लाखो रूपयांचे मोठे नुकसान; आगीचे कारण अस्पष्ट
जळगाव प्रतिनिधी । । एमआयडीसीतील मानराज सुझुकी शोरूममधील सोलार ईलेक्ट्रीक पॅनलला बुधवारी ८ जानेवारी रोजी सकाळी अचानक आग लागल्याची घटना घडली आहे. या आगीत लाखो रूपयांचे नुकसान झाले आहे. ही आग लागल्याची माहिती मिळताचा जळगाव महानगर पालिकेचे अग्निशमन बंब घटनास्थळी दाखल झाले. दरम्यान ही आग कश्यामुळे लागली याची माहिती समोर आलेली नाही. या आगीबाबत एमआयडीसी पोलीस ठाण्यात नोंद घेण्याचे काम सुरू होते.
जळगाव जिल्ह्यात आज राज्यपाल सी.पी.राधाकृष्णन याचा विद्यापीठात दौरा आहे. यानिमित्ताने जळगाव विमानतळ येथे त्यांचे आगमन झाले. त्याचा ताफा या मार्गावरून असतांना महामार्गावरील मानराज सुझुकी कारच्या शोरूमच्या सोलर इलेक्ट्रिक पॅनलमध्ये बिघाड झाल्यामुळे आग लागली आहे. आग लागल्याचे समजताच कर्मचाऱ्यांनी तातडीने अग्निशमन दलाला माहिती दिली. तसेच एमआयडीसी पोलीस स्टेशनला माहिती मिळताच त्यांनी घटनास्थळी धाव घेतली. दरम्यान आगीचे वृत्त कळताच परिसरातील नागरिकांनी मोठी गर्दी केली आहे. दरम्यान ही आग कशामुळे लागली याची माहिती अद्याप समोर आलेली नाही.
