चाळीसगाव : प्रतिनिधी
सामाजिक न्याय व विशेष सहाय विभागांतर्गत चाळीसगाव येथे अनुसूचित जाती व नवबौद्ध मुलां-मुलींकरिता शासकीय निवासी शाळा कार्यरत आहे. या शासकीय निवासी शाळांमधील शिक्षक व शिक्षकेत्तर कर्मचारी यांच्या निवासाची सोय निवासी शाळेच्या आवारातच व्हावी. तसेच, त्यांना निवासी शाळेतील प्रवेशित विद्यार्थ्यांसोबत कायमस्वरूपी राहता यावे, त्यांच्यावर योग्य ते संस्कार करता यावे, यासाठी संबधित शासकीय निवासी शाळेच्या आवारात उपलब्ध असलेल्या मोकळ्या जागेमध्ये कर्मचारी निवासस्थान बांधणे तसेच, विद्यार्थ्यांच्या सर्वांगीण विकासाच्या दृष्टीने त्यांच्या कला, क्रिडा गुणांना वाव देण्याकरिता आवश्यक सोयी-सुविधा निर्माण करणे आवश्यक होते. आमदार मंगेश दादा चव्हाण यांनी देखील या संदर्भात वेळोवेळी शाळेला भेट देऊन सोयी-सुविधा उपलब्ध होण्यासाठी मागणी लाणून धरली केली होती. याबाबत शासनाने शासकीय निवासी शाळेतील शिक्षक/शिक्षकेत्तर कर्मचारी यांचेकरीता निवासस्थान बांधकामासाठी दिनांक 11 जून 2025 च्या शासन निर्णयानुसार रुपये 6 कोटी 67 लक्ष खर्चाच्या प्रशासकीय मान्यता दिली आहे.
त्यामुळे शाळेत कार्यरत असणाऱ्या शिक्षक व शिक्षकेतर कर्मचाऱ्यांना मोठ्या दिलासा मिळाला असून त्यांचे निवासाची व्यवस्था आता शाळेच्या परिसरामध्येच होणार आहे. या निमित्ताने विद्यार्थ्यांच्या देखील शैक्षणिक प्रगतीला हातभार लागणार आहे.
सदर शासकीय निवासी शाळेच्या सोयी सुविधांकरिता तसेच निवासस्थान बांधकाम करिता रूपये ६.६७ कोटी रुपयांच्या निधीस मान्यता दिल्याबद्दल राज्याचे मुख्यमंत्री श्री. देवेंद्र फडणवीस ,उपमुख्यमंत्री श्री, श्री.एकनाथ शिंदे व उपमुख्यमंत्री श्री.अजित दादा पवार व राज्याचे सामाजिक न्याय विभाग मंत्री श्री संजय शिरसाट , राज्यमंत्री माधुरीताई मिसाळ यांचे आभार व्यक्त करतो
आमदार मंगेश दादा चव्हाण
शाळेचा शासनाकडून गौरव, आमदार मंगेश दादांकडून अभिनंदन .
सामाजिक न्याय व विशेष सहाय्य विभागाच्या वतीने देण्यात येणाऱ्या पुरस्कारांमध्ये डॉ.बाबासाहेब आंबेडकर सामाजिक न्याय प्राविण्य पुरस्कार” राज्यात प्रथम क्रमांकाचा पुरस्कार हा चाळीसगाव येथील शासकीय निवासी शाळा मिळाला आहे.नुकताच मुंबई येथे राज्याचे मुख्यमंत्री ,उपमुख्यमंत्री, व सामाजिक न्याय विभाग मंत्री यांच्या उपस्थितीत पुरस्कार शाळेत प्रदान करण्यात आला आहे. त्याबद्दल तर आमदार मंगेश दादा चव्हाण यांनी जळगाव समाज कल्याण विभागाचे सहाय्यक आयुक्त श्री योगेशसिंग पाटील , मुख्याध्यापिका श्रीमती सोनाली महाजन यांच्यासह सर्व शिक्षक व शिक्षकेतर कर्मचारी यांचे अभिनंदन केले आहे.
