नाशिक : वृत्तसंस्थास
नाशिक जिल्ह्यात अनेक भागात अल्पवयीन मुलीसह महिलाचा विनयभंग केल्याची घटना नियमित घडत असतांना मखमलाबाद येथे हॉटेल हिंदकेसरी समोरून रस्त्याने पायी जाणा-या अल्पवयीन मुलीचा पाठलाग करून त्रिकुटाने तिचा विनयभंग केल्याची घटना घडली. याप्रक्रणी म्हसरूळ पोलिस ठाण्यात विनयभंगासह पोस्को कायद्यान्वये गुन्हा दाखल करण्यात आले आहे.
मिळालेल्या माहितीनुसार, अल्पवयीन पीडितेने दिलेल्या तक्रारीनुसार ती मंगळवारी (दि.२६) सायंकाळच्या सुमारास परिसरातील हॉटेल हिंदकेसरी समोरून पायी जात असतांनापाठीमागून पाठलाग करीत आलेल्या संशयित आरोपी ओंकर पांडुरंग चारोस्कर (वय २०), राहुल सिताराम लिलके (वय २०) व किरण शंकर काबडी (वय २०, सर्व रा. मातोरी) यांनी तिची वाट अडविली.
यावेळी एकाने तुझ्याशी बोलायचे असे म्हणून थांबविण्याचा प्रयत्न केला. मात्र मुलीने त्यांना न जुमानता निघून जाण्याचा प्रयत्न केला असता संशयितांनी दमदाटी करीत तिचा विनयभंग केला. अधिक तपास उपनिरीक्षक घडवजे करीत आहेत.
