेल्या माहितीनुसार, रामेश्वर कॉलनीतील विठ्ठल शेळके हे एका नाश्त्याच्या दुकानावर कामाला होते. रात्री दुकानातून ते दुचाकीने घरी जात असताना भुसावळकडून ईच्छादेवी चौफुलीकडे भरधाव वेगाने जाणाऱ्या ट्रकने (जीजे १४, एटी २४२४) दुचाकीस्वार विठ्ठल शेळके यांना धडक दिली. या घटनेत शेळके यांचा जागीच मृत्यू झाला. अपघाताची माहिती मिळताच एमआयडीसी पोलिस ठाण्याच्या कर्मचाऱ्यांनी घटनास्थळी…

जळगाव : प्रतिनिधी जळगाव ते भुसावळ मार्गावर आयोजित धार्मिक कार्यक्रमाच्या वेळी शांता कमलाकर वाणी (७८, रा. मुक्ताईनगर परिसर, जळगाव) यांच्या गळ्यातील ७० हजार रुपये किमतीची सोन्याची पोत अज्ञात चोरट्याने चोरून नेली. ही घटना १६ डिसेंबर रात्री ८ वाजेच्या सुमारास घडली. या प्रकरणी १७ डिसेंबर रोजी एमआयडीसी पोलिस ठाण्यात अज्ञात चोरट्याविरुद्ध गुन्हा दाखल करण्यात आला आहे. मिळालेल्या माहितीनुसार, जळगाव ते भुसावळ मार्गावर धार्मिक कार्यक्रमाचे आयोजन करण्यात आलेले होते. शांता वाणी यादेखील या धार्मिक कार्यक्रमासाठी गेल्या होत्या. रात्री ८ वाजण्याच्या सुमारास अज्ञात चोरट्याने त्यांच्या गळ्यातील ७० हजार रुपये किमतीची सोन्याची पोत चोरून नेली. हा प्रकार लक्षात आल्यानंतर त्यांनी एमआयडीसी पोलिस ठाण्यात फिर्याद…

जळगाव : प्रतिनिधी भरधाव बसने ट्रकला मागील बाजूने धडक दिल्यामुळे ट्रक रस्त्याच्या कडेला उलटला. यामध्ये ट्रकमधील अनिल समाधान पाटील हे जखमी झाले. हा अपघात १६ डिसेंबर रोजी रात्री महामार्गावर पोदार शाळेजवळ झाला. याप्रकरणी बसचालकाविरुद्ध तालुका पोलिस ठाण्यात गुन्हा दाखल करण्यात आला आहे. मिळालेल्या माहितीनुसार, ट्रकचालक मिलिंद अशोक सोनवणे २८, रा. बांभोरी प्र.चा., ता. धरणगाव) हे त्यांचा ट्रक (क्र. एमएच १९, सीवाय ६५५६) बांभोरीकडून जळगावकडे घेऊन येत होते. त्यावेळी जळगावकडून बांभोरीकडे जाणाऱ्या बसचा चालक आनंदा दामू माळी (रा विदगाव) याने दारूच्या नशेत बस (क्र. एमएच १४, बीटी २३०४) भरधाव चालवत ट्रकला जोरदार धडक दिली. त्यामुळे ट्रक उलटली व ट्रकमधील अनिल पाटील…

मेष राशी आज कौटुंबिक बाबींमध्ये नम्रपणे बोला. सहकार्याची भावना ठेवा. प्रियजनांकडून मोठ्या अपेक्षा ठेवू नका. व्यवस्थापन धोरणांमध्ये शहाणपण वाढवा. टीका करणाऱ्या विरोधकांबद्दल संवेदनशीलता दाखवू नका. वरिष्ठाशी चांगला संवाद राखा. वृषभ राशी आज तुम्ही सामाजिक आघाडीवर पूर्ण क्षमतेने आणि आत्मविश्वासाने उभे राहाल. व्यावसायिक अपेक्षांनुसार कामगिरी कायम ठेवा. स्वतःवर आत्मविश्वास ठेवा. कामाच्या ठिकाणी नियोजनबद्ध पद्धतीने काम कराल. व्यवसायात वाढ होण्याची शक्यता आहे. मिथुन राशी आज कौटुंबिक वातावरण लाभदायक राहील. कुटुंबीयांची मदत मिळेल. अपूर्ण कामे पूर्ण होतील. कार्यक्षेत्रातील अडथळे दूर होतील. नोकरी आणि नोकरीत प्रगती होईल. नवीन मित्रांसोबत पर्यटनस्थळी आनंद लुटाल. शेअर्स आणि लॉटरीमधून पैसे मिळवणे शक्य आहे. कोणत्याही राजकीय क्षेत्राशी निगडित एखाद्या…

