जळगाव : प्रतिनिधी
गेल्या ४ दिवसांपासून घरून बेपत्ता असलेले बंडू रामराव पाटील (४१, रा. आसोदा, ता. जळगाव) हे नशिराबाद येथील शेतातील विहिरीत मृतावस्थेत आढळले. ही घटना ८ ऑक्टोबर रोजी उघडकीस आली. या प्रकरणी नशिराबाद पोलिस ठाण्यात अकस्मात मृत्यूची नोंद करण्यात आली आहे.
८ ऑक्टोबर रोजी नशिराबाद येथील जिनिंगजवळील एका शेतातील विहिरीजवळ शेतकरी टँकरमध्ये पाणी भरण्यासाठी गेले असता तेथे दुर्गंधी आली. त्यांनी विहिरीत पाहिले असता त्यात एक जण तरंगताना आढळला. त्यांनी नशिराबाद पोलिसांना माहिती दिली असता पोहेकॉ योगेश खडके हे घटनास्थळी पोहोचले. त्यांनी प्रौढास शासकीय वैद्यकीय महाविद्यालय व रुग्णालयात दाखल केले असता डॉक्टरांनी मृत घोषित केले.
