जळगाव : प्रतिनिधी
जून्या घरगुती वादातून सागर सुपडू पाटील (वय २६, रा. शिरसोली प्र.न. ता. जळगाव) याच्यावर कुऱ्हाडीसह विळ्याने वार करीत गंभीर जखमी केले. ही घटना दि. १९ एप्रिल रोजी दुपारी ३ वाजेच्या सुमारास शिरसोली येथे घडली. याप्रकरणी तिघांविरुद्ध एमआयडीसी पोलीसात गुन्हा दाखल करण्यात आला आहे.
मिळालेल्या माहितीनुसार, तालुक्यातील शिरसोली येथे राहणारे सागर पाटील यांना दि. १९ एप्रिल रोजी दुपारच्या सुमारास जून्या घरगुती वादातून गोविंदा पाटील व त्यांच्या साडूची मुलगी निकीता पाटील आणि मुलगा प्रशांत गोविंदा पाटील यांनी मारहाण केली. या मारहाणीत गोविंदा पाटील याने कुऱ्हाडीने सागरच्या डोक्यावर तर निकीता पाटील हीने विळ्याने वार करीत गंभीर जखमी केले. तसेच त्यांना लाथाबुक्क्यांनी देखील मारहाण करण्यात आली. जखमी सागर पाटील यांनी रुग्णालयात उपचार घेतल्यानंतर दि. २१ एप्रिल राजी एमआयडीसी पोलिसात तक्रार दिली. त्यानुसार तिघांविरुद्ध गुन्हा दाखल करण्यात आला आहे. तपास पोहेकॉ धनराज गुळवे हे करीत आहे.
