जळगाव : प्रतिनिधी
महिलांच्या अंगावर दुचाकीचा लाईट का चमविती याचा जाब विचारल्याने दोध तरुणांवर धारदार शस्त्राने हल्ला केला. यामध्ये किरण विठ्ठल पाटील (वय ४०) या तरुणाचा मृत्यू झाला, तर किशोर छगन पाटील (वय ४६, दोघ रा. माऊलीनगर) हे गंभीर जखमी झाले. ही घटना मंगळवार दि. २० ऑक्टोंबर रोजी रात्री १० वाजेच्या सुमारास भुसावळ रस्त्यावरील माऊली नगरात घडली. जखमीवर जिल्हा रुग्णालयात उपचार सुरु असून त्याची प्रकृती चिंताजनक असून पोलिसांनी तपासचक्र फिरवित काही वेळातच दोन संशयितांना वाव्यात घेतले आहे.
जखमी किशोर पाटील यांनी दिलेल्या माहितीवरुन, शहरातील भुसावळ रस्त्यावरील माऊली नगरात किरण पाटील है वास्तव्यास असून ते सुप्रिम कंपनीत नोकरीस आहे. ते परिसरात राहणाऱ्या किशोर पाटील यांच्यासह मित्र मंडळींसोबत परिसरातील मंडळ्ळाजवळ बसलेले होते, यावेळी त्याच परिसरात राहणारे काही तरुणांनी परिसरात राहणाऱ्या महिलांच्या अंगावर दुचाकीचा लाईट चमविला, दरम्यान, महिलांनी त्या तरुणांना जाच विचारला असता त्यांच्यात वाद झाला. हा प्रकार मंडळाजवळ बसलेल्या किरण पाटील यांना समजल्यानंतर त्यांनी लागलीच वाद सुरु असलेल्या ठिकाणी धाव घेत तरुणांना लाईट का चमवित आहात असा जाब विचारला. परंतू वाद घालणारे तरुण हे मद्याच्या नशेत असल्याचे परिसरातील नागरिकांनी सांगितले. जाब विचारल्यावरुन दारुच्या नशेत अखलेल्या तरुणांनी किरण पाटील यांच्यासोबत वाद घालीत त्यांना धक्काबुक्की करण्यास सुरुवात केली, या वादाचे रुपांतरण हाणामारीत झाल्यानंतर त्या तिघांपैकी एकाने त्याच्या जवळ असलेल्या धारदार शस्त्राने किरण पाटील यांच्या छातीवर वार केले. वार होताच किरण पाटील हे रक्ताच्या थारोळ्यात खाली कोसळले आणि त्यांचा लागलीच मृत्यू झाला.
सोबत राहणाऱ्या किरण पाटील यांना दारुच्या नशेत असलेले तरुणांकडून मारहाण होत असल्याने किशोर पाटील हे भांडण सोडवित असतांना त्या तिघांनी किशोर पाटील यांच्यावर देखील हल्ला केला. त्यांच्या छातीच्या उजव्या बाजूला धारदार शस्त्राने हल्ला केला असून ते गंभीर जखमी झाले आहे. परिसरातील नागरिकांनी दोघ जखमींना तात्काळ जिल्हा रुग्णालयात दाखल केले. याठिकाणी डॉक्टरांनी तपासणी केल्यानंतर किरण पाटील यांना मयत घोषीत केले. तर जखमी किशोर पाटील यांच्यावर उपचार सुरु आहे.
घटनेची माहिती मिळताच आमदार राजूमामा भोळे यांच्यासह नगरसेवकांनी जिल्हा रुग्णालयात धाव घेतली. त्यांनी घटनेची माहिती जाणून घेतल्यानंतर त्यांनी मक्ताच्या कुटुंचियांचे सांत्वन देखील केले. दरम्यान, जिल्हा रुग्णालयात मोठ्या प्रमाणात गर्दी केली होती. दरुच्या नशेत तरुणांवर वार करणारे संशयित हे पोलिसांच्या रेकॉर्डवरील गुन्हेगार असल्याची माहिती पोलिसांनी दिली. वार केल्यानंतर संशयित घटनास्थळहून पसार झाले, दरम्यान, पोलिसांकडून त्या संशयितांचा कसून शोध देखील घेतला जात आहे. दरम्यान, महिलांची छेड काढणाऱ्यांना हटकल्यामुळे संशयितांनी तरुणांवर हल्ला केल्यामुळे संशयितांना पोलिसांचा धाकच उरलेला नसल्याचे परिसरातील नागरिकांनी संताप व्यक्त केला आहे.
घटनेची माहिती मिळताच उपविभागीय पोलीस अधिकारी नितीन गणापुरे, एमआयडीसी पोलीस ठाण्याचे पोलिस निरीक्षक बचन आव्हाड, उपनिरीक्षक कृष्णा पाटील, आकाश राजपूत व गुन्हे शोध पथकातील कर्मचाऱ्यांनी घटनास्थळी धाव घेतली. त्यांनी घटनास्थळी माहिती जाणून घेत गुन्हे शोध पथक संशयितांच्या शोधार्थ रवाना झाले आहे.
