जळगाव : प्रतिनिधी
गुजरात येथील वलसाड शहरातील जलाराम इंडस्ट्रियल पार्क परिसरात एका व्यक्तीचा खून करून पळालेल्या पती-पत्नीला जळगाव स्टेशन येथील रेल्वे पोलिसांनी अमदाबाद-हावडा एक्स्प्रेसच्या सामान्य डब्यातून प्रवास करताना गुरुवारी सकाळी दहा वाजता पकडले.
मिळालेल्या माहितीनुसार, विकास उर्फ बुधन मांझी, वय-३० वर्षे, पत्ता-कुन्हाडीह, पोस्ट मथुरापूर, बिहार, व चंपा देवी, (वय-३४) अशी या दोघा संशयितांची नावे असून त्यांना गुजरात पोलिसांच्या स्वाधीन केले आहे. पोलीस निरीक्षक ज्ञानेश्वर पाटील यांच्या मार्गदर्शनाखाली सहाय्यक पोलीस निरीक्षक मोहित कुमार, कॉन्स्टेबल पंकज वाघ, एसपी गिरी आणि सीआयबी भुसावळचे कर्मचारी एएसआय शिवानंद गीते यांनी ही कारवाई केली.
