लाईव्ह महाराष्ट्र न्यूज: बुलडाणा जिल्ह्यातील नांदुरा येथील तहसीलदार राहुल तायडे यांच्या वाहनाला भीषण अपघात झाला. अपघातात तहसीलदार यांच्यासह 2 जण गंभीर जखमी झाले आहे. सुदैवाने कोणतीही जीवितहानी झाली नाही. जखमींवर रुग्ण्यालयात उपचार सुरु आहेत.
बुलढाणा येथील नांदुरा येथील तहसीलदार राहुल तायडेचा अपघात. सकाळी 11 वाजेच्या सुमारास मोताळा येथील वरुड फाट्यावरील अपघात घडला आहे. जिल्हाधिकारी कार्यालयात असलेल्या प्रशिक्षण व एका मिटिंगसाठी बुलडाणा येथे येत असताना अपघात झाला. रस्त्याच्या कडेला खोल नाल्यामध्ये तायडे यांची गाडी कोसळली या कारमध्ये तहसीलदार राहुल तायडे, वाहन चालक व नांदुरा तहसील कार्यालयातील ऑपरेटर पटेल हे होते. जखमींवर बुलडाणा येथे डॉ. भवटे हॉस्पिटलमध्ये उपचार सुरु आहेत. तहसीलदार राहुल तायडे यांची प्रकृती स्थिर असल्याची माहिती डॉ, भवटे यांनी दिली आहे.
