कर्की, ता. मुक्ताईनगर : प्रतिनिधी मनोज पाटील
आज सकाळी ठीक ९ वाजेच्या सुमारास मुक्ताईनगर तालुक्यातील विविध गावांमध्ये भूकंपाचे धक्के जाणवल्याची माहिती समोर आली आहे. कर्की गावासह अंतरखेडा, अंतुली आणि नरवेल या गावांमध्येही नागरिकांना भूकंपाचे हादरे जाणवले.
अचानक जमीन हादरल्याने नागरिकांमध्ये भीतीचे वातावरण निर्माण झाले. काही नागरिकांनी घरातील वस्तू हलल्याचा अनुभव सांगितला. सकाळच्या वेळेस अचानक जाणवलेल्या या धक्क्यांमुळे परिसरात एकच चर्चा सुरू झाली.
दरम्यान, भूकंपाची तीव्रता किती होती, भूकंपाचा केंद्रबिंदू कोणता होता आणि नेमक्या किती गावांमध्ये धक्के जाणवले, याबाबत अधिकृत माहितीची प्रतीक्षा आहे.
कर्की, अंतरखेडा, अंतुली आणि नरवेल परिसरातील नागरिकांमध्ये भूकंपाच्या धक्क्यांमुळे चिंतेचे वातावरण आहे.
