जळगाव : प्रतिनिधी
बेकायदेशीरपणे गॅस विक्रीसाठी एकाच ठिकाणी तब्बल ५० भरलेल्या गॅस सिलिंडरसह तीन रिकामे सिलिंडर, मोटार व इतर साहित्यही एमआयडीसी पोलिसांनी जप्त केले आहे. ही कारवाई ८ फेब्रुवारी रोजी रात्री रामेश्वर कॉलनीत करण्यात आली. या प्रकरणी एका जणाविरुद्ध गुन्हा दाखल आहे.
रामेश्वर कॉलनीतील राजपूत गल्लीमध्ये घर क्रमांक ३५ येथे किरण भागवत पाटील (५१) याने बेकायदेशीर गॅस विक्रीसाठी सिलिंडरचा साठा करून ठेवला होता. त्या ठिकाणी एमआयडीसी पोलिसांनी छापा टाकला असता तेथे गॅस विक्रीच्या उद्देशाने सिलिंडरचा साठा करून ठेवल्याचे आढळले. त्यात २९ व्यावसायिक, २१ घरगुती भरलेले असे एकूण ५० भरलेले सिलिंडर आढळन आले.