पाचोरा : प्रतिनिधी महिलेने नावातील साधर्म्याचा गैरफायदा घेत बनावट कागदपत्रे सादर करून पाचोरा दुय्यम निबंधक कार्यालयात बिनशेती प्लॉटची परस्पर विक्री करत खरेदीखत नोंदवले. ही घटना उघडकीस आल्यानंतर दोन साक्षीदारांना अटक करण्यात आली आहे. याप्रकरणातील महिलेचा शोध पोलिसांनी सुरू केला आहे. पुंडलिक काशीनाथ पाटील (रा. जारगाव), अक्षय आधार बडगुजर (रा. लोहारी) अशी अटकेत असलेल्या साक्षीदारांची नावे आहेत. त्यांना न्यायालयात हजर केले असता दोन दिवसांची पोलिस कोठडी सुनावण्यात आली. मिळालेल्या माहितीनुसार, पाचोरा येथील दुय्यम निबंधक कार्यालयात दि. ७ ऑक्टोबर रोजी दुपारी १ ते १:३० च्या सुमारास हा प्रकार घडला. या बनावट महिलेने गट नंबर १३४च्या २मधील प्लॉट नंबर ९ क्षेत्रफळ १८० चौरस…

धरणगाव : प्रतिनिधी दुचाकीच्या समोरासमोर झालेल्या धडकेत जखमी झालेल्या गारखेडा येथील अल्पवयीन मुलाचा जळगाव येथे उपचार घेत असताना मृत्यू झाला. अपघाताची घटना सोमवारी सायंकाळी गारखेडा-धरणगाव रस्त्यावर घडली. मिळालेल्या माहितीनुसार, सोमवारी सायंकाळी साडेसात वाजण्याच्या सुमारास मित्राचा वाढदिवस असल्याने प्रथमेश सुधाकर पाटील (गारखेडे), तसेच वैभव विठ्ठल देशमुख (अनोरे), हितेश भगवान भोई (अनोरे), शिवराज पंकज पाटील (गारखेडे) हे इयत्ता नववीत शिकणारे चौघे मित्र धरणगाव येथे केक घेण्यासाठी दुचाकी क्रमांक एम.एच.१९, बी.सी. ८३५५ ने धरणगावकडे निघाले होते. त्यांची धडक समोरून येणाऱ्या दुचाकी क्रमांक एम.एच. १९, ए.बी. ७०९८ सोबत झाली. या दुचाकीवरून शेखर जितेंद्र महाजन (१९) आणि गायत्री जितेंद्र महाजन (२८) हे भाऊ-बहीण अनोरेकडे जात…

जळगाव : प्रतिनिधी घराबाहेर दुचाकी उभी करून पार्सल देण्यासाठी गेलेल्या ‘कुरियर बॉय’च्या बॅगमधून एका जणाने दोन पार्सल चोरून नेले. हा प्रकार मंगळवारी (दि. १७ डिसेंबर) दुपारी १२ वाजेच्या सुमारास गणपतीनगरात घडला. बॅगमधून चोरी करताना चोरटा सीसीटीव्ही कॅमेऱ्यात कैद झाला आहे. मिळालेल्या माहितीनुसार, प्रशांत युवराज पवार (३७, रा. पिंप्राळा) हे कुरियर वाटपाचे काम करतात. मंगळवारी (दि. १७ डिसेंबर) दुपारी १२ वाजता दिवसातील पहिलेच पार्सल देण्यासाठी ते गणपतीनगरात गेले. त्यांनी दुचाकी घराच्या बाहेर उभी करून ते पार्सल देण्यासाठी गेले. त्यावेळी रस्त्यावरून जाणाऱ्या एका जणाने दुचाकीवर ठेवलेल्या बॅगेतून टी-शर्ट आणि जॅकेट असलेले अंदाजे १० हजार रुपये किमतीचे दोन पार्सल चोरून नेले. दुचाकीजवळ आल्यानंतर…