धरणगाव : प्रतिनिधी
जुन्या घराची सौदा पावती करून एक कोटी १५ लाख रुपये घेऊनही मिळकतीची खरेदी करून देण्यास टाळाटाळ करून बांधकाम व्यावसायिक सुनील मधुकर चौधरी (५२, रा. धरणगाव) यांची फसवणूक करण्यात आली. खरेदी होत नसल्याने रक्कम परत मागितल्यानंतर त्यांना जिवे ठार मारण्याची धमकी देण्यात आली. हा प्रकार १५ मे २०२३ ते ३ फेब्रुवारी २०२५ दरम्यान घडला. या प्रकरणी शहर पोलिस ठाण्यात १३ जणांविरुद्ध गुन्हा दाखल करण्यात आला आहे.
जळगाव महापालिका हद्दीतील सिटी सर्व्हे क्रमांक २११२/६० या जुन्या बांधीव घराचा व्यवहार ठरवून सौदा पावती करण्यात आली. त्यासाठी चौधरी यांच्याकडून समोरील व्यक्तींनी एक कोटी १५ लाख रुपये घेऊन करारनामा केला. त्यानंतर मिळकतीची खरेदी करून देण्यास टाळाटाळ केली जाऊ लागली. चौधरी यांनी दिलेले एक कोटी १५ लाख रुपये परत मागितले. मात्र त्यांना जिवे ठार मारण्याची धमकी देण्यात आली. पाठपुरावा करून खरेदी होत तर नव्हतीच शिवाय रक्कमही परत मिळत नसल्याने आर्थिक फसवणूक झाली म्हणून सुनील चौधरी यांनी शहर पोलिसात फिर्याद दिली.
