भुसावळ : प्रतिनिधी
रेल्वे स्थानकावर स्कॅनिंग मशीनमध्ये बॅग तपासणी करत असताना आरोपी समीर खान जमील खान (वय २५, रा. चंदोला, अहमदाबाद) याच्याकडील बॅगमध्ये चार किलो गांजा मिळून आला. हा गांजा चाळीस हजार रुपये किमतीचा होता.
जीआरपीचे रफिक शेख, अतुल कराळे आणि राज्य उत्पादन शुल्क विभागाचे सुनील कपाटे हे बेंग स्कॅनिंग मशीनजवळ तपासणी करत होते. त्यावेळी त्यांना संशयिताच्या बॅगेत ओला गांजा मिळून आला. त्यांनी तातडीने आरपीएफचे सहायक सुरक्षा आयुक्त अशोक कुमार यांना माहिती दिली. त्यानंतर गांजा जप्त करण्यात आला. पुढील तपास पोलिस निरीक्षक सुधीर धायरकर करीत आहेत.
