जळगाव : प्रतिनिधी
रस्त्याने पायी जाणाऱ्या मागून भरधाव वेगाने येणाऱ्या दुचाकीने जोरदार धडक दिली. या अपघातात मुरलीधर कृष्णा माळी (वय ४९, रा. दत्त मंदिराजवळ नशिराबाद, ता. जळगाव) यांचा मृत्यू झाला. ही घटना दि. २४ एप्रिल रोजी सकाळच्या सुमारास सॉ मीलजवळ घडली. याप्रकरणी नशिराबाद पोलिसात अकस्मात मृत्यूची नोंद करण्यात आली आहे.
मिळालेल्या माहितीनुसार, तालुक्यातील नशिराबाद यकेथील दत्त मंदिराजवळ मुरलीधर माळी हे वास्तव्यास आहे. दि. २४ एप्रिल रोजी सकाळी साडेनऊ वाजेच्या सुमारास गावातील दत्त मंदिर सॉ मीलजवळून पायी जात होते. यावेळी मागून भरधाव वेगाने येणाऱ्या दुचाकीने जोरदार धडक दिली. या अपघातात माळी हे गंभीररित्या जखमी झाले होते. त्यांना तात्काळ जिल्हा शासकीय वैद्यकीय महाविद्यालय व रुग्णालयात दाखल केले. याठिकाणी अतिदक्षता विभागात त्यांच्यावर उपचार सुरु होते. उपचार सुरु असतांना काही वेळातच मुरलीधर माळी यांचा दुर्देवी मृत्यू झाला. याप्रकरणी नशिराबाद पोलीस ठाण्यात अकस्मात मृत्यूची नोंद करण्यात आली आहे. तपास पोहेकॉ अतुल महाजन हे करीत आहे.
